ChanKalo1724的個人專頁

同班姊妹約左去the Cheesecake Factory，之前都食過呢間餐廳，覺得真係好好味，所以就帶佢地去試下 放工即刻去已經見到排曬長龍，而且都好多人，未夠七點已經被通知等1個鐘多啲，不過因為朋友都未放工，所以都唔緊要，好彩我早左去攞位。間野開左咁耐，人氣依然未減 人氣未減都唔係冇原因，我覺得食一間餐廳，服務氣氛裝修都好影響會唔會回頭。呢間餐廳由門面，佢地既reception 已經好有禮貌講要等好耐，而且仲會同你地搞下笑，呢一點我暫時食左好多間餐廳都冇見過，尤其喺中菜館更加唔會見到。而且笑容好好，帶位唔會帶帶下擺低你就走，會上包、水、比曬四個人既餐牌同餐具，呢啲已經好多餐廳都做唔到，難怪佢人氣仍然咁高 氣氛好好，感覺好似真係去左外國餐廳咁，可能侍應都唔係本地人既關係啦😆😆 餐包焗到外脆內軟，我好鍾意食黑糖個隻，覺得仲好食過outback 左為《伊芙琳最愛意大利粉》， 個菜式味好特別，係有啲蕃茄味，同埋伴住啲茄子、車厘茄，整體都好好味呢個椰菜仔好特別，用左楓糖醬一齊焗，好似食緊零食咁，我啲朋友唔係咁鍾意，但我就覺得佢非常好食 😋 四個人，想再叫多碟意粉，就叫左佢。忌廉蒜頭蝴蝶粉，已經叫左唔止一次，每次都覺得好好食，好惹味. Bacon chips 仲令到個口感加曬分 我地都唔係好嗜佢既cheesecake, 因為唔太啱我地既口味。所以叫左一件Tiramisu試下，佢雪到有少少冰冰地既感覺，唔會好膩，我好鍾意❤️ 最後埋單六百左右，人均150，所有野都非常高質，無論服務氣氛同埋座位都無可挑剔，可能係加水個部分冇乜侍應會加水。但呢間餐廳會再去，亦都會推介比其他朋友 好適合慶祝既一間餐廳🍴 …查看更多

好少會食一人份量既酸菜魚，因為多數酸菜魚都係一窩窩上，所以多數食親酸菜魚都會同埋多幾個朋友一齊食。 聽到朋友介紹川婆婆，就好想試下，佢就話水煮魚好味。但由於本身唔太嗜水煮既野，所以就叫左酸菜魚 兩個都叫左酸菜魚，個份量好多，飯仲可以揀加大，一碗加大既飯量似出面酒樓既兩碗飯，好慷慨。但就預錯左食量，碗飯諗住叫加大比🐖，點知佢都食唔落。酸菜魚味道幾好，不過有少少唔夠酸，不過呢個價錢我覺得好好食。好鍾意佢入面啲配料，好足，有海帶、娃娃菜、芽菜，魚片份量就唔多，不過配料多。食到好滿足，另外加多左碗娃娃菜，兩個人埋單好似百七蚊左右，都幾滿意 成間餐廳都好好，不過座位就唔係好舒服，逼左少少，同埋隔離食客講野都好大聲，不過呢個唔係餐廳問題。但都係摯在食野，下次會想再試下佢既小食🤤🤤…查看更多

食得車仔麪多數就唔會要求環境，因為好多面檔大多係好逼，亦唔會有咩裝修。但阿四就唔得，有裝修且枱與枱之間都隔得開，唔係侍應都要就住行個種，所以整體比我感覺好舒服乾淨。 餐牌上面有好多野食揀，唔止傳統既餸，仲有額外既日式小食同埋飯揀。如果唔想食面，仲可以食下港式小食，都好多選擇下。 我地叫左碗仔翅、生菜，碗仔翅好食，值得一讚下會連埋紅醋一齊上，唔洗自己再叫 車仔麵就叫左兩碗，我覺得味道都幾好食，蘿蔔清甜。瑞士雞翼好食，不過正常好少難食。整體上都唔錯，加上環境舒服，價錢合理，會再去一試。…查看更多

