大輝哥哥的個人專頁

C3其實係少數唔使含淚嘅良心店係我喺元朗食西式快餐嘅首選食物:鵝肝外脆內軟Juicy,黑松露飯香滑味濃，飯偏軟，唔正宗但啱香港人口味墨魚汁飯/意粉濃郁香滑甘甜，意粉一樣偏淋服務:通常廚房一個人，樓面一個人，上餐時間都算合理。意粉通常快d,鵝肝即叫即慢火煎係要d時間。但上Main之前有餐湯蒜蓉包餐茶，都算合理時間。樓面哥哥(C經理)一眼關七，基本嘢都做足小記:今日大概得12度，有位送貨嘅伯伯嚟到，有位送蔬菜嘅嬸嬸，樓面哥哥廚房姐姐都會問佢哋著得夠唔夠衫，傍邊聽到都會覺得暖一暖PS:餐廳隔離有大量錶位，方便泊車…查看更多

香港地主打食羊嘅舖頭真係好少，咁好多餐廳都有羊嘅菜式，西式羊扒羊架，咖喱羊腩，kebab ，羊串燒，羊fans都可以食吓止吓咳。依間黔營羊肉粉，係少數主打羊嘅餐廳。黔，即貴州簡稱，除咗貴州菜外，都有啲西北菜，例如手抓羊，肉夾膜之類。環境及裝修: 其實間嘢真係好大陸，好多鏡，好多大陸人嚟食，甚至店內都好多簡體字🫣服務: 普通啦，舖頭有好多位，阿姐都唔算多，冇乜時間理你，收銀只可以俾現金食物質素: 整體都可以嘅，但比起喺大陸食羊，真係兩個層次羊肉粉: 正宗貴州風味，同喺遵義食過嘅都差不多，好多紅油，咁要辣辣地先好食嘅，不過我就唔係好鍾意啲羊肉碎濕濕，好似嘔吐物，面質都唔錯嘅，有彈性羊肉蔥花餅: 呢個好食，個餡係免治羊肉，好惹味，蔥花餅皮好煙韌，好香，佢有個隱藏Menu，係加芝士，$52，好食好多羊肉串: 普通，比起其他舖頭嘅羊串燒冇乜特別，仲有啲乾…查看更多

偶爾行過水車館街，都會見到依間鋪有人排隊，心諗應該都係位唔多先要等，佢連門口都開埋先得4張枱。偶爾都會望吓餐牌有咩食，真係全部都係豬內臟，其實都唔平，咁就一路都冇試。今日揸車經過，泊正喺門口，老婆話想試吓，咁就試吓環境及裝修: 鋪頭細細，入面得3張枱，可以坐門外。門面，餐具都算乾淨，裝修就快餐style，無咩講究。不過佢門口就擺咗個豬頭嘅紙紮公仔，應該就唔係連豬，我見舖頭冇其他相關裝飾，應該都係綠服務: 一個樓面，四張枱，招呼都算周到，食物好快上台，芹菜同葱都喺匙羹內另上，都算周到，基本啦食物: 有驚喜，佢標榜係新鮮牛雜，真係好新鮮，冇嗰種臭豬腥味淨豬雜 $88: 好足料，我認得出嘅有豬肺，豬膶，豬粉腸，豬腎，豬腰，豬心，樣樣都好食，最好食係豬粉腸，豬腰招牌豬膶河 $38: 個豬潤普通，新鮮嘅，有豬膶味，但有少少血腥味，唔係滑嗰隻，係爽嗰隻，個河粉都好食，湯底足料，個湯冇味精可以飲埋滷水豬大腸 $12: 超好食，冇屎臭味，洗得好乾淨，新鮮有大腸味，食完個大腸味係齒頰留香，個滷汁夠香甜，正…查看更多

偶爾經過都會見到大排長龍，又有好多媒體訪問，今日想食清淡啲所以去試午飯時間，入座時候都唔多人，之後都要排隊，不過好多人都係買外賣裝修及環境：小店格局，裝修簡單，唔會有太大要求，衛生都係中等啦，後面金祥坊有錶位，揸車都算方便服務:啲阿姐都幾友善嘅，鋪仔細細，招呼周到叫咗個招牌枸杞豬潤米，個湯好似滾水咁，以為會有枸杞湯嘅味，豬膶太老，以為會好似深水埗嗰啲咁滑，枸杞菜摘晒啲梗，正常唔會再幫襯，應該係希望越大，失望更大…查看更多

睇完米紙嘅越南河粉比拼所以知道依間店，經開太子，咁就試吓老闆係越南人，聽到佢哋私底下交談都係用越南話裝修與環境: 小店格局，鋪仔細細得10張枱左右，所以一個人嚟係要搭枱嘅，枱面都算乾淨企理服務: 樓面姐姐非常親切，同後面枱嘅食客(唔似熟客)傾偈有講有笑，自己員工用膳，有啲類似越南整法嘅魚，佢主動offer嗰對食客試食食物:叫咗個火車頭河粉，湯底有鮮味，啲湯都可以飲埋，有唔同嘅牛配料，牛丸，牛腩，肥牛，全部都好食…查看更多

