dylanlam39的個人專頁

行經屯門，搵左間幾特別既西餐廳，充滿驚喜，特意推薦俾大家。首先個裝修好有特色，復古得來又帶Ｄ現代風格，環境舒適氣氛一流，食物價錢亦到好合理，味道都唔錯，隨意試左幾款招牌菜。頭炮係黑松露忌廉燴義大利雲吞，感覺既新鮮又富特性，可以完全睇得出師傅對自家出品的認真程度。經老闆介紹，呢度最出名原來係啤酒焗雞同德國咸豬手，仲要係全隻奉上，即叫即整！咁當然要試下啦。隻雞好Juicy，最怕雞胸鞋拾拾，但呢個都係嫩口得黎又不失肉味。正！而隻咸豬手既豬皮係非常鬆卜卜！咬落去都會聽到清脆聲，加上有少少肥，質感鬆脆，內裡帶點濕潤感，無令人失望。最後，仲試埋歐式燒牛助骨。牛骨炆得十分入味，肉質很淋，加上醬汁，相當惹味，份量也很足，大滿足！！呢到加埋唔算話好貴，都好合理！見到餐牌仲有好多野揀，次次落黎可以叫唔同野食，唔駛咁悶，次次都食果幾樣嘛。…查看更多

雖然好熱氣，不過睇完報紙見到豚組出左新包包豚，忍吾住搵個夜晚走左去試…呵呵呵之前食過芝士包包已經覺得好味，「爸爸」聲流芝士出來個感覺好正……所以今次鎖定目標食佢新生果包包……死啦好難揀…有蘋果同菠蘿味…諗左好耐最後揀左後者…原因好無聊…因為我怕蘋果唔爽……哈哈哈等左3個字，終於黎啦~~~~~~個樣同上次既芝士包包差吾多……嘩!!!!!!!!!!一切開好多芝士汁流出黎!!! 中間真係見到完整一粒粒菠蘿肉~~~~好靚仔呀~~~~仲幾香菠蘿味。芝士同菠蘿估唔到好MATCH......少少酸~~~~我諗佢加左菠蘿汁落芝士度一齊煮，所以個芝士本身已經有菠蘿味…因為事後先加菠蘿，個味無理由咁香。成個SET好似仲包過上次…相信女仔會食唔晒…SHARE食比較好..費事晒野…順帶一提，佢地D櫈度有堆豬豬Cushion，都幾舒服架。…查看更多

本身唔係尖咀返工，day off一早出去行街，行到咁上下見Lunch time到，揀左和幸醫肚。上到去見幾檯食緊團購，好在仲有位。其實和幸我唔係第一次食，不過之前成班人夜晚食，仲要book位先有得食，Lunch係第一次。佢sell我$128商務餐，車，我放假Feel，商乜鬼務?! 結果揀左個$88，自己揀兩款食物，再平有$58，豐儉由人喇 ^^結果我Order左- 花虎蝦- 薄切牛舌飯、麵豉湯本身有，前菜有沙律、冷豆腐，甜品有雪米滋厚牛舌之前食過，但同門對比下，薄牛舌係輸左，少左咬落去爽口爆汁既感覺，只係得牛舌種質感。結果頂唔住，都係另叫多碟厚切。蝦之前未食過，所以想試。隻蝦係急凍，但就唔知點解食落唔覺係急凍。肉爽口，一扯開蝦頭，有陣蝦味谷出來，比起燒緊成隻時，個味Strong好多，可能同膏有關。會唔會燒蝦個效果本身係咁?? 有無人試過?? 諗住去街市買幾隻返去放入焗爐試，睇睇係咪都會咁香。…查看更多

因為正日會較難找位置, 故早了兩天與媽媽慶祝點了瀨尿蝦, 九肚魚, 苦瓜, 加上一定要叫既炒辣蟹媽咪好鐘意食蟹, 所以佢見到咁大隻果陣都好開心當然我地都好貼心咁幫媽咪拆殼記得以前細個食蟹, 我地唔識拆, 媽咪會幫我地搞掂瀨尿蝦都係大隻既瀨尿蝦, 都OK, 成晚好開心, 因為好難得一家人一齊食飯, 人愈大機會就愈細希望下一次可以再帶媽咪一家人食好野…查看更多

