Somethinggoodtoeat的個人專頁

餐廳位於一樓, 景觀開揚, 有卡座位, 吧枱位同多人座位, 坐得幾舒適。𓆹 和牛肉鹽醬油拉麵 $𝟷𝟸𝟾𓆹 爆裂和牛沾麵 $𝟷𝟸𝟾𓆹 和牛背脂和牛丼 $𝟻𝟾𓆹 泡菜炒五花肉 $𝟺𝟾𓆹 葡萄柚綠茶 $𝟸𝟾𓆹 百香果紅茶 $𝟹𝟶和牛肉鹽醬油拉麵湯頭濃而不膩, 和牛肉質嫩滑, 非常軟腍。爆裂和牛沾麵味道有少少辣, 裡面嘅牛肉粒結實有口感, 沾麵掛汁而且彈牙。食完拉麵就試咗細份嘅和牛背脂和牛丼, 和牛充滿油脂香氣, 口感軟綿綿, 配埋香蒜同香蔥, 非常惹味。泡菜炒五花肉味道帶少少辣, 裡面仲有椰菜, 洋蔥同芽菜, 口感豐富。葡萄柚綠茶同百香果紅茶同樣味道香甜, 同拉麵好配襯。埋單時仲可以挑戰6秒challenge 㩒一次鐘, 如果停正喺6:00就可以得到免費拉麵或晚市套餐一份; 如果停喺5:95-6:05 就可以得到免費飲品一杯; 如果停喺5:90-6:10 就可以得到$10折扣。…查看更多

𓆹 Candido Style Roasted Suckling pig $𝟻𝟿𝟾烤乳豬外皮烤得金黃酥脆, 內裡嘅豬肉軟嫩多汁, 豬肉與脂肪比例均稱, 幾乎入口即化, 整體味道層次豐富, 中間嘅蘋果香甜清爽, 搭配一齊食, 鹹香中帶有一絲甜甜嘅香氣。𓆹 BIKINI. Iberico Ham and Melted Cheese Sandwich with Black truffle $𝟷𝟶𝟾三明治外皮非常酥脆, 裡面嘅伊比利亞火腿, 鹹香可口, 配襯融化嘅黑松露芝士, 味道濃郁滑順, 充滿幽幽嘅黑松露香氣。𓆹 Garlic Prawns $𝟷𝟸𝟾𓆹 Toast breadPan $𝟹𝟻蒜片蝦新鮮彈牙, 以橄欖油浸住蝦肉蝦汁, 充滿濃郁嘅蒜香同香濃嘅蝦味, 味道鮮甜, 口感順滑, 搭配烤得香脆嘅麵包一齊食, 好食到無法抗拒, 非常推薦!𓆹 Estrella $𝟾𝟾啤酒清爽易飲, 帶有淡淡嘅麥香同花香, 氣泡細膩, 口感順滑, 無論係搭配乳豬或三明治, 都可以平衡油脂感。…查看更多

𓆹 廣島燒 $𝟷𝟷𝟾廣島燒底層係薄薄嘅麵漿, 然後鋪上椰菜同炸麵花, 再加入豆芽、豬肉片、炒麵, 最後淋上蛋漿煎至金黃酥脆。每一層都有唔同口感, 炒麵彈牙, 椰菜爽脆, 豬肉惹味, 搭配廣島燒醬同青海苔, 味道濃郁但不油膩, 口感層次分明。 𓆹 大阪燒 $𝟷𝟷𝟾大阪燒主要將麵糊同椰菜絲混合, 加入豬肉片煎至表面金黃酥脆。外層焦香, 裡面柔軟濕潤。面層嘅醬汁係靈魂所在, 大阪燒醬鹹甜濃郁, 搭配美乃滋、青海苔同柴魚片, 味道非常香濃。𓆹豚肉炒飯 $𝟷𝟺𝟾豚肉炒飯蒜香味十足, 裡面有豚肉片、雞蛋、香蔥、海苔碎等, 炒飯粒粒分明, 豚肉片脆嫩。…查看更多

