layman167的個人專頁

星期六下午，選了兩份午餐，一份泰式海南雞拼無骨豬手飯，一份青咖喱雞飯，配檸檬茶，沒想到，無骨豬手淡而無味，海南雞鞋口，咖哩雞十分乾，白飯硬到似生米般，檸檬茶草草兩片檸檬，食物同飲品質素比快餐更差，超揾笨，令人感到非常失望，永不會再有下次。…查看更多

中午諗住這小店新開，應該會給大家有好的驚喜啦!!!! 點知真的有驚喜 ﹕『貴』﹑『份量少』每個餸要九蚊，算啦，我以為份量或味道取回分數。我點了三個餸﹕蘿白﹑辣魚蛋﹑咖哩都筋 再加涷奶茶蘿白  ﹕得果兩舊辣魚蛋 ﹕得5小粒咖哩都筋 ﹕得一舊剪開兩塊，自己街市買零售都不會甘少啦。奶茶 ﹕都不是單點啦，仲要18蚊一樽仔『咸』蘿白  ﹕超咸，而且浸到容容瀾瀾仲拿出來比客人食辣魚蛋 ﹕一D都不辣，食左都唔覺叫左咖哩都筋 ﹕這個就一般，買回來的但少囉得一舊。奶茶 ﹕買回來的，沒有水吧，但太多奶，完全唔掂，老板一定唔識飲奶茶的人。講明係車仔麵店啦，連辣油都沒有，完全沒有車仔都風味。 餐牌我用了5分鐘才明白在做甚麼，設計可以說令人費解。成張單$55.00食完好似無食過甘，回到公司就勁口渴，味精超重。希望份量﹑價錢﹑味道將來有改善，要不然沒有回頭客。另外，朋友叫了個$38.00 的餐，食完之後跟我反應完全相同，自己看相片啦。…查看更多

今天一家三口去試下食，2:15到要排隊，等了15分鐘入去。坐底給我感覺地方超細，我坐得非常不舒服，感覺非常差。好壓迫好壓迫。算啦食野忍下啦，我叫左隱世白伝+日本溫泉蛋麵質OK不過不失，湯夠濃﹑紫菜太細塊﹑义燒普通呀仔叫了隱世白伝+半熟煮蛋+替玉(180g)補多$25味道都係無物特別，但半熟蛋好滑，正。加了替玉好份內好足夠。太太叫了隱世黑伝+溫泉蛋總體來說所有食品味道正常，沒有大驚喜，但甘樣坐位又唔係平，要有下一次除非七折，太不好坐，太迫啦。…查看更多

『娃會再去再去』我第一次去食是2015年12月19日，因為青衣城酒家多人，所以行行下見到這間新開的舖頭咪同屋企人去試下，結果一試難忘。到第二次再去食，我就叫了些小食試下;正。當然它的半筋半肉麵依然保持到水準，有藥材的湯底我每次都飲晒，好正好正氣。碗半筋肉麵的份量，我覺得正常足夠食用，麵質彈牙，D牛筋炆到超『林』入口即溶，牛肉又不黐牙;好味。無為多講一於去試下。我建議ORDER半筋半肉，原因是可以試晒兩種口味。另外麵分為粗﹑幼兩種，本人覺得幼麵好食D，但粗都不差。『蚵仔煎』好香好多豪，跟我細個時婆婆煎的味道很似。唯一我要說有兩點要改良一下﹕第一 煎蚵仔的油應該返用過很多很多偏，我見到張底紙上的油積是『啡色』不是『黃色』，應該用了一排。第二 比較油左D，應該『痺一痺』油會好些。但味道是好食的。…查看更多

