wing615的個人專頁

呢間舖頭其實好好食😋，不過每一次去都好靜！佢哋嘅地址係喺和富中心對面，條街本身都好靜，可能附近食肆太多，競爭又大，所以次次去都冇乜人。佢哋有lunch set ，價錢大概$80-$100左右，唔係話特別平，不過絕對物有所值👍🏻！亦由於唔full嘅關係，所以夜晚去食嘢都冇限時，二百幾蚊一個人頭坐足成晚😙！佢絶對係一個夜晚飯聚嘅好地方😊！希望多啲人知道佢哋嘅存在，唔好俾佢哋執啦！🙏🏻🙏🏻…查看更多

以前葵芳嘅又一㦸，去親都極多人，所以我好多時都分散個投脂去咗其他小店幫襯，今日收工必須經藍田先返到屋企，所以特登上匯景商場幫襯回味一下！法式焦糖燉蛋班㦸，真係好好味！ 睇住老闆娘即燒個焦糖，燒得好平均，完全cover晒我個燉蛋！揀咗咖啡味雪糕🍦，老闆娘唔止𢳂一球㗎！佢係特登𢳂多少少放下面啲，等客人食到底都仲有雪糕！總之成個班㦸都好好味😋，食到我超級滿足，令到我而家已經心思思想食另一個味😂 如果我住藍田，肯定月巴死我！…查看更多

第一次去幫襯，佢部𨋢真係慢。。。。。上到去叫咗個新2人set+1蚊醉雞脾！樣樣嘢食都好味！ 最正係蟹肉蟹籽甲羅燒同甜品Waffle！ 啲蟹籽個新鮮程度你會會feel到喺口入面爆開！ Waffle我哋叫咗一個水果，一個石板街，嘩水果勁足料，石板街又係超得，唔係救其鋪啲棉花糖上去，唧少少朱古力漿就算！ 餅底又超脆，食得我超開心呀！ 😍😍至於隻1蚊雞醉雞脾，佢唔會因為$1而俾行貨！ 隻雞髀係去咗骨嘅，但絶對大隻過你去普通茶記叫嗰隻下午茶炸脾！…查看更多

今日喺九龍塘做完嘢，同啲朋友一齊響附近搵間餐廳食飯，上網搵到呢間，打電話去問唔係學生可唔可以入去，佢話因為門口對住街，所以可以自由出入！12:30左右去到，佢問我有冇訂枱，我估唔到星期六又係停課期間餐廳會咁高朋滿座，雖然冇訂枱，好彩都有位俾我哋。我哋叫咗幾樣嘢食4個人開心share，除咗個燒春雞好普通之外，其他都好令人滿意！ 唔知係咪我因為鍾意食辣，佢個意粉係意想不到咁好食😋！下次一大班人要搵地方食飯嘅話，我絕對會考慮去呢度食！…查看更多

約朋友喺尖沙咀食個快飯，揀咗呢間開12點嘅樓上鋪。叫咗兩個set lunch, 一個要沙律，一個要餐湯。我冇飲過個湯，但朋友話好飲^_^我食沙律，雖然睇落去唔係好多汁，我初初驚冇乜味，但食咗覺得味道好適中，加上有幾粒元貝，令成個沙律冇咁寡👍🏻食完沙律食包，嘩！個餐加$10話跟餐包，我以為係普通餐包，點知佢一共奉上三款包，佢哋嘅濃淡味同顏色成正比，顏色越深相對味道越濃，但三款都好好味，超級驚喜！主菜豬柳意粉當然唔會令我失望，濃郁嘅茄汁令成碟意粉好入味，豬柳亦恰到好處，唔會有「鞋」嘅感覺，所以呢間絶對係回頭之選！…查看更多

喺朋友公司附近出沒，緊係把握機會小聚片刻。朋友唔介意行遠啲食，又任我揀，於是我喺地圖上物色咗呢間Cafe Revol，1245左右到，只剩户外位置唔駛等，就要咗外面嘅位。先揀餐，之後入內俾錢，餐具自取，最後埋位等送餐。我哋叫咗個燒牛肉長通粉同All Day Breakfast一齊share。Breakfast跟個煙三文，味道正正常常，但估唔到嘅係個長通粉超好食！^_^ 我最鍾意係佢啲牛肉冧得嚟又唔會打渣，加上個長通粉辣辣哋，真係超like呀！😍有機會我都會再去食，希望大家去幫襯下:)…查看更多

見到做緊Promotion, 仲要係我至愛嘅黑糖珍珠烏龍奶茶，即刻決定請同事飲嘢！ 兩個柯打，共7杯嘢飲，去到因爲烏龍茶未ready, 所以要我等陣（充滿歉意嘅感覺呢！），因為我有少少趕，所以決定轉晒普通紅茶算。 店面小姐因爲唔想我等咁耐，所以入埋後勤幫手，以縮短時間。等候製作期間，有位客人想買一杯飲品，店面小姐亦無為佢打我尖，如實告知要先完成我嘅柯打，所以要佢等數分鐘。 既然您哋如此老實，我亦不妨成人之美，多等數分鐘😉今次飲唔到黑糖珍珠烏龍奶茶，but I will be back😆…查看更多

