lcyckw1004的個人專頁

葵芳一向都係美食天堂之一，呢次試吓呢一間位於商場地下嘅冰室☕️ 成日都人頭湧湧，雖然呢晚都要排隊，但係好快就有得入座啦。招牌秘制香辣魷魚米粉香辣魷魚份量都幾多，幾鍾意香辣醬味道帶少少辛辣，味道係幾惹味嘅🦑 而且魷魚唔會好韌，配米粉都幾夾。呢個餐配火腿奄列，但係我就轉配煎雙太陽蛋及香酥丹麥多士🍞 如果個太陽蛋再乾身啲，有燶邊就好啦🤣招牌沙嗲牛肉公仔麵沙嗲牛肉麵一直都係我嘅最愛，呢度嘅沙嗲醬味道好香濃，係有花生嘅香味🍜 牛肉嘅肉質唔會過分軟腍，呢個麵餐我哋配咗火腿奄列及香酥丹麥多士。火腿奄列煎得好靚，入面嘅火腿夠晒飽滿。凍招牌奶茶茶底唔會好澀，同淡奶嘅味道好夾，得閒嘆返杯奶茶都唔錯☕️凍檸檬茶茶記嘅檸檬茶真係港人最愛，呢度嘅檸檬都有幾多片🍋值得一讚餐廳上菜速度快，啱晒打工仔喺lunch hour爭分奪秒咁食個快飯，係間好有效率嘅冰室啊🤗…查看更多

年尾要獎勵吓自己過去一年嘅努力，所以呢日嚟咗呢間酒店內的高級餐廳 - CARVER食個午餐🍴我同朋友各自叫咗3 Courses。前菜♦️黃金蝦角一份有三件蝦角，外層係餐廳自家制嘅酥皮，入面嘅餡料就係滿滿嘅蝦肉，每件都漲卜卜😙 點埋側邊嘅是拉差蛋黃醬，油膩感更低🥟♦️CARVER 凱撒沙律配刁草煙熏三文魚呢度嘅Caesar salad除咗一般嘅調味之外，餐廳特別加咗白鯷魚碎入去，再加埋面頭有刁草煙熏三文魚、煙肉同埋大蒜油封麵包粒，令個味道同口感更加豐富🥗主菜♦️尖吻鱸魚柳呢個鱸魚柳煎得幾香，尤其係佢嘅魚皮，食落口真係脆卜卜，加埋魚肉嘅嫩滑，令人一再回味🐟 調味方面，魚柳用上茴香，而魚柳嘅底部有意大利青瓜蕃茄汁🍅 ♦️醬烤豬肋排呢份豬肋排整得好入味，骨同埋肉嘅部份都算容易分開🐷 側邊有香脆嘅啤酒薯條同埋解膩嘅烤菠蘿🍍 整體份量都幾令人滿足😌甜品♦️焦糖香蕉麵包布甸幾推介呢個甜品，擺盤精緻，面頭用上新鮮香蕉片同埋鮮忌廉，下面嘅麵包布甸用上雲呢拿蛋奶醬處理過，所以都好軟身🥰 味道略帶甜甜地，食落口幾creamy🍞♦️檸檬蛋白霜面頭白色嘅係檸檬凝乳，檸檬味道出色，加埋底下嘅士多啤梨醬，整體係好有層次同清新感🍓呢度嘅環境闊落，侍應服務殷勤，食得好舒服，下次再約多三位朋友，享受買三送一優惠，再encore先得 🤗…查看更多

