ConradCheung的個人專頁

經過荃灣街市諗住食d 野，見到呢間懷舊feel 既茶記，入去試下。之前試過附近間餐廳，覺得普通，諗住試呢間未試過。諗住都係普通野，上openrice 有介紹話食粉麵。咁我就叫左個鮮牛麵，佢果隻唔係大光麵，幾特別，個味精湯幾好飲wo 真係。咁見到人地叫鮮油多（15蚊），又整個試下。都ok , 埋單6x , 呢個價正常囉。通脹真係好勁🥹 凍奶茶就普通，茶味冇咩。呢間茶記我覺得可以再試，比起其他茶記特別d ,有驚喜。Nice.…查看更多

中環區好多人推薦呢間牛雜鋪，連續試左兩日，確實不錯。我推薦大家食牛雜麵，因為牛腩冇咩特別，河粉既話比較普通，牛雜出色。 呢間野仲有其他牛既特別部分，但係得幾碗，所以lunch 時間黎食一定冇晒。…查看更多

上次試過好食，再黎試下，牛腩河一碗。今次有d 失望，見到張相既牛腩都知道咩事，又柴又散，濕濕碎碎咁，同上次差好遠。牛腩鋪有時都係睇運氣。上次味道4分，今次3分，變成好普通的一間粉麵鋪…查看更多

牛腩界數一數二既九記，上次測評過，但實力未如理想，因為粉麵鋪味道時高時低，實屬正常，所以比多次機會，相隔個多月，再黎試下。今日一點廿分Lunch時間，竟然有幾個吉位，直入落單。都係照舊牛腩伊，今次味道好過上一次d d, 但牛腩部分，依然普通。雖然肥膏多過上次，但都係柴口，擦膠質感。可惜可惜…查看更多

咁岩經過，見到招牌印像中都老字號，就入去試下。上次食過x 記感覺麻麻地，用比較既心情，叫左牛腩伊麵。大家可以睇返我之前評x 記張相比較下，牛腩冇咁柴，脂肪位多d, 咬落去爽d 同油香重d, 不過呢d 可能係撞手神，始終一日咁多碗，實有好有唔好，只係今次比較之下，我鐘意呢間多d, 同埋性價比高D.…查看更多

試完生記牛腩，又試左粥鋪，今次試埋生記米線。呢間主打魚湯，有得叫招牌雜錦，梗係直接叫呢個，可以試多d 餸，有雞翼，炸魚球，魚肉，魚蛋片，腩片。一黎到試下個湯先，都ok, 但係唔係想像中咁濃，如果鐘意清清地既就梗晒，因為我比較重口味，同想像有d d 落差。魚蛋片，炸魚球，魚肉都好食，食得出足料。$57 係呢頭既價錢算合理，都算大碗，唔會食完唔夠果隻。鐘意魚湯既可以一試，但你話係咪好好食，又講唔上，間中想食清d 可以再試。…查看更多

今日醒起聽左好耐既九記牛腩，Lunch 行過去試下。以前聽講要排好耐隊，1點2 去到門口，基本上我一個人食可以直入。咁我就叫牛腩伊麵啦，最出名。個靚仔就問我加唔加油菜，咁一場黎到咪加囉，再問我飲唔飲野，咁天口咁氣，叫埋啦，心諗頂盡咪廿蚊杯。佢寫完單先知，埋單到成118, 咁呢d 係我自己冇問清楚，冇得怪人，只係寫出黎想大家留意下。凍檸茶都要廿八蚊杯 anyway 杯野飲係好似既，油菜都係果d, 冇特別。講下個牛腩伊麵，試下個湯，淡D, 伊麵都係普通伊麵，冇咩特別。但個牛腩唔係出面講咁誇張囉，係好普通粉麵鋪都有呢個質素，唔係話好差，但唔係好正咁囉，有部分腩碎肉添。仲記得以前個老世訪問果時話自己d 牛腩點好點好，唔係囉。…查看更多

之前經過見到都幾多人，上網睇過好似老字號就lunch 走去試下，網上介紹魚腩，我又想食及底粥，有得併埋，$72 魚腩及底，一次過滿足兩個願望，貴就貴少少。都等左陣，好大碗，岩晒我，唔洗驚唔夠飽。魚腩一食就知新鮮，好食好滑，及底粥d料都好食，有個疆蔥是油，點d 魚/豬潤果d 黎食，加分！但個魚球（定係豬肉丸？）我就覺得普通，我最鐘意係個粥底本身有味，平時其他粥鋪都要自己落是油胡焦加味，呢個唔洗。總拮黎講真係唔錯，不過門口位比較熱。…查看更多

琴日試左細蓉同凌魚頭，今日就試埋薑蔥撈麵同魚片粥。點解入呢間鋪頭係因為平時都見有人排隊，不論外賣定等位，諗住唔會太差，試一試。細蓉正正常常，個湯都ok, 但雲吞普通，凌魚球冇想像咁好食，都係普通。魚片粥，粥底幾好，但冇味，個人黎講唔太喜歡。薑蔥撈麵直頭得個油字，又係冇味。琴日$54 , 今日$74. 試過就算，應該唔會返轉頭。…查看更多

求其入一間餐廳，試下個即炒既乾燒伊麵。連凍飲51蚊，杯凍奶茶好淡乾燒伊麵大家睇到，完全冇乾炒過，貪快加汁煮。我特別鐘情乾燒伊麵，睇到個廚師好冇心機。草菇又冇，料頭又少，又多汁。唔掂！…查看更多

第一次去呢間，諗住試下d 風味野。biang biang 麵幾特別，食得多米線河粉食下呢類都唔錯。撈類似紅油咁既汁食。另外試左個腊肉包，同想像中有分別，28蚊個，我覺得不值一試。金沙骨又係麻麻地，好乾硬。…查看更多

又到中環搵食，睇完食評試下個豬扒包，好普通果隻，算不上好味。車仔麵都係普通野，冇咩特別好食，係價錢算比較公道。職員招呼麻麻。你話澳門式食店，我就唔係咁感受到，冇咩特別會想令我再食。…查看更多

上次試過旁邊果間越南野，今日試埋呢間，今次個生牛肉河我覺得比較好食，個湯夠野味。跟餐個米卷就好普通。門面好細，原來樓上仲有位置，環境普通，lunch 時間係門口冇人理，要行入去問先有人照呼。…查看更多

又到中環Lunch 時間，去左呢間野試下。去之前睇過評價，叫左圖片果d 野食，茄牛通都好食，主要個湯不錯，牛就好普通。脆脆要即刻食，食食下已經開始淋，比想像中普通，係好脆既，但可能醬汁唔夠，一個人食晒，覺得有d 損，個口腔。最好既真係杯奶茶，香滑唔gip, 全部盛為七十蚊，價錢都合理。不過不失，如果要排隊唔會諗囉。…查看更多

上星期五試左魚蛋粉，今日試埋崩沙腩。中環黎講，價錢合理。鋪頭寫明魚蛋大皇，d 魚蛋確實不錯。咬落去唔似出面咁彈牙，但食得出魚既份量唔少，貨真價實。40蚊碗魚蛋粉值得一試。至於今日食既52蚊崩沙腩河都ok , 見圖份量都幾多，都唔錯。兩者較魚蛋會特別 d 。加凍飲六蚊。整體感覺良好，正式潮洲佬打理，份外親切。…查看更多