totsang的個人專頁

最近同朋友去咗荃灣新開嘅極大瀛喜，裝修高雅，環境闊落，座位寬敞舒服。今次揀左B餐，加入多款食貴價食材，選擇多元。✨️刺身有金槍魚腩，油脂豐富，入口即溶，其他魚生都高質。臻選鮮凍紅花蟹肉鮮甜，川式生蠔燒肥美惹味，蒸魚鮮嫩，大閘蟹膏多肉厚。✨️A5黑毛和牛薄燒油花靚，甘鯛立鱗燒配黑松露忌廉汁，魚皮脆口，味道高級。金銀蒜蓉粉絲蒸蝗子皇鮮甜，龍蝦伊麵芝士香濃，鮑魚花菇入味。鱈魚乾海膽吞拿魚蓉TACO外脆內鮮，牛油煮蜆鮮甜，辣酒煮螺爽口。✨️甜品款式多花眼亂，新味道的hangandz雪糕、極品金枕頭榴槤燒，榴槤味濃郁。💖整體食材新鮮，環境舒適，服務唔錯，值得一試。…查看更多

呢間韓式餐廳環境舒服，光線充足，木系裝修好溫暖，座位選擇多，無論一個人定一班人都啱坐。我哋叫咗兩個套餐，每個都包一款小菜同飲品，份量都幾足。雞湯飯內裡有半隻雞，雞肉好嫩滑，薯仔粉嫩，湯底好清甜，飲落去有雞味但唔油膩。飯吸晒湯汁，食落去好暖胃。配嘅Mini Gimbab，好香芝麻味，飯粒又夠飽滿。辣牛肉湯麵，湯底夠香辣但唔會太刺激，牛肉絲都幾多，麵條煙韌，吸晒湯汁好惹味。配嘅泡菜餃子有兩粒，外皮薄，餡料有泡菜味，微辣開胃。整體嚟講，食物質素唔錯，價錢合理，環境舒服，服務都幾好。下次會想試下其他海鮮或者唔同肉類嘅湯麵飯，推薦比鍾意韓式料理嘅朋友！…查看更多

早兩日行過隔離商廈，見到新開咗間pizza店，裝修幾有特色，環境寬敞。今次外賣咗個4人餐 Combo For 4，$327，價錢都算合理。2套餐包咗一個大批、香草烤雞、招牌炸雞四件、兩款意粉/焗飯/小食、仲有汽水、餐湯同沙律。大批方面，今次揀咗雞肉、野菌同自家製番茄醬汁，批皮夠薄，唔會太厚，食落口感幾好，番茄醬味道鮮甜，雞肉都算嫩滑，加埋野菌同芝士，好有層次。炸雞四件都幾大件，外皮炸得好香脆，唔會太油膩，雞肉都算juicy，食落有驚喜。意粉同焗飯方面，我哋揀咗白汁吞拿魚螺絲粉同咖哩汁豬柳焗飯。白汁吞拿魚螺絲粉味道唔錯，白汁唔會太膩，吞拿魚份量足夠。咖哩汁豬柳焗飯就幾特別，咖哩味唔算太辣，豬柳都幾嫩，焗飯有啲芝士拉絲，幾吸引。飲品可以揀汽水，餐湯或輕盈沙律。意大利菜湯幾足料，飲落酸甜開胃。呢間pizza店食物質素唔錯，價錢合理，適合同朋友一齊聚餐。下次會再幫襯！…查看更多

餐廳係環境好舒服，卡位多，坐得好自在。午市套餐選擇都幾多元化，啱晒唔同口味嘅人。我哋就揀咗佢哋招牌嘅壽喜燒套餐——北海道A4黑毛和牛套餐（130g），真係好吸引。前菜有柚子大根漬物，清新開胃，香蔥溫泉蛋飯，蛋香濃郁，飯粒分明。主角和牛先用牛油兩面輕輕煎香，之後加入壽喜燒汁， 沾上蛋液，牛肉入口即溶，油脂分佈靚，味道層次豐富，壽喜燒汁唔會太甜。最後落埋鰹魚汁，加入蔬菜和豆腐，真係大滿足。另外仲有壽司五貫配免治和牛壽喜燒湯烏冬，三文魚、拖羅蓉、蝦刺身都新鮮，烏冬滑溜，湯底夠味，漢堡肉又夠多汁。飲品方面，香茅鴨屎香檸檬茶好清新。甜品有期間限定開心果雪糕同青檸雷葩，開心果雪糕香濃滑身，青檸雷葩酸酸甜甜，食完好解膩。打卡仲有全單減$10，抵食又有得玩。餐廳環境舒適，食物質素高，服務都唔錯，午市套餐性價比高，值得再嚟試其他菜式！…查看更多