上次食過呢間火鍋放題店喺觀塘嘅分店，原來旺角都有佢嘅分店，約朋友嚟食飯就更加方便啦😍 我哋今次叫咗2號餐，SRF美國極黑和牛套餐 。天氣開始轉涼，所以叫咗兩款冬日暖身嘅湯底，枝竹羊腩鍋同胡椒豬肚鍋 。胡椒湯真係足料，羊腩鍋又真係有幾嚿羊腩，食完個人更加暖笠笠🐑作為食肉獸，就梗係要狂叫唔同嘅肉啦，呢度每碟有大約2-3片肉類，方便大家預份量😙呢個級別嘅餐先有嘅SRF美國極黑和牛片、美國安格斯牛板腱同封門柳當然係我嘅主打啦 。除咗肉都有海鮮嘅選擇，例如帆立貝、鮮甜海蝦同爽脆墨魚 🦑 而其他火鍋配料就可以落單或者喺出面自助吧攞。特別要提吓小食嘅部分，火鍋放題都有得食乳鴿王同芝麻雞翼，兩款都炸得外皮好脆，但係都會有好多肉汁，每次嚟都會叫返幾隻嚟食 。最鍾意呢度唔使加錢都有啤酒任飲，有我最鍾意嘅日本品牌🍻而甜品嘅雪糕雪條任食之餘，甜品櫃仲有好多款一杯杯嘅甜品仔🤩 真係夠晒多選擇，唔似得出面坊間某啲火鍋放題限一杯雪糕咁孤寒 。呢間火鍋放題真係值得一試再試，不過大家記得book檯，上次7點嚟到等walk in，要去到9點半先有位啊 。…查看更多

呢排工作繁忙，趁有時間想好好享受一下午餐，今次揀嘅呢間餐廳環境寬敞，而且食物質素唔錯😌 食個豐富嘅午餐令自己一整天都心情愉快。蟹籽沙律先嚟一份頭盤，蟹籽沙律嘅用料簡單但精緻，主要有青瓜、鮮嫩既蟹柳同埋蟹籽，配上醇厚既蛋黃醬🤩 用呢個沙律開始呢一餐真係好Fresh🥗香烤羊扒主菜方面，我揀咗一份羊扒🐑 羊扒一份有3件，而且都幾厚身，切落去都仲好粉嫩，唔會太韌👍🏻 配菜方面有薯蓉同埋田園蔬菜🥬 薯蓉好Creamy，令人幾滿足。意式奶凍最後嗌咗甜品，意式奶凍真係q彈嫩滑😎 奶香十足，側邊仲有啲雜果同埋蜂蜜做調味🍯 整個味道都好夾。見到啲食物擺盤咁靚，真係忍唔住要影張相同大家分享吓。依到環境令人放鬆，如果下次再有me time，都想再嚟多次試吓其他食物🤓…查看更多

今日朋友帶我嚟觀塘呢一間人氣火鍋店 質素唔錯👍🏻 我嗌咗SRF美國極黑和牛套餐 食物種類都幾多🥰💛 鍋底清甜椰子雞鍋 好多人嗌呢個 因為味道幾清甜 個人覺得呢個鍋淥蔬菜好合適🥥 龍蝦頭鍋 朋友話好想試呢個期間限定嘅鍋 真係有一個好大嘅龍蝦頭喺入面啊😮 橙紅色嘅鍋底好吸引💛 肉類豬牛羊雞加埋有10款肉類可以任食 食肉獸最愛🐻 餐廳勁貼心 牛類嘅食物 有埋個溫馨提示 淥幾秒就食得🔔 個人真係好鍾意佢嘅澳洲羊肉片 食落口非常嫩滑🐏💛 海鮮呢間舖頭嘅海鮮都幾新鮮 個人最鍾意佢嘅鮮甜海蝦 肉質彈牙🦐 爽脆墨魚同埋帆立貝嘅味道都唔錯 💛 小食真係未食過火鍋會有芝麻雞翼同埋燒乳鴿皇食😮 芝麻雞翼嘅外皮炸得好脆 入面仲有好多肉汁 另外幾鍾意鹽酥雞係逐粒咁嗌 唔會嗌一兜嚟咗好多🐥💛 自助吧除咗可以用QR code落單 餐廳仲有一個好大嘅自助吧area 可以自己夾食物😆 沙律冷盤區有一啲開胃嘅前菜 中華沙律 今日仲有麻辣豬脷👅 另外火鍋配料區 有好多新鮮嘅蔬菜 同埋較特別嘅丸類 岩燒鱆魚丸食落口幾特別 入面有煙靭嘅麻糬🫢 另外有手包蝦肉雲吞同台北鴨血都有得食 仲有小食區 有即炸午餐肉 炸魚皮同埋鬆脆響鈴 火鍋必備之選💛 飲品選擇真係好多 喺雪櫃入面有珍珠奶茶 無糖茶 汽水 同埋啤酒任飲🍻 另外仲有暖櫃 有維他奶 菊花茶 無糖茶等等嘅選擇💛 甜品鍾意食甜品嘅你一定會好開心 因為呢度有好多款甜品 梗有一款啱你口味🥳 一啲杯裝嘅蛋糕 唔同口味嘅大福 牛乳布甸都有 雪糕櫃又係會令人瘋狂 因為有脆皮雪條 杯裝雪糕 榴槤雪條 仲有個軟雪糕機🍦 有得玩 又有得食呢一間火鍋真係唔錯 尤其係佢有得食芝麻雞翼同埋燒乳鴿皇🤩 真係幾特別 唔怪得知咁多人食啦…查看更多

