piggyyan的個人專頁

第一次幫襯呢間店，初進店時無乜人，店內只有1枱客，店員只有1位，非常寧靜！食物種類不多，海鮮類每人只可選3款，手機點餐，飲品有酸梅湯、汽水、竹蔗水。一開始感覺餐廳裝潢都唔錯，加上環境清靜，等緊個火鍋來都有打下卡留念，跟住等下15分鐘，湯底未到⋯再等多10分鐘⋯又未到，最後等咗30分鐘火鍋終於來了！店員送湯底時都有說「唔好意思」補返15分鐘比你哋，我即時反應就是應該半小時喎、店員最後都答應補回半小時給我們！之後都多了一位店員出來，客人都多了1-2枱但是⋯提早45分鐘就說last order😮‍💨食得真係好趕！總括來說，我覺得食物不過不失，非好出眾，尚可接受，只是店內的女人店員實在太緊張，又怕人浪費食物，每次唔會比多份量你的，時間也計到盡！…查看更多

見上面食評講到好好，就襯今晚平安夜嘗試叫外賣自取，總共點了4款小菜，包括薑蔥蠔，薑蔥魚卜，香芒咕嚕肉，楊州炒飯。首先，我是親自打電話到店舖叫外賣的，以下是我和店員的對話：我：請問外賣有折扣嗎？店員：乳鴿？有啊我：唔係乳鴿，我問外賣有冇折扣，即係有冇得平店員：有呀乳鴿，外賣乜嘢我：ok,我係叫外賣，我要薑蔥xx….完店員：仲有冇，再覆返我一次（正常）我：請問收唔收電子支付？店員：收呀我：好，等陣過嚟拎，要幾耐？店員：15分鐘啦到店後⋯⋯有個疑似老闆A走出嚟我：可否PayMe？A:只收現金我：唔係喎，剛才電話問過有電子支付A: 我哋嘅同事係唔會答你有嘅，因為我吩咐佢只收現金我愕然了，停頓一下，但明明電話話有A：我啲同事唔會咁講，我聽住嘅我：下（講大話）我：心想..難怪店舖咁靜有原因的A：你PayMe我啦我：咁你俾個code過掃，會清晰啲A: 你打我個電話得啦，你唔識按咩，過數朋友嗰度喎 （語氣是很不忿氣嘅）我：生氣😡中單看以上，我已經唔會再有下次幫襯，呢個疑似老闆態度非常差，就算電話真係聽錯都唔應該有呢個態度！難怪店舖拍烏蠅🪰至於食物，分量非常之少，性價比勁低！味道也不見得出色，但四樣嘢已經4佰几，如果品質高，我覺得呢個價錢都可以接受，但可惜正正相反，食物多芡，而且偏鹹。本人認為完全唔值得這個價錢，加上態度也不好，還要上樓行兩條樓梯，完全唔值得！…查看更多

由於屋企人好鍾意飲茶關係，每逢假日節目都是搵酒樓飲茶的，可惜附近真係無一間特別好食。今次比我發現附近呢間餐廳點心唔錯，食物新鮮，尤其個人參烏龍茶，好香茶味，我爸爸特別喜歡！食物方面：我推介煎釀茄子🍆，超好味，大大舊！還有蝦腸粉，蝦彈牙爽口炸両，鳳爪排骨飯份量足夠和其他點心都好出色，菜苗餃，雞扎都好好食還有鹹水角（忘記影相）食完有童年的回憶甜品我喜歡薑汁糕，唔太甜又好有薑味整體都好滿意會再光顧的！總算搵到一間好味又唔貴嘅餐廳同屋企人飲茶了…查看更多

初次光顧感覺良好，環境清靜，一間有得燒又有得打邊爐的餐廳，感覺好正！食物新鮮且質素不錯，服務員細心招待👍🏻值得推介 今次叫咗牛里肌套餐，薄薄牛肉易入口，不能說是好優質，但性價比高，價錢合理，豚肉超大塊，有入口即溶的感覺，最愛鯛魚，用嚟燒真一流，超好味😋 整體都好抵食👍🏻會再光顧的。 飲品款式唔算很多，但足夠，都是寫紙仔，有人送上的。 點餐後好快送到，沒有漏單情況!重點一提，全日免加一，放題無限時👍🏻呢樣超棒🤭…查看更多

今天午餐真係食完都想反胃，食得差不多見底先發現有硬物在蠔仔泡飯內，疑似瓦仔物體，令人心寒同店員負責人講完，拎起碗嘢講咗一句唔好意思，之後自行取消咗碗嘢，又冇再同我講返！後來改咗張單，佢竟然收返我杯熱飲費用，之後發脾氣佢先肯取消埋，呢間嘢真係咁都得！我當時唔告佢已經算仁慈，仲好意思收我熱飲！衛生和服務都好差#又相有證據…查看更多