『娃會再去』今天同事介紹我去了一間估不到的餐廳，就是這裡。一入到去，我仲以為是去了甚麼合作社買賣二手野添，原來是一間家庭式餐廳。位就真係不多，人亦不多，夠靜好的,地方光線充足乾淨，不錯。看看餐牌，我ORDER "D"青咖哩雞絲意粉 HK$49.00。-價錢可以接的-等候時間不可以接受,要20分鐘。我同事的"E"餐都已用了一半-鮮打蘑菇湯,我忘了TAKE PHOTO,是可以的很濃的蘑菇味，但偏淡些。-主菜20分鐘後來了，份量連我女同事都話不夠。但味道可以的，不過沒有甚麼驚喜，不知道為什麼要20分鐘這麼久。-餐飲，我叫咖啡﹑同事叫奶茶，先講我杯咖啡應該是咖啡粉開的，咖啡份量應不太足夠，所以偏淡。我同事由於是奶茶精一飲就知道是"留料",即不是茶記奶茶，只用茶包開的。但最後叫了兩件甜品反而有驚喜，一件是藍莓芝士﹑另一件忘記了名字。…查看更多

『娃會再去』聽人講旺角開左間新野不錯，咪去試下，真係不錯，不過02-石鍋雞肉飯的份量少左D。男仔去食差少少。但味道是可以的!!!!配料都係正常果D無物特別野講，雞肉嫩口又唔乾OK。我朋友叫了10-鐵板泡菜豬肉豆腐飯，佢話辣左D，就算她食得辣都頂唔到。肉片入口無問題，豆腐是街市果隻硬豆腐但無物味,靠辣醬調味，跟碗白飯。每個餐均跟一份泡菜和一杯可樂，如果可以跟些紙包飲品仲好一些。…查看更多

午餐到這間店再食,食D之前未食過的。『娃都話會再去啦？我叫了香茅豬柳飯 HK$48.00香茅真野味但不會太咸，OK good!!!豬柳肉鬆軟好味， D飯來到仲有煙不硬"正"。我朋友香茅豬頸肉飯 HK$48.00跟我一樣，正!!!豬頸肉簿切易入口，沒有雪味。下次會再ENCALL…查看更多

『娃不會再去』話說我上星期六去東涌行下，見到這間舖門面好似都幾好喎咪進去試下，點知我就中伏。我叫了個吉列脆豬拉麵 (豬骨湯底) + 凱撒沙律 + 泡沫咖啡 $71.00第一，價錢合理第二，我叫的是豬骨湯底，來到望落去仲哀過759的包裝拉麵湯底，無味不在話下，而且來到只是微溫都不知整左多久才送過來。超水皮第三，麵質好硬，好似師傅好趕時間，未夠時間就收工。第四，碗湯入邊D餸好似俾人強姦過甘，打晒風亂晒，非常"拿西"第五，唯一可以講下塊豬扒就整得唔錯，應該係另一位師傅做。第六，講埋杯泡沫咖啡，根本不是心目中會飲到的，來到又是徵溫。…查看更多

『娃會再去，經常去』原來這間舖是新開的自07/11/2015開始試業。就是因為09/11/2015食過好味所以今天13/11/2015再帶多D人去，今天一行8人。有件事你我真的估不到，原來『阿來』是有角樓，而且地方唔細，可以放圓台。另外還有彩顯招呼你添。講返第一次來吃(即09/11/2015),我食了E-泰式炒金邊粉，來到仲有煙，熬辡辡，食落口味道很好並且夠野味。正!!!裡面的細蝦仔都有5-6隻都不太細及無腸，好味。我朋友叫了B-榔汁青咖哩雞飯，他說汁不咸，雞肉嫩口，飯又不硬，不錯。另一位叫了D-泰式乾炒肉片河，來到見到和食到都一樣，乾身不太油正，我朋友說和我金邊粉一樣野味有镬氣。而且不收加一,仲有杯飲品送，所以『娃會再去』…查看更多

