Hon37的個人專頁

都係睇片介紹所以去試，叫左一碗坑腩麵、一碗爽腩麵（原先想要崩沙腩但賣哂，當時約2點），還加了$8兩粒牛丸一上枱牛腩賣相係靚仔嘅，第一時間試左啖湯先，有牛味之餘帶種甜味（類似紅蘿蔔嘅甜），飲完都無口喝坑腩牛味重肥瘦均勻夠淋，爽腩較為有頭牛味都夠（真係唔明d人話完全無肉味，咁食bubu唔知佢覺得有無味），2碗牛嘅份量都足夠，對得住個價錢，而牛丸爽彈有牛味仲要咬開入面有肉汁，非常好食下次會早d去試崩沙腩同最貴嘅腩頭，希望佢地攞返多d貨…查看更多

蝦湯底及豚骨湯底好好味，叉燒厚薄適中又入味，拉麵質地好帶少許頭（佢唔係屬於好彈牙果隻），糖心蛋食到有酒香（另加錢），套餐配雞肉沙律（雞肉軟淋入味，薯仔沙律配埋個汁都好好食），大廚一邊工作一邊留意食客進食情況，不時作出溫馨提示，2位服務員都好有禮貌，環境都好好真正食堂feel，錢價非常親民，一定會返轉頭再食，good，頭輪建議1點30分左右到店排隊等位（只得8座位），否則第二輪要等多大約45分鐘。…查看更多

之前見佢新開張，在堂食試一次後發覺味道都唔差，尤其佢個辣椒油幾香同唔太辣，加上價錢唔太貴，心想係可以返轉頭嘅食店過左幾日又想食，但呢次幫襯外賣，一個大餛飩+一個蔥油麵，落單時叫俾2兜辣椒油，因為覺得食呢度嘅野一定要加先至好食，到見到阿姐包果陣都有跟足，但因為見到每兜得約1/4左右，所以要求俾多一個，點知個阿姐答 : 你買一份野咋喎，要咁多辣椒油，但最後佢都擺左落去，但當時心想 : 辣椒油咋喎，堂食會唔會限住人地食幾多呀再過多幾日，今次特登買外賣睇佢係咪又係咁，野食試左貴少少嘅蝦仁餛飩+蔥油麵，都係要求2兜辣油，今次我企左喺出餐位置等，到見到我d野食放左喺度等阿姐冚蓋，我同阿姐講唔該2樣野想要多d蔥，佢就叫入去 : 要多d蔥喎，跟住入面一個似係新人嘅人望一望出黎，然後就咁搵手攞幾粒就咁洒落去，跟住我見另外一樣無多度蔥，我又唔該多一次，個阿姐用想同語氣再叫入去，今次就由淥餛飩位師傅攞返碗野落去然後先加，之後擺返上出餐位，點知高潮黎啦，正話疑似新人果位再次望一望我，然後用手挪住一埋蔥就咁喺出餐位洒落去，仲要加多果 : 多蔥丫哪，臨尾要求多一兜辣油，果阿姐講 : 2兜夠架啦，好辣架，但無俾多一兜我經過2次客觀體驗，就算碗野幾好食，返轉頭機會真係幾微，打開門做得粉麵生意，多蔥多辣油正常預左有人係咁架啦，亦有人會叫走蔥唔食辣，呢d成本好值錢咩，因為咁樣得失個客，最唔要得係入面個廚房，要d蔥啫，當人乞兒咩…查看更多

吹到天上有咁樣，就去試一試，講真呢次用餐體驗真係麻麻第一地點隔涉，大熱天時行到去正常都濕哂，胃口已打個折第二豬潤麵，只係大件厚切剛熟，但豬潤味唔係大出，只嚐到有酒味，另試左炒牛麵，牛肉細細碎碎唔在講，話明炒牛，都唔知佢點炒，似係牛肉攞去拉油多d，最大獲係個麵同湯，一食就知係用商業用一丁，個麵質同平時散裝買果d有好大分別，湯底更加唔使講啦，味包，整體就係個餸放落個一丁上面第三就係價錢，所有飲品係無跟食品加配價，兩個人叫左2杯凍檸茶，一見張單$38，同碗麵一樣價錢，無野講啦…查看更多

呢間野由開張已開始食，頭半年d品質都keep得好好，基本除左平日3-5點黎唔使點等位，大部份時間都要等，但都值得，幾個月前返黎食一次，果陣未夠12點，應該剛開始營業無耐，叫左個招牌鹽酥雞湯麵，一食塊雞扒已覺伏，暖嘅，所以隔左好耐都無再黎，今日老婆話好耐無食可能上次咁啱啫，ok我又試多次，一樣叫雞扒麵，結果回應標題，唔再講野，而老婆叫左個新嘅套餐，其中一項選擇左沙茶密豆雞柳(仲要+$5)，話……呢碟野仲經典，d雞柳你可以想像到有幾嚡就有幾嚡(雞柳喎，仲衰過雞胸肉)，密豆淋哂又黃，只係個味就ok，呢個餐+$7轉珍珠奶茶盛惠$70，以呢區黎講唔算平，但質素就真係，而且個場得4成人客左右，無理由做得咁差，中伏到此為止…查看更多