𓆹 泡菜煎餅 $𝟷𝟸𝟾𓆹 拌冷麵 $𝟷𝟷𝟾𓆹 Rib Finger 牛肋條 $𝟷𝟶𝟾𓆹 Pork Short-Rib $𝟷𝟶𝟾泡菜煎餅外皮煎得酥脆, 內裡軟腍, 泡菜嘅酸辣味恰到好處, 蘸點埋韓式醬汁非常惹味。拌冷麵質感彈牙, 食落好透心涼, 味道酸酸甜甜, 帶少少辣度, 清爽開胃, 搭配埋梨片, 蘿蔔片同青瓜片一齊食, 更提升整體嘅清爽感。有幾款燒肉特價, 價錢相宜。牛肋條肥瘦比例剛好, 豬肋骨口感較為紮實。…查看更多

𓆹 燒盲曹魚柳伴青口龍蝦湯 $𝟷𝟻𝟾𓆹 香蒜白酒蜆意粉 $𝟷𝟺𝟿𓆹 燒烤醬洋蔥圈 +$𝟸𝟻𓆹 Strawberry Milkshakes +$𝟸𝟻𓆹 Honeycomb Caramel Milkshakes +$𝟹𝟿𓆹 Banoffee Creme Brulee Pancake $𝟷𝟷𝟿盲曹魚柳嫩滑多汁, 青口鮮甜, 龍蝦湯醬汁濃稠順滑, 帶有微微奶油香氣, 層次感十足。蜆肉新鮮鮮甜, 帶有濃烈嘅香蒜香氣, 每一啖都感受到蒜香, 白酒同蜆肉嘅均衡融合。洋蔥圈炸得薄脆可口, 內裡嘅洋蔥香甜濕潤, 外層嘅燒烤醬更加增添咗煙燻香氣同微甜微辣嘅味道。士多啤梨奶昔口感濃稠順滑, 味道酸酸甜甜。焦糖脆脆奶昔味道偏甜, 加埋焦糖脆脆, 口感非常獨特。Pancake 厚實鬆軟, 帶有淡淡蛋香味。面層鋪滿香甜嘅拖肥焦糖醬同雲尼拿吉士醬, 味道甜而不膩, 側邊以香蕉同士多啤梨伴碟, 整體口感層次豐富。…查看更多

居酒屋以日式爐端燒為主題, 充滿復古玩味嘅氛圍, 店內裝潢融合咗日本懷舊元素同木質質感, 以各式各樣嘅玩具裝飾品點綴其中。開放式嘅爐端燒烤枱, 讓客人能欣賞師傅現場燒烤, 非常有氣氛。𓆹 三點刺身拼盤 $𝟸𝟿𝟾牡丹蝦晶瑩剔透, 爽口彈牙, 味道鮮甜。吞拿魚赤身肉質緊實, 油脂豐富。劍魚肉質細膩爽口, 味道清新。𓆹 魷魚肝醬燒魷魚筒 $𝟽𝟾魷魚鮮嫩彈牙, 搭配濃郁的肝醬燒烤風味, 入口鮮香。𓆹 炸甜蝦 $𝟼𝟾炸得香脆但不油膩, 鹹香中帶有天然鮮甜。𓆹 明太子玉子燒 $𝟺𝟾蛋卷軟嫩滑順, 完美結合明太子嘅鹹香。𓆹 蟹肉味噌燒飯團 $𝟻𝟾外層微焦帶脆, 面層嘅味噌蟹肉非常甘香。𓆹 蒲燒鰻魚串 $𝟹𝟻宮崎鹽燒黑豚五花腩 $𝟹𝟻宮崎煙豚肉芝士串 $𝟺𝟸宮崎黑豚肉腸 $𝟸𝟸熊本牛肉串 $𝟹𝟾紐西蘭羊架 $𝟼𝟾鰻魚肥美細嫩, 蒲燒醬汁香氣十足。黑豚五花腩油花分布均勻, 肉質軟嫩多汁。煙燻豚肉搭配融化芝士, 鹹香濃郁, 層次豐富。黑豚肉腸外層酥脆, 裡面多汁彈牙。熊本牛肉肉質鮮嫩, 脂香豐富。羊架軟嫩不羶, 肉味濃厚, 非常juicy。𓆹鹽麴燒洋蔥仔 $𝟸𝟾燒甜蕃薯仔 $𝟸𝟾竹炭鹽燒蕃茄仔 $𝟹𝟸燒舞茸菇 $𝟻𝟾洋蔥軟糯香甜, 清新解膩。蕃薯仔外皮微焦, 內裡綿密香甜。蕃茄仔多汁, 酸甜適中, 口感清爽。舞茸菇肉質厚實, 帶有獨特菇香。…查看更多

