craziifrog的個人專頁

最近忙得要命，惟有拍下拖食下好野relax下啦。尖沙咀的扒房多如便利店，就腳啲就搵左BLT。肥仔提前訂座，坐左window seat......隔離的檯🤦🏼‍♀️。因為第二天要返工，決絕一切酒精。Order 左 .Starter: crab cake Main course: usda rib eye (22oz)Side dish: 1)Mac n cheese 2) cheese fries w . Truffle sauce Crab cake (冇圖）：做得比較鬆軟，用左千島醬配搭，比較容易入口，不過card cake 上的薄脆不太match。USDA rib eye :唔小心揀左牛油醬配rib eye , 一啲都唔夾。不過就咁食medium rib eye , 肉汁好豐富。好滑 好好味Mac n cheese ,通心粉太爛，cheese 不夠香味。由其色水唔夠，應該用得太少車打芝士。🤦🏼‍♀️Fries,一上檯就好香，應該係岩岩炸起既。松露醫香氣岩岩好，唔會太濃兩個人用左信用卡優惠，埋單一千蚊有找。下次再黎要留肚食甜品🥳🥳🥳…查看更多

響醫院返工，通宵班少不免。難得有兩位同事一齊返工，不如響返通宵班前食個超滿足既晚餐。今次揀左呢間一人一鍋，試一試佢夠唔夠滿足先。呢度既鍋係套餐咁點，一鍋+一主食（飯/米線/米粉/手工面）+飲品$72有超過十款鍋可以揀，本身鍋入面已經有唔少材料，所以就算唔叫其他配料都好夠飽。酸菜白肉鍋，一上枱既時候，有啲失望。因為佢既酸菜唔係台灣果款，而係譚仔果款大頭酸菜。不過湯頭滾起之後，啲湯飲落又似返平時既酸菜白肉鍋味🤣🤣🤣🤣白肉分量足夠，不過不失。鍋底除咗酸菜白肉，仲有豆卜、大量椰菜、粟米、切成片裝既台灣腸等等。配料份量足夠味道尚可接受。同行朋友叫左蟲草花雞肉鍋、雞肉份量不少，而且全都是雞脾肉。上枱嘅時候，雞肉已經煮到七成熟，所以只要鍋底再滾，雞肉已經食得，呢個安排唔錯。配料跟酸菜白肉鍋底一樣，都係份量唔少既。飲品方面都係一啲大路既台式飲品，味道尚可，而且係大大杯既，岩哂打住邊爐飲。埋單既時候先發現原來唔洗加一，食到咁飽都係$72一位，仲要唔洗食吉邊咁搵位，呢個價錢同味道，我絕對接受！…查看更多

不時都要去尖沙咀行逛，尖沙咀的食肆定價都比較高。尖沙咀都有不少泰國菜館，不過今次食水門雞飯。呢樣係向泰國最地道既菜式，但向香港既泰國菜館道非常少見。既然佢叫得自己做水門雞飯，咁我就更有信心專程去試吓佢啦。水門雙拼雞飯佢係炸雞配白切雞 既雞飯炸雞略嫌有啲乾身， 白切雞肉好嫩滑，不過雞味不太濃，可能始終都係雪雞既問題。油飯做到泰國水門雞飯既口感，有人會覺得太乾，粒粒分明，不過我去泰國食既都係咁，我覺得夠地道。炒金邊粉，蝦肉爽口彈牙，金邊粉炒得有鑊氣。份量亦算大碟。唯一不足係味道略甜。炸蝦餅同其他泰國菜館不同，呢度嘅蝦餅係一啖一粒，而且蝦餅表面係用咗燕麥片嚟炸，唔係平時食開嘅麵包糠，口感比較特別。但就唔係太食到平時蝦餅嘅彈牙口感。泰式奶茶椰糖味太濃，完全蓋過奶茶本身嘅香滑口感，有點失望。椰青不過不失。兩個人買單$220有找，又食得幾飽。向尖沙咀既黃金地段，可以一百蚊左右一位食到中上水平既泰菜，其實真係有啲難度。唔怪得門口咁多人排隊等食啦😂…查看更多

深水埗太多餐廳，基本上百家爭鳴。所有餐廳都有佢既過人之處。今次黎到呢間burgerman以食傳統美式漢堡黎講，定價較低。絕對值得試一下。每款漢堡都可以加$20轉套餐。可配薯條或薯格或沙律同朋友各自叫了至尊漢堡，鵝肝和牛漢堡。至尊漢堡一上枱，嚇了一跳，超級大份。除了厚實漢堡扒之外，仲有煙肉芝士煎蛋蕃茄菜。一整個漢堡疊得超高，一口根本冇可能咬到。只可以分層吃掉。漢堡扒肉質超豐厚，肉汁超多煎蛋是荷包蛋，一咬開蛋汁不斷流超豐富。吃完整個漢堡根本已飽了。配上薯格，剛剛炸起的，份量勁多又脆口。勁滿足。鵝肝和牛漢堡，和牛肉汁肉汁豐富，鵝肝煎得外皮香脆，內裏較乾身，有少許不足。店面座位太少，不過食物味道高分。值得一試再試🤙🏼🤙🏼🤙🏼…查看更多

