ak.explore的個人專頁

以綠洲為主題 北歐嘅風格 感覺舒服呢度以鏡營造更大嘅空間感Menu以歐洲式食物為主當中包括主要為法國同意大利料理小食叫咗Never goes wrong的Fried Mozzarella Cheese Sticks食得出係餐廳自己Homemade 唔係Frozen嘅 好香脆出色之後叫左芒果蟹肉牛油果塔蟹肉份量好多 配合香甜嘅芒果同埋牛油果味道配合得好好 感覺新鮮健康嘅一道前菜主菜叫咗菠菜芝士意大利雲吞伴蕃茄芝士汁面頭仲有菠菜鮮奶泡沫 一碟有六隻同樣食得出係自家新鮮手做 十分出色呢度嘅食物好有質素 期待更多嘅驚喜一定會再嚟幫襯❤️…查看更多

今日黎到元朗食好西 係九龍有另外兩間分店的蟹仙海鮮蒸氣鍋專門店叫左set 一人300蚊 廚房發辦唔洗自己諗 啱晒我呢d有選擇恐懼症的食貨份量好夠食又新鮮越南頂角膏蟹 啖啖膏又厚肉澳洲青年龍蝦 好大舊肉 蒸到剛熟好嫩滑紐西蘭大蟶子同北韓貴妃蚌 彈牙好味！翡翠九孔鮑魚 肉質有彈性 簡單點豉油已經好好味深海龍躉頭腩 口感彈牙 膠質重紐西蘭青口都好大隻 仲有泰國海中蝦 手賞咁長肉質彈牙最後係有機蔬菜籃 飲食均衡😌蒸海鮮的精華滴晒落下面的粥底 最後食真係超正😌好啱同屋企人黎食 清清淡淡唔會太花巧…查看更多

平時打邊爐都好少食Allyoucaneat 因為總係覺得質素低啲今次黎到呢間日式Shabushabu店 係旺角觀塘殺到入黎荃灣的相馬日式火鍋係千色隔離的荃灣中心 成棟都係打邊爐咁滯 有咩驅使我最後揀左佢呢是愛還是責任？係任食特上澳洲和牛啊牛的level分左五級 最平$168 而我就揀左《特上澳洲和牛+日本鹿兒島頂級黑豚 ($368)任食特上澳洲和牛、日本鹿兒島頂級黑豚肉、雞肉同海鮮放題丸類 蔬菜 麵類 豆製品都唔少 仲有#Milktop 雪糕任食！牛肉薄切 雪花分佈均勻 低脂得黎牛味極濃刀功一流 切得夠薄 輕輕洽5-8秒已經食得另外個黑豚肉都係好高質 肉味本身好濃 豬有豬味啊喂 根本完全唔洗點醬雪糕有五款味選擇 其中推介抹茶同榛子朱古力抹茶味濃回甘味十足 榛子朱古力直頭好似食緊繽紛樂咁濃黑芝麻味都好好味 不過對我黎講高有少少偏甜第一次食任食有咁高質的雪糕相馬整體黎講係香港係好高質的日式放題店 可以Encore!…查看更多

大角咀博文街原來勁多野食今日放工同成班同事黎開附近搵好西咖哩飯好有係日本地道小店的感覺有牛肉粒 薯仔紅蘿蔔粒配料豐富 日式咖哩帶甜味另外加多份小食吉列豬扒配埋一齊食豬扒厚切啖啖肉又唔會太油膩招牌牛油拉麵 湯頭濃郁原塊牛油溶左之後令湯頭層次更豐富一塊厚切叉燒 唔會overcook好味到再額外加多一碟叉燒😂小食叫左碟大的餃子 一碟六隻餡料多又Juicy 好有自家製的感覺一家三口經營的小店 感覺平民貼地 十分抵食！…查看更多

返左工之後，成個人真係無晒動力，每個星期最期待就係TGIF，同班friend飲下野放鬆下。今日朋友就帶我地黎呢間堅尼地城的樓上私竇～食餐正宗墨西哥菜，再飲下特色cocktail～店舖的裝潢行外國風，以昏黃的燈光配上排列精緻的各款酒精，零舍有feel！食物選擇好多，前菜叫左個Chef Special Salad，有海量火箭菜同粟米雜豆係底。另外個牛油果醬Nachos都好有特色，可以根據個人口味，叫店員幫你將六款調味料混入兩個新鮮牛油果，再壓成蓉放上脆卜卜的手製Tortilla度食，鹹鹹辣辣又幾特別喎～！另外叫左牛同Cauliflower兩款tacos🌮，店員推介椰菜花個個，真係幾特別惹味。主菜Roasted Chicken肉好嫩又Juicy，薯條幾惹味 一條接一條完全不能自控😂，最後叫返個Ami’s Tres Leches Cake結尾～Housemade Cake用上Whipped Berries再淋上甜奶，口感濕潤，奶味香濃，好值得試。整體黎講，地理位置好，堅尼地城站一出行2分鐘就到，價錢唔太貴，環境又靚，幾啱同一班朋友黎happyhour，或者同另一半黎過個浪漫的夜晚！…查看更多