𓆹 廚師特選壽司 (10貫+手卷1件）8折後$𝟹𝟷𝟾.𝟺*壽司擺盤精緻, 款款食材都好新鮮。池魚同鰂魚油脂豐富, 魚身細緻嫩滑。金目鯛甘甜, 肉質彈牙。油甘魚魚味濃郁, 口感柔滑。帶子鮮甜, 爽脆彈牙。牡丹蝦晶瑩剔透, 味道鮮甜。吞拿魚赤身肉質柔軟。鰹魚帶一點炙燒香氣, 魚味突出。蟹肉甘甜, 一梳梳嘅蟹肉令人滿足。北海道海膽質感細膩, 入口即溶, 鮮甜十足。𓆹 三味吞拿魚丼 $𝟸𝟺𝟾三味吞拿魚丼包括大拖羅, 中拖羅同吞拿魚赤身。大拖羅肥美, 脂肪含量高, 口感順滑, 入口即溶。中拖羅脂肪與魚肉比例恰到好處, 肉質細膩, 口感嫩滑彈牙, 味道清新。吞拿魚赤身質地扎實, 口感相對輕盈且帶有彈性。每個套餐都附有茶漬麵豉湯, 麵豉湯裡面有魚肉, 非常鮮甜。𓆹 荔枝酸乳 $𝟹𝟾𓆹 水蜜桃酸乳 $𝟹𝟾*於星期日至星期四15:00-19:00, 點選任何飲品就可以8折優惠享用廚師發辦套餐。…查看更多

𓆹 吊龍 $𝟷𝟼𝟾𓆹 雪花牛 $𝟷𝟻𝟾𓆹 三花趾 $𝟷𝟽𝟾𓆹 麻辣火鍋底 $𝟷𝟷𝟾𓆹 墨魚滑 $𝟿𝟾𓆹 刀削麵 $𝟷𝟾𓆹 唐生菜 $𝟹𝟸食材由汕頭新鮮直送, 留喺香港都可以食到汕頭牛肉火鍋! 吊龍肉質紮實, 帶有豐富嘅牛香, 油花分布適中, 肉質鮮嫩彈牙。雪花牛脂肪分布均勻如雪花, 肉質細緻, 油花豐富, 油而不膩。三花趾屬於牛前小腿筋腱與肌肉交界部位, 脂肪較少, 入口煙韌帶嚼勁。麻辣火鍋底以花椒, 辣椒, 蔥薑蒜等香料熬製, 麻香醇厚, 辣味分明, 味道刺激而不嗆喉。墨魚滑口感爽脆彈牙, 容易吸湯, 入口多汁。刀削麵外滑內Q, 入口彈牙, 同麻辣湯底完美融合。…查看更多

𓆹 河內生熟牛肉湯河粉 $𝟽𝟹湯底以牛骨熬製, 撒滿香蔥同香葉, 牛肉片熟度適中, 河粉質感細緻滑溜。𓆹 追加-越式手打炸蝦餅 $𝟹𝟺蝦餅外層酥脆, 內裡蝦肉紮實且有彈性, 適合搭配越式魚露酸甜醬提升風味。𓆹 香茅沙嗲串燒-牛肉 $𝟽𝟼牛肉串燒外層烤得微焦, 內裡肉質比較煙韌有嚼勁, 牛肉味道偏重, 側邊嘅沙嗲醬味道比較清淡。𓆹 越式豬頸肉 $𝟾𝟶豬頸肉外層微焦香, 內裡保持嫩滑, 脂肪比例適中, 食落唔會過於油膩, 搭配越式魚露甜酸醬更凸顯風味。…查看更多