男友向鰂魚涌返工一段日子，忙裡偷閒放工搵下佢食lunch 睇下有咩好介紹。為食性格大過港女格，越平價越平民就最岩心水。最重要都係味道😌一齊叫左乳豬燒肉雙拼飯（$55）跟餐既例湯太淡，不過都係送既，就算啦。碟頭飯一上檯，香味四溢！🤤乳豬皮香脆，唔會過份油膩，一口咬下落，脆皮聲聲入耳，肉質口感好好，醃得唔會死鹹！份量都好足夠，而且每舊都有肉，唔會只得乳豬皮。相反比較下，燒肉有啲過鹹，不過肥瘦適中，不錯。不過燒肉皮仍然係厚薄適中，唔會太硬。白飯底就不算熱，而且比較濕。環境就不作批評，因為港式燒味檔，地方本身就不大，午膳時間人來人往，搭檯在所難免的，反正食物質素是最重點的！…查看更多

朋友特意來到西環搵食，心中有很好食過的好推介。朋友卻一心一意想吃台灣菜，西區之星 阿_來了，朋友表示味道一般，想嘗鮮。找到了五斗米，見好評不少，不妨一試。店鋪座位很少又很迫，一行三人只可坐於兩人枱加接凳。已經有少許扣分！點了二人套餐加一份肉操飯再加一杯冬瓜茶，非常失望。麻辣牛肉麵（$60）上菜時已看到，一整碗面內全都是辣椒粒，卻沒有麻辣牛肉麵應有的紅油。吃了一口，味道就如火鍋店的豉油加辣椒粒，有強烈的辣卻沒有麻香味。甚至連台式牛肉麵應有的五香味都沒有。極度失望。雞腿肉操飯（$55）一整碗內有菜有肉操亦有一大隻雞腿，賣相不錯。可惜，旁邊的娃娃菜太濕，令整碗飯變成湯飯。肉操太淡分量亦較少，雞腿就不過不失。珍珠奶茶（$～15）落單之後，店員在我們面前拿着杯子，直接在廚房用的雪櫃內，倒出冰了不知多久的珍珠奶茶。結果如想像一樣，珍珠非常硬，奶味太少而且茶味太苦。滷味拼盤這是跟餐的小菜，拼盤內有四件手指般長度的豆乾，及兩粒花枝丸和兩粒肉丸，和我想像的滷味拼盤材料出入很大，味道有點像港式滷水雞翼而非台式。九份芋圓這一份也是跟餐的甜品，在香港來說，基本上沒有很好吃的芋圓，不過至少在我想像中，每款芋圓都會有一款甜品做底，例如豆花、仙草凍、甚至碎冰，但這裏的芋圓，卻只是芋圓加上薑糖水。雖然，熱食芋圓不是罕見，但味道真的很有距離。薑糖水沒有薑味，糖味亦非常淡。芋圓沒有芋頭味口感亦很硬。雖然本來就沒有期望，但仍然很失望。另外還有普通肉操飯、燙青菜、冬瓜茶、蜂蜜檸檬愛玉，整體水準平平。一共吃了340左右，除了店員態度值得嘉許外，其他真的很失望，以地區來說價錢已算中上，味道更與價錢成反比。雖同區的台灣菜選擇很少，但西環總算是一個新興的搵食地區，選擇很多。即使只在同一條厚和街，也有非常多餐廳選擇。若果味道不如其他，恐怕最後只會被淘汰。…查看更多

同朋友不約而同地想食日本菜，壽司店係不二之試。香港越來越多omakese既壽司店，定價固然係有返咁上下。剔除廚師發辦既壽司店，好似得返少數普遍壽司店。十和田總店已經食過兩次，今次黎到食左好多野。佢既定價略高（相比係德x壽司）而且份量都比較精緻，大多既壽司係每一件下單，而不是兩件。吞拿魚盛合（$298）中拖羅既質素麻麻地，切得比較薄，又有筋大拖羅就固然出色帆立貝（$38）很失望、因為上檯一刻，見到佢係只有半粒帆立貝，亦唔係好鮮味 肥美 定價也太高了平成卷 （$138）好出色，佢係海膽吞拿魚蓉青瓜卷，一客有六件，每一件都好飽滿，好足料呢個比較抵食炙燒刺身丼 佢係寫明秋季限定，但呢個時間仍然有供應飯量好夠，炙燒海鮮既香味好濃烈。海鮮有：魷魚 蝦 吞拿魚 三文魚 帶子 左口魚邊 鯖魚 白身魚好滿足，只係魷魚有啲格格不入。其他散叫壽司都不過不失。埋單$840 其實都係中價定位、而且水準唔太穩定下次都要諗下係咪繼續支持。因為同一條街有兩間大排長龍既廚師發辦立食店定價比十和田再低一點，再唔保持水準、客源不保了😢😢😢😢…查看更多