夜晚要喺鰂魚涌聽講座，所以順便喺呢頭食野，好掛住餃掂同甜記既湯餃，見食評好似唔錯，就抱住一試無妨既心態去食 叫左冬菇馬蹄豬肉餃同埋香茜豬肉餃，香茜豬肉餃係幾好味既，不過冬菇馬蹄豬肉餃就麻麻地，冇乜味，整體我覺得一般，有個湯送，不過連我本身都幾鍾意飲湯都覺得鹹到唔想擺落口飲，所以一兩啖就果斷放棄。 所以真係試下就算，唔會再回頭，可能本身唔係真係咁嗜餃子，或者揀唔中好好食既口味，但出面有好多餃子鋪都做得比佢出色。…查看更多

我屋企之前都有開過餐館，其實都好明白餐飲既難處，但我覺得呢間餐廳真係有好大改善空間 食物方面，我覺得味道都幾好，辣度都好足，食過好多川菜館呢間味道都唔錯。不過叫咗個麻婆豆腐，完全貨不對辦，係一啲麻辣味都冇，我真係覺得好似用咗啲豉油蠔油糖求其炒埋一碟出黎，不過我就冇影到張圖，因為想拿拿臨埋單走人。 酸菜魚我覺得都幾好，賣相都幾靚，但個日個場好多人，搞錯左酸菜魚去人地枱度，先再搬番番黎，我只係希望個碗野冇比人掂過先。我地叫左加寬粉，不過入面伴隨左幾條出前一丁麵，我覺得有少少頂唔順，有時候餐廳出錯其實都好正常嘅，但係其實碗野都成三百幾蚊，食食下對面話見到有隻小強，真係唔開胃。呢類型既問題，我覺得餐廳要檢討下。 個場好旺好多人，搭枱我都可以，不過呢個價位，搭枱個位細到好似中學個啲木枱既位咁兩個人坐，逼我地叫少啲野咁，完全食得好唔舒服。個問題係，明明冇位，個侍應仲要係咁叫人入黎坐，完全影響左用餐體驗，有啲仲三個食客坐埋喺半張枱度。 加上出菜奇慢，一坐低就點既麻婆豆腐，等左成個鐘先有，衛生問題就唔講啦。 咁既用餐體驗，野食再好食都冇乜意欲想再去。…查看更多

🐟每逢星期五同男朋友拍拖去揀間餐廳食飯，大家都鍾意食川菜，就上網搵下，咁啱見到呢間餐廳裝修都唔錯，所以就去試下 🏠入到去覺得裝修好靚，好乾淨企理，比起平時街邊既中菜館，呢度環境寬敞，碗碟都好靚，係Tiffany blue💰價錢黎講，我覺得一般，定價都唔係話好貴，一個小菜大約70至$80左右，而酸菜魚既價錢可能就會貴啲，即時入會可以有$10現金卷。😁😁🍖食物方面，我哋叫咗酸菜魚、口水雞同埋麻辣豬紅。口水雞好食，不過我覺得呢樣野好難整得好難食，只要個汁同埋隻雞正正常常其實已經好夾好好食。🐖麻辣豬紅就唔係好夠麻辣，而且定價都有少少貴，我冇記錯加埋一好似要60蚊到，份量唔係話少但都唔多，但係豬紅本身其實好平，加上唔係話好好食，如果唔係好鍾意食豬紅既話，所以可以唔洗特別試。🐟最後就係我我哋每一次都會叫嘅招牌菜酸菜魚，用個爐加熱住都幾得意嘅，不過個紅色邊都幾辣手，所以食嗰陣都要小心。湯底我覺得唔夠酸，而且有少少芝麻其實我係好唔鍾意，雖然我好鍾意食芝麻糊但係個湯底有少少芝麻味我覺得有少少怪。不過入邊嘅配料都好足，例如有蓮藕、萵筍、芫荽、寬粉，全部都係我鍾意食既野。可惜湯底其實好多油，我就覺得有少少難飲，全部都係油黎，只要你唔係校到最熱，個湯面就會有少少白點，我本身都有少少怕油膩㗎，所以我應該下次都未必會再點。🧑🏻‍💼不過我覺得服務都唔錯嘅，例如我哋食唔晒想打包嘅時候，就有個哥哥主動幫我哋打包，我諗應該係店長嚟嘅，侍應都好快手，上菜速度都叫快。…查看更多