今年生日選了這間放題慶祝，內在環境乾淨，食物種類多，且手機下單好方便，送餐速度快，好少漏單，甜品有芋圓好正，自己出面自己搞掂，只是雪糕如果改杯裝會更好，更衛生，整體很好，一定會再光顧的😋😋…查看更多

今天放假就嚟試下呢間段純正試午餐，點知原來同食食評講既真係有太差別！呢間試一次就夠了，服務態度好差，對我而言用餐除了食物的品質外，服務態度都好重要的！先講食物，叫咗一碗紅燒腱心半筋半肉牛肉麵，另一碗就口水雞湯麵。份量：好少，即女仕們或食量少既人較適合。味道：無特別且偏咸。服裝：無服務可言，因為沒有水提供。（但要收加一）食用時間：限時60分鐘（平日）整體而言，平日都要限時食太不合理不會再光顧，因為太不值！…查看更多

呢間粉麵檔幫襯左年幾，多數叫外賣，今次真係好離譜，叫牛筋米粉得兩條牛筋仔，其他全部牛腩，下次唔會再幫襯！之前叫牛筋，都是會夾雜好多牛腩，只係今次特別離譜先分享出來😓…查看更多

今日有同事請飲嘢，大家一致都想飲果汁，就選擇了這間德和里果汁店，我點咗牛油果蘋果奶，但我和同事都覺得完全沒有牛油果的味道，只飲到蘋果，好失望，因為價格都唔便宜的！…查看更多

一個字形容⋯唔好食！經過見到門口見幾有特色，是食台灣野就入去試試，點知食物質素真係好一般！叫咗一碗滷水大腸麵線，一碗古早滷肉飯，麵線杰撻撻，又咸！滷肉飯就好乾，味道正常！…查看更多

見之前食評唔錯，就諗住去打卡帶同父母一齊試試，點知⋯失望，係唔會去第二次。環境：裝修很舊，侍應懶懶閒，叫好耐先有人應。點了食物：鳳爪排骨飯，牛肉腸粉，蘿蔔絲酥食評：鳳爪排骨飯，啲飯好散似隔夜飯，排骨肥肉多個瘦！腸粉皮很‘鞋口’，唯一係蘿蔔絲酥正常一點，加上設計比較有特色少少！整體環境點心服務都是一般，應該唔會去第二次了:)…查看更多

午飯後行Aeon見到有堅果奶茶好想試, 便透過OpenRice 買咗呢杯台灣紅肉堅果奶茶試吓，點知飲落味道不但飲唔到茶味，而家比一般奶茶更淡味，好失望，我應該唔會再幫襯！…查看更多

第一次試呢間素食店，疫情嘅關係都唔敢入去食啦，唯有外賣自取，見個餐牌做緊三送飯$50好似幾抵食，就買返去試下！$50午餐包送一個酸辣湯，個湯夠辣，但酸味唔多，味道ok,餸菜略少左但未道唔錯！…查看更多

成日經過呢間茶餐廳都冇試過，就趁今日假期就叫外賣自取試下，叫咗海南雞飯套餐同肉絲炒麵，海南雞賣相唔錯，味道都幾好，但佢個油飯就很差了，飯一嚿嚿又凍又硬，反而個肉絲炒麵就熱辣辣，可惜好多鑊燶，一路食一路㨂出嚟，餐湯就紅蘿蔔冬瓜湯，味道ok!整體呢間啲嘢食真係一般，應該唔會再叫！…查看更多

今次光顧是為了取大口仔木盤而來的, 由於每人均消費要$150, 所以我就加了杯凍的水果茶 $38, 木盤小食之前在網上已經訂購, 所以到店付款就只要比$38(再加一)!冬至當日抱著好興奮心情到大口仔店, 大約17:10左右到達, 當時店內只有兩枱客人, 以為可以任坐, 最後店員安排了4人座位比我, 拼盤揀了炸蝦, 點完好快就有, 飲品就用手機落單, 都好方便!只係唔明訂木盤餐時又冇位, 好似好Full咁, 但去到實店就咁少人~很奇怪!食完成個餐+杯飲品, 個人覺得太貴唔太值呢個價錢, 因為小食併盤幾條薯條, 兩條炸蝦, 兩塊薄曲奇(味道冇特別), 1粒半車厘茄, 少少沙津菜, 就要$138, 老實說不是為了個木盤都唔會幫襯, 因為唔抵食!個木盤真係比我想象中靚同埋重的, 買到心頭好總算值得, 呢餐木盤餐加埋飲品總共消費了 $193.8~…查看更多