Tracy.Chan的個人專頁

這家餐廳坐落於抵港層，位置非常方便，機鐵一落車直望下一層就係，旁邊的都是中式餐廳就只有一家可以坐得舒適的西餐廳。點了個兒童餐，份量非常豐富 （大人也可以吃飽），有餐湯 （當天供應的是南瓜湯，新鮮濃郁，沒有太重的忌廉味）小食 （雞翼，好吃的，份量有點太多）及意粉（份量剛好，醬料很開胃），還有啫喱糖做甜品。 選擇豐富，聽說他們自家的Pizza 是店內石爐現烤的，下次一定要試下。當天的侍應都非常熱情，還送上了小小的Red Velvet Cake 作結。…查看更多

路過買左一次，好肯定無下次，菠蘿包不單止唔軟熟，竟然係硬到會咬到牙痛的那種，以為係烘過龍只有面/底是過硬(但包是沒有溫度的，並非即烘)，但中間部分都毫不軟熟，夾了牛油都係徒然，奶茶不過不失，可能係菠蘿油太失望，杯奶都無咩心機飲。…查看更多

之前佢係旺角個位置唔太就腳，不過都有專登去幫襯佢既榴槤系列，知佢不敵加租所以無做，但隔左無耐佢就係尖沙咀呢度東山再起。搬左過黎鋪頭位置極方便，地鐵站出或者K11過黎都勁方便，不過鋪位細左，但好好彩佢地有保留到杉原家既手作飯團同埋關東煮，係呢個附近所有小食店都執晒既地區真係好重要，飯團大概$13-$15 一個，仲有小量小食，有玉子燒，炸牛肉薯餅等等 （今次無影相，之後有機會再補相） 關東煮以前係旺角鋪係放出面自己「畢」，不過因為位置關係依家有店員代勞。大根最正因為好淋好入味，另外都推介竹輪，仲有必食既蛋，其實樣樣都好味，如果去買大家都試下自備盒，因為作地用發泡膠兜，唔算好大個，未必夠裝晒全餐 …查看更多

尖沙咀地段 貴就預左 但佢係真係好X貴 肉每串要$20 薄切切 紅腸 $18 得三舊 豆卜最失望 出面所有串燒店都用長身豆卜佢竟然用街市最平四四方方果種豆卜 $15 得相入面果幾粒 其實如果你貴，但係好味既 抵比既真係無所謂，但佢貴得黎唔好食 無汁無味，串燒已經唔係啲咩要技術既野，燒熟啲野，最低限度比少少蜜糖，高級啲既比沙嗲汁，甜酸汁，酸辣汁，又或者少少蒜鹽，咩都好，佢乜差都無，係見佢開始燒果陣有塗左一啲醬係面先開始燒，大佬呀，你啲醬好食到識飛都無用啦，串燒呀，會乾㗎。再黎，服務，一個字，差 佢門口擺左啲彩色印刷單張，落單前拎左一張諗住攞返屋企，行埋去櫃臺落單個阿叔一手搶左張單張話佢地有膠片可以劃，唔好用紙，低能啦你，嫌成本高你就咪X用彩色影印啦，無腦到極致，之後有客劃左落張單張度個阿叔全嘴藐藐，西晒面。仲有 我買得果4條串燒 佢比個大發泡膠飯盒我裝，咁抵你成本高啦，你啲野一滴汁都無又使X用盒裝咩，放長雙眼睇你幾時執！…查看更多

誤打誤撞 係荃灣搵緊有咩好食既時候見到呢間門面唔錯又唔使等位既食店 招牌有大大隻字寫住「花膠」「桃膠」，呢啲字眼特別容易吸引中女。 三個大加一個小朋友，鋪面位置唔多，但又唔算太迫夾，不過座位全部都係木椅，唔會坐得好耐唔會坐得好舒服果種。講返食物，叫左三個飯，三個都好食，花膠碗仔翅撈飯($48) 足料 有兩大舊花膠，味道正常，檯面有醋及胡椒粉可加，另外肉躁飯($38) 同埋蕃茄豬潤湯飯($48) 都有水準，份量夠多 大人小朋友都食得飽，仲聽到後面檯有人想叫多飯，佢地都會照做。跟飯/麵加$6 有汽水/豆漿。…查看更多

星期日晚八點半，人唔多買外賣唔使排隊，仲有兩三張空枱，樓面位哥哥仔好得閒冇嘢做，問佢可唔可以落單佢話要等等，收銀嗰位小妹妹做到西曬面，落單又係佢出餐又係佢，俾我都西面人之常情，入少少煮野食位另外有三位員工，三個都好得閒有一個仲得閒到可以食嘢，但係四位員工（計埋樓面）都冇一個幫個妹妹仔，最後結果係妹妹仔幫我落錯單，我都做飲食我收工返嚟都好攰，望到呢班人即刻唔想食，最後等左足足兩個字先拎到碗啱嘅外賣走，返到嚟打開望吓，唉，水汪汪既紫米，仲差過波仔個叮叮紫米，芋頭一大舊，芋圓得幾粒。…查看更多

