amd828的個人專頁

今日同朋友過黎馬鞍山上堂，順便食埋飯先走，原本諗住隨便揀一間食，點知成條巷只有一間排晒隊，肯定唔會伏.２個人都等了差不多２５分鐘，終於有位，等位期間，店員好熱情招待，又有免費凍冬瓜茶，又有免費台灣餅乾，好細心。店內位置不多，被安排坐ＢＡＲ檯，等左咁耐梗係要食好Ｄ，所以叫了紅燒牛三寶，另餃子套餐＄１５再額外加＄１５要黑糖鮮奶，如不想加錢，其實都送珍珠奶茶的，這間小店價錢相當親民，尤其是好多款小食套餐，由＄１５—＄２８都跟埋一杯台式飲品，相當抵食。牛三寶麵好快就黎，大大碗，望落賣相吸引，麵條好滑，同其他店唔同，好正，牛肉，牛根，牛肚夠淋，好入味，最喜歡牛肉是用牛肋肉，完全唔硬，好好食，另外另一亮點係半隻流心蛋，相比其他台灣牛肉麵跟的全熟蛋，這個流心蛋真係羸晒。黑糖鮮奶賣相非常吸引，虎紋效果出色，唔太甜，珍珠軟硬適中，以＄１５價錢黎講真係超晒班。好多人都話馬鞍山係美食沙漠，但這間店應該可以為馬鞍山打破沙漠這個名。…查看更多

今天需要幫公司同事送一份東西到AEON, 原來整個場已完全改裝, 行經美食廣場突然看到我非常喜歡的梅光軒, 當然要馬上落單.同希慎廣場店一樣都係要先買飛, 但收銀小姐說只能用八達通付款, 比現金又要去第二個收銀處重新排過隊, 這安排真是非常麻煩 同樣地, 都係BAR檯形成, 同拉麵好夾既麥茶全部放在檯上, 自由添加. 講番醬油拉麵, 味道一如以往, 都係保持水準, 湯唔會太鹹, 但又飲到甜甜地, 拉麵仍然是最愛的曲曲麵, 掛湯一流, 叉燒也是好淋身, 但略嫌細塊, 下次可以多付$18要叉燒拉麵. …查看更多

呢段時間都係銅鑼灣返工, 之前一日食了一碗超難食的麵, 今天一定要食番一碗好味既麵, 第一時間便諗起梅光軒.其實, 已不止一次光顧, 今次點了最基本的醬油拉麵, 買完飛時, 已有員工準備奉上熱茶, 但因不知我坐那裡, 一直站在一旁直至我坐下, 迅速奉上熱茶, 再放下筷子筒, 因今次我不是坐BAR檯, 坐在中間跟壽司共用的檯, 以FOOD COURT形式, 這家店的服務真是一流.不到5分鐘, 熱辣辣的拉麵送到, 濃濃的醬油湯, 味道更勝之前, 喜歡梅光軒另一原因是湯很夠熱.兩片不厚不薄的叉燒, 略嫌乾身, 但尚算OK, 如果醬油味再濃一點會更好.麵條仍是像公仔麵, 但梗係比公仔麵好味得多, 由於麵條不是直的, 掛湯能力強, 連湯一齊入口, 真是無得頂.看來這星期在銅鑼灣, 梅光軒將會是我的飯堂.…查看更多

朋友說亞坤在銅鑼灣開了新店, 仲要24小時, 之前尖沙咀開店時已很想試, 但每次都好多人, 今日係銅鑼灣返工,收工時已近12點, 所以特地試試.坦白說, 我已一段長時間沒有寫食評, 為了"亞坤", 唔寫唔得. 一上到店, 已有些不好的預感, 冷冷清清, 員工站在一邊傾偈, 不過算數, 反正黎到, 都試試.它是先到外邊收銀落單比錢, 之後會比一個電子牌, 係揀緊的同時, 已聽到後面檯的客人在投訴, 多士凍同好淋, 我聽到那位員工回答客人竟說我地係咁, 心諗千祈不要揀多士, 就揀了"馬來西亞卥麵"+熱鴛鴦.食完第一口已知出事了, 那個味道好似街邊咖哩魚蛋D醬撈麵, 除一隻蛋外, 只有少量豆卜, 我估只是一個豆卜切粒, 沒有任何配料, 但加送超重味精, 食了幾口已吃不下去.那杯鴛鴦更是糖水, 沒有茶味, 咖啡味, 只是甜味. …查看更多

