YimYoyo的個人專頁

懶煮飯所以叫老公外賣返黎，晚餐時間叫左個二人餐外賣，返到屋企發覺少左碗飯，打返去問二人餐有幾碗飯，俾個職員好似跳制咁重覆答我「賣晒啦賣晒啦」，然後我未講完就cut線！打返去幾次都係咁既情況，即刻火都黎埋！之前堂食已經試過唔記得俾飯，當時職員唔忙企晒係度都可以俾漏野，定係碗飯貴到唔捨得俾？？職員態度同服務質素真心唔得，食物味道正常份量都算多。btw,個水晶豆花唔好食，跟餐勉強要，另外嗌既就可以慳返舊錢啦…查看更多

結婚週年求其落街食餐飯，搵到間價錢唔貴又多野食既居酒屋試下，個蠔好食，個汽水好味，夜晚都有dinner set。員工好有禮貌！會keep住食，平日lunch set都唔錯。…查看更多

我1:30入到座，舉左手5分鐘都冇人理我，啲staff見到都當睇唔到，最後忍唔住自己去收銀拎。然後舉手叫人落單又用左十分鐘都冇人理，d人又係睇到當睇唔到！跟住碗麵等左25分鐘先到，未計食淨等都用左大半個鐘有多！離晒大譜！嬲到我麵都未食已經忍唔住要上黎打食評！完全係大知所謂，雖然啲野係平，但都唔係俾啲咁既服務呀！？唔知以為我差佢錢囉，個個都扮睇唔到，想搵個人都咁難！下次餓死都唔會再黎呢間，不知所謂既服務、員工！…查看更多

啲野係幾好食，但服務態度好差事源我打電話叫外賣，冇餐牌係手同佢講午餐東陰公湯既粉，個staff係咁問我LB幾，我同佢講load唔到個餐牌出黎，佢仲係咁問我係LB幾？我話我想要東陰公，佢先話係咪LB04？轉頭我睇返餐牌，原來有幾個東陰湯，我已經覺得原來佢求其hea我，咁我打返去confirm返我係要東陰公海鮮，個staff叫我等等就cut左我線！咩料！？食店食物味道重要，但服務態度都好重要！雖然呢間唔係咩貴野，但服務差到咁係唔可以接受！…查看更多

同屋企人黎慶祝的生日，屋企人唔食生野所以見啲間好似幾多熟海鮮先黎，點知到左先發現好多野都冇。最搞笑酸菜魚個煲得酸菜，行左個轉都冇咩啱食，啲龍蝦冇咩味！不過公平啲講，啲生蠔幾爽口鮮味，係唔錯，食左十幾隻唔使排隊，refill得好快，呢個值得一讚！但屋企人覺得冇咩啱食！…查看更多

係大圍住左十幾年，已經食左好多年，以前好好食。呢兩年紅左開始愈黎愈貴，，12蚊得6條，又冇咁好食。叫佢走芝麻多甜醬，佢連豉油都走埋，乾掙掙咁好難食。有啲名過其實！…查看更多