珍珠紅豆拿鐵 HKD27 聞說呢杯latte用左醇奶嚟整，感覺真係零舍不同！奶滑微甜，珍珠細細粒又Q彈，幾好咬口，整體感覺唔錯，但如果可以食到多啲粒粒紅豆會更好～ 下次可以再試下佢其他野飲。…查看更多

見到呢間舖頭嘅名叫章魚小丸子，心諗章魚丸就應該係佢嘅招牌食物，但我地當時實在無乜意欲食章魚丸，又覺得佢嘅串燒好似幾吸引咁，而且價錢唔貴，就決定試一試伏～叫咗兩款串燒：板燒單骨雞翼 HKD12/串椒鹽墨魚嘴 HKD8/串好老實講，其實雞中翼串燒同墨魚嘴串燒嘅口感本身都唔差，但奈可調味太重手，味道太鹹太鹹，鹹到我以為自己係食緊調味料，多過食緊串燒，食完之後個口好乾，要即刻買返杯野飲先得，失望⋯今次真係中哂伏⋯…查看更多

魷魚係我最愛嘅海鮮，幾乎任何類型同任何煮法嘅魷魚我都唔會放過，因為佢獨特嘅質感同味道實在令我難以自拔～呢款古早現燙魷魚，淨係個賣相已經好吸引，沙茶醬薄薄一層咁掛嚮魷魚表面，鹹中帶甜，味道好濃郁，食落特別鮮美。除此之外，魷魚嘅質感亦都好爽滑，尤其係魷魚鬚，好正！雖然唔知嚮台灣嘅夜市，係咪真係有呢款沙茶醬魷魚，亦都唔係好清楚正宗嘅台灣風味，係應該有咩元素嚮入面，但無可否認既係，呢碗魷魚的確係整得好好，好想再買多碗食！…查看更多

行咗一輪商場，時間差唔多，好多餐廳都陸續收檔，唯獨呢間燒烤屋係少數仲做緊生意嘅餐廳，所以我地都決定坐低試下。串燒嘅價錢唔算貴，亦都唔算抵食，而味道亦都好普通，可以話所有串燒都係同一種味道醬汁既味道，無乜特別，當填飽個肚就算～反而甜品Crepe就比較吸引，鮮雜果忌廉朱古力味 HKD30 香蕉朱古力味 HKD24可麗餅餅皮嘅厚度啱啱好，唔薄唔厚，食落好煙韌，只喺無乜蛋味。個人比較鍾意鮮雜果忌廉朱古力味，粒粒嘅水果肉配上香濃軟滑嘅忌廉同朱古力脆粒 口感豐富，味道多元化之餘，又唔會顧此失彼。相比之下， 香蕉朱古力嘅味道就顯得有啲單調。…查看更多

通常講起班戟都一定會諗到甜品，一層薄薄嘅班戟，嚮上面嚮啲生果，再加啲果醬、朱古加醬，同埋忌廉，最後再加多一球雪糕，真係諗起都興奮～不過班戟又唔一定只係得甜品嘅，鹹食都一樣唔錯架！煙肉蛋蕃茄芝士三文治平時就食得多，但當外層由麵包轉咗做班戟嘅時候，究竟會帶來點樣嘅驚喜呢？一大口咬落去，煙煙韌韌嘅班戟加上質感各異嘅餡料，口感好豐富，而且味道仲好多元化，就好似將一碟All Day Breakfast一次過擺入口享受咁～…查看更多

入黑之後嘅長洲，細舖開始慢慢收檔，人流亦都愈來愈少，我地行咗成日都攰攰地，又唔想出到市區先再搵餐廳食晚餐，再決定嚮長洲解決。呢間餐廳就座落於去海灘嘅路上，幾有外國情調，就好似啲海邊嘅小餐館咁～座位嘅空間亦都幾大幾舒適～我地點咗兩款主菜同一款主食，都係我最鍾意嘅：香炸魷魚鬚 HKD40好香脆可口，最岩用黎送啤酒～椒鹽軟殼蟹 HKD80惹味～！不過份量就比較細。招牌焗豬手 HKD188焗豬手外皮香脫，而內層嘅肉就好鬆軟，鬆軟到只需要輕輕力，就可以將肉撕成一條條纖維咁，味道鹹鹹鮮鮮，唔錯唔錯～…查看更多