行經超市發現有間拉麵店, 大概聽過都是有名的過江龍, 所以決定一試, 這家比較特別, 餐牌印係牆上, 清清楚楚, 雖然選擇不多, 但都有些選擇困難, 店員突然走出來說要唔要介紹下, 那麼讓她介紹, 原來這店係北海道旭川最有名是醬油拉麵, 湯底是用豬骨, 雞, 魚煲的, 醬油也是北海道做的, 係北海道每天急凍空運到港, 嘩, 厲害, 難怪位於food court, 但餐廳的價錢啦!點了normal的醬油拉麵($85), 因為不吃筍及蔥的, 所以全走, 加日本蛋做的半熟蛋($10), 但不知原來有日本麥茶供應, 亦點了COKE ZERO ($10). 很快拉麵到了, 熱辣辣的拉麵, 日本人吃拉麵的習慣先喝湯, 我都一樣, 但原來真的很熱, 有點燙到, 但味道是從未飲過的湯. 沒有味精, 濃郁的豉油味, 一點鹹都沒有, 反而飲到有豬骨湯味. 其他很有名的拉麵店, 如黑蒜, 什麼赤, 白, 黑等, 我試過, 湯底的油膩實在令人吃不消, 但這家明顯湯是不油不膩.普通拉麵有兩片叉燒, 看起來很瘦, 原以為好硬, 但食落很"淋", 應該都是用醬油湯的醬油腌的, 有豉油味, 不鹹, 似是用新鮮豬肉做的, 有肉味, 不似其他的用豬腩肉, 雖然不硬, 但很油.拉麵的主角 - 拉麵是公仔麵? 完全是錯覺, 很攣的麵但很彈牙, 麵身浸滿湯汁, 就是因為攣掛湯能力才那麼強, 麵的份量偏大, 很飽肚! 那隻$10的半熟蛋, 真是無懈可擊, 價錢算便宜, 並且是用日本蛋做的, 糖心, 流心, 很有蛋味, 完全不能以國產貨比. 看到蛋汁有點不捨得吃的感覺. 一定一定要加蛋!!!還有附送的日本麥茶, 跟拉麵出奇地配合, 夠凍, 夠茶味, 有點麥香, 還有兩壺放在bar檯上給客人自行refill, 很細心! 我點了的ZERO原則上只喝了少少.食拉麵可以連湯都飲埋, 真的是第一次! 超飽! 超滿足! …查看更多

難得凌晨2:00還有麻辣菜做宵夜, 點了麻辣牛柏葉, 蒜泥白肉, 蒜蓉A菜, 擔擔麵, 鍾水餃.先黎蒜泥白肉: 味道一般, 有點不太新鮮, 可能一早已做好, 好像放了一整天, 難怪落單後不到3分鐘就送到. 蒜蓉A菜: 好味, 好重既蒜蓉味擔擔麵: 一點辣都沒有, 沒什麼味道, 但不明為何碗麵是唔夠熱的鍾水餃: OK, 不是太辣, 皮厚但沒有硬, 肉質一般, 但以價錢睇,好似$20一份, 水準算是中上麻辣牛柏葉: 驚喜之作, 麻而不辣, 牛柏葉爽口, 略嫌味精重手點, 是這餐最好味之作…查看更多

