tinacheung612的個人專頁

放假突登黎呢度hea下，當日都唔會好多人😙食物方面選擇唔算好多🤣🤣-Super Good English Breakfast $138-Spaghetti w/ Mushroom & Chicken In Cream Sauce $118-Latte (Hot) $40-Summer Punch $48…查看更多

終於等到佢地有堂食店，店舖裝修比較簡單，而想堂食就要係門口叫左野食先可以入去坐。涼皮+錢錢肚 $46涼皮多汁夠凍同超級滑，金錢肚切片咁樣就唔會好韌👍🏻同埋都夠入味。涼皮+豬耳 $46仲有大量青瓜絲，豬耳都好爽口👍🏻👍🏻…查看更多

放假想帶埋狗狗一齊出去食野同佢行下玩下，就會諗到黎呢個商場，我地是但就入左呢間咖啡店試一試佢，佢地仲會有寵物食物大家都可以帶埋你地嘅毛孩黎試吓😍芝士燒烤菇 •黑松露忌廉天使麵 $108燒大啡菇好juicy但略嫌芝士味唔夠濃，配料包括法邊豆、洋蔥、野菌，整體好有黑松露味，而天使麵比起平時嘅意粉幼食落無咁濟，亦都做到掛汁效果。Flat White跟餐 +$15咖啡一般偏苦澀，奶唔夠香。All day breakfast 全日早餐 $148薯餅/牛乳滑蛋 /茄汁豆 /煙肉/ 豬肉腸/燒烤菇/多士/田園沙律。滑蛋炒得滑嫩，煙肉唔會過鹹過乾，多士脆口，沙律夠新鮮配上沙律醋唔錯。…查看更多

同朋友食飯想食西餐就比我發現呢間西餐cafe😍😍book左7:30當晚都見到餐廳勁full🤣好耐無見過細鋪都咁full，好彩book左位等左一陣就入得啦😍我地見到佢有個2人set menu 好抵食😍但朋友其中一樣主菜唔係咁岩食所以最後我地揀左Dinner set😍好快就黎左餐湯同餐飲南瓜忌廉湯-飲落有淡淡嘅南瓜味好易入口。蜜糖柚子雞翼追加 $38好大隻食落又脆口，每一啖都有甜甜地嘅柚子味。牛油炒雜菌追加 $28好香好濃嘅牛油味雜菌。美國安格斯肉眼牛扒 $228肥瘦兼有肉眼扒超大塊煎得很香口，我地叫左五成熟切開粉嫩的牛肉流出濃濃肉汁好Juicy，另配上紅酒汁同芥末醬。意式香蒜白酒煮蜆扁意粉 $112蜆好大隻食落好鮮甜帶有好濃嘅白酒味，意粉炒得乾身配埋三色椒一齊食帶清甜味。朱古力心太軟伴雪糕 $48憐太軟外表硬身內裏做到有少少流心既朱古力漿，熱騰騰既口感再配上一個冰凍嘅雲呢拿雪糕，甜而不膩。伯爵茶麻糬Tiramisu $48伯爵茶味好出，加左軟糯麻糬令到tiramisu口感變得不一樣😍特別又好食😍另外想讚賞一下，員工服務很好👍🏻…查看更多

放工係地鐵站行過見到呢間店新開就入黎試吓，佢地主打日式定食，所以我地就叫左兩個定食試一試佢😋😋😋燒牛小排定食 $128茶碗蒸唔夠熱但就好夠滑，麵豉湯味道岩岩好唔會過鹹，而牛小排有9塊都正常，個配菜唔知咩黎超難食🥶呢個價錢好多平價地方都食到。吉列厚切豬扒定食 $115厚切豬排肉質紮實但就無乜豬味味，所有野都係正常水準。…查看更多

之前朋友係KKday見到呢間lunch Omakase做緊優惠，我地即刻買左黎試一試😍😍尖沙咀地鐵站附近都好易搵👍🏻內裏裝修好日本風😍😍Lunch Omakase 18品 $334前菜兩品日本時令帶子姿造手握壽司10貫手卷夭婦羅吸物甜品體驗黎講食物質素不過不失👍🏻最特別係個炸魚，佢連埋魚鱗一齊炸食落好脆口👍🏻👍🏻中拖入口即溶😍😍係一個性價比高嘅店舖👍🏻👍🏻另外職員服務態度很好👍🏻會幫忙推櫈同鎖袋👍🏻…查看更多