平時經過都唔想行入去，因為企門口迎客嗰個眼神感覺不大友善，今天中午見無人喺門口，終於走入去試一試d野食，一坐底睇下餐牌見到大部份由$44-$55左右，款式都算多而且又有炒粉麵飯包湯及飲品，第一時間覺得CP值都幾高喎，於是叫左個美極炒飯($44)及漁香茄子炆米($55)，諗住睇下廚房師父D手勢掂唔掂就知呢間野得唔得，中肯咁講，2款味道都幾好嘅又夠熱，不過共通點而且最不滿就係份量，碟炒飯入面D肉碎真係少得可憐(叫楊州炒飯都有幾隻蝦同火腿絲食下)，翠肉瓜粒都係一般的少，好似食緊一碟齋炒飯咁，到炆米，茄子正常size得3條，其餘嗰4-5條細條到好似普通成年人隻尾指咁上下粗，跟住d肉碎又係少得可憐，都算啦因為味道真係幾好，但食到一半見2個餐湯未到，一問之下對方答已送哂啦，所以無，咁樣都得，落單時無講，咁樣即時覺得成餐飯真係唔抵食，一碟美極瓜粒炒飯，一碟幼茄子肉都唔多粒嘅炆米，同我一齊食嘅女仔都話如果係女士還可以，男仔就應該唔夠飽，中午飯人均約$50一個頭，俾多幾粒肉、正常size嘅茄子人食下都唔係多好多成本啫，餐牌寫明跟湯及飲品，無又唔出聲又無野補，手法有問題，同例湯喺中午都可以無，搵笨…查看更多

今天有位好同事生日，有人提出話去泉章居(旺角)慶祝，叫左個4人餐加個脆皮炸豆腐，諗住食住先再慢慢叫餸，套餐野食一早到哂，食落已經覺得一般，不過大家心諗慶祝先係主要，野食其次，但係最慶就係個豆腐，20分鐘提左一次未到，再隔15分鐘追多次未到，再等多10分鐘黎到係一碟“暖嘅”炸豆腐，大佬收緊$98一碟，等左45分鐘，叫部長埋黎反映叫佢試下，佢即時用手攞黎食話都熱嘅，我地講話追左2次，共等左45分鐘，黎到係一碟暖豆腐，旺角街邊求其食舊炸豆腐都熱辣辣啦，品質完全5得，服務更加係零，個部長一句唔好意思都無，只係試左後話呢碟唔收啦就即刻行左去，如果大家唔介意貴夾唔好食仲服務差，就去試下啦，可能我地係個別事件…查看更多

深水埗美食不嬲多，呢間舖嘅位置都唔算太就腳，但就值得去一試（尤其鍾意食辣野）。起初見到廣告，見佢有個食辣麵挑戰，因自己不嬲無辣不歡，所以心郁郁想去試下，終於等到休息日，一於去試下。店舖擺明賣四川辣麵，但佢嘅麵叫做小麵，先講呢個麵，一上枱即刻食，麵質都幾煙韌，真係估佢唔到，不過唔好攤得太耐，會越浸越淋，至於d餸試左招牌牛腩、大腸同豬手，都算入味，如果鍾意豬手嘅一定要試下，炆得剛好有d咬口，另試左小食酸辣皮蛋，個汁較得好好味，好開胃，至於靈魂個湯底（試左大辣），好香同幾好味，飲左幾更之後都無話口乾，唔係味精湯。最後無提嘅挑戰，因為費事樣衰，所以第一次食都唔敢挑住，結帳時問職員個挑戰係咩辣度，佢話係超大辣（餐牌上可選嘅最高只得超辣），個挑戰即係喺超辣之上，不過職員講其實辣得唔係咁誇張，因為都有好多人成功（可影相放喺店內証明挑戰成功），而且仲免費添，所以諗住下次試下。…查看更多

由朋友介紹，舊舖喺香港時唔訂位都唔使指意食到，而家搬左黎長沙灣，大部份時間walkin就食到，強烈推介炸物及小炒類，炸蝦餅係可以一試再試果隻，無老點架，而小炒非常夠鑊氣(甚至比一般中式小炒更好)，推介所有炒菜類及椒鹽軟殼蟹，一試就知個老板d功力，而其他食品都好有水準，尤以炒河粉或金邊粉，夠鑊氣之餘食哂後碟底一d油都無，如喜歡食辣嘅仲可以叫佢地攞調味料再加辣，呢方面就係本人至愛幫襯原因，雖然在街市但環境都好乾淨，值得專登捧場…查看更多