mezza9 Macau位於澳門君悅酒店，今次我地就買咗君悅酒店嘅套票，連一晚高級海鮮自助餐，見到間餐廳嘅海鮮介紹，未去就已經先興奮～佢唔係一般嘅海鮮自助餐，而係好少見嘅「任揀海鮮，即叫即煮」，可以選擇嘅海鮮包括鮑魚、龍蝦、龍虎斑、白蟹、炒蜆等⋯再配以超過六種嘅烹調方法，例如椒鹽、清蒸、蒜蒸等，任君選擇，想點配點煮都得～表示我總共食咗7轉龍蝦，幾乎佢所有嘅煮法我都食勻哂，但最鍾意嘅都係芝士焗龍蝦，芝士味香濃，龍蝦肉鮮甜結實，食落啖啖肉！比起就咁清蒸鮑魚，我更加鍾意加埋果皮一齊蒸，既可以突出鮑魚嘅鮮味，仲有一陣獨特嘅果香味，未食就已經流哂口水～除咗海鮮之外，佢亦都有好多甜品揀，我就梗係唔會放過任何一個食甜品既機會，所以一次過就拎哂佢啲甜品返黎慢慢食～當然亦都唔少得各種肉食同埋刺身～不過我就覺得佢既刺身比較普通，同埋唔夠新鮮，所以食左一轉之後就無再添。總括黎講，就算唔買套票，原價600蚊就可以食到咁高質既自助餐，真係好過好多香港成千蚊既自助餐，所以我打算下次再食過！～…查看更多

嚟到長洲遊玩，掃街就係指定動作～見到蠔就會發哂狂嘅我，好輕易地就畀呢間嚮碼頭附近嘅巨型芝士焗蠔引誘到，拎上手，蠔殼成隻手掌咁大，賣相望落都唔錯，心諗應該幾正咁，點知食落先發現佢裡面其實只係得一嚿好細嘅蠔肉，反而大部分都係薯蓉，同埋蔬菜蓉，食落味道普通，又無乜芝士味，就好似只係食緊一個大焗薯咁，但薯味又好似好淡咁喎，所以整體感覺麻麻地～如果佢改名叫焗薯，而唔係焗蠔嘅話，成件事應該會合理好多～呢件野試一次就夠⋯…查看更多

話說前排畀我嚮Facebook發現咗呢間特色樓上café，見到佢啲食物嘅擺盤都整到好靚，不過呢樣都唔係重點，重點係佢係有貓玩架！我地去嗰晚其實都full哂咁濟，得返我地一張枱未埋位。心諗，貓貓都應該無時間招呼我地架喇…正當我有啲失落嘅時候，就畀我發現，原來其中一隻貓貓，咁岩就訓正嚮我隔離張凳到，我即刻勁興奮勁心心眼！不過佢真係好懶訓，仲訓到大字形咁既款，勁qq！佢一直訓呀訓呀訓呀～直到我地食完之後，佢先訓醒，終於可以同佢玩！我地同隻貓玩到不知時日過，玩到其他食容走哂，人地餐廳要閂門先肯走～講返食物先，我地二話不說就點左兩款招牌菜：廚師發板同埋怪獸雪糕！廚師發板餐：牛油檸檬汁煎帶子香煎加拿大特大虎蝦黑魚子鵝肝多士蒜片配香煎安格斯牛柳粒蟹棒、鹽水榮螺仲有戀之花煙三文魚、烈酒煮布冧同埋和風雜菜沙律～佢既海鮮都處理得好好，而我最鍾意就係帶子同埋虎蝦，超滿足！！！食完主菜，就到甜品時間！呢款怪獸雪糕真係勁巨無霸，實足怪獸咁既款。中間係由三個雪糕球組成既雪糕塔，而隔離就鋪滿咗一層厚厚既忌廉，同埋有幾嚿香蕉咁，再插住兩支波板糖，而最底層就係威化餅，真係勁大份，我諗無怪獸胃既話，都應該幾難將佢食得哂。不過唔緊要，因為女人係有兩個胃架！…查看更多

話說我地book咗星期日9點兩位，8點半嗰時餐廳就打畀我地，問我地可唔可以早啲到，初時我地仲以為好多人等緊枱，所以就拿拿聲趕過去。點知去到嗰時，成間餐廳原來得我地一枱客，好奇怪。我地坐低咗半個鐘左右，佢地就已經開始執枱打掃，準備收檔咁嘅款，但佢地嘅營業時間明明話去到11點架喎，結果搞到我地都食得好趕咁，驚阻住人地收工⋯表示好無奈⋯－－－－－大蔥雞肉串 HKD30牛舌串 HKD42黑豚腩串 HKD36首先講下左手邊嘅豬腩肉，半肥瘦嘅腩肉，一層脂肪一層肉，肉質夠嫩，肥膏入口即溶，唔錯。而中間嘅牛舌，表面燒到焦香脆身，內層就爽口多汁，我最愛！至於雞串，雖然燒到有少少老同乾，不過食落都仲算嫩嘅其實，不過不失啦。－－－－－足量壽司 HKD158叫得足量壽司，名副其實就係講緊佢夠哂份量，由左至右分別係：蔥吞拿魚蓉、青瓜蟹籽沙律、海膽同蟹肉，每款都擺到瀉出嚟咁制，未食就已經覺得好滿足～不過既然落得咁多料，價錢當然都有返咁上下～除返開，平均每件盛惠40蚊，所以唔算抵食架，只係視覺上夠震撼～－－－－－呢個盛合黎講，最好食既係鮑魚～佢基本上係無加特別既調味料，只係嚮燒既時候加左兩滴醬油，所以食既都係鮑魚本來既鮮味，簡單而言就係原汁原味！…查看更多