Kalu的個人專頁

我由細到大，都超鍾意❤️食熱辣辣嘢！尤其對中菜，更加有呢方面嘅執著～味苑呢排推出🥘🔥冬日暖心鍋，滿足哂我嘅需要，等我係屋企，都可以熱辣辣咁嘆住好味菜餚～今次外賣暖心鍋系列，店員會俾埋發熱包，只需將發熱包放在外賣盒中，加室溫水，關蓋10分鐘就完成加熱～期間會有蒸氣，千祈唔好俾小朋友接近呀，以免辣親～～7款鍋物，各有千秋～川味水煮牛肉 $108愛辣之人大推，麻及辣並重，加左蒜蓉，讓味道層次更上一層樓！牛肉好嫩滑，麵筋吸入湯汁，每一啖辣得過癮～秘製酸菜魚 $118呢個魚肉冇骨，岩哂怕魚骨嘅我、呢味餸嘅酸度剛剛好，每一啖都好醒神～魚香茄子海參煲 $128海參又大又厚，大件夾抵食！茄子🍆保留到原色，口感軟糯，配埋醬汁一齊食，真心超送飯🍚🍚🍚台式三杯滑雞球 $98呢個菜好有鑊氣，雞肉超入味！北菰紅燒豆腐 $88紅燒豆腐每個漲卜卜，外皮煎到好香口，入面超級嫩滑，我食到停唔到口～～鮮胡椒牛肋排 $148牛肋排肉質軟嫩，油脂分布剛剛好，配合鮮胡椒粒，讓餸菜開胃又醒神～～一人盆菜 $228 (預早一天預訂)呢個好足料，有鮑魚、髮菜、節瓜釀瑤柱、大蝦🍤等名貴食材～餸菜味道入味，食材新鮮✊✊✊…查看更多

味苑嘅小菜真心出色又有創意，將一味菜用2種方式呈現，除左賣相一流之外，味道更係驚為天人🤤🤤🤤「醉香流心蛋併胡麻茄子塔」流心蛋非常考功夫，烹煮時間稍有不慎，就做唔到流心效果！味苑嘅流心蛋，蛋黃處理得剛剛好！帶淡淡酒香～茄子爽甜配香濃胡麻醬，非常開胃～～「上湯虎蝦鴛鴦底」卡樂B 最愛虎蝦真心有成隻手掌咁大，而且蝦膏好澎湃，蝦肉好厚身，口感爽彈，味道好鮮甜～麵底更有齊傳統伊麵及炸米粉餅！麵條充分吸收蝦汁及上湯，每一口都非常惹味！「潮爆鴛鴦咕嚕肉」咕嚕肉都可以作出變化，除左傳統用茄汁作為主調之外，大廚更大膽使用黑醋作咕嚕肉，味道層次更濃厚及豐富！「雙弄牛魔王」卡樂爸最愛牛腩平時用炆燉為主，今次味苑用黑椒及油炸方式呈上！老實講，咁大個女第一次食炸腩，外皮粉漿好香脆，超驚喜牛腩肉質好嫩滑～真心推薦～~「羊肚菌螺頭燉豬展」燉湯落足料，湯頭清甜，夠哂補身及營養岩哂我呢個人奶媽～～～「太極骨香海星班」師傳功力深厚，海星班肉質鮮嫩！卡樂B都食左好多呀～～「松露鮑魚一口飯」LULU 最愛鮑魚相當厚肉，口感夠哂Q彈，再配埋充滿松露香氣嘅飯，真心好味呀！「味苑鴛鴦走地雞」雞味濃郁突出，無論豉油及白切雞都非常出色，有水準！「鴛鴦炒飯」小時候在酒樓最期待家人叫鴛鴦炒飯，因一次過可以品嚐2種飯，味苑嘅鴛鴦炒飯夠哂鑊氣，淋上面嘅茄汁雞柳及白汁塘翠蝦仁都好好味，令人食個不停😆「桂花菊花豆腐花」師傅刀功真心出色，豆腐切千刀塑造成菊花型，超有美感，再配於桂花味糖水，甜而不膩！…查看更多