想食和牛，上網揾下，好多人對呢間讚不絕口，所以決定試一試！餐廳位置唔多，全餐廳只有一張卡位枱，我訂枱時已冇得訂卡位。 去到現場，計埋我哋，全場得3枱客（所以其實唔訂位都冇問題😅），我哋睇咗陣餐牌，都唔知叫乜好，結果就用咗最簡單嘅方法——叫套餐😆老實講，所有食物都好味，待應會細心講解燒牛時嘅理想次序，服務態度👍🏻 提提大家，燒肉時如落薄片牛時要趁個網溫度未高就落，否則件牛就好容易支離破碎‼️唯一要彈嘅係：現場冷氣唔知咪壞咗（有風，但啲風暖暖哋）！巧熱下😓好彩現場後尾開咗部冷風機先好啲咋！…查看更多

品香樓喺南山邨嘅一間茶記，多年前已經幫襯過，但嗰時未有寫食評習慣。 最近又去過，食佢嘅炒嘢真係相當正，小菜價格多由$68起，海鮮類自然會貴啲！其實碟碟餸都好味，本人尤其欣賞佢嘅炸物ie咸蛋黃炒魷片（真名唔記得咗），真係食到咀大家有機會，不妨試試！PS. 同場加映： 品香樓門口夜晚時間有檔附屬喺士多鋪位嘅車仔糖水，佢嘅芒果西米露係用雲呢拿刨冰底+西米+芒果鋪面，俾我嘅嘅感覺好特別，味道亦相好味，大家不妨留肚享用…查看更多

偶然一次機會下試過呢間餐廳，等一次已經想寫食評，無奈太懶！ 食完第二次，覺得真係需要分享下俾大家知道！我嚟兩次都係食意粉，佢嘅份量真係大到我冇本事食得晒！ （我絶非細食型❗️）佢嘅味道都係幾好味㗎，不過如果大家要食貴嘢呢？ 呢度就未必啱大家喇！…查看更多

同朋友慶祝生日，佢指定要去呢間食嘢，佢話試過一次，值得再去！我哋揀咗佢$258嘅安格斯牛套餐，坦白講，我覺得係抵食嘅，雖然我對海鮮冇乜大興趣，但係見到佢盆海鮮，都覺得唔錯另外佢個牛小排都好好味，唔會好多肥膏！去到最後佢有個甜品俾我哋食，係紅豆冰涼粉加椰果加雜果，所以感覺係好抵嘅！另外要帶讚嘅係佢哋嘅服務態度，成間鋪頭嘅員工都好有禮貌，落單又唔會漏單，又成日自動自覺加水！唯一要彈嘅就係嗰度得圓枱，我哋一行八人，要兩張圓枱拍埋，係坐得冇咁舒服囉！但係如果三四個人的話，喺嗰度吹水吹一晚都冇問題嘅！最後報一報價錢，我哋一行八人，七大一細，埋單$2300…查看更多

剛巧喺下午茶與晚市時間企喺門口，考慮緊入伍入去食之際，有個姐姐仔出嚟問：「食下午茶？」我自然回一句：「仲有冇下午茶？」姐姐仔即刻同我講：「做埋俾你，而家落單，入去吖 ！」見到誠意搭夠，我都唔再考慮，直接行入去，姐姐仔亦即時用對講機同同事講叫大家做埋下午茶比我。叫咗下午茶，名副其實，迷你:(！但又幾好味喎！雖然係下午茶，但份量大返少少少就好啲！熱檸蜜仲唔使加錢添！ 坐喺度繼續睇吓佢個主餐牌，其實主餐牌啲嘢都唔貴呀！有機會可以再嚟試吓！…查看更多

我本身係一個食肉獸，但友人生日，佢鍾意食素，所以試試呢間！三人進食，叫咗二人餐，沙律頭盤皆好好味！主食個意粉冇乜特別，但個漢堡好驚喜！最後叫嘢飲同甜品，友人叫個凍桂花茶，樽仔上，賣相勁靚，友人都大讚！ 而我嘅伯爵朱古力Latte亦冇令我失望！唯一彈一彈嘅係，座位相對較窄，職員亦似乎太忙，落柯打可能要稍等！…查看更多

本身今日訂咗尖沙咀某餐廳食片皮鴨，點知餐廳朝早打嚟話大廈停電，所以做唔到生意！一心想食片皮鴨，於是就搵附近有片皮鴨嘅餐廳食，其中一個成員提議去美中鴨子，於是就一家人去試一試！因為我哋去得夠早，一去到就唔使等位有得直入，可惜嘅係我哋一行九人，佢得一張大圓枱已經俾人坐咗，於是我哋只可以坐長枱。其實成餐嚟㗎係，成間餐廳嘅服務態度都非常之好；嘢食方面，片皮鴨幾好味，唔會太肥太油，其他嘢食都不過不失，最令我驚喜嘅係個柚子沙律，我真係估唔到佢咁好味，所以大家去到嘅話真係要試一試呢一個餸！…查看更多

同朋友慶生，入座未齊人已經嘆緊佢嘅好味麵包！ 之後人齊，主角點咗個餐+單點美食，最尾甜品就緊係tiramisu 啦！其實，我最感受深刻嘅唔係啲嘢食（食物故知然好好食），而係侍應們嘅服務態度，因為餐牌裏面話如果即時做會員，可以有優惠，於是我就問一個女侍應有乜嘢着數，佢好有禮貌咁講解俾我聽，之後登記員完，因為我唔飲酒精飲品，佢又好好咁肯玩換一杯無酒精嘅嘢飲俾我雖然餐廳都幾多人，但係佢哋態度好好，絕對值得讚賞！…查看更多