呢日到訪咗銅鑼灣嘅一間樓上小店 一睇set menu就發現大部分主菜都係用咗慢煮嘅方法烹調 一問之下就明白店家嘅心思 就係想令食物口感更多細緻🤩前菜有兩個選擇 同朋友一人揀咗一款 今日嘅是日餐湯係法式洋蔥湯 仲配兩塊牛油法包🥖 法包非常香脆 田園沙律 用上橄欖油做調味🥗 呢度嘅沙律都幾Fresh 並唔係好似店名只係little fresh 㗎🤣 24小時法式慢煮豬肋骨除咗個主角豬肋骨之外 喺豬肋骨底下 仲有幾款配菜 有薯蓉 食得出係用真薯仔整出嚟 牛油粟米粒 加埋少少香草味道唔錯 同埋忌廉菇菌🍄 個汁幾creamy 豬肋骨都幾厚肉🐷 肉質軟腍 而且由於係慢煮嘅關係 都好容易起骨🥰 BBQ醬份量適中番茄忌廉汁蟹肉燴長通粉一上碟已經聞到好香嘅番茄味🍅 蟹肉份量都幾多㗎 撈埋長通粉一齊食都幾鮮味🦀 仲有啲菇喺呢碟長通粉入面 飲品迷迭香芒果菠蘿沙冰 呢杯有得睇 又有得嘆🤪 喺飲品頂頭嘅迷迭香 用火微微一燒 飄出嚟嘅香味令人好放鬆身心 底下嘅沙冰都好香菠蘿味同埋有淡淡嘅芒果味 朱古力咖啡☕️ 味道偏甜食完呢個午餐 好感受到店家對於食物嘅追求同烹調嘅心思 係一間好值得支持嘅小店啊👍🏻…查看更多