要不是臨時在旺角要找個地方晚飯，應該都不會找到這家非常一般的放題， 食物質素一般，服務一般，環境一般。黃金時間也沒有一半的入座率，都別拿他跟樓上樓下的放題比較。魚生刺身類沒有鮮味 熟食炸物上菜時不夠熱 甜品飲品選擇少…查看更多

每次到又新街，都會被林立的串燒店，小食店吸引去，因緣際會經過，被大大個movenpick招牌吸引。星期六下午，人流不算太多，店內位置不多，較入的都坐滿了，坐在餅櫃前近門口的位置。平日有下午茶餐，供應時間由11:30 - 17:00，但只限星期一至五，今天唯有散點。點了可自由配搭的賓尼迪蛋(自選了煙肉及muffin)及cream burlee latte, 睇見都覺得好味，以往吃過的egg benedict 不是太水汪汪，就是過熟，這裡的煮得剛剛好，蛋是可以用刀切開的 (那些做得不過，怕過熟就會變得水汪汪，次次食都好"lei hei")，蛋黃是半流心的，真的控制得很好。cream burlee latte 略甜，但非常特別，像吃甜品多於像喝咖啡，只是假日沒有套餐，只能分開單點，感覺略貴。…查看更多

因為忙著過年，差點遺忘兩位好友的生日，急忙約好了晚飯才想起沒有訂蛋糕(我也真夠沒有誠意 )，因為晚飯約了在元朗區，立即在OPENRICE找尋元朗區的餅點(結果是寥寥可數)，找到了KARL'Z，12:30餅店開門立即致電查詢今天有甚麼款式現成蛋糕，聽後發覺不合心意(有兩款芝士餅及一款千層蛋糕)，打算直接到餅店選幾件小西餅交差...3PM 左右到達KARL'Z，所有現成款都沒有了，但店員非常主動幫忙，再問師傅還有那些款式出爐，最後在OPERA及 中選了OPERA，6點可取，完全配合了晚飯的時間。蛋糕被放在一個非常精美的盒子內，還有精美的紙袋 (沒有拍照...)味道: 甜而不漏，每一層味道也很突出，連一向不好蛋糕的朋友也要encore，真的值回票價。…查看更多

之前住沙田，搬左黎馬鞍山半年有多，環境交通都唔錯，唯一唔慣係成個馬鞍山都無咩好野食。早前係雜誌見到呢間魚台既創業報導，上黎openrice search吓，原來係新居附近開左分店，終於今晚收工去買黎試吓。最平既$4一件三文魚質素都唔錯，帶子夠大隻值得推介，兩款蝦都唔錯，北寄貝夠大塊。所有壽司即叫即做，感覺幾衛生，佢地自創既蝦天婦羅壽司，因為即炸，返到屋企都仲係微熱，脆卜卜。講左咁多好既，都有啲唔好既，好似係海膽同三文魚子就真係麻麻地，三文魚腩食唔出同三文魚有咩分別。另外就係等既時間，買完比左錢，拎住張單行去超市買啲野，返黎諗住攞得啦，點知個收銀既女仔應該比錯左我果份人地攞走左，要再等師傅做過一份比我，前後等左超過20分鐘，正常應該10分鐘OK。…查看更多

係紅磡返工，日日都係佢門口落巴士，一個月前佢突然朝早都開門，做埋早餐，不過朝朝都唔見有好多人幫襯，睇黎生意麻麻.. .. 早餐價錢一般，野飲要另買，不過平一蚊，早餐menu比平時menu多左包類，價錢由$10 - $17。我買左個牛角包司華力堡($14)，因為拎到返公司先食，個牛角包扁左，不過都幾好食，請真，包夠熱，一般都好食既。如果有埋野飲，應該會多d幫襯既。…查看更多