同朋友想搵個地方靜靜地傾下計，就搵到呢間餐廳重點係佢個tea set 好平😍仲會有個放大鏡比我地搵番啲食物名出黎😍Afternoon Tea Set for two $308鹹點- 牛肉焦糖洋蔥薄脆多士，一開始以為係炸蝦餅，點之原來係多士幾特別，食落似肉醬。- 炸墨汁卷，香脆鮮美，墨汁味道濃郁同好Q彈。- 青檸七味蝦撻，蝦肉好扎實彈牙，裏面有蘑菇白汁食落好夾。- 椰絲照燒雞鎚，雞鎚炸到好脆偏少少鹹。甜點- 芝麻英式鬆餅-芝麻好香餅夠鬆軟。- 抹茶芝士餅-淡淡抺茶味質地綿滑- 提拉米蘇-好軟好creamy。- 芒果卷-上面個桃好甜而成個卷都好重芒果味。辣味蟹肉撻 蟹肉味香濃食落好有鹹香微辣味而撻皮夠鬆化。另外叫左杯招牌水果茶，很好飲…查看更多

有朋友生日話想食呢間新開打卡餐廳，咁我地就黎試下，我地好好彩早一日book到比到星空座位我地😍😍但入座只有90分鐘，最好笑嘅係我地落單到啲食物黎到都差唔多1個鐘飲品都等左9個字不過佢地無吹我地交枱嘅。佢地連個餐牌都識發光，做到好細心法國生蠔拼盤6隻 $358蠔由淡中濃味每款2隻，淡味突出個蠔嘅鮮味，中間就岩岩好鮮加海水味都有，而濃味就勁海水味，全部都好新鮮。鮮拆蟹肉牛油果芒果卷 $178蟹肉好新鮮好鮮甜一咬落去就食到個種蟹肉嘅甜味，點埋芒果汁更加開胃，但份量好少得4粒。意大利餃子手工薄餅 $138意大利手工薄餅似一隻巨大餃子，餃子內有火腿片，肉醬和水牛芝士,餅皮好香脆,似食緊肉醬pizza。燒法國黃油雞 $228黃油雞經過烤焗之後，帶出了雞内的香味，食落雞肉好滑。18小時慢煮美國安枱斯牛小排配法式薯蓉 $248慢煮牛小排食落軟稔易咬，但就唔夠重牛味，伴薯容食都好食。Saturn $98有菠蘿汁、橙汁、百香果泥、檸檬汁嘅茶，味道唔錯。星座生日蛋糕 $148見隔離枱叫我地又叫，點知一開蓋原來得1小件Cake味道正常，但價錢太貴。最後想講職員服務態度非常唔好，叫左好多次想落單都唔理我地，跟住我地大聲叫佢地有個女嘅態度差差地咁應我地叫我地等陣話轉頭黎，但最後都係無黎最後叫左起碼3次先有人黎…查看更多

黎開太子搵野食比我搵到呢間米線，做緊優惠第二碗半價，所以就黎試一試😋😋-花雕醉雞米線 $55湯底花雕酒味勁濃，而雞係用左雞髀肉食落嫩滑同啖啖肉，食嘅時間飲埋佢個湯，食完個人都feel到熱熱地😂😂證明花雕酒都真係幾多下😂😂-胡椒豬肚雞米線第二碗半價 $28湯底用勁多黑胡椒粒同白胡椒個味勁出，豬肚煙靭有咬口，配埋黑木耳蟲草花食，好養身。-麻辣涼拌青瓜 $13麻辣味唔多夠。-送6 Dee 雞翼用左少量炸粉炸過，味道還好。…查看更多

同朋友出完街見到呢間新開炸雞店就入黎試吓😍😍店內裝修風格都好韓式😍😍食物種類都算多。-半半炸雞（原味/辣醬） $208原味炸雞外脆內嫩食落口感鮮嫩，雞身唔會好多油份，炸雞粉亦厚薄適中,咬落香脆，仲保留到雞肉既肉汁，而辣醬味唔會係以往甜辣口感，而係辣為主食落偏辣而口感係辣得好過癮，唔係好食得辣嘅朋友仔會覺得太辣。-白切五花腩 $288五花腩放係爐上隔水蒸，不但可以保持微溫仲可以保持肉質濕潤，而白切五花腩本來就已經醃過，鹹鹹的五花腩脂肪同瘦肉嘅比例各佔一半，點埋韓式辣醬再加上生菜包住黎食，食落唔油又唔膩。-紫菜手抓飯 $88飯上面好多紫菜同蟹籽～超足料，仲有得玩可以帶手套將飯撈埋再搓圓，之後加埋芝士片一齊食。…查看更多