一入到餐廳，180度無敵海景即刻映入眼簾，真係好似去咗世外桃源咁，心情都即刻放鬆晒。雖然咁靚景，但位置都好方便，南昌站行過去大約五分鐘就到。今次叫咗幾款菜式，首先係韓式豬手（半份），配埋生菜、紫蘇葉同韓式辣醬，豬手皮彈牙肉夠嫩，夾埋生菜紫蘇葉同蒜頭一齊食，清新又唔膩，辣醬味道夠惹味，幾有層次。韓式烤牛肉奶油意粉都好有驚喜，牛肉烤得香口，奶油意粉滑溜唔會太膩，韓式風味同西式意粉融合得幾好，食落有新鮮感。雞蛋多過飯嘅蛋飯卷都幾經典，蛋香濃郁，佔左飯卷的一半，加上青瓜，紅，黃蘿蔔等配件和飽滿的飯粒，食落就係傳統的好味道。開心果蜜糖窩夫，賣相滿分。窩夫外脆內軟，新鮮即制。配上開心果碎，焦糖粒粒同開心果醬，食完心情都靚晒。飲品方面，咖啡飲完唔會手指指餅，入口順滑，唔會太苦，啱晒唔太飲得苦嘅人。香印提子奶蓋綠茶帶點驚喜，提子味清甜，奶蓋滑溜，茶底夠香，三種味道夾得幾好。總括嚟講，餐廳環境一流，食物有水準，價錢合理，服務都幾好，係一個值得再去嘅地方！…查看更多

呢間小店真係幾特別，主打魯肉飯配上海鮮，呢個組合喺香港都唔多見。今次同朋友嚟食午餐，餐廳午市時段真係爆滿，要等過咗午市高峰先有位坐。我哋叫咗午市套餐，試咗佢哋招牌嘅「月見海老蚵仔鮭魚蝦卵魯肉飯配全熟蛋」($109)。一上枱已經見到面頭鋪滿晒料，蚵仔又大粒又肥美，熟度啱啱好。蝦有煎過，帶少少焦香。底下係傳統魯肉，飯吸晒魯肉汁，每一啖都好有層次感，鹹鮮入味。蛋用咗日本蘭王，可以自選生熟，加埋三文魚同蝦籽，每一啖都係唔同的享受。飲品方面，我點咗「無冰芋泥鮮奶」。芋泥好鮮，打得好幼滑，但又保留到少少芋頭粒粒嘅口感，唔會太甜，食得出芋頭本身嘅香味，值得推介。呢間小店嘅魯肉飯加上海鮮真係有驚喜，食材新鮮，配搭新穎，價錢合理。下次會再嚟試下其他款式！…查看更多

呢間北京烤鴨餐廳都幾出名，今次同朋友一齊去試下。餐廳環境幾舒服，燈光柔和，坐位有圓枱同卡位，適合家庭或者朋友聚餐。我哋點咗個套餐，包括半隻北京填鴨同冬瓜鴨架湯。烤鴨一上枱已經聞到香味，鴨皮脆卜卜，鴨肉都唔會太乾。配料有青瓜、哈蜜瓜、韭黃同埋幾款醬汁。餅皮係即蒸，熱辣辣，包住鴨肉一齊食真係好正。仲有一口酥，好似薯片咁脆，點砂糖一流。冬瓜鴨架湯都唔錯，湯底清甜，飲落有鴨味但唔會太油膩，入面有冬瓜，豆腐同鴨架，啖啖料。另外我哋仲叫咗上海炒年糕，炒得夠鑊氣，年糕煙韌，配料有京蔥、豬肉絲同冬菇，味道唔會太重口味，幾適合配烤鴨一齊食。…查看更多