先辛萬苦先可以係openrice搵到呢間飯店，原來佢好評太少，沉左底。原因應該係依家既後生一輩(亦都係會上openrice既一輩) 已經唔識 / 唔知咩係香港風味，所以佢既好評咁少，又或者，被呢間飯店既阿姐誤導，因為，我坐左成晚，都聽到阿姐講:「18蚊有飯食，18蚊大大煲，18蚊煲仔飯」，所以被呢一句吸引左黎食野既都會以為佢既招牌菜係煲仔飯，其實，我細細個，阿爸第一次帶我去廟街食飯就係食呢間，果陣係未有煲仔飯賣咖，可能係佢附近果間煲仔飯太出名，又多人排隊，佢地就有樣學樣啦。又講左一大推廢話... 入返正題先... 既然，「重點不在煲仔飯」，我地叫左豉椒炒蜆，白灼東風螺，椒鹽瀨尿蝦三味，再總共飲左三支藍妹。埋單$170，超值!!豉椒炒蜆 ($22)，初初見佢唔係即炒，只係係門口隻大鑊度"畢"起，以為佢放左咁耐，會唔熱唔好食啦，點知，一開始食就一發不可收拾，唔知點解停唔到口，佢細既都大大碟，保証殼同蜆肉比例平均，唔會殼多過肉，最緊要係佢唔會勁辣，唔會辣到食唔到蜆味，佢個汁同蜆肉味好夾，蜆出奇地新鮮，有蜆味，正!!白灼東風螺，因為已經有兩樣辣野，所以避過"辣酒"煮，阿姐推介了白灼，白灼果然原汁原味，有螺味，都係新鮮野，不過印象中，細細個果陣黎食既好似係大隻d咖，依家，有d大，有d細咁，不過都好可以接受咖啦!!椒鹽瀨尿蝦($40)，一碟大約有8-10隻，好好味，不過細隻左d，可能係南丫島食過好大隻，不過.. 呢度$40有10隻，4蚊隻，有肉食已經好收貨啦!!因為最近經常會出入油麻地，應該會keep住黎食飯咖!!…查看更多

因最近會係油麻地出沒，所以上定openrice搵下呢區有咩好野食。我本身鐘意食牛雜，所以第一站就先去食呢檔有"九龍區最好食牛雜"美名既檔口試下。初時都未搵到係邊咖，原來係廟街向彌敦道行出一個街口，係正大把人排隊果間煲仔飯對面。唔止煲仔飯要排隊，原來牛雜都要排隊，其實我有少少覺得阿姐手腳慢，人地講左要咩，佢有時又要問多次，仲有.. 呢檔野都有唔少自由行遊客幫襯，阿姐大力用超流利既普通話推介，人地要左牛雜，又sell人地要埋柚皮，魚蛋同蘿蔔... ... 入返正題，買左$20牛雜同柚皮，先講柚皮，真係好夠諗同入味，香港有柚皮食既地方真係好少好少，我兒時住紅磡，有一檔車仔麵既柚皮真係咁多年都咁好食，呢檔有得比呀，不過真係俾得太少啦，下次都係要加錢買柚皮先得!!到牛雜，佢與別不同應該係佢炆牛雜用既係清湯，出面好多小食店為左好食，用左好濃既湯，佢d牛雜有返果件雜既原味，炆得夠諗，真係好過好多小食店收人地10蚊一細碗果d啦!!另外，因為係街，又有少少雨，所以無影相，不過同樓上各位食家食既都差唔多，廿蚊大大份，一個人一定食唔晒果種!!…查看更多

來到荃灣一系列新商場走走，突然發現這在openrice 大有人談論的小店，便走到龍尾，靜心排隊，等著一嘗特厚奄列和三文治。可能是星期六及中午時份，等了半個小時才可入座。因為這是早餐+lunch，點了比較多的食物。:( 火腿小奄列($16) : 厚厚的，賣相不俗，不過就只有極重的美極味，如果只吃蛋而不吃火腿，是完全沒有味道的。(幸好只點了"小奄列"，男友原本說肚餓，想要大的 ($35)。):( 火腿通粉 : 一大碗的通粉，不知為何加入非常不配的蔥花，最後男友只吃了一半就放棄，他說，通粉不彈牙 (自己煮的xx阿姨牌都比它好)，整碗都沒有味道。:( 咸牛蛋治 : order 時說要等30分鐘以上，雖在30分鐘內送上，不過總不明白為何一份平平無奇的三文治卻要用上30分鐘時間預備。蛋都是厚厚的，要飽肚它一定可以幫到你，不過，蛋都是沒有蛋味的。:( 淨鮮蝦雲吞 : 又可能是期望太高的原故，平平無奇的鮮蝦雲吞，一般雲吞麵店大有選擇。 雪糕咖啡 & 熱咖啡 : 可能男友是愛咖啡之人，熱咖啡不夠滑而雪糕咖啡只有甜味.. 絕對是整頓午餐的敗筆。好味，佢應該無份咖啦，呢度只可算係大件夾抵食only... ... …查看更多

難得過海，去開中上環，路過點都要買黎試下，之前一直抱住"唔知為咩賣$5一個"既心態黎試，試過就覺得$5 一個係值得咖，我地買既時候並唔係新鮮出爐，不過都暖暖地，個皮真係做得與別不同，出面既蛋撻，只有兩種，一係酥皮，一係撻皮，不過，大部份既撻皮都係實實硬硬咁，唔多好食，只會覺得好厚，而泰昌，偏偏就做到鬆鬆化化既撻皮，甚至及得上酥皮既鬆化，真係好值!!唔知泰昌幾點會有新鮮出爐蛋撻呢，真係想再試下新鮮出爐既感覺!!…查看更多