Yingzi222的個人專頁

叫咗黑白雙重奏外賣，強烈建議有液體嘅甜品喺面唔好再用下壓式嘅蓋，開蓋就會㩒到啲芝麻糊，一路開一路瀉哂出黎，開完都無咗1/4，成個袋都係芝麻糊偏甜，兩者唔係好襯，食唔到芝麻糊以外嘅味…查看更多

見咁多人好評都驚伏，不過比想像中好太多。烤魚幾好食，味道我比中上分數，建議叫貴啲嗰款魚，無咩骨又多肉，加埋個60幾蚊拼盤，兩個人已經好飽。服務真係好好，啲職員好留意住客人嘅需要，主動幫手換碗、空盤會識得主動收走、又會睇住個火會唔會熄咗等等。舞台氣氛好好，唱歌好聽，唔係狂走音嗰種，又會講下笑等觀眾有參與感，見有人帶蛋糕過嚟，仲會唱生日歌，唔係普通happy birthday嗰種值得再黎，下次試串燒、酸菜魚！…查看更多

叫袋鼠外賣，叫咗個大羊腩煲2個人食份量比想像中少，分成3個細膠碗裝，如果大煲送過黎會吸引少少每碗大概4-5件羊腩+3件腐竹+2件冬菇，另外有少少冬粉，味道都幾好…查看更多

同朋友6個人慶祝生日特登試下呢一間餐廳，職員好耐心咁介紹有咩菜式，又推薦我地叫Set再散叫可以試得最多款。我地叫個6 courses set + 再散叫羊架、和牛等等…啲食物無令人失望，反而好有驚喜，叫咗2款牛、羊架都係唔同汁，個個都有讚無彈。最Surprise係我地本身無任何request, 有個好好嘅男職員主動喺甜品寫紙，幫我地影相，有同我地傾計，走嗰陣其他職員仲同壽星女講生日快樂，真係無去過咁warm嘅餐廳，好似迪士尼咁🤣🤣🤣最後9點就有live band，仲主動邀請我地點歌，當然點首Happy Birthday比壽星女聽🤣…查看更多

約咗幾個朋友食飯，火鍋撚無位，見到呢間有啲小炒諗住試下，坐低冇耐，就有個女職員主動行過嚟落單。個女職員態度好好，又介紹菜又推薦啤酒優惠😍我哋都叫咗4-5樣+幾支啤酒。點知有個懷疑係老闆嘅男人，態度勁差，無啦啦搶住落單+話個女職員使咩介紹咁多野，落單又唔耐煩😐嗰陣6點幾，得1,2枱客，上菜都算慢，食物質素就可接受，正常偏咸少少，不過送酒都ok，啤酒買一送一確實好抵。如果老闆肯以身作則會更加好🫢…查看更多

叫咗個二人餐非常之夠食！因為咁啱冇蟹所以轉左叫龍蝦，啲肉唔會散小辣剛剛好唔會泰勒又好香口！最令我驚喜嘅係土豆絲，望起上嚟好淡色，實際上好有味好好食，唔似出邊剩係得辣油撈酸菜魚都幾吸引，以為唔係主打嘅會好普通，但酸同辣都幾夠，同其他食酸菜魚嘅餐廳差唔多！服務態度都好好，會主動問我係咪要上冰粉，主動碗碟同斟茶🥰而且有提供手套、濕紙巾，服務都真係幾加分同貼心！用餐飲券真係好抵推薦，每人先大約$200，食到海鮮真係好抵！…查看更多

熟食都可以接受，有卡片教你點食，份量可以接受，不過大食少少會唔夠飽🤔個雞翼好細，但味道幾好，$88黎講勉強都可以加$25有個卷蛋，普普通通，唔肯定係唔係抹茶&朱古力到重點甜品，見好多食評都大讚呢間班戟，仲特登bk位request 加錢要生日decoration🎂(Booking個網站有得選擇加錢)黎到嗰下真係呆咗，份量好細，一個手掌咁大嘅班戟加一球大雪糕，咁就$88，去後悔無出去先食甜品之後問題黎喇，係無任何生日decor🤒壽星坐喺對面又唔方便問，甜品到黎齊無理由叫佢收番再加，咩驚喜都無哂無耐仲落雨，我地即刻埋單。聽到隔離枱問有冇大遮仲想坐多陣，佢話無大遮而且都就夠鐘，暗示人直接埋單😓啲職員明明feel到落雨，但完全無人主動幫客人調位😖事實證明呢啲真係存在喺相裡面嘅餐廳，大家試過一次就算…查看更多

首先，食物選擇沒有大家想的多。海鮮為例:refill得好慢，蟹腳得啲好幼無肉，龍蝦有怪味，同行友人都覺得唔好食。點心甜品會拎哂無得食，其他甜品都麻麻！熟食得好少，吸引啲嘅有煎鵝肝同蝦，除此外無野好食，refill 慢*食過最唔抵食嘅自助餐！*。。順帶一提:安排入座嘅職員態度令人失望，兩星期前特意book定位，但到場卻說我沒有訂，反而質問我點解無收到sms唔同佢地講翻，就好似我一定知佢地係採用sms confirm。…查看更多

當日係補祝男友生日，見到openrice推薦，評語又唔差，就book枱黎試下。唔知因為我同男友都係學生定個樣比較後生，個職員態度好差，但對住啲OL等等就好有禮貌。好少職員，行入去都冇人理，等咗陣先有個女職員慢慢行過黎問有冇bk。枱與枱之間有少少太近，除此之外環境都幾舒服幾浪漫。食物質素唔算好好，份量好少，但價錢就接近$500一位。最後個甜品有喺碟寫字，算係幾好服務。難得慶祝生日開開心心，但受氣嘅感覺真係可惜咗。…查看更多

適逢男友生日，佢平時喺附近剪頭髮，見好似唔錯所以提議食呢一間，點知完全後悔！一入去，環境確實唔錯，設計幾精緻，又有韓國歌聽，非常合心意。坐低即刻有侍應拎兩杯水過黎，但竟然係用即棄膠杯裝，有少少扣分，不過見難得有店鋪可以一次過食埋甜品，原本真係好期待，點知.....落單半個鐘先黎第一碟韓式牛肉炒粉絲，非常細碟，但味道還可以，有辣味幾開胃，不過好油，食完成碟都見到啲辣油。而跟餐嘅凍咖啡，唔知點解好似有好多水，啲糖喺唒底，完全唔均勻，比茶餐廳嘅仲差！之後再等咗一陣，個石鍋拌飯仲未黎，叫侍應幫手催促下，話因為即場整要耐少少，呢樣唔係應該落單嗰刻就講？到我已經食完粉絲，男友個飯仲未黎，再15分鐘後終於出現，足足等咗一個鐘有多，個飯好難食，好乾冇咩味，淨係好多芝麻味同類似雞軟骨嘅味道。個雞肉簡直係難以入口，又乾又食唔開，跟餐杯奶茶同飲奶係冇分別！最後連甜品都冇叫就走，平時好少批評啲餐廳，自己又唔係食家，但今次真係食到一肚氣，忍唔住寫第一篇食評！…查看更多