eateatandeat的個人專頁

本身係openrice book左6:30，但可能時間尚早，去到見到仲有好多位，就直接walk in安排嘅位置坐得舒服，唔會逼之後叫左個小辣招牌雞煲，雞煲到後，店員先細心地幫我地撈勻個煲，然後就開動喇之前係第二到食過啲多骨少肉嘅雞煲但呢到就好多肉，個煲都好香食到咁上下就加湯準備打邊爐，每枱都有一個湯壺比客人自己加湯，非常方便！加湯後，味道依然好濃，個煲亦都唔會變得好油，食都食得舒服啲，打邊爐嘅材料亦好新鮮最後，想大讚服務態度由雞煲到打邊爐，店員都會時常留意個煲同協助較返合適嘅爐溫。店員期間問過我地係咪openrice到book左位，因為book左會送一罐菜脯，店員轉個頭就主動送返比我地。店員見到我地得返一張紙巾要兩份分時，就主動遞上一包紙巾，很貼心。離開店後，職員突然追出黎叫住我地，原來我漏低左罐菜脯店員追出黎就係為左比返我地無論食物質素、環境同店員都好好，希望質素可以保持落去…查看更多

早前忘了在那個blog看到介紹此店，便已經心思思想試一試，難得今日天氣放晴，便決定實地考察一次一到達門口，便看見一個擺著各式各樣的果醬小攤檔，站檔姐姐拿了一杯小小果汁給我們試喝，如果沒記錯，應該是熱情果口味吧(?)進店後，叫了一個鮮果雪糕窩夫，配一杯冰雜莓紅茶與紅豆冰，可能週末特別多客人吧，本來窩夫想配士多啤梨或紅酒啤梨醬，但剛巧兩款醬也售罄，那便改為配雜莓醬。冰雜莓紅茶先到喝了一口，略為有點不夠冰涼，不過味道帶點微酸，再配上紅茶，很開胃很清新完全蓋過它不夠冰涼的弱點然後窩夫到了雜果、窩夫、雪糕與忌廉佈滿碟子，五顏六色的，看了心情也跟著好起來窩夫配上雪糕與雜莓醬，感覺原來很棒！先嚐到雪糕的甜味與冰凍，然後再嚐到酸酸甜甜的脆脆暖窩夫，只能說這是一個大滿足。其後試了一口紅豆冰由於本人對於紅豆冰沒有太大好感，所以...沒有認真去品嚐，只是感覺有點太甜最後，離開時忍不住在門外買了一罐玫瑰蘋果果醬回家細細品嚐店舖設計以綠色為主，簡直大愛，可惜去的時候，剛好客人也不少，未能好好欣賞，加上還有多款果醬未試過，所以，期待下次再會嚕！…查看更多

今日嘅天氣十分之熱,剛巧係將軍澳行完街,就想搵間甜品店食個冰涼嘅甜品,第一時間就諗起聰嫂由將軍澳行過去坑口,唔算好遠,但已經足以令我地出哂汗今次叫左一個士多啤梨豆腐花同埋雜果涼粉,雖然我冇試到個涼粉,但見到D水果種類都幾豐富,而且數量都唔算少而士多啤梨豆腐花亦都好特別,因為豆腐花頂層係酸酸甜甜嘅士多啤梨冰,當豆花一送上台,本人第一時間就係將士多啤梨冰大大啖咁擺入口,悶熱嘅感覺實在立即消退唔少,似乎比起用新鮮嘅原粒士多啤梨做更加吸引聰嫂,的確唔錯而且發覺樓面姐姐好快手,因為當時得佢一個負責樓面兼收銀,客人亦唔少,但佢依然搞得掂另外,仲有幾種唔同味道嘅冰未食過,期待下次再逐一試試…查看更多

好日都唔打一次評論,估唔到今次會係嬲到要上泥打!本人唔係經常去食,不過今次之後就唔會再有下次今日入到元朗,特登過泥食,但係就大失所望.唔係食物有問題,而係店員態度有問題當我地落完單,叫左個B仔之後,有位帶頭箍嘅呀姐叫我地掉去隔離台,話因為後面有一大班人,咁我地就掉過去啦,掉位OK絕冇問題但之後發生嘅事,我就的確忍唔落喇...當我地一路等~等~等~等左差唔多4,5個字眼見其他比我地遲泥嘅人都已經有得食,我地仲未有就吹一吹個頭箍呀姐,佢第一句係話"冇收到單WO,邊個幫你落嫁?!"真係想問一句,乜而家出街食野要認住邊個落單嘅咩?我地本身以為係佢落就話係佢,點知,佢睇一睇張單之後就語氣超差話"都唔係我落,D字都唔係我D字~"然後佢就大叫,問企係廚房出面個呀姐個到有冇單答案竟然係冇,頭箍呀姐冇向我地解釋番件事,只係係到同我地再三強調D字唔係佢寫,其實我地唔需要知D字係咪你嘅,剩係想知發生咩事..企係廚房兩個呀姐睇睇下,先發覺兜野送左去原本我地座個到,姐係個一大班人到但個台D人本身好似冇叫B仔,唔知點解可以照食當時嬲到震,另一個呀姐話即刻整番,但確實唔想睇住張單D字再等到天都黑埋先食到呢兜極品,只好走人. 其實我知道呢間甜品店好出名,唔休做,但係要有好店員先會令客人食得舒服,否則食物再平再抵,都只會令一D同樣重視店員質素嘅客人向食店SAY NO.最後我地企係佳記門口向B仔永別,然後再向對面間FAN HAU甜品進發…查看更多

晏就係荃灣上堂,咁近近地就去左呢間野到食..一入到去,waiter都唔見多個咁就是但搵個位座..跟住就落單..之後竟然聽到有呀姐話廚房d人唔肯整野過左一陣之後,格離台一個比我遲落單ge人竟然快過我有野食因為見到係同一款飯,所以先會諗點解佢會快過我有呢..跟住就諗會唔會有人送錯呢?!但係個男人又照食..轉個頭就有兜豬排飯送去個男人到個男人竟然冇出聲,計續食個飯,個時已經知道有人送錯飯我即刻問個waiter點解我個飯咁耐同埋我嗌先都未有..個男人先笑笑口話"我食左你個個"好明顯d waiter對台號唔熟而且又唔睇清楚!仲有成間店d員工默契非常差試過一次之後我一定唔會再去食!…查看更多

今晚1個人食諗住嗌外賣,點知要$50先會送不過接電話個waiter態度好好:)咁樣唯有嗌完落去拎~唔知係咪今晚比較忙,所以落到去都等左一陣先有.買左個套餐,黑椒煙鴨胸肉米線,加一杯餐飲之後加多$5有多一個$12甜品外賣加$1,總共$36都唔算太貴.鴨胸肉略為少左d,有d失望:(不過d肉都好入味,所以都算係咁,餐飲要左沙冰,不過飲到底發現有粒冰成粒冇碎過甜品就要左豆腐布丁,食落都好香整體算都幾好.…查看更多

之前見報紙介紹就去試下,點知完全失望:(叫左杯芒果珍珠綠茶成杯野都好酸d珍珠又好似成粒粉團咁..之後都算喇..點知飲哂成杯野都仲有好多珍珠係底.d冰多到阻住哂d珍珠食都食唔到!之後唯有掉左佢…查看更多

今日落左銅鑼灣.咁岩經過就買左杯珍珠奶茶試下,$12就有好大杯而且珍珠非常多,簡直飲每一啖都食到好多珍珠d珍珠都好煙un所以大家都不妨一試…查看更多