由細到大都喺附近讀書，到左中學先發現佢既存在。仲記得個陣有個師姐食緊車仔面，望住佢食得咁滋味就忍唔住去問左佢喺邊度買，然後就發堀左呢間車仔檔。 我屋企以前都開過車仔面鋪，但自從冇再做之後，我已經冇再食過啱自己口味既車仔面。但呢間食完就愛上再，尤其係佢既辣汁，好惹味，不過都有幾多味精下，但佢勝左平同埋大大份，有時間唔中我胃口大左啲啲我都食到好飽 我都幾鍾意佢既咖喱魚蛋同埋齋，齋索左湯好惹味好好食。中學時期到宜家最愛既組合就係齋 魚蛋同埋生菜，但三餸加野飲都係四十有找，好親民。雖然地方好狹窄同埋冇裝修，但比起連鎖車仔面店更有人情味，同有我既回憶，所以加左分…查看更多

每日番工都幾期待中午lunch break，搵機會放鬆一下，間唔中會揀一啲好少少既餐廳幫自己差電，我地今次就揀左Iberian，一間西班牙餐廳。 入到去光線昏暗，坐滿人，裝修幾有格調 點完菜就上左餐湯，南瓜湯配水晶包（crystal loaf)， 個包好彈牙，有少少似sourdough，好鍾意 南瓜湯一直係我既comfort food, 南瓜味都好濃郁，而且加埋少少胡椒，覺得好滿足。 之後再上main dish, 叫左牛扒，配紫薯蓉同沙律菜，整體好高質，紫薯蓉好特別，甜甜地，好好味，salad 配balsamic vinaigrette都好fresh不過我叫左medium都好似有少少過熟咁。不過以百幾蚊黎講，我已經對呢個質素滿足，一班同事食得開開心心就夠。 雖然上菜有少少慢，但侍應都好快跟番張單。不過覺得Set Lunch 都幾高質，如果有機會一定會再試下佢既dinner…查看更多

星期日等男朋友收工已經好晏，附近冇咩選擇，就拿拿臨揸車去附近食呢間川菜 之前路過，覺得門面唔錯已經想試，加上男朋友好鍾意食酸菜魚，所以冇搵其他選擇就入左去。 裝修幾靚，位置寛闊，坐得幾舒服，可惜覺得有少少焗，可能就收工，加上夜左冇乜食客，冇乜冷氣 餐牌係手機落單，好方便，可以自己揀走芫茜走蔥，不過其實揀左可能廚房搞錯左日基本上都冇成功走到。 但酸菜魚我覺得一般，完全唔酸，而且手多多禁左加麻，完全唔夾，唔係咁啱自己口味。加上個魚片太腍，且冇魚味，令我覺得好一般。不過勝在佢配料多，有雲耳豆卜芽菜仲有至愛既寛粉，所以都好滿足。 麻婆豆腐，整得好惹味，好鍾意佢啲肉碎同菜脯一齊 整體黎講，有裝修坐位寛敞，價錢合理，食物質素幾好，而且上菜熱辣辣，加上附近冇乜好食啲既川菜館，係一個好好既用餐體驗。…查看更多