好耐之前都已經去過銅鑼灣嗰間鋪到食過一次都已經覺得好好食，今次佢地開埋黎旺角就梗係要再回味下😍😍成間店嘅裝修同之前個啲都係一樣👍🏻莞荽辣麻味噌拉麵 $115 追加玉米筍 $15拉麵叫左中辣中麻，本人覺得都唔會好辣同麻，似出面嘅少辣咁樣🤣🤣而莞荽既份量超多聞落唔會太濃芫茜味，食落同個湯底都好夾😍😍最後食到落底都仲有莞荽係到👍🏻而玉米筍爽口濃濃玉米味👍🏻👍🏻味玉辣麻味噌拉麵 $105 追加味玉 $15呢碗就叫左小辣小麻，食落就完全唔麻辣🤣而粗麵條具煙韌感食落做到有掛湯感👍🏻肥美嘅叉燒有8成肥2成肉😍食落絕對軟腍，燜得入味唔難咬 完全食到肥瘦均匀口感👍🏻而隻糖心蛋，蛋黃顏色勁靚😍做到半孰流心😍蛋味香濃，味道也很入味😍😍…查看更多

呢間一人燒肉店好適合食唔多野嘅朋友仔👍🏻平時出面任食都要$300起但又食唔多野好蝕，而呢間肉嘅質素都唔差😍😍最好嘅係連飯都有大中小飯揀，咁就唔怕食唔哂👍🏻價錢只係百幾蚊，真係超值！😍😍…查看更多

約左朋友行尖沙咀，行街前搵間coffee shop食下brunch傾下偈🥰就搵到呢間店試一試😍😍睇menu都有好多唔同選擇😍最後揀左兩款share食😍-The Alchemy All Day Breakfast $145超大份又好豐富既全日早餐~有牛角包、焗薯仔、煙肉、腸仔、炒蛋、蘑菇、密瓜😍炒蛋蛋味重但偏少少鹹，蘑菇好香夠juicy，煙肉煎到脆卜卜好香口，焗薯仔黑椒味濃好夠味，牛角包好鬆軟，而密瓜超級甜，食完好滿意🥰-厚切意大利煙肉配卡邦尼意粉 $106厚切煙肉大粒唔會鹹,意粉粗身煙煙韌韌有咬口，醬汁勁多勁creamy做到有掛汁效果😍😍-Latte (Iced) $46咖啡味十分濃郁飲落都好滑口☕️-Homemade Lemonade $45酸酸地嘅檸檬加左蜜糖，中和番個酸味又帶有少少甜甜地，好解渴👍🏻…查看更多

假日去開灣仔是但入間茶餐廳就黎左呢度試下。入去發現呢間餐廳比平時嘅係貴少少，不過可以接受嘅😂呢啲新或茶餐廳都係掃QR code落單- 五香肉丁出前一丁現火腿奄列 $55足料正常嘅常餐，但假日無得配飲品，要另外單叫。蔥油Double雞扒飯 $68雞扒2塊都好大塊煎得香脆肉滑，蔥油好香但成碟飯底好油。…查看更多

上網見到新開呢間賣可愛嘅雞蛋仔店即刻過黎試一試😍😍店舖位置距離深水埗嘅地鐵站都幾遠下，太子站行過去會近少少。去到人唔算多，佢地嘅所有食物都係即叫即整，所以就等左5-10分鐘。整完出黎實在太可愛啦😍🤣- 朱古力心太軟 $38做到有流心效果，又唔會好甜😋- 爆醬吉士 $40食落成口滿滿吉士醬😋- 抹茶紅豆麻糬 $40啖啖紅豆加上煙靭嘅麻糬，鍾意食紅豆嘅朋友一定會鍾意食。等緊嘅其間發現仲有車輛餅都多人叫，下次可以試吓😍😍…查看更多