gilu 媽的個人專頁

一行4人到Shion食lunch omakase,要預早一個月前訂定，全場只得一個服務生，但服務態度十分好！我哋食1330這個時段，全場有8個位，餐廳準時交枱。Lunch menu只得一種omakase 選擇，基本上兩日前餐廳會網上查詢顧客有沒有吾食得嘅食物或要求，讚！老闆兼大廚Adachi San好細心，刀功了得，切薑片又快又薄，真係薄如一張紙！魚生新鮮，醋米飯温度剛剛好，最驚喜嘅壽司係饅魚壽司，燒到外層脆卜卜，好好味，想再預訂下一個月食，可惜早已爆滿了！…查看更多

約咗朋友中午到將軍澳食lunch,避免繁忙時間同人迫，選擇食個late lunchPici環境好chill,好似去咗外國旅行咁,set lunch有多個選擇，頭盤揀咗tuna tartare ，pasta就要pappardelle creamy mushrooms.Tuna tartare 伴以牛油果粒，醬汁有小小醋，開胃之選！pasta係Pici嘅皇牌，軟硬度剛剛好，蘑菇醬汁好味，吾會太杰或太稀。甜品tiramisu亦吾錯，如可以小d甜更好。$158加一，在這樣舒適環境加有質素的食物，貴小小都合理的！…查看更多

中午到添好運食點心，仲擔心會好多人排隊，專登12點前到達，到達後始發現食客小，好多吉枱。一行人5人叫咗蝦餃，燒賣，排骨，皮蛋瘦肉粥，鳳爪排骨飯，蝦腸，豬膶腸，酥皮叉燒包以及部分炸物。曾在深水埗分店食過點心，水準吾錯，但今次真係感覺差咗好多！蝦餃皮裂開，無味，燒賣更係散晒，肉質有霉嘅感覺，腸粉一般，個鼓油係無味的，唯一係叉燒包好小小，其他食物質素係普通點心外賣店都有嘅，埋單500元，味道吾得，頗失望，吾會再食了:(…查看更多

疫情下週末中午的翠亨村，大約5成入座率，坐得舒服。點心選擇其實不太多，每次必點蝦餃，咸水角，芋角，叉燒，燒腩仔，而週末假日先有嘅蝦腸更加吾好錯過！蝦餃皮薄，吾會一夾就甩皮甩骨，內裏蝦肉肥肉筍嘅比例好好，吾錯。叉燒一般，反而碟底嘅黃豆最受歡迎，送飯一流。燒腩仔肥瘦均勻，皮脆，入口時熱辣辣。炸物芋角咸水角新鮮炸起，脆卜卜，點會吾好食呢！總括食物ok,價錢略貴，但今時今日外出飲食，都係揀返d乾淨，坐得舒服，空間感大的地方穩陣。…查看更多

專登去觀塘試吓呢間咖啡店，皆因店舖門面幾特別，週圍環境好舒服，想叫americano同latte，詢問男店員豆係屬於酸定苦，答案只有酸味一種，因我和朋友比較專情於重口味的咖啡，本想離開，此時在一旁的女店員(應係老闆)話有另一隻苦甘味重d，所以我就試試！Americano果酸味濃，而latte的咖啡味好薄弱，價錢與一般咖啡店相若，呢種口味嘅咖啡應適合比較喜歡果酸味嘅朋友，對於我哋來講試過一次就算了！…查看更多

與同事放工時行經渣甸街,發現一間新開小食店人頭湧湧,原來是賣港式小食魚蛋燒賣腸粉!掃街精的我們即時行動,買了辣魚蛋,腸粉,一口腸加一串生腸。辣魚蛋好彈牙l,加了店方秘製特辣X0醬,令到嗜辣的我倆食到停不到口.腸粉有驚喜,好軟滑.店方推介一口腸食時要一啖生蒜一啖腸,呢種食法又幾野味,再食串生腸,夠冰凍爽脆.不消一會飽晒!一間質素不俗的小店,會再幫襯.…查看更多

約了兩位好姐姐到Verandah high tea,15:00pm準時到達!餐廳環境清優,真是一處享受下午茶的好地方,唯一缺點是服務員不太專業,笑容欠奉亦未能做到以客為尊!至於食物方面我們叫了三個tea set,unlimited refill tea or coffee!三層tea set好快便送上,賣相普通.最期待的scones只是微暖,塗上clotted cream and jam,味道一般!其他咸甜點都是一般貨色!整體來說服務和食物質素都未達標準,真是金玉其外,敗絮其中!…查看更多

老公同我慶祝的生日飯,從 amber 和Caprice二選一,結果選了後者.星期日的晚上,訂6:30pm時段,fully booked,8:00pm才有位.米芝蓮級數果然有一定吸引力.餐廳的設計好典雅,但氣氛一點也不拘緊,感覺良好.所有服務員以及經理都會清清楚楚每位顧客的姓氏,全部受過專業訓練,對於每一道菜式都介紹得好詳細,服務好細心,令我非常欣賞.我們點了Menu de chef set dinner,首先送上一客芝士軟包,bite size,暖暖的好味道.面包有四款選擇,當中baguette最出色,兩款salted and unsalted butter任君選擇.免費頭盤係由兩款小食凍鴨肝mousse petit,salmon 加小杯磨菇湯組成,味道一般.menu內第一道菜係熟的鯖魚千層配魚子醬,賣相好美,薄脆間隔著熟魚肉和菜茸,味道稍濃.跟著出場的是香茅白豆湯配蝦鵝肝燉蛋.湯底下是一層薄薄的鵝肝燉蛋,配合白豆湯飲用,兩者味道好夾,白豆有種獨特味道,加上蝦肉彈牙,這個湯不俗.飲過湯後都已六成飽,之後就是主菜豬肉配野菌西芹mousse四川椒汁,豬肉好嫩,配襯西芹mousse中和肥膩感覺,四川椒汁亦能提升豬肉的味道,真是一道出色主菜.pre-dessert是以一小杯盛載著桃加crumble加酒jelly,小杯外有杯,放著乾冰,單是賣相已相當吸引,猶如仙境一般,而味道只記得jelly頗重酒味.最後出場的dessert杏桃白茶mousse蛋糕配雪笆,是一道好清新的甜品,杏桃酸甜味令人精神一振,配上香濃的espresso作為終結,真是食得開心,服務滿分!值得一試的餐廳.…查看更多