呢間餐廳質素真係有保證，之前去過佢其他分店都好滿意，今次就試下荔枝角分店。呢度裝修好有心思，熊貓主題好可愛，仲有好多打卡位，啱晒同朋友一齊嚟影相。今次叫咗壽司(8貫)配迷你櫻花蝦烏冬，壽司有鰻魚、三文魚、吞拿魚同帶子，每款都新鮮，入口滑溜，鰻魚味道濃郁，三文魚油脂分布平均，吞拿魚冇筋，帶子好甜。櫻花蝦烏冬份量啱啱好，烏冬煙韌，湯底清甜，櫻花蝦增添咗香味。牛肉壽喜醬汁烏冬都唔錯，牛肉片夠嫩，醬汁味道濃郁但唔會太鹹，烏冬吸晒醬汁，好惹味。炸餃子外皮香脆，餡料足，唔會太油膩，配埋醬汁一齊食更加開胃。甜品方面，叫咗非常雜莓芭菲，賣相靚，層次分明，士多啤梨同藍莓好鮮甜，配埋雪糕同脆脆，食落唔會太膩。飲品方面，冰柚子茶清新解渴，柚子味突出；冰抹茶拿鐵抹茶味濃郁，奶味平衡得好。整體嚟講，餐廳環境舒服，食物質素高，服務都幾好，值得再嚟！…查看更多

啱啱喺大興體育館做完運動，肚仔打鼓。呢間係第一間主打手撕雞嘅堂食店，好岩我地口味。入到去，店員好有禮貌，感覺好舒服。我哋點咗招牌二人套餐，都只係$145，性價比幾高。套餐包咗兩款小食，有小冬菇同雞腎。冬菇微辣，帶有好香嘅花椒味，幾開胃。雞腎爽口彈牙，調味啱啱好。主角當然係招牌手撕雞（半隻），雞肉嫩滑，皮薄肉厚，手撕嘅口感真係唔同啲，配埋蔥油，超正！仲有白飯同麵可以揀，我哋一人一款，飯粒分明，麵都唔會淋。另外仲有上湯魚腐娃娃菜，湯底清甜，魚腐滑溜，娃娃菜吸晒湯汁，好健康。最後仲有住家靚湯，味道足料。呢個套餐，真係又飽又滿足，價錢合理，服務又好，我地仲登記左做會員，d 券coupon,下次用岩晒。…查看更多

之前見過朋友係度食飯打卡，今日終於有機會黎試下。餐廳超高樓底加上圓拱型頂部，真係有啲似置身教堂咁，高雅又有情調，坐得舒服，環境真係滿分。今次叫咗幾款招牌菜：✨️燴牛腩粗大管粉  牛腩炆得好腍，入口即化，啲汁好入味，配粗大管粉一齊食，掛汁一流，每啖都好滿足。✨️風乾火腿蘑菇薄餅  呢個薄餅真係必推！餅底焗到外脆內煙韌，咬落去有層次感。配料雖然簡單，但用料好新鮮，火腿鹹香，蘑菇多汁，芝士唔會太膩，啱啱好，食完想再encore。✨️招牌牛肉漢堡  漢堡包鬆軟，牛肉扒厚身多汁，咬落去有肉香，配埋新鮮蔬菜同醬汁，味道好夾。份量都幾足，食完好有飽足感。薯條熱辣辣，外脆內軟，唔會太油膩。餐廳環境真係冇得輸，打卡一流。食物質素對得住個價錢，服務都幾好！…查看更多

午市時段，餐廳坐無虛席，人氣爆燈。卡位夠大，坐落去好寫意。我哋揀咗牛肉清湯麵 ，麵條手打，煙韌有嚼勁，湯底飲落清香，牛骨味突出，完全唔覺膩。牛肉切得厚，肉質滑溜，咬落去有層次，啱晒唔鍾意重口味嘅人。紅燒牛腱麵 ，紅燒湯底夠晒濃郁，微辣帶甜，飲落去有層次感。牛腱大舊又夠腍，入晒味，每啖都好滋味，推介必食。滷味鴨舌  滷得入味，食落爽口彈牙，鹹香適中，無論做開胃菜定小食都好正。台式鹽酥雞  鹽酥雞即炸即食，外層香脆，雞肉嫩滑唔鞋，加埋九層塔一齊食，香氣更突出，熱辣辣食最過癮。鮮奶茶配仙草 奶茶茶香同奶味平衡，唔會過甜，仙草滑嘟嘟，層次豐富，飲完有驚喜感。呢間餐廳值得再嚟，食牛肉麵永遠唔會失望。…查看更多

綠茶餐廳終於嚟到香港啦！今日新開張，門口已經排晒長龍，大家都好期待。餐廳以蘇式園林做主題，坐低都覺得好舒服。新開張仲有八折優惠，門口有古箏表演，氣氛一流。我叫咗黑松露牛肉炒飯，炒飯粒粒分明，牛肉夠嫩，黑松露味道好突出，食落去好香。筆墨酥香好有創意，毛筆造型好得意，用朱古力醬做墨水，酥皮入面包住豆蓉，甜度啱啱好，唔會膩。麵餅醬香五花肉都好正，五花肉炸到外脆內嫩，用片皮鴨嘅做法，夾埋麵餅一齊食，口感豐富。茶香奶凍好滑，茶味清香，加上脆皮焦糖，食落清新。宋雙魚羹味道鮮甜，魚肉滑溜，值得推介。聽講menu係米芝蓮星級名廚設計，難怪每道菜都咁有水準。整體嚟講，綠茶餐廳真係值得一試，環境好，食物有驚喜，下次一定會再嚟！…查看更多