今日嚟到將軍澳慶祝朋友生日 我地一行四人揀咗呢間烤魚店食返餐好🥰 都有幾款套餐可以選擇 仲有折頭 真係好抵食😄芥末涼拌秋葵呢個前菜好開胃 秋葵呢個健康食物 配芥末原來有呢個效果 感覺好清新🌱川渝小酥肉份量都幾多 而且好香口 豬肉炸到好酥脆🐷 仲有辣粉可以點 不過我覺得原汁原味更加正香辣韮菜鴨血呢碟鴨血味道同我個鍋底有啲似 但係多咗好多蒜蓉同韮菜😚 鴨血好嫩滑七月絕品烤魚我揀咗清江魚 貪佢肉質較實淨 冇咁肥膩 而鍋底口味 就想試下刺激啲嘅毛血旺口味🤪 真係幾辣幾惹味 仲有多款配菜 有鴨血 午餐肉 牛柏葉 雲耳 洋蔥🧅 烤魚配呢個鍋底真係好正 想食完再食🐟 烤魚配菜可款4款 我揀咗土豆片 鴨血片 蓮藕片同埋魚豆腐 土豆同蓮藕都切得好薄身 好方便煮食🥔 魚豆腐口感有魚蛋嘅彈牙 但相對較軟身蒜蓉燒扇貝扇貝大粒 肉質軟腍🫢 蒜蓉份量好多 燒完一上碟真係好香 可能食慣有粉絲嘅選擇 所以都係覺得如果有埋粉絲就好啦😚燒名物可以喺15款入面揀8款 而且每款有兩串 我地一行四人都可以試到👍🏻 燒肥牛串 厚燒牛舌串 燒羊肉串 燒荷蘭豬五花腩 燒雞中翼 燒雞腎 燒雞軟骨串 同埋燒玉米🌽 燒玉米好甜蔥油拌麵一碗份量都幾多 蔥油嘅份量啱啱好 唔會太油膩🍜 麵嘅質地較軟身四川冰粉糖水呢個都幾特別 本身冰粉冇乜太多甜味 主要都要靠配料 紅豆 山楂 松子 提子乾🍇 夾埋一齊食真係好涼快飲品特飲都有好多選擇 爆珠百香果茉莉綠茶同埋爆珠芒果乳酸茉莉綠茶 茶底幾香🍵 另外仲嗌咗爆珠草莓番石榴乳酸梳打同埋爆珠青瓜青檸梳打🍋呢間烤魚真係唔錯 難怪有咁多人食啦 今日係星期四都坐滿晒👍🏻 真係好犀利…查看更多

呢日8號風球 唔想喺屋企煮飯就落街去咗樓下嘅酒樓食飯🙈 由於擔心佢冇開門 所以落嚟之前都打咗一個電話 店員話佢哋全日都有開門呀 10號風球都開添㗎😮 咁第日天氣惡劣 晚餐咪有着落囉游水沙巴龍躉呢個係優惠小菜嚟嘅 有三款可以選擇 $108有咁大條魚真係好抵食呀🐟 難怪枱枱都嗌呢個魚啦 條魚鮮味 而且唔會蒸得過咗火候🔥蒜蓉粉絲蒸大元貝4隻元貝都好飽滿 最鍾意就係佢嘅蒜蓉粉絲👍🏻 非常惹味可口蜜椒京蔥爆牛仔骨牛仔骨份量充足 而且好厚身🐮 配菜都炒得非常有鑊氣 個芡汁好好送飯啫啫通菜煲出街食飯都要嗌返碟菜 健康啲平衡返🥬 一打開蓋已經好香 入面有蒜子 豬肉粒 同埋蝦米 簡簡單單已經好吸引甜品呂宋芒果布甸 配埋啲花奶真係唔錯🥭 入面仲有芒果粒粒㗎 擂沙芝麻湯圓 外層煙韌 面頭就有啲黃豆粉同芝麻碎前菜及茶芥前菜係好開胃嘅蕎頭 脆卜卜咁 口感十足🥢 茶芥14蚊位 唔似坊間用茶包🍵食完咁多樣 最鍾意都係佢個蒸元貝 因為蒜蓉蒸粉絲係我最鍾意嘅配搭 而且依度都整得唔錯☺️…查看更多