中午去了這間越南店食。『娃會不會去？娃可能要夏天先去』點解甘講？我ORDER了午餐A-炭燒香茅豬扒飯 ($40.00)來到賣相可以的，第一啖爬左D飯入口，冰凍冰冰凍，D飯好似在雪櫃取出來的隔夜飯甘,兩個字『硬』﹑『凍』，唔通中伏？之後食果塊豬扒啦，塊豬扒味道不錯而且仲有微暖，可以的。食食下仲見到豬扒下面有些菜添，不錯但都係凍的。總體來說來『大叻』食飯要有兩大條件﹕『夏天』因為D野大致上是冰凍冰冰凍。『必須是年青人』因為D飯硬到無朋友，腸胃差的人就必然會胃痛，敬請注意!!!…查看更多

當晚跟家人三人行到『前門飯莊』食飯，之前都有去不過現在有開ACCOUNT所以報導一下情況.『娃會再去』先講茶，我叫了一壺鐵觀音，都係果句茶有茶味，真係跟出面的不同，好有茶味。 叫了晚市孖寶(B) 有沙煱雲吞雞和糖醋排骨 個湯雞味超濃，雞肉仲好好味。糖醋骨又夠酸，正饅頭宮保雞丁 外脆又不油膩，根本不似炸過的饅頭，裡面的雞丁和雞肉粒委嫩﹑滑。楊州炒飯 平平啦。不過裡面的中蝦數目不少及有鮮味，不過不失啦，飯炒得乾身。桂花杞子紅豆糕 我太太超喜歡，因為不會太甜而且紅豆蓉好正。『娃會再去』三人共HK$424.60 (平均每人HK$141)，食得飽又好味還有甚麼要求!!!…查看更多

『娃都不會再去』貴夾唔飽，味道唔得，選擇太少，炸野多過物。連意粉都無，唔怪得星期六中午計埋我張台得兩台客啦。German Chopped Salad $85.00唯一算合理D，味道正常。Pumpernickel w/Smoked Salmon $94.00得果四舊，每舊只有一口，超搵笨。Suckling Ping $220.00勁勁油的見豬，無肉得D骨，中晒伏。Holstein Schnitzel $178.00成塊紙皮『吉烈豬扒』，超硬又薄又一搵老襯之作。Apple Strude $68.00Vanilla Pancakes $68.00這兩甜品屬正常味道﹑正常SIZE﹑正常價格。不錯!!!Average $197.00 each …查看更多

『娃不會再去』原因﹕場地污衊，天花板D塵一舊舊，見到都怕。台櫈『立痴痴』成場油煙味，食完成身好油煙味等待時間超耐，叫了碗拉麵等了25分鐘所為九折跟本搵老襯，只不過不收加一費。唯一可取就是平，所以學生會去。我碗拉麵湯底淡如水『無味』，好似滾水加雞粉甘。D拉麵又皂水味。所以今日中晒伏，『娃不會再去』…查看更多

『娃會再去，如果食其他野悶悶地』大家不要誤會，不是不好食，而是地點對我來說遠了些。講返轉頭我早兩天第一次去19/10/2015(中午)，當時有位『傘傘』負責招呼，態度非常好，所以咪再去囉。點知再去果日是兩位年青人負責招呼，其中有位個LOOK非常似韓星，條孖煙通走晒出來『型爆』講返D食物先，我叫了碗『火車頭湯河』，OK啦份量唔細夠飽不過不失。同事甲叫了『札肉湯金邊粉』，札肉無驚喜，份量少左D。同事乙叫了『春卷撈檬』，春卷不錯，又係份量少左D，女仔就夠，男仔要多半碗。整體來說不過不失，但份量多少少，服務員的態度好些就更好。有空時『娃會去的』。…查看更多

「娃会再去」上星期四和朋友去午歺，好彩即刻有位，我叫了個和风汁吉列豬扒飯，我朋友叫滑蛋吉列豬扒飯。份量可以啦，味道不錯，想講的係吉列豬扒層皮沒有跟肉分離，而且又鬆軟。我朋友的豬扒和我一样。跟歺仲叫了一杯巨蜂乳酪飲品。所以我話「娃会再去」。…查看更多