突然挑起條筋想飲茶，就揀咗老馮茶居，元朗紮根咗好耐嘅良心小店環境及裝修: 鋪頭以懷舊香港做主題，都幾靚，不過就好多塵，眼看手勿動。舖頭得10零張枱，有卡位，所以好快打爆，繁忙時間晏咗嘅都要等位，今日我都等咗五張籌，等咗半個鐘服務:正常偏好，繁忙時間只准落單一次，食一個鐘，做生意都明嘅食物: 整體嚟講都好食嘅，真材實料蟹子燒賣皇: 足料燒賣，蝦肉豬肉比例都好古法牛肉球: 足料，唔會太油口，但芫荽味可以多少少鮮蝦腐皮卷: 新鮮炸起，好脆，唔會太油，啲蝦都好新鮮香滑牛肉腸: 普通啦，都係嗰啲牛肉，我個人鍾意拉布腸多啲，所以佢皮偏厚，同唔係好夠米香，食豉油味片香馬拉糕: 好食，有椰香夠鬆軟金牌叉燒包: 個包皮就好食嘅，但個叉燒就普通，唔夠惹味四寶滑雞扎: 足料及用料特別，出面有啲雞雜夠膽拼舊火腿，佢有豬肚豬皮滑雞花菇，味道好好蝦醬蒸腩仔飯: 我比較重口味，每次嚟到必食，個腩肉鹹香好味，撈埋啲白飯，好好食論食物質素喺元朗點心都算數一數二，加埋良心小店，一定長期支持…查看更多

同外母慶祝生日，佢話要食大閘蟹，咁屋企人就揀咗中環嘅一間餐廳星.68，原來係鴻星集團旗下，6:00到餐廳，唔多人，只得一枱，但慢慢7:30八點開始多人，但都唔爆裝修及環境:餐廳喺萬宜大廈，甲級地段，裝修可以嘅，但個入口喺大廈外面，砵典乍街斜路入，唔熟路嘅就有啲難搵，會去咗商場入面服務: 服務員普遍年紀比較大，但服務都正常，宴會級數食物: 我哋叫咗6人餐，有八道菜極品花雕醉雞: 普通啦，酒味強但唔香，雞就唔夠味，都算滑鮮拆蟹粉小籠包:每人有兩隻，都幾好食，皮薄，肉質鮮甜，但唔係好覺有蟹粉蟹肉芙蓉羹: ok啦，都係飲嗰啲羹囉清蒸大閘蟹:2公1乸，有驚喜，全枱人18隻，隻隻都算多膏，有一兩隻仲爆膏，啲公都大隻，但乸就差啲，好細，3兩蟹粉蒜蓉包:蒜蓉味太濃，搶過蟹粉嘅味，另外有啲似滑蛋多d紅燒乳鴿:每人半隻，都唔錯，味道適中，但食得出係雪藏鴿松茸杞子浸菜苗:正路野薑茶湯丸:又幾好食喎，粒湯圓皮薄芝麻夠香唔太甜壽桃: 大大個，個包好鬆軟，蓮蓉夠滑唔太甜，完整一整個蛋黃，欠少少油，但都好好食每次出街食蟹，都掛住食無影太多相出街食嚟講，都算可以啦，咁當然屋企食就最抵，但又要買又要蒸…查看更多

成日話秋風起三蛇肥，但而家啲蛇都係養嘅，分別都唔大㗎喇一向都喺佐敦食開，自從執咗之後，都未搵到邊間啱食咁去開元朗經過就試吓，薄脆放枱面任落，但唔算香脆，檸檬草都係任落蛇羹:足料，好多蛇肉，好多梳，但個芡就怪怪地，不過不失蛇湯:濃味，好多藥材，應該係有當歸，可以問清楚老細有咩藥材，唔受得嘅就唔好叫佢有糯米飯嘅，都好多人叫，但我胃唔好，唔係好食得糯米，所以冇叫整體: 會試吓其他蛇舖，完全冇選擇嘅都可以再試嘅…查看更多

11月2日一出【全国うまいもん市】Promotion就嚟試壽司郎其中一個X打其他對手嘅就係食物種類，不時有限定，不過有時唔係樣樣都好食青森產熟帆立貝 $12: 幾好，對得住個價錢，冇嗰種急凍味，有啲海水鮮味限定油甘魚 $17: 好食，比常規Menu油甘魚天身好食，肉質有彈性，有魚油香味鹽漬沙甸魚 $12:鍾意食腥味嘅就點啦，伏長崎魷魚鬚天婦羅 $17: 粉厚，魷魚新鮮嘅，但好韌，不推薦日本產醬漬鯖魚海苔包 $12: 唔係好食到有咩特別北海道產海櫻鱒 $17: 麻麻，普通三文魚仲好食三陸炙燒喜知次 $27: 好食嘅，喜知次話晒都係貴魚，有油香，新鮮，但$27我食中拖好過加埋常規Menu赤蝦，帶子，巴斯克整體經驗都好嘅…查看更多