朋友介紹我嚟油塘呢間燒肉放題試吓 又真係幾抵食 幾值得推介俾大家😚 燒肉係自助形式拎野食嘅 外面有分咗唔同嘅區域拎野食 排列得幾整齊同埋有食物嘅tag👍🏻肉類推介基本上嘅豬牛雞都滿足到😎 安格斯黑椒洋蔥牛柳粒 極尚牛肋骨 汁燒牛舌 韓式護心肉 牛肉質素都唔錯😉 燒烤又點少得雞中翼同雞扒🐥 沙薑雞扒 韓式雞中翼 炭燒燒汁雞翼都幾厚肉 另外都食咗好多件豬仔骨 蜜汁叉燒 同埋五花腩🐷燒烤海鮮龍脷魚柳 鯖魚 魚肉嫩滑 唔會有好大嘅雪藏味🐟 幾推介咖喱魷魚🦑 燒完真係香噴噴日系風味完全冇諗過呢度仲會有日式嘅食物 雪櫃入面有三文魚刺身 一碟三片 但係已經俾我急不及待咁食咗一塊🫢 仲有一啲前菜 同卷物🍣 例如係芝麻八爪魚同埋加州卷人氣小炒及脆卜卜炸物有甜醋豬腳薑 菠蘿生炒骨 同埋蘿蔔牛腩牛筋 牛筋炆得好入味😙 炸雞中翼 春卷 咖喱角 麥樂雞 薯條 樣樣都係微暖 但依然好脆口 特別中意佢嘅炸雞中翼 好大隻 又好juicy😉特色甜品一入門口已經見到甜品區 有啫喱杯 檸檬撻 朱古力炸彈 牛奶公司雪糕 仲有韓國特色水果雪條🫢 朱古力炸彈幾有驚喜 入面有少少流心咁🍫多款飲品有好多汽水 啤酒任飲 燒肉配啤酒係個唔錯嘅選擇🍻 仲有楊協成產品 可以清涼少少🤏我同朋友都食得好開心 因為真係好抵食😏 呢個價錢食到咁多嘢真係好正 真心推薦大家過嚟試吓🤩…查看更多

呢個集團嘅打邊爐都幾啱我口味 所以我間唔時都會嚟幫襯吓☺️ 貪佢一人一鍋 又不時推出一啲新嘅套餐 今次試咗美國穀飼精修胸腹肉及海鮮放題🥰 90分鐘已有好夠食湯底博多豚骨濃湯 港式蕃茄薯仔湯🥔 一人一鍋 豚骨濃湯味道較重 蕃茄薯仔湯配牛肉好夾🍅肉類美國穀飼精修胸腹肉心 呢一碟肥瘦分明嘅牛肉就係呢個餐嘅主打😍 除咗肉味重之外 仲非常嫩滑 都仲有幾款肉類可以選擇 特選美國牛肩胛 肉質較瘦 但係都好食 雞肉 豚肉 羊肉片 比較特別 都有羊味 但唔係羊臊味🐑海鮮呢個餐都有幾款海鮮可以任食 海蝦 半殻青口 魷魚仔 帆立貝 蟹籽墨魚滑 黃金花枝棗 呢幾樣賣相都唔錯 個人就最鍾意帆立貝👍🏻自助吧外面嘅自助吧可以隨便拎 丸類 蔬菜等等種類都幾多 而且乾淨企理每一個食物都有獨立蓋😉 飲品 就係好似汽水機咁 而甜品都有自己一個區域 佢嘅泡芙有朱古力同埋雲呢拿 我就食唔停口啦😛呢一餐真係幾滿足 而且店員服務幾好 上菜速度亦都夠快 呢個牛胸腹而家諗返轉頭都回味無窮🤪…查看更多