Set Lunch $𝟹𝟸𝟾𓆹 時令生蠔生蠔帶有淡淡海水味, 肉質飽滿滑嫩, 配上檸檬汁, 味道更能提鮮。𓆹 美國USDA Prime純種安格斯西冷牛扒 +$𝟹𝟾安格斯牛扒油花分佈均勻, 外層煎烤後微酥, 內裡肉質鮮嫩而且細膩多汁。Set Lunch $𝟹𝟸𝟾𓆹 薄切黃尾鰤魚黃尾鰤魚薄切擺盤精緻, 入口柔滑帶有一絲油潤嘅口感。搭配虎奶醬汁, 秘魯安喬辣椒油同山葵飛魚籽醬, 可以平衡鰤魚嘅油脂感。𓆹 招牌龍蝦包龍蝦包外層酥脆, 內裡柔軟, 龍蝦肉鮮甜彈牙, 每一啖都充滿濃郁嘅鮮甜味, 搭配柚子蛋黃醬同三文魚籽, 口感味道層次更豐富。𓆹 Parmigiano Wheel +$𝟿𝟾芝士火焰車輪意粉使用整個Parmigiano Reggiano製作, 刮取濃厚嘅芝士然後加上火焰炒香手卷意粉,周圍都充滿住芝士嘅香氣。手卷意粉煙煙韌韌, 每條都掛滿芝士, 味道鹹香, 如果鐘意食芝士嘅朋友真係必點。…查看更多

𓆹 海老蕃茄豆乳烏冬 $𝟷𝟸𝟾海老鮮味十足, 肉質彈牙, 配合濃厚嘅蕃茄豆乳醬汁, 口感順滑, 味道酸酸甜甜好獨特。𓆹 柚子胡椒豚肉烏冬 $𝟿𝟾湯底有柚子嘅酸甜同胡椒嘅微辣, 味道清爽不膩, 日本豚肉軟嫩多汁, 與彈牙嘅烏冬完美結合。𓆹 抹茶蕨餅芭菲 $𝟾𝟾芭菲裡面嘅抹茶雪糕香濃, 蕨餅非常Q彈柔軟, 中間嘅cream 濃厚順滑, 配埋脆片一齊食, 口感味道非常豐富。𓆹 焙茶生朱古力芭菲 $𝟿𝟾焙茶芭菲香氣濃郁, 配搭濃滑嘅生朱古力, 互相配合, 甜而不膩。𓆹 抹茶牛奶雲呢拿軟雪糕 $𝟻𝟸抹茶甘苦, 牛奶濃郁, 雲呢拿雪糕香甜, 整體甜度適中, 口感順滑。𓆹 抹茶牛奶白玉綠茶雪糕 $𝟻𝟸抹茶牛奶加入白玉同綠茶雪糕, 口感層次更豐富, 滿足味蕾, 另外可以選擇甜度, 令整體唔會過於甜膩。…查看更多

𓆹 招牌紅燒腱心牛肉麵 $𝟾𝟼牛肉麵湯頭濃郁, 腱心肉燉煮得軟腍, 手工麵條偏粗, 好彈牙, 可以吸曬d 湯汁恰到好處。𓆹 台式肉燥飯 $𝟽𝟾肉燥飯裡面嘅肉燥比例剛好, 肥瘦相間, 唔會覺得油膩, 飯帶有鹹香, 非常搭配流心嘅滷水蛋一齊食。𓆹 蒜醬青菜 (油麥菜） $𝟺𝟾油麥菜清脆爽口。𓆹 蒜粒古早台灣腸 $𝟻𝟾台灣腸外皮烤得微微焦香, 內裡充滿醇厚嘅豬肉香, 搭配蒜粒以襯托台灣腸嘅鹹香。𓆹 三星蔥肉鍋餅 $𝟺𝟾三星蔥肉鍋餅皮外層酥脆可口, 內層柔軟, 層次豐富。𓆹 夏日水果茶 $𝟹𝟺𓆹 蜂蜜檸檬 $𝟹𝟺…查看更多