自助餐最開心就可以成班一齊食，大家食住野有傾有講，不知不覺就渡過左2個半鐘！上星期，我埋其他媽媽及小朋友，一齊到Harbour Plaza 8 Degrees 8度海逸酒店品嚐「夏日海鮮狂熱自助晚餐」～由冷盤到熱盤到甜品都非常出色😊自製沙律有好多款蔬菜選擇，新鮮鮮甜！其他冷盤買相精緻，款式多，夏天食最舒服～熱盤都有好多選擇！烤雞有意外驚喜呀～甜品更是重點必食項目！由凍餅到Jelly到海綿蛋糕，樣樣齊～成個自助餐仲有以下驚喜任食即開生蠔生蠔有2款，分別來自美國及法國！美國生蠔入口非常清新帶甜，肉質肥美，味道相對比較清純～法國生蠔海水味比較濃郁，油脂比較豐富，爽甜肥美！意式煲仔白酒煮藍青口呢個即叫即煮，賣相好之餘，味道都好正！湯汁最鮮美，一定要飲哂佢！花膠北菇螺頭燉雞真係有大大塊花膠，絕不欺場！燉湯火喉十足，滴滴精華，好飲到飲左2碗！超推介！優質精選海鮮包括有波士頓龍蝦、皇后蟹腳、海蝦、青口等等，食材非常新鮮，可以品嚐到海鮮鮮甜味道，口感爽口彈牙！最愛皇后蟹腳，肉質鮮美，啖啖肉～～皇牌芒果拿破崙呢個酒店皇牌甜品必食，芒果夠香甜，吉士香滑，甜度剛剛好，酥皮夠哂香脆而不油膩，一定要留肚食！即製榴槤班戟榴槤迷必食，非常creamy，入口散發出榴槤獨立香氣！　Häagen-Dazs 雪糕任食我本身好鐘意食雪糕，所以可以任食Häagen-Dazs 雪糕，真心滿足！…查看更多

近日確實又有太多的不安同煩躁，於是放工決定與友人快速傾傾同聚聚。為了盡快回家接乖囡囡，於是決定到沙田 - 叉燒大王晚餐。點了三個小菜，外加每人一碗瀨粉，份量十足，相當飽肚。 叉燒 - 例牌 叉燒賣相不俗，色澤均勻。叉燒雖然看似比較瘦，不過食落去一點都不乾柴，反而相當軟腍。而且，外皮燒得有點脆脆加香口，令人有一食再食的衝動~~蜜汁亦令人相當有記憶點，甜度適中，為叉燒加了不少分數。 水煮牛肉 呢款水煮牛肉香氣十足，牛肉好嫩滑。味道比較香辣， 而底下的粉絲索盡辣汁。而且當中有芽菜，增加口感，Yummy Yummy~~避風塘蝦膠釀蓮藕餅 朋友喜歡避風塘系列，於是建議點避風塘蝦膠釀蓮藕餅，真的非常不錯。蝦膠釀蓮藕工序，一點都不簡單，相當費時考功夫。即叫即炸，外皮香脆有聲。沒想到辣勁十足，每吃一口，口腔就被麻辣蔓延，好過癮!!湯瀨 老實說，香港好多餐廳都沒有瀨粉~~難得此家有，點都要試試~~瀨粉比想像中幼身，比較吸湯，湯底味道清甜 ^_^…查看更多