難得去佐敦攞sample, 專登去一試從未到過既澳牛, 一去到, 門口聚集約十幾人等位, 但有位不太禮貌的先生突然講"一位唔好行開, 入面最埋個位", 但今日攞住一大袋sample, 真的唔方便坐得咁入同咁迫, 都是想走既時候突然近門口有一位, 所以才坐下, 原本那位不太禮貌的先生, 突然開了一張摺椅給我放東西, 突然間覺得很內疚, 原來他們雖然粗聲粗氣, 但原來外冷內熱.黎到當然要試下常餐, 火腿意粉沒什麼待別, 跟一般茶餐廳無異, 但那份炒蛋真的滑到不得了, 應該加入很多牛奶, 真的無敵.再黎當然要食埋最有名既燉奶, 今次選了凍既燉奶, 一看到, 感覺好"杰", 第一口, 奶味豐富, 不太甜, 一點牛奶的"蘇"味都無, 超水準之作. 難怪客人真的沒有停, 川流不息.…查看更多

東寶小廚聽了很久, 連明星都會幫襯, 還有就是等位. 今天6:15來到, 問那裡登記, 一直都被那些沒有禮貌的侍應先生說前面, 問了三個不同人, 都同樣說前面, 但竟然前面是沒有人在登記或接待, 已很想離開, 突然有人說搭檯就唔駛等, 一心黎到, 不想未食就走, 所以應承了搭檯, 坦白說若以大牌檔質素看, 價錢比酒樓還貴很多, 點了一份黑椒牛仔骨, 蠔餅, 例湯, 咕嚕肉, 炒芥蘭煲.不到兩三分鐘, 例湯便到, 生魚湯, 味道很甜, 不是外邊的味精湯, 但問題出現在很多魚骨, 若有小朋友喝, 很大機會會出事. 等了很久, 其他菜便上, 咕嚕肉, 味道一般, 骨大過肉, 反而菠蘿味道不錯, 蠔餅很好味, 用的蠔仔都很大隻, 很鮮甜, 沒有沙, 蛋夠火喉, 好好味! 炒芥蘭煲略嫌油太多, 都是夠鑊氣, 最遲上的牛仔骨, 侍應先生說黑椒汁是他們獨家, 最出色, 但我覺得都是一般的黑椒味, 沒有太大驚喜, 肉質偏硬, 還有很多根, 食完有些牙軟, 整體來說菜的味道OK, 反而最大驚喜是送的蕃薯糖水, 薑味很重, 蕃薯很甜, 值得推介! …查看更多

本人的第一篇食評, 便奉獻給"好樂滿". 經過登龍街好多好多次, 一直都想試下呢間店, 話晒係日本店黎香港開, 今晚跟同事OT後決定到此一試. 那晚已是11:00, 所以不太多人, 只有兩檯客, 但我有些心知不妙, 因為油煙味很重. 既然入到, 唔好意思走. 食物以牛肉為主, 另外, 內臟亦是主打, 但本人很怕內臟, 所以都是點了正常的肉, 有牛小排, 雞翼, 雞軟骨, 豬腩肉, 野菌, 三文魚, 這裡最大問題就是抽氣, 像他們用一條很粗的喉抽氣, 我印象中是小時候去韓國燒烤店時, 現在的燒肉店不會在天花上駁抽氣吧! 還有那個燒爐, 放了肉後, 真的每秒都要轉動, 否則肯定變炭. 牛小排肉質很"淋", 幾有肉味, 雞翼太騙人了, 把一隻雞翼分開, $28, 太貴了, 最好味便是雞軟骨, 為了不想變燶, 真的花了時間燒, 野菌也是不錯, 牛油味融入菇內, 唯一一樣我說是好好味的, 但侍應的服務真的要改善一下, 他送上的時候說由他們代勞的, 但只是放上爐上, 講了一句不用搞它,之後就走了, 要我再叫他回來問, 我要等幾耐! 起碼都要話等10分鐘啦! 三文魚太腥了, 跟牛油完全不配.坦白說這裡的食物只能以一般水準形容, 沒有特別, 食完以上的都完全沒有飽肚感, 原本想再加炒麵或石頭飯, 同事已阻止, 寧願當減肥食少D. 在店裡一直播放在日本店的情形, 真的是兩回事.…查看更多