燒野食又有個好選擇🔥 以往去郊野公園嘅燒烤場燒都要帶超級多野 搞到去燒嘢食嘅意慾都低咗好多🥹 但朋友介紹嘅呢間燒烤場所就好貼心 而且環境衛生 就連廁所度乾淨企理🫢 五人海鮮餐已經包咗食物 工具同飲品🥤 飲品有蒸餾水5支同埋5罐不同類型嘅罐裝飲品🧃 工具就非常貼心🛠️ 有燒烤網 鉗 5人餐具包 手套 燒烤叉 蜜糖 同埋炭2包 真係乜都唔駛自己帶海鮮及肉類彈牙海中蝦1盒 蒜茸半殼帶子（五隻）1包 同埋紐西蘭半殼青口 1包 海中蝦真係性價比好高 肉質彈牙 蝦味濃郁🦐 蜜汁叉燒2包 雞扒3包 豬扒3包 雞中翼2包🐷 蜜汁叉燒甜甜地幾好食 燒完出嚟同坊間嘅叉燒都有幾分相似 自己都可以燒到咁靚🫢 丸類及蔬菜海鮮三寶丸2包 爆汁芝味芝士腸1包 雞肉腸1包 台式脆皮腸1包 呢啲丸類都有好多 唔怕要爭嚟燒🍡 迷你日本甜薯1份 香甜粟米2份 仲有牛油可以塗上去 牛油粟米真係好正😊古法吊燒雞我地另外加購咗呢隻雞 根據書仔所講 燒個底部25-30分鐘 然後反面燒個雞皮 大概10分鐘就食得啦🐥 呢隻雞真係好高質 入面真係有好多肉汁 肉質嫩滑係海邊燒住野食 又唔怕曬親真係唔錯👍🏻 整體配套完善 有大牛角扇 又有小賣部買雪糕飲品 重點係有俾小朋友放電嘅收費設施😮 大人細路喺呢度都會玩得開心…查看更多

之前食過青衣分店覺得質素幾好 所以今次同住港島區嘅朋友食就嚟咗太古分店啦😗 我今次揀咗極級美國和牛套餐 午市放題可以食90分鐘 除咗餐牌上嘅六款肉之外 仲有自助吧 甜品區 飲品區 蔬菜等等嘅嘢可以任攞😌肉類總共有六款肉 可以用QR code落單 極級美國和牛 呢一款肉質比較瘦🤓 特選美國牛肩胛肉眼 咁多款牛肉入面我比較鍾意呢款 因為相對較肥美 而且牛肉味香濃🐮 嚴選美國牛肩肉 呢碟相對肉質比較有咬口 特選雞腿肉 雞腿肉好厚 煮完仲好多肉汁🐥 美國豚肉 呢碟我哋都返嗌咗幾次🐷 牛舌 呢個厚度嘅牛舌啱啱好 唔會過韌👅 鍋底日本櫻花蝦沙嗲鍋 沙嗲湯底唔會好杰 食落口有少少花生香味🥜 壽喜燒風味湯底 附雞蛋一隻 呢個配牛肉食就好正啦🤪自助吧外面有個自助吧位置 可以自己夾唔同嘅嘢食😌 丸類嘅選擇我覺得都幾啱我胃口 有豬皮 芋頭丸 墨魚丸 三角腐皮 腐皮結 豆卜等既食物 比較印象深刻嘅係芝士豆腐同埋芝士獅子狗 食芝士獅子狗要小心睇熱呀🧀 因為啲芝士會流晒出嚟蔬菜另外有個雪櫃放咗好多唔同嘅蔬菜 油麥菜 生菜 白菜仔 羽衣甘藍 娃娃菜 呢啲蔬菜全部一兜兜咁裝好 衛生得嚟 仲好新鮮添呀🥬 係自助吧既另一邊都仲有其他蔬菜 椰菜花 蓮藕 冬菇 金菇同秀珍菇🥦甜品到我最愛嘅甜品 一入門口就已經俾佢吸引咗😝 種類都幾多 紅豆麻薯 Brownie🍫 Oreo cheesecake同埋朱古力cheesecake 仲有雪糕櫃 有明治嘅煉乳紅豆雪條 同埋藍莓乳酪雪條🍦呢個午餐真係超級豐富 有好多唔同嘅食物選擇 真係食到好飽啊😮‍💨…查看更多