是日到東京一番食放題，約了一位女孩子同行。到步後才發現店內進行「嬲」- 2男1女同行優惠 早知各自帶另一半出席，錯過了優惠 T.T剛坐下不久，刺身船駕到！ 造型相當架勢，鐵塔不斷閃閃發光，而且份量好多！ 刺身款式相當多，包括三文魚、吞拿魚、赤貝、馬刀貝等等。 食材亦非常新鮮，各類生魚片大塊兼厚切，不錯不錯！ 我與友人身為牛魔女，當然會點一口牛，慢慢品嘗。 大讚牛肉沒有用梳打粉「LA」過，反而吃出牛的原汁原味。 再配於香濃炸蒜，加少少蔥花。Yummy!! 日式焗帆立貝亦都不錯，材料新解，簡單煮法已經可以突出食材鮮味。 炸物款式比較特別，包括有榴槤角及香芋丸~~榴槤香芋迷可以狂食，滿足一下~~ 榴槤角內餡充滿滿滿的榴槤蓉，而且一咬下去，外表酥脆，榴槤飄香~~一食難忘！ 香芋丸同樣不錯，熱騰騰上碟，外表香脆再搭配香芋餡，真的很滿足。 燒物方面，點了虎蝦及菠蘿。虎蝦相當大隻，而且肉質彈牙！菠蘿真心好有驚喜，甜甜酸酸好Juicy，又帶幾分燒烤香氣。 …查看更多

一年365日，無論天氣凍，又或者天氣熱，真的完全無阻我去打邊爐的決心😈今日同朋友仔到Hotspot 打邊爐，一人一鍋，夠哂衛生！我們 2 人都喜歡食辣，所以都點了充滿辣辣風情小鍋。麻辣肥牛鍋 －中辣 鍋物材料好豐富，包括蜂窩豆腐、腐皮、蟹柳、娃娃菜、公仔麵、金菇、貢丸、豬紅、肥牛、花枝丸、飛魚籽魚蛋腸、蜆～～ 肥牛雪花分佈平均，豬紅好入味！湯底辣度足，呷一口湯，辣味在喉嚨久久不散，絕對過癮! 飛魚籽魚蛋腸相當彈牙，入面魚籽「SHA SHA」聲，相當有咬口～～ 蜂窩豆腐絕對出色，豆味十足，其小孔吸盡麻辣湯精華，讚呀！ 公仔麵真的是每次打邊爐必備！！！！ 冬蔭公海鮮鍋 材料一樣豐富，包括娃娃菜、公仔麵、金菇、粟米、斑片、蜂窩豆腐、蜆、蝦、蟹柳、墨魚仔、名門卷、腐皮、花枝丸、芋頭天婦羅、麻吉燒。 有一隻新鮮蛋點綴，真的相當不錯，讓帶濃郁椰香的冬蔭公，多幾分蛋香。 蝦都幾大隻！肉質都幾鮮甜～～ 蜆好新鮮，連埋冬蔭公一齊食相當夾～～ 兩個鍋本身已經好夠味，所以都不用再額外沾醬食～ 小鍋火力十足，不用擔心不夠滾問題～～ 每一個鍋配一碗飯，份量十足，一定可以飽肚離座～～ 店內有台式飲品供應，左）珍珠奶茶 右）青娃撞奶 珍珠奶茶甜度剛剛好，茶與奶比例合宜 青娃撞奶甜度有點過火，如果稍為再調整下就好啦～ …查看更多

作為在職媽媽，只要不用上班的日子，我都與卡樂B 賴在一起。是日結束教會聚會後，到熊小館與卡樂B用餐，齊齊被熊熊包圍。熊熊純真的眼神，相當療癒 😀 穿上水手服的熊熊超可愛，好想把它帶回家。 在現場拍了很多照片，好不容易拍下一張卡樂B 沒有搶熊熊的合照。 我在研究餐牌之際，卡樂B 也很乖乖地一齊睇呢。看來卡樂B 也很想嘗試餐廳內的美食呢，可惜年紀還太少，消化系統還未ready呢。 店家很細心，一order 好食物，就為卡樂B 派發寶寶餐具。卡樂B覺得非常新奇呢，不斷咬湯匙。 我點了充滿童趣的意粉全餐，感覺上好像兒童餐，裡面全是小朋友喜歡吃的食物，一次過可以品嘗意粉、薯仔、腸仔及雞，好吸引呀！ 肉醬意粉真的不錯，熱辣辣上碟，酸甜度適中。 雞翼沒有雪藏味，皮脆肉滑，Yummy~~ 卡樂爸點了牛柳粒配紅飯伴沙律，色香味齊全，牛柳粒夠鑊氣，肉質不錯且口感厚實。 如果紅飯蒜味可能增多一點就好了。 我最最最喜歡爆醬蛋吐司，吐司塗上滿滿牛油後，經過烘焙後，變得相當酥脆，再加上蛋液爆醬而出，吐司沾滿香濃蛋液，真的很過癮。 卡樂爸最愛心太軟，外脆內軟，切開後會有熱騰騰且香濃的朱古力漿流出，品嘗後，好像有一股暖流湧上心頭，為自己打打氣。 …查看更多