萬發一直都係我家大飯堂，雖然唔係住九龍，但因為佢真係值得我地一家由港島過黎九龍食晚飯🤤咁岩老豆上星期贏左幾千，就去萬發食下海鮮同埋好掛住佢既牛柳粒呀🤙🏼一行五個人，叫左五個餸+一個炒面 三個白飯呀媽一早落order 話要食瀨尿蝦,叫啦🤣椒鹽瀨尿蝦（巨型瀨尿蝦，一隻～$248）五個人叫左三隻，每隻一開二，一上檯，好靚又好香！不過食落我覺得唔夠味，淡左少少，隻隻蝦都有膏、肉質都彈牙☺️招牌霸王雞（半隻 $110）呢個做招牌菜不錯！好有雞味，又煮得好滑。味道好夠，唔會太油太鹹！！老豆食得好開心😄😄薯仔牛柳粒 （$108）每次黎都要叫既「招牌菜」黎到又真係檯檯都叫咖喎！牛柳粒比較濃味、但整得非常淋！薯仔先係精粹！炸過既薯仔外脆內軟，勁正！石鍋通菜其實係啫啫通菜煲，麻麻地，因為太濕又太鹹最後都食唔哂😢小炒王呢個小炒王係冇銀魚仔既、不過佢既韮菜花係嫩既，所以冇渣有蝦乾就基本既，不過不失。👌🏻豉油王炒面炒得乾身，不過味道比較淡口好彩有洋蔥韮王既味道補數碟碟都大大碟、味道又正咁多樣野、仲叫左三個飯同一枝生力埋單都係$1400有找，點可以唔keep住黎幫趁？…查看更多

老豆十分喜歡江浙菜，但實在唔想食太多次大集團既上海菜，翡x / 天樂 乜乜乜，真係食到慣慣熟熟了。今日一家人難得一齊放假，就下老人家胃口啦。試下呢間滬江飯店。地理位置一流，利舞臺上面食府林林總總，點樣突圍而出？一行六人，叫左九樣菜色。樣樣都好出色！小籠包， 湯汁飽滿，口味比較清淡，亦冇咁油醬燒淮山，好特別既素食，好少會用呢個方法煮鮮淮山，口味不會太鹹！上海粗炒，不過不失。茶燻雞，訂枱時要下單，一上枱，煙燻味迫人，太吸引了，雞肉嫩滑，食到最後，煙燻味仍然久久不散，十分推介！酥炸雲南鴨，好特別，用片皮鴨既方法食酥炸鴨、不會太油膩很好。滬江招牌炒飯，上枱時覺得賣相一般、食落好好味，有啲啲似富貴版福建炒飯，有魚肚大冬菇等等太滿足了，想食甜品也不能再點了🤤🤤🤤🤤…查看更多

生於西區長於西區。之前火鍋撚只有旺角一間分店，依家連西環呢啲老人社區都有分店。即便同西環友去試一個👌🏻叫左個鴛鴦鍋（酸菜白肉+台式麻辣）辣鍋不夠香和辣，酸菜白肉比較美味。唔怪佢，火鍋撚都唔係打正旗號食台式火鍋既。飯腳堅持要叫鹹蛋魚皮？好啦，試試佢味道正路，冇特別出色，因為現炸，加分吧！叫了脆肉鯇片,飯腳二號特別愛吃，佢話切得厚薄適中，煮完都唔會好un。我自己最中意佢既響鈴，因為冇油益味，即整既好處！牛肉有四款既，我地得三個人，所以叫左最平既一份，牛味好濃，份量足夠，話哂比左二百幾蚊一碟。食到最後，竟然送甜品。有芋圓/腐竹糖水沙冰，芋圓做得很Q, 用左茶盅裝住，底有仙草，很好👍🏼腐竹沙冰一向係火鍋撚既招牌，正常味道。食左十樣配料 每人叫左兩杯飲品，每人食左$350值不值，地區性黎講，定價比較貴。但美味黎講、都係正常的。…查看更多

上大早班既好處就係，下班後可以攞正牌去3:15。友人最中意去cafe, 我只求飽肚。推薦了光猛又企理既梔子。老闆（應該係）招呼不錯又笑容可掬。叫左一份三文魚意粉 set 、一份辣雞肉意粉set 、一份黑松露薯條 整體意粉份量剛好，友人食剩少許。三文魚意粉(忌廉汁奶味不夠濃、三文魚份量很多，不錯👌🏻）辣雞肉意粉（雞肉比較乾、辣汁做得不錯，但辣汁分量少）松露薯條（即叫即炸很香、薯條份量很多，松露醬不夠香，份量亦比較少）Set包一杯茶/咖啡，點了English breakfast tea，來了一套用日式茶具盛好既茶，茶具的觀賞值很高，而且茶很香。還可以不斷添飲，抵！還有一杯cappuccino , 不過不失。餐廳環境幽靜，吹水不知時日過👍🏼…查看更多