今日中環呢邊俾自己過一個小旅行🧳 當然想食一啲高質素嘅菜式啦 同行嘅朋友帶咗過嚟呢間有米芝蓮美譽嘅中菜館😗 都有好多呢頭返工嘅人士過嚟食飯🍚 老火湯見到店員喺個瓦煲度攞出嚟 即刻加咗不少風味😳 呢個湯唔會太鹹 完全唔係出面嘅味精例湯 店員冇𢳂啲湯渣俾我哋 等我哋可以好好享受湯嘅全部精華咖喱醬炆牛筋腩呢度嘅牛筋腩炆得好腍 好入味🐮 啲牛筋腩係未煮之前應該有雪花❄️ 食物質素真係唔錯 隔離仲有一啲煮得好軟身嘅白蘿蔔 仲有牛筋㗎😻 送飯一流呀蝦醬京蔥爆鮮腩片呢一碟都相當有驚喜 蝦醬嘅味道非常香 上碟嘅時候已經覺得呢味餸好有鑊氣🥰 豬腩片層次分明 入面仲有京蔥絲 洋蔥絲等嘅配料 簡簡單單已經好考師傅嘅功夫啦 豬腩片仲有啲軟骨部份真係啱晒我呀🐷甜品呢個係一個好養生嘅甜品 一家大細都啱食㗎 係蓮子百合雪耳糖水 入面除咗啱啱講嗰幾樣材料之外 仲有紅棗 桂圓 杞子 同埋紅腰豆🫘 飲完都覺得喉嚨舒服晒茗茶我哋嗌咗鐵觀音 味道清香 店員仲好主動加水🍵覺得呢間飯店嘅店員非常主動 又樂意幫忙 果然中環區嘅食肆服務質素有返咁上下😆 如果想食高質素米芝蓮嘅中菜 不妨可以嚟呢度試吓…查看更多

好多年之前嚟過呢度飲茶🫖 其實已經覺得美心集團來講呢間嘅服務質素麻麻😵‍💫 但係冇理由一次用餐體驗唔愉快就唔再過嚟試吓 所以事隔幾年之後我又再嚟咗呢度中伏😫鳳爪排骨飯我覺得食呢啲盅頭飯配豉油俾個客係基本😓 呢度嘅姐姐竟然就咁放呢個飯就走咗去 問都冇諗住問你要唔要豉油 唔知係個別例子定係點啦 排骨嘅肉質還好🐷 飯嘅份量唔算太多 但係每粒飯粒都係煙韌有咬口嘅香芋鴨腳扎呢個個賣相簡直係要比50分 層腐皮完全冇包裹住隻鴨腳😕 比想像中真係爭好遠 入面嘅餡料就正正常常都係豬肉芋頭同埋一隻鴨腳咁囉濃湯鮮竹卷呢碟就幾好食嘅 尤其係佢啱啱上碟嘅時候 每一條鮮竹卷都好掛湯😗鵪鶉蛋燒賣呢個係坊間比較少見嘅菜式 所以一見到都要嗌嚟試吓😚 鵪鶉蛋下面嘅豬肉好大件 呢碟計大點嚟講都幾抵食韭黃鮮蝦腸呢碟蝦腸嘅粉皮都幾滑 但係我嫌佢太厚身 不過入邊嘅蝦都幾大隻同埋彈牙 如果層皮薄啲就好啦🦐主要都係服務質素一般 我諗都唔會再有下次啦🥲…查看更多

夏日炎炎 午餐時間都熱到冇乜胃口☀️ 所以唔係好想食飯 經過見到呢間刀削麵專門店 就決定快快趣買個外賣 拎走慢慢食😋餐廳除咗刀削麵 都仲有上海菜飯🐷 不過今日目標好清晰 就係食過冷撈嘅刀削麵麻醬冷手撕雞刀削麵🐥呢個刀削麵有手撕雞 青瓜絲 麻醬同擔擔醬 雖然餐廳話擔擔醬係有少少辣 但係其實食落都唔係好覺😮 手撕雞嘅份量有好多 去到最後變咗就咁食手撕雞 好難得見到餸多過麵 麵條因為係冷撈 麵質會比較硬 我個人就比較鍾意食硬少少嘅麵條 所以幾啱口味😉我仲另外加咗支豆漿 但係估唔到豆漿得咁細支 下次就唔會加配啦🤣…查看更多