早幾日，見到Post有人分享此處蝦湯麵有其過人之處。於是，立即找時間尋寶品嘗。三少爺蝦湯麵果然沒有令人失望! 蝦新鮮又爽口，湯底相當鮮甜濃郁，蝦味不斷湧現，相信店家用了很多蝦殼及蝦頭才可以熬出這個好湯底，真材實料。 入面的米粉及豆卜吸收湯的精華，每一口都相當有蝦味。豬腩肉滷得好入味，豬皮口感QQ，有驚喜！朋友點了芝士蝦春卷喇沙，欣賞餸及湯粉分開上。 芝士蝦春卷外表炸得金黃酥脆，蝦爽口彈牙，再加芝士爆漿，口感好豐富！金邊粉厚度適中，好順滑，吸湯一流。而喇沙湯底香料味突出，味道比相像中辣。見餐牌有邪惡的炸雞脾，我又抵受不住誘惑，點了與朋友開心分享。 雞皮香脆，內裡保留滿滿雞油，雞肉又嫩滑，好味！吃了那麼多濃味食物，最後以胡麻豆腐沙律作結。 豆腐配胡麻醬乃是不敗組合，味道好夾。沙律菜沒有苦味，整體不錯。…查看更多

後知後覺嘅我，上星期先知觀塘開左三多，於是我就好瘋狂連食2日。DAY 1:炸肶配意粉 WOW…炸肶好巨型，有成個手掌咁大！ 即叫即炸，夠哂新鮮，堅脆口！一咬落去係有za za 聲！而炸粉厚度剛剛好，唔會多粉到叫救命。雞肉肉質好嫩滑，好Juicy，一咬落去有少少雞油滲出，好食到不得了！意粉係好有驚喜，初時我以為白烚冇味意粉，點知竟然係舊式茶餐廳茄汁意，相對比較甜。呢個組合令我回想起，以前細個我老豆一放假，我鐘意叫炸肶茄汁意俾我食 DAY 2: 滷水肶配飯 諗住第一日食左炸肶，如果第二日再食一定好熱氣，咁就叫個滷水肶啦！ 一上碟滷水肶又係好巨型，同樣有成個手掌咁大。呢個滷水肶真係好出色，成隻肶色水好靚，雞皮滿有光澤。而且呢隻滷水肶熱上之餘，仲可以保留到鮮嫩肉質，睇黎火喉真係控制得幾好。一口飯一口肉，唔夠15分鐘，我就食哂成碟飯。證明係好味如果你問我，我覺得三多滷水肶 比 炸肶更出色，有一種薑越老越辣FEEL！…查看更多

上星期面臨韓文Oral 考試，加上有些家事需處理，心情真係好緊張。於是到屋企附近 CJ Cafe 食好東西，點左個漢堡 + 湯 + 飲品 + 甜品，補充能量，再上路考試。Cafe 比想像中大，我初時以為得2-3個位。環境都幾舒服，有自然火透入餐廳，用餐時心情都開朗D，睇黎下次約多幾個朋友都冇問題啦！ 忌廉蘑菇湯 味道比較清淡，蘑菇量算多，如果口感可以做得濃厚少少就好啦。黑松露芝士牛肉漢堡 配 薯條 真心想講岩岩炸出黎嘅粗薯，外脆內軟，表面有少少鹽花增添風味，幾時都咁吸引！我有少少估唔到漢堡會選用牛角包，都真係好驚喜。漢堡目測都有寸厚，多汁鬆軟，唔錯！入面配上酸瓜、蕃茄、生菜，令成個包冇咁heavy!特別想講酸瓜夠酸夠脆，好醒胃！藍蝶水晶西柚特飲 一直都想飲有關於藍蝶系列嘅飲品，印象中馬鞍山只有呢度先有。特飲紫色漸變真係好靚，加入西柚汁酸酸地，好清新。法式焦糖燉蛋 呢個甜品外冷內熱，蛋味濃郁，入面燉蛋口感好順滑，加埋上面脆卜卜焦糖，真係好滿足。---------------------------CJ Cafe馬鞍山鞍駿街33號馬鞍山游泳池餐廳…查看更多