呢間韓式cafe環境真係幾舒服，地方寬敞，裝修簡約又有主題色橙色，感覺好有活力，打卡一流。今次叫咗半半炸雞，分別係蜂蜜味同粟米味。蜂蜜味炸雞外皮香脆，甜甜地又唔會膩，雞肉嫩滑，真係一食停唔到口。粟米味就好特別，帶住淡淡粟米香，配埋炸雞一齊食，幾有驚喜。芝士辣味排骨鍋排骨鍋一上枱已經聞到香辣味，排骨夠入味，辣度啱啱好，唔會太嗆。芝士溶晒包住排骨，拉絲效果一流，芝士控一定要試。飯團搓成波波，加埋芝士一齊食，鹹香又有層次，食完好滿足。玫瑰醬八爪魚豬五花意粉 意粉掛滿韓式醬汁，味道特別，八爪魚同豬五花肉都幾彈牙，唔會太油膩，幾有新意。甜品賣相好吸引，窩夫外脆內軟，帶住淡淡牛油香，配上新鮮蜜瓜粒，清甜多汁。甜而不膩，真係有初戀嘅感覺！呢間cafe無論環境定食物都好有水準，服務又有禮，下次一定會再嚟試下其他菜式。…查看更多

之前我去過荃灣嗰間，今次就嚟試下沙田分店嘅午市套餐。餐廳環境幾舒服，裝修有法式小酒館嘅感覺，坐得都幾自在。午市套餐可以加錢揀頭盤同甜品，我哋就試咗法式香草蛋沙律同法國生牛肉他他。蛋沙律用咗新鮮香草，蛋味香濃，配埋少少沙律菜，清新開胃。生牛肉他他切得幼細，調味適中，唔會太鹹，食落口感滑溜，配埋脆多士一齊食，好有層次。主菜方面，我揀咗三文魚蕎麥薄餅，入面有三文魚肉、意大利青瓜、忌廉芝士醬同火箭菜。薄餅外皮煎得香脆，三文魚新鮮，配搭青瓜同芝士醬，味道好夾，唔會膩。朋友嗌咗香橙油封鴨腿，鴨腿外皮脆卜卜，肉質嫩滑，帶有淡淡香橙味，配埋西蘭花苗同燒薯粒，感覺豐富又有飽足感。甜品方面，我哋揀咗榛子朱古力醬煎香蕉可麗餅。可麗餅薄身煙韌，朱古力醬香濃，香蕉沾上脆皮焦糖，甜度啱啱好，作為飯後甜品一流。總括嚟講，呢間小酒館嘅法式菜式水準穩定，價錢合理，午市套餐選擇多，份量足夠。無論同朋友聚餐定想試下傳統法國菜，都值得一試。…查看更多

呢間素食餐廳係朋友推介，開喺花店入面，環境好舒服，坐低已經聞到花香，氣氛好chill。今次我哋揀咗特上套餐，包括前菜、主菜、甜品同飲品。前菜有磨菇湯同蔬菜春卷。磨菇湯菇味濃郁，質感幼滑，飲落去好暖胃。春卷外皮脆卜卜，餡料新鮮，唔油膩。香芒沙律用咗羽衣甘藍同新鮮芒果，醬汁酸甜開胃。乾鍋菜花有驚喜，辣味同麻香好突出，好入味，食到停唔到口。主菜的肉醬大啡菇配菠菜批都好正，大啡菇多汁，肉醬味道同真肉好似，菠菜批唔會太膩。忌廉芝士牛肝菌扁意粉忌廉香滑，牛肝菌味濃，意粉煙韌。甜品我揀咗抹茶雪糕同凍椰奶西米露。抹茶雪糕茶味濃郁，唔會太甜；椰奶西米露椰香突出，西米煙韌。飲品方面，西瓜沙冰同菠蘿荔枝沙冰都好清新解渴，啱晒夏天。總結嚟講，呢間餐廳環境舒服，食物有水準，素食都可以好有層次同驚喜。無論係素食者定普通食客，都值得一試！…查看更多