lihinfung的個人專頁

之前食過太古嗰間覺得幾好食，見APM新開咁咪試下，點知俾成$88 ，俾啲咁嘅嘢我，個燒鵝得脂肪同骨，得幾條肉俾我攝吓牙罅，油雞就正正常常不過不失，但你招牌好似係叫做馳名燒鵝。。建議大家嚟APM唔使食呢間，俾$88，喺同一個food court，有其他更好嘅選擇。…查看更多

之前都有食過其他分店嘅棋哥，無可否認佢嘅燒鵝係做得出色嘅，但經過今次天后分店嘅世界級體驗，絕對有理由相信我以前真係食開屎。。🤮👎🏿👎🏿👎🏿今日同朋友食飯，一開頭叫左兩碟乳豬燒鵝雙拼飯，女侍應好快手就幫我地落左單。其後我再睇多次餐牌發現原來叫單拼乳豬飯，同單拼燒鵝飯，相比叫兩碟雙拼飯平足30蚊，咁我就問女侍應有無得改單啦，咁佢亦都好快手就改左張單。有趣嘅地方嚟啦，佢幫我改完單後，走左去同廚房大大聲咁講：「呢枱要轉一鵝一豬呀，其實我都唔想架，單都出埋，係個客要改咋！」(exact quote) 。大佬呀，我坐隔離㗎咋，以你咁雄偉嘅聲量咪以為我聽唔到。我由頭到尾都無逼你幫我改，我亦都無用仼何無理嘅態度請求你幫我改單，你一句話唔好意思呀出左單無得改，其實我絕對無問題，但你而家擺明俾説話個客聽，你咁嘅服務態度就真係好有問題！好啦兩碟飯準備好，侍應一野用轟落黎嘅形式送上我張枱，fine，街邊餐廳就當你個價錢唔包service。但望下碟乳豬飯，你究竟俾啲乜X野我地食，全碟11小塊，大小參差不一，每塊厚度保持平均半毫米厚度，一絲肉都無，全部都係脂肪連皮。燒鵝都尚算正常。不過飯同肉都凍嘅。同我以前食嘅水準差起碼廿條街，請問係咪有心玩野？大家可以喺圖片到欣賞下佢著名嘅乳豬。食到成肚氣睇番openrice啲相，根本無人碟乳豬會係咁嘅樣，不過批評服務態度嘅評語就多不勝數。如果貴公司諗住意見接受 (或者唔接受) 態度依舊，咁我就真係祝你地好運。…查看更多