KachaGuru的個人專頁

約咗friend 係尖咀飲嘢，最鍾意食cheese flies，就揀咗呢間試吓。環境唔錯，裝修簡單工業風，樓底高。嘢飲價錢合理，食物質素唔錯。個cheese fries食到唔停手，差啲要叫多個！個雞翼面應該係芫荽，但唔係好覺，可能炸左乾咗冇咁香。但係做到單骨，有誠意，送酒一流！…查看更多

同事午餐聚會，揀咗呢間日本餐試吓，因為有鐵板、懷石、魚生 set lunch任揀。人多就book咗間房，當然有最低消費。前菜沙律魚生午餐，新鮮溫度剛好，蝦好甜！魚都OK，中拖羅最出色。鐵板燒嘅就等緊師傅，海鮮立立令非常新鮮。龍蝦加薄牛套餐好食！師傅調味唔係太重，火候剛好！師傅煎起之後，我哋真係好快就了結左碟餸。最後嚟個炒飯及雜菜，可惜呢個係喺廚房炒嘅。出到嚟都有啲涼左，食鐵板燒最好都係係鐵板炒！總結：份量唔大，食材新鮮，調味唔係太濃，值得一試。…查看更多

今日第一次來，食晚餐。電梯出嚟後，首先見到Bar area,沙發睇來幾舒服！餐廳位置走簡單工業風，座位、枱與枱之間空間寬闊，燈光設計不錯，不會太暗。冷氣亦都唔會太凍。Today special 有兩款生蠔，價錢合理，揀咗法國Cancale。新鮮唔係太鹹，銅鐵味都幾出，但唔係去到Belon嘅程度！好！主菜叫咗medium rare 45day Dry-aged New York strip on the bone。第一次嚟嘅overcook ,變咗medium to well, 退返比佢。第二次來非常好，Juicy 嫩滑，14oz 冇難度！另外叫咗 King Crab Bucatini, 亦都好好味。個 uni sauce唔係太厚身啱啱好，bucatini 就係比較粗嘅意粉，所以都幾飽。配菜一樣得！菜一個字：鮮！薯條都唔錯,只係個調味唔係好啱我。食到返艇，叫唔到甜品，下次再試。Wine list 都幾廣， by glass 都有好多選擇。…查看更多

平時好少去鴻圖道，最多都係去換證。近呢一年都成日去觀塘coffee shop, MG cafe係其中一間。Cafe出面平日多車，周末就好休閑。朋友揸車都鍾意嚟呢度，隔離有停車場。高樓底，裝修花心思，九龍區coffeeshop嘅好選擇！平日下晝輕鬆啲，簡直就係外國coffee Shop。咖啡得，個人最喜歡嘅係Honey coffee，之前喺Special Menu。雖然唔係Regular Menu，叫得出就有。Big breakfast, Egg Benedict and Sandwiches 都得。Feel到啲蛋黃冇？…查看更多