SiukiLee7393的個人專頁

第一次幫襯，晚上8:30到，場內只有兩枱客，門口冇服務員 。入去見到得一位侍應，同佢講3位，佢問Pizza or Steak House，我哋唔知要選擇佢都冇解釋，見我哋唔知就走返入去冇理我哋 。眼見前面有兩份menu就睇吓，揀咗Pizza嗰間又再等佢一輪 。坐低咗揀好食物又再等佢嚟落單，又要再叫佢佢先嚟 。食物係幾好的，但到埋單時直情場內冇影！等了又等起晒身，行去廚房門口裝吓都唔見人 。廚房望到伸個頭出嚟問咩事，我哋話埋單，於是佢去揾侍應 。侍應可能見啲錢佢冇份，print單時背住我哋，但見到佢掉野有點脾氣，比完現金又再一輪等候…你唔可以話佢冇禮貌，但就絕對不是有禮貌 。嗯，食物值得我返轉頭，但服務令我不想回頭😣…查看更多

這裡是南丫島其中一間有文青特色的小店，細心看店內外的裝飾、文字，可以知道店主的認真和用心 。我們一行4人點了4杯飲品（全是梳打因為天氣實在太熱了）和4件蛋糕 。我飲的是熱情果梳打，味道清新不太甜，解渴之選 。裡面加了藍莓和薄荷葉，整個造型連匙羹都不馬虎 ，依家香港都少見了，成杯飲品好靚 。😍店主建議由豆腐芝士蛋糕開始食，質感特別，這不是一般的芝士蛋糕質地，有點豆腐的質感，很香很香的豆味👍🏻然後食柚子乳酪芝士蛋糕，完全不是我想像中的韓式柚子醬味道，而是有粒粒的紅柚，清香 。不知道餅底是否不同，我食到個餅底有特別的味道，似係某種果仁的味？呢個我印象最深刻 。😋跟住係芒果芝士蛋糕，都好香芒果味，不會太甜 ，食得出用料新鮮。最後到炭燒烏龍焦香蛋糕，係我最期待的 。茶味似我平日喜歡飲炭焙烏龍奶茶的味道😍，而且很有質感，食完飽飽滿足，果然冇揀錯 。店主一人包辦製作和店面，十分不容易，值得支持✊🏻熱latte, 好可愛的拉花…查看更多

一到步感覺環境舒適整潔光猛，侍應的服務有禮。等候中途目擊廚房兩位員工有輕微爭執，但沒有人阻止，open kitchen讓客人目睹這些事感覺不專業。過程中整個廚房員工不停說說笑笑，可是，冇帶口罩口水都噴晒落你的食物度了！如果做得open kitchen呢啲細節位應該多注意。Order了set lunch的龍蝦麵同一份牛扒。牛扒不過不失，又唔算特別好食，埋單75折這價錢ok啦。龍蝦麵有得揀half or full, 我哋揀咗half, 嚟到見到時龍蝦球同麵。如果比我揀得half or full, 我會期望見到半隻龍蝦喺我碗度，比我蝦球，就完全不是那回事。對不起個價錢了。味道不過不失。總括而言，地方是舒服的，但我覺得你一係做平啲嘅定食，午餐，一係做貴價就做好少少，依家價錢喺灣仔區嚟講唔平但食物質素就太一般了，冇下次。…查看更多

一飯嚟即刻開餐，食晒先醒覺冇影到相，就可以知有幾吸引🤣叫左雞、牛、豬三款串燒，個人最愛嘅係牛肉串燒，跟兩款醬一款花生沙爹醬另一款係好似蝦醬咁嘅醬超惹味😋另外試咗雞扒脆豬包，估佢唔到包得咁靚仲細心跟左對手套，買返公司食都唔駛擔心。叫咗咖央多揀咗丹麥包，估佢唔到咁好味！多士上面落左啲椰絲，味道有驚喜😍我哋食完晒串燒先食多士，雖然凍左但無損佢出色嘅口感同味道🤩🤩🤩咖央愛好者必試！包裝企理，連個外賣袋都咁靚，美中不足我想加碗白飯呀唔該😂…查看更多

第一次幫襯，都唔錯。第二次再幫襯，叉燒有怪味，從此冇再去。剛剛經過見好多人等外賣，諗住比多次機會，只能嘆自己蠢！再次中伏！啲燒鴨差唔多完全冇肉食！叉燒又係怪味！點解仲存在？唔明！😡…查看更多

不嬲極少寫食評（劣評除外🤣）但今日試咗呢間用心經營的小店，覺得值得支持！💪🏻點舖小小，但從裝修、食物、detail位睇到店主的用心。不大的空間備有空氣清新機，從枱櫈到餐牌都睇到店主好著重每個細節位，仲細心備有籃仔放袋。店內乾淨、光猛，舒服。👍🏻主打咖啡有好多選擇，我揀咗凍海鹽焦糖咖啡加奶蓋，將所選相片airdrop比店員，就可以在飲品上打印出想要的相片。咖啡一流，唔會好甜，有焦糖味但唔會冇晒咖啡香，奶蓋冇出面的珍奶店咁甜我個人是喜歡的。❤️阿女叫左抺茶latte奶蓋，佢話以佢飲咗咁多間的經驗來講呢度係排1/2。🤣食物選擇唔多但叫咗兩樣食物水準都係唔錯的，tiramisu千層蛋糕，唔會太甜太漏，好味😋推介西班牙豬肋骨，肉質同香味都一流，連個薯蓉我哋都食晒。下次去會試吓其他咖啡/茶，仲有個大蝦意粉都想試吓😊…查看更多

第一次去康城，被OpenRice資料誤導出咗錯嘅出口，打電話3次先有人接，以為有幾忙原來一半都坐唔滿。去到好心提醒下資料錯誤，侍應都唔想回應，然後講呢度位置係點點點，好似意思是好明顯位置係呢度啦你點會錯，你估我喺度住架咩？到點餐時在午餐menu揀咗食咩，但因為聽唔清楚侍應講咩就問清楚，原來佢問頭盤要沙律定湯，就大力用手指篤落個menu度「頭盤要咩呀？」勁冇禮貌！食物ok的但咁嘅服務真係冇下次，價錢唔算平但份量少。…查看更多