有時Lunch 冇咩胃口，諗唔到食咩，麵又食唔落，粥又唔太想食，飯又更加唔想諗~~如果去Cafe 買沙律、三文治加杯咖啡又唔平！漫冇目的行行下，無意間發現左呢一間小店，有甜品有飛碟食，夠哂輕盈。Order左薑汁撞奶 + 芝士鹹牛飛碟 ，$34 落到樓，平靚正。薑汁撞奶幾有料到，無蒸、焗、燉，即叫即撞。 每一啖薑味不斷湧完，辣辣地。口感相當順滑。係呢個略有寒意的冬天，食完暖粒粒，驅走寒氣。芝士鹹牛又係即叫即整，幾有誠意。 麵包烘到脆卜卜，入面餡料熱辣辣。如果芝士比例多返少少，做到少少拉絲效果，咁就完美啦。…查看更多

星期五我又遲收工，肚又餓，貼心老公就過黎觀塘搵我食晚飯，之後一齊接乖囡囡返屋企。細個時，唔太鐘意食梅菜扣肉，不過人大個，口味轉變左，變得越黎越鐘意食。梅菜扣肉看似平實，不過其實要整係相當考功夫！ 呢間整得好出色！五花腩油脂分佈剛好，不會太乾柴，不會太油膩，煮得好入味，肉質鬆化，入口即溶，口感QQ 軟糯 ，配梅菜食相當香甜，一口肉一口梅菜一口飯，絕配！眨下眼食碗飯食哂。 黎太爺雞食飯，無理由唔點太爺雞。雞皮色水好靚，好有光澤，而雞肉好滑，唔錯！ 太爺豬手不得了，涼浸浸上碟，汁料蒜味爆濃，花椒味香，帶酸帶辣，好開胃的一道小食！再者豬手皮爽口彈牙，筋位Q彈，老公食到停唔到口，爭D冇得食。hahahaha!最後重頭戲，點左12頭南非乾鮑扣鵝掌海蔘開心下。 海蔘爽脆有營養，鵝掌腍滑入味，鮑魚都算好大隻，YUMMY YUMMY。…查看更多

上星期閏蜜生日，為她預備了一點小驚喜，到樂園用餐慶祝。 一坐底，就見到桌上預備了小糖果，一點小小心意，足以令人好窩心 ^_^ 我點了特濃金莎朱古力雪冰，超巨型！足足可以分到2杯，朱古力味濃，沙冰都幾幼滑。 朋友點了杯榛子朱古力，佢覺得難得唔會太甜。 點了廚師發板，共有8樣食物，擺盤相當精緻，好喜歡用了鮮花伴碟。 小插曲︰本想寫朋友生日祝福語，不過佢靜雞雞同餐廳改Message，話想多謝我成日煮飯俾佢食，感動之餘又有D激氣，明明佢先係主角。 本身對鵝肝不太有好感，不過今次食又OK! 多士好香脆，鵝肝入口即溶，好creamy！重點冇太多騷味。 大蝦好香，夠爽口！肉質爽身唔會霉。 安格斯牛柳香味足，食得出冇落鬆肉粉，油脂分佈剛剛好，唔會鞋口。再加點炸蒜點綴，真係唔錯。 大大粒煎帶子配上牛油檸檬汁，好醒神，好Juicy！ 沙律爽口新鮮，配少少芝麻醬開胃健康！煙三文魚滿滿煙熏的香味，口感嫩滑，都算幾厚，脂肪少，用料幾好！螺肉鮮甜、爽脆、彈牙，好驚喜。 閏蜜最鐘意食雪糕，於是就準備左怪獸雪糕代替蛋糕慶祝，真係超級超級大杯，滿足佢一整年食雪糕的欲望，內含芒果、曲奇、朱古力及士多啤梨味 ，底部舖滿可可脆卜卜，最開心加左勁多cream 配襯，食完之後好滿足及SWEET!!…查看更多

