由細舖嘅時候食到大舖，前幾日去完嚇到以後唔敢去。首先有一個阿嬸係server，開咗大鋪之後先至見到有呢個阿嬸。個晚去食飯老公見到個匙羹有啲污糟，佢就請呢個阿嬸幫佢換過支匙羹，其實正常餐廳職員見到個客話個匙羹污糟就即時換啦，點知佢企喺我哋面前轉隻匙羹話邊有污糟啫😑 係食緊野嘅途中我哋目睹一件非常之匪夷所思嘅事，有一個四人家庭俾錢離開餐廳，呢個阿嬸走去嗰張枱度將一疊呢家人食剩嘅生菜，徒手拎起交返去水吧個阿姐再叫水吧阿姐放返入廚房，我呆咗，望一望收錢個阿姐，佢一直同阿嬸傾緊計即係佢係目擊晒整個過程，但係佢完全面不改容（我係咪可以解讀為見慣見熟？）。呢間野味道係唔錯但衛生情況得人驚，啱啱先係社交平台見到有人叫咗豬手飯有條女人頭髮，反映完再上過碟，仍然都係有條差唔多長度嘅女人頭髮。疫情期間非常時期都可以咁樣做生意 🙄…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
