精叻1的個人專頁

每年爸媽嘅生日、父親節、母親節都會去食自助午餐慶祝，會輪流去幾間酒店，今次輪到柏景餐廳，記得兩年前預先在網上買票，平均約$250，當時有兩款燉湯，一款是素湯，一款是燉螺頭之類。中間時段更會有特別菜色推出，打鑼通知客人排隊拿。但到了今天，網上預購已超過三百，但燉湯已得一款，仲要係清保涼普通野。切肉方面，全段時間只有羊肶推出，要知道很多人是不食羊的。最令人生氣的是連麵包都要配給，牛角酥、丹麥酥只出過一次，仲要每款只有幾個。此外，已取消了打鑼有特別菜式推出環節。而服務方面，由於爸爸於本月生日，酒店會送一個蛋糕，已打電話去訂，入座也再提一次，但眼看很多枱都獲派蛋糕，在自助餐尚餘大半個鐘，而職員尚未送上蛋糕，我便向職員查問，此時職員才說幫我們跟進，雖然蛋糕最終有送上，但要客人多次提醒，印象已大打折扣，短期內應該不會再光顧了。…查看更多

今晚兩公婆諗住去九龍城搵食，咁啱呢間泰菜館門口有位可以泊車，就揀咗呢間。未夠7點鐘唔使等位，馬上入座。點咗南瓜焗海鮮飯、馬拉盞炒通菜、泰式炸蝦餅拼炸魚餅及芒果沙冰。然後去洗手間，返到嚟啲餸已經全部上齊晒。個焗飯送到上檯，只係微溫，蝦位、魚餅都係微溫，只得碟炒菜有煙出。三道餸真心無乜驚喜，最驚嚇係食完之後極速清理檯面。價錢雖然唔貴，三餸一杯飲品$267，但只收現金唔方便，好彩接受 AliPayHK 及 WeChat Pay，真係唔明超過500個like㸃樣嚟？…查看更多