與VV 由中一開始成為好朋友，到依家我地各自有家庭，仍然friend過打band, 定期食飯傾下計是日黎到狗毛3，因為食完晚餐要趕返屋企照顧BB, 唔敢飲酒，VV 好有義氣，陪我一齊飲沙冰～Mango Paradise （右）Strawberry Cooler（左）芒果個杯甜甜酸酸，好順滑，唔會冰到頭痛！士多啤梨個杯帶酸，飲完好醒神又解渴！韓式豬仔肋骨頗香口，醃得好入味，帶點微辣，肉質油脂分佈均勻，唔錯！店員好細心，預備好手套等我地食得盡情d, 吸盡所有肋骨精華，好窩心水牛城雞翼熱辣辣上碟，單骨方便食，皮脆肉滑，如果味道上可以增多少少BBQ風味就perfect 啦～德國小麥湯配脆麵包粒呢個湯好大人味，有種成熟感覺！第一次飲呢款湯，麥味相當重，越飲越有味道，餘韻好強勁，而湯內有滿滿洋蔥粒，令湯帶出甜味，好特別！餐包熱辣辣上加分美國牛胸柳配牛肉濃汁朋友特別鐘意食，燒出黎剛剛好！唔會硬到變石頭，又唔會血淋淋，牛味濃郁，喜歡食牛一定好鐘意！蘆筍冇渣又係好加分甜品朱古力慕絲有滿滿橙味，口感幼滑！唔錯～…查看更多

Happy Friday - 雞煲夜 喜歡食辣的人，會寂寞，因為少人陪食 >.<喜歡食好辣的人，會孤獨，因為更少人陪食 T.T今天晚上，幸好有老公願意頂硬上，陪我食辣辣雞煲~~咁我都識做，叫左中辣 - 半隻雞，等大家都食到! HEHEHEHHHE....雞煲一上桌，店員即時再兜一兜，WOW!! 香氣逼人，麻辣香味出哂黎，流哂口水!雞件夠嫩滑，沾滿麻辣汁，好惹味。 麻辣不得了！係口腔慢慢擴散，久久未散，強而有勁，越食越辣，好過癮~ 食食下，老公話真係幾辣，就order椰汁冰解解辣！我就順便order杯檸檬茶！ 飲品真係大大杯，同我個頭一樣咁大~~hahahahaha!! 2個人好快清哂半隻雞，咁就開始打邊爐時間~~ 加左湯之後，仍然好夠味，所以不用另加調味料！ 打邊爐配料好有誠意。估唔到響鈴即叫即炸~~ 響鈴真心好味，目測疑似超過18層，就咁食已經好有風味，Chok chok聲，脆到不得了! 放湯碌一碌，又好吸辣湯，食到出哂汗！ 真係好有衝動外賣返屋企宵夜再食~~ 海鮮芝士豆腐 及 櫻花蝦片都係熱辣辣上，就咁食都已經OK! 海鮮芝士豆腐味道好似魚腐，都幾彈牙，hehehee，不過如果芝士再多D就好，依家略嫌唔夠喉。櫻花蝦片好爽口，又夠脆卜卜。 美國雪花肥牛不錯，雪花分佈均勻，厚薄適中。 食左咁多肉類，叫左鮮淮山/萵荀/白蘿蔔中和下。 最驚喜淮山同雞煲會咁夾，碌完口感好似薯仔咁爽口，多一份清新。 白蘿蔔鮮甜，萵荀回甘，都不錯！ 最後，用我最愛的紅薯粉作總結，食盡雞煲麻辣精華。…查看更多