忠實食之達人的個人專頁

話說正夕晚上7點繁忙時間，我買咗嘢食之後準備從櫃面攞走，電光火石之間，左腳一閃，手上托盤上嘅奶昔飛咗落地，炸開一地……，噢…重彈到旁人，在場店員見我呆咗企响度不知所措嘅時候，立即通知在場男經理，經理應變相當快，即刻同我講俾過杯我，唔洗1分鐘就親自攞到黎俾我（我真係覺得唔好意思），跟手佢即刻搵同事處理，我覺得呢件事需小，但員工嘅應變能力真係值得一讚！後話:雖然店員大多屬90後00後嘅後生，但做起嘢上黎都有板有眼，管理層功不可沒！…查看更多

放工返到長沙灣先知食自己，記得早兩日記起Alex's 嘅意粉味，把心一橫行去望下樓下餐牌，見都有幾款啱食就貢上去，呢間算係長沙灣唯一有樓上玻璃景嘅餐廳，係街坊都識呢間西餐廳，隔住大玻璃望住條街車唔算多其實都幾舒服。可能人唔算多，啲冷氣都幾凉，一個人坐梳化4人卡座，又有電視睇，都算幾恬靜，嘢食賣相唔錯，味道都可以，招呼都唔差，整體黎講可以再黎，試下海南雞呀，德國豬手呀小菜咁…經濟實惠。後話:(^_^;)其實每次黎感覺氣氛都係怪怪地，唔似專業西餐，唔係親切住家，又唔係口黑面黑，裝修清新時尚，但又配深色恤衫黑圍裙制服，睇住電視但又唔係熱鬧茶記，又唔係情調浪漫燈光柔和嘅扒房感覺~…查看更多

星期一無節目，在地鐵回家路上偶而開openrice,搜索附近區份新店，發現華園竟在大中華巷仔佔一店舖，由於名字諗熟，想是老店吧～應該有分店吧，再搜索一下，發現何文田果然有家總店尚算出名，不過最近帖子多屬貶意，心中不禁一涼，值得試嗎？帖子有時不能盡信吧，姑且放胆一試，何況一人下嚥，亦不在乎三五個錢。走入巷口，果然與大中華並齊同巷，大大個光亮招牌樹立巷中，不過，走到門前，有種感覺冷冷的，可能是白光管欠溫暖吧～如想看上感覺衛生整潔，建議店主只於門口換上黃光胆，門口一種家的感覺總比冰冷好吧～門前印有多張食品照，招牌照，多是白的水餃，與麵食，因為一人前，所以我特別留意小吃，有我喜愛的青瓜，上海酒味系列，加上聽講(舊店好評帖子)形容，麵及餃子都是招牌，值得一試，於是走入店內搵靚位先！其實呢條巷，除非街坊或曾幫襯大中華, 先會搵到，所以一入店內人客不多是可理解的，慣性豎起耳仔聽聽客仔意見或望望枱面款式才坐低, 客仔跟老闆言談間, 發現舊客特意到來幫襯，席間眼見3，4個大碗加小吃碟，只是一男一女客仔，心想…真係咁多好味嘅招牌菜Y(＾_＾)Y?睇咗餐牌一陣，揮手示意落單，店員親切回應主動埋枱寫單(其實服務上我認為埋枱落單好重要，唔係個個客鐘意開口大聲哎嘛！), 點了青瓜，雞翼涼麵，及西洋菜拼茴香餃10隻$30，店員示意是即叫即整大概10分鐘，請耐心等陣，食好餃我當然無問題，等待期間，看著裝修，店不大，三五張圓枱，新店新枱椅，光孟衛生整潔，有男女廁，不過店面坐枱面積大概200呎吧！如果生意好，其實門前還可用吧～食品上枱，大大碗大大碟，看上好睇，不過人一多再加搭枱，可能會食得辛苦一點^^…查看更多