𓆹 Tom Yum Seafood Risotto $𝟷𝟾𝟸冬陰公意大利飯入面有珍珠帶子, 比目魚柳, 虎蝦同青口, 每樣都好新鮮鮮甜, 意大利飯有濃郁嘅冬陰公香味, 酸酸辣辣非常惹味!𓆹 Fish & Chips $𝟷𝟽𝟿啤酒漿炸魚非常酥脆, 外層粉漿唔會太厚, 裡面魚柳嫩滑, 配埋薯條大滿足!𓆹 Salmon Tacos $𝟿𝟾Taco 入面有烤三文魚, 酸椰菜, 青瓜, 蕃茄莎莎同羅馬生菜, 配埋牛油果醬, 酸忌廉同蜜糖是拉差醬, 口味味道都好豐富。𓆹 Polled Pork Onion Ring $𝟾𝟸炸得金黃酥脆嘅洋蔥圈, 上面堆疊滿滿嘅慢煮手撕豬, 配搭非常新穎但出奇地配搭, 芝士醬, 沙律醬同蕃茄莎莎互相配合, 酸甜適中, 好好食!…查看更多

新派手工點心店, 環境闊落, 坐得好舒適, 門口有自家品牌嘅精品手信可以比大家買嘢。𓆹 懷舊燒賣 $𝟺𝟶蝦肉大大舊, 爽口彈牙。𓆹 XO醬帶子燒賣 $𝟺𝟶帶子餡料嘅燒賣非常有創意, 配埋帶少少辣味嘅XO 醬幾特別!𓆹 酸菜魚鳳眼餃 $𝟺𝟸鳳眼餃面層係一片魚肉, 裡面餡料同酸菜魚嘅味道一樣, 食落真係幾辣, 惹味又有特色!𓆹 牛腩蒸陳村粉 $𝟼𝟾牛腩軟腍, 陳村粉軟硬適中。𓆹 芝士鮮蝦腐皮卷 $𝟺𝟸外層嘅腐皮炸得好酥脆, 裡面有流心嘅芝士同彈牙嘅蝦膠, 好好食!𓆹 章魚肉餅飯 $𝟻𝟾章魚肉餅幾軟腍, 好適合配豉油白飯一齊食。…查看更多

餐廳環境光猛, 地方整潔, 卡座位好闊落, 坐得好舒適!𓆹 午市火鍋放題-美國Prime Grade 牛肩胛肉套餐包咗美國牛肩胛肉, 西班牙無激素豬肉片, 秘製台式雞件同秘製沙茶牛肉。牛肩胛肉脂肪同肉嘅比例平均; 豬肉片好軟腍。另外仲有好多火鍋配料可以任食, 例如: 手工墨魚丸, 手工潮汕豬肉丸, 仲有手工黑松露墨魚滑都非常彈牙; 麻辣粟米豬肉餃辣辣地好惹味; 炸魚皮好香脆; 濃芝豆腐燒芝士味香濃。𓆹 鴛鴦鍋湯底太多選擇, 所以揀咗鴛鴦鍋: 藥膳沙茶牛肉涮涮鍋, 沙茶味道非常香濃; 養生姬松茸什菌涮涮鍋, 菇菌味濃厚, 湯底裡面有好多松茸同雜菌。𓆹 升級海鮮及配料海鮮包括有海蝦, 爽口彈牙; 花膠, 軟腍充滿骨膠原; 鱔片, 味道新鮮。另外仲有墨魚仔, 黑毛肚同帆立貝。𓆹 飲品及甜品飲品幾多選擇, 有烏龍茶, 春茶, 冬瓜茶, 可樂, 檸檬茶, 麥精, 梳打水等等。甜品每人可以揀一款, 有movenpick同haagen-dazs, 非常有誠意。…查看更多