尋日下午, 去左灣仔同朋友食午飯, 佢帶左我去佢之前既香港演藝學院附近的一間意大利餐廳到食野.間野叫Assaggio Trattoria Italiana , 係香港藝術中心6樓.點解我地會去個到食呢, 因為佢而家有個優惠, 只要出示到香港演藝學院校友會會員卡, 就會有9折的優惠, 所以未去試下lol, 我就中意佢個個意大利海鮮湯,材料都幾豐富，飲落好出鮮味. 可以試下架~另外呢, Carpricciosa 薄餅值得一試. 除基本配料如番茄,水牛芝士,蘑菇,雞蛋及火腿外,加入雅枝竹,味道配搭得宜.仲有佢有個用牛仔面珠肉整既扒牛仔面柳燴什菜, 都好好食架, d牛面肉入口即溶bor, 有d食和牛既feeling.我就最中意佢個景, 下次有煙花匯演可以係到邊食邊睇就好了…查看更多

尋日晚同左朋友去中環, 行行下肚餓, 前排睇到雜誌知道好似有間日本搵麵店係附近, 就一於去試下.間野係中環鏞記酒家斜對面, 雜誌講過話係NEW YORK, 東京好興既人氣拉麵店.這間拉麵店主調係黑色,係出面等位既時侯可以睇下定食咩先~, 因為間野係自己畫紙既~我自己本來想揀佢既元祖拉麵, 但係無, 真係受歡迎,. 拉麵款式主要分為博多元祖拉麵，白秀拉麵，黑秀拉麵及赤秀拉麵四種.最後呢我就點辣的赤秀拉麵, 另外加了一隻半熟蛋蛋.佢張紙仲可以揀麵既軟硬度添~赤秀拉麵送來時，單睇份量，較我預期嘅少，但係味道先係最重要既~拉麵比較似上海麵, 幼幼的, 不是平時吃的日本拉麵. 湯底很好喝, 忍不住多喝兩口. 自助式酙水, 可以免卻叫侍應的麻煩.辣油跟湯慢慢溝埋，辣度剛好之餘，更令豬骨湯增添返一點色彩, 唔錯唔錯!!!!…查看更多

今天下午到了麥記吃ｌｕｎｃｈ，叫了一個麥樂雞餐，配熱朱古力。由於自己一人吃的關係，便試試慢慢品嚐麥記的食品。足足吃了一小時！今次值得一讚的是，薯條炸得很脆。其他都其實沒有什麼大分別。…查看更多

今天吃完了午餐，數小時後便想到大家樂吃蜜糖雞比！蜜糖雞比配紅豆冰，我由小到大都喜歡而且吃雞比時我落了２包蜜糖，更加美味可口。紅豆冰每次飲都很難啜紅豆，需要改善。…查看更多

今天的早餐到了山崎麵包店買我最喜愛吃的芝士波波和朱古力波波我很喜歡它的口感，有咬口。味道更是我喜歡的芝士和朱古力味，正！為一不足的地方就是價錢尚貴，但是一分錢一分貨．．．都可以理解的！…查看更多

今天回家想吃芝麻糊，便到了波仔購買，一盒大約有2-3碗，用微波爐叮一叮便可進食。芝麻糊不會太杰，尚算香滑但有時也會一些一粒粒固在一起的芝麻糊。整體來說也不錯的。…查看更多

昨晚和１０位朋友到了五月花吃放題，因為１０位以上有９折優惠（免加一）每位都很餓了，便叫了很多不同款式的食物，但是來到的時候，所叫的份量和來到的份量永遠不相同！不過我覺得這裹的三文魚，８瓜魚，甜蝦都很美味其他的食物都算可口，沒有什麼是難吃的。…查看更多

昨天和朋友到了旺角，朋友肚餓，便陪他到了這餐廳吃午餐。看看餐牌，價錢也不便宜，我也不肚餓，便叫了一個法蘭西多，但都要$20！好吧，好過坐著什麼都不吃，西多來到時，比我想像中更細件．．．幸好味道都算可口．．．但並不是物超所值:(…查看更多

每次到大佳Ｂ食得最多既就係楊枝甘露，今次亦唔例外，因為做完工作後回家很想食！我鐘意佢夠料，MANGO的果肉香甜，椰果有咬感，雪糕有點冰，但都可以。柚肉也算多的。價錢便宜，只需20元。哈哈，每次都食呢個甜品都無機會試其他啦！…查看更多

今日來到旺角，想食麵，就試下呢間粉麵店！睇落好似好好味，就叫左個牛腩河！來到後，心諗：牛腩係咁嫁咩？可能平時食開牛什多唔記得左牛腩係咁啦．．．食左一啖，相比起某間粉麵店，呢間真係超級唔夠味清到好似平時病既時候要食既清淡野咁！算啦，我當佢冇味精先咁淡，點知我朋友杯凍檸蜜苦既，冰又多，真係無話可說。…查看更多

好耐無食過味千既豚肉拉麵喇！香港仔間味千好既地方係唔算多人，環境幾靜，可以同朋友傾下計。豚肉拉麵都做得唔錯啊！唔會好難咬，份量亦都岩岩好。湯更加唔洗講喇！正呀！…查看更多