味王親自下廚慶祝我農曆生日,亦準備了長形雜果蛋糕作為甜品.蛋糕質地鬆軟,雜果較小,味道清新不甜,可惜忌廉太厚,有小小膩,份量剛好,足夠我,Giant Judy,味王,寶寶龍和印尼林嘉欣共嚐!…查看更多

高妹甜魔請食生曰飯,原本打算訂stormies慶祝,奈何此店員工在電話訂座方面非常混亂,遲遲不作confirmation,所以我倆決定改去Jaspas.夜晚7:30pm沒有太多食客,由於高妹甜魔心情靚靚,決定先要杯Sangria和pina colada輕鬆一下!sangria味道有點似提子汁,而pina colada則攪拌成思樂冰似的,味道不太甜而兩者酒味不濃,可以接受!主菜是cod fillet ,linguini with seafood.cod 肉質嫩滑,伴碟的時蔬新鮮,薯蓉滑溜,好味!Linguini轉了我倆至愛的白汁,水準不俗,不下於Aldente 的pasta.到了精彩的甜品時刻,每人一件Banoffi cake!我倆一致認為暫時是全港做得最好味的,鬆厚的餅底,新鮮香甜的香蕉,甜而不膩的toffee,再加上vanilla ice-cream和rasberry and vanilla sauce,真是配合得天衣無縫!值得一提的是員工服務進步不小,過往只著重招呼外國顧客的慣例已消失,多位新員工笑臉迎人,確是好的轉變.非常滿足的一餐生日飯,多謝高妹甜魔!…查看更多

又到sunday出街食飯的日子,今次選擇泰菜.Thai Basil的環境充滿泰式風情,但食物質素似乎比以前遜色了.可能位置有利,吸引好多遊客光顧.今晚點了雞牛豬沙爹,味道一般,反而沙爹醬更為出色.冬蔭公湯味不夠濃、熱,香茅味不特出.咖喱大蝦的汁太稀,不夠野味!馬拉盞通菜普通過普通,海鮮炒飯有穫氣,不俗.寄予厚望的甜品香蕉布甸伴雪糕實在太太太甜,自問嗜甜的我亦要投降!想食美味及正宗泰菜,都是九龍城穩陣.…查看更多

星期日出外晚飯是我和老公的例行工事,今次再到萬豪中菜廳,皆因老公是一名翅怪.星期日晚食客並不多,檯與檯相隔頗遠,坐得舒適.今晚點了紅燒蟹黃翅,湯底濃,翅足料,蟹肉海皇羹,味淡帶腥,難喝.燒風鱔,幾脆口但無驚喜,生炒骨,頗細碟,一般水準.上湯龍蝦伊麵底,上湯吾夠濃味,幸好蝦肉新鮮,一道失望的菜式.甜品杏仁茶太稀吾足料,糯米滋加老婆餅,一啖一口吾太甜.想食貴價中菜而又要坐得舒服,不仿考慮這間!…查看更多

又同Giant Judy 午餐,我倆打算逐一試盡soho西餐廳,今次選擇了Brivo!中午1200,我們是第一檯客,環境頗狹小,一貫soho餐廳的特色.3 course set lunch$88加一,我們選擇seafood soup,greek salad,salmon,bacon risotto and desserts!味道一般水準,但份量偏小,食完3 course只有5成飽.而整間餐廳最令人難忘的不是食物,而是服務!!兩男一女的侍應態度親切,笑容可躬,在soho 食飯竟有咁高的服務質素真是難得,希望能保持服務水準!!…查看更多

本來對Tiffin dessert buffet已完全放棄,但今個月以雪糕為主題,確實吸引,令到我同高妹甜魔再次出動!整個甜品區域只得四張圓檯,選擇小得可憐!我倆只輕嚐部份甜點後便集中火力主攻雪糕.雪糕和sherbet各有十多種味道,雪糕好幼滑而重奶味.個人認為黑森林朱古力,合桃,焦糖味最好食,配襯熱辣辣的即製waffle,再加入自己喜愛的toppings and sauce,十分美味.至於sherbet我就不太欣賞,多款生果味如芒果,荔枝,熱情果,青蘋果,血橙,berries....都只是虛有其表,味道淡而沒有果香,而且好快變水,當中只有椰子和榛子較好.另外你仲可以選擇以脆脆waffle cone載雪糕或度身訂做香蕉船、雪糕意大利粉!!至於場內環境十年如一,侍應生的服務有下降的趨勢.而Live band音嚮亦過份大聲,音樂變成噪音!如果你是雪糕粉絲,以228元的價錢任食三個半鐘的時間確實超值,但若然你想尋回昔日Tiffin甜品的光輝歲月?Sorry,逝去的不可挽.…查看更多

心血來潮想吃甜,即致電身處深水步晚飯中的老公外賣速遞.甜品有熱合桃糊,芝麻糊各一,合桃糊頗有合桃味,質感幼滑但好杰,而且太甜!!芝麻糊亦一樣,食後要狂飲水,個人認為滿記的熱食甜品做得比綠林出色…查看更多