厚切薯片的個人專頁

麗豪航天城酒店12樓的玉餐廳，是一家以粵菜為主的高級中餐廳。餐廳裝修帶有中式古風，環境雅致，並且可以俯瞰美麗的海景，讓人感到非常舒適和放鬆。餐廳的點心和菜餚都非常精緻，特別推薦『響鈴豚肉脆腸粉』和『香芒汁蝦球』。響鈴豚肉脆腸粉外皮酥脆，內餡豐富，搭配XO醬更是美味無比；香芒汁蝦球則是以酸甜的芒果汁搭配彈牙的大蝦球，口感非常出色。此外，餐廳的服務也非常周到，服務員態度親切，讓人感到賓至如歸。無論是家庭聚餐還是商務宴請，玉餐廳都是一個不錯的選擇。唯一的缺點是價格較高，但考慮到食物質量和用餐環境，還是非常值得一試的。…查看更多

今日去咗亞洲博覽館睇show， 喺亞博館行過少少，有一間叫做麗豪航天城嘅酒店，咁襯個show 未開始之前，去食少少野，唔駛睇睇吓肚餓都好。呢間餐廳喺酒店地下嗰層，應該係食多國菜，啲座位都幾闊落，幾好坐，樓底又夠高，夠開揚，我哋叫咗個Lamb Rack同埋Club Sandwich，Lamb Rack有三件，五成熟，好軟嫰，個汁做得好香濃；而Club Sandwich係用酸種麵包，有清清地嘅酸香味，烘到外脆內軟，餡料好足，拎起嚟咬會覺得每啖都好豐富，而入面嘅雞肉就有浸黑松露嘅香氣，同其他高檔餐廳嘅Club Sandwich有啲唔同，兩款食物都有配炸薯角，每條都外面酥脆中間軟糯，有少少調味，唔使落茄汁都好好味，兩個人兩份食物夠晒飽，應該睇完show 都唔會覺得肚餓。我哋仲申請咗做酒店member，即場食完埋單都有discount，如果想喺亞博館附近食嘢，呢間酒店、呢個價錢、呢個質素真係要俾個like 。…查看更多

今晚兩個人去諗住食小菜，已攞小菜飛，點知到攞位嗰陣，帶位侍應話有壽宴，食小菜會出得好慢，叫我哋轉火鍋，咁見已經9點，轉就轉啦，坐低無人問開咩茶，都無意思話開茶比我哋，咁心諗都加咗每人20蚊自助吧，無茶飲都無所謂啦，好喇，到埋單，睇到張單收24蚊茶位錢，我就話無開過茶飲過茶咁都收，跟著高級嘅侍應（我諗係經理掛）過嚟話嗰24蚊係醬油錢，我話吓咪收咗每人20蚊囉，跟著高級嘅侍應話係醬油錢，唔係自助吧錢，我話你咁"long lai"都得，你咪收囉，我話我會寫上網，跟著高級嘅侍應話“好呀”！答得我咁爽，完全係覺得唔淨止得我一個覺得佢哋濫收，所以我以後都唔會再幫襯呢間咁嘅衰稻香😤😤😤…查看更多