Foodmannumber1的個人專頁

星期五收工同朋友去左東港城行商場，商場有好多餐廳都食過，正愁緊唔知食咩既時候，一間招牌好搶眼既餐廳映入眼簾，正是食湖南土菜既農耕記，原汁原味既店舖裝修令食客有身歷湖南既感覺！打開菜單，樣樣野食都好吸引，我地好快就揀到食咩野！第一樣先黎個蒜蓉粉絲蝦仁，作為打頭陣既菜式冇得輸！第二道菜叫左招牌湖蝶魚，簡單既芹菜炒魚，已經好好食👍🏻！第三道菜叫大碗花菜，味道正常！第四道菜叫蒜蓉蕃薯葉，本身已好鍾意食蕃薯葉，一見到有依個菜式立即叫，諗都唔洗諗，好有鑊氣，略為美中不足既就係太多油，如果可以少番啲油，成道菜就更加perfect!最後一道菜就係果木脆皮烤雞，個人覺得咁多道菜入面最鍾意食既一道，烤雞皮脆肉嫩，沒有一絲鞋既感覺，加上果木香配料，真係好食到爆！食得湖南土菜依啲咁濃香既菜式點可以唔飲野，鮮榨既香水檸檬茶，茶香檸濃，一啖菜一口茶，真係冇得彈！值得一讚既係店員既服務態度都好好！推薦各位朋友仔一試！…查看更多

星期六去住係寶琳既朋友屋企玩，夜晚落去食飯，正當苦惱要食啲咩既時候，咁岩就望到一間叫做金鳳大餐廳既懷舊鋸扒餐廳，於是同朋友互望左一眼，睇黎英雄所見略同，襯仲未咁多人要排隊時即刻衝入去.快速地望一望餐牌後9秒9決定到想食咩餐.朋友叫左個牛柳餐加升級海皇焗酥皮湯！我就叫左個香煎雞扒餐加羅送湯！羅宋湯微辣，加上小小酸酸地，食落特別開胃！海皇酥皮湯皮脆湯暖，食落真係好有懷舊既感覺！今次叫左一個碟上一個鐵板上，試下唔同既體驗！雞扒份量夠大，切開後肉香撲鼻，食落嫩而不柴，真係忍唔住一舊接一舊係咁食！牛柳係本人至愛，貪佢夠嫩滑，五成熟既口感將牛柳既肉質發揮得淋漓盡致！好耐冇食過一間咁好食又有懷舊感覺既扒餐，推薦鍾意食扒既朋友仔試下👍🏻…查看更多

星期五晚，又到左收工去搵食既日子，一如既往，上openrice尋找美食餐廳而變左好享受去做既例行公事. 今次搵到依間食中式菜式既餐廳.一入到餐廳，已比入面華麗得黎又帶點cyber既裝橫吸引住，不禁對成間餐廳打量左一番！每次最痛苦既環節就係揀野食，林林種種既菜式令你樣樣都想試，對有選擇困難症既本人黎講真係既痛苦但又享受😂！幾經一番掙扎，最後都揀左！野飲方面分別嗌左Pomegranate Fizz(紅)同Calamansi Seltzer(黃),兩杯都係mock tails,幾好飲👍至於野食方面分別叫左香酥鴨跟簿餅、蝦仁酸辣湯同XO醬腰果炒帶子！全部野食都不錯，值得推薦大家去試下👍…查看更多

一路享受美食既同時又可以欣賞廚師既烹調過程！實在係人生一大享受！前菜金平牛蒡、豆腐、牛脷柚子醬雜菜沙律刺身有赤身、油甘魚、牡丹蝦，新鮮好食！茶碗蒸配上黑松露油茶碗蒸，一級好味！阿拉斯加銀鱈魚一口煎得金黃香脆既魚皮，一口潔白嫩滑魚肉，配上白蜆汁，成件事出到黎係好好味！香煎鵝肝與帝王虎蝦鵝肝肥美潤滑，虎蝦肉質爽口，燒得非常入味！A4鹿兒島和牛卷🙋🏻‍♀️💁🏻‍♂️一致都覺得最好食既就係依個簿切和牛片.有3款醬汁包括蔥花蘿蔔蓉酸汁、自家製味噌味噌、芝麻醬比你點，想食原味又得，想點配料又得，得左！櫻花蝦梅子炒飯熱食最後以一個炒飯作結尾，真係好滿足！是日甜品-豆腐雪糕！…查看更多

如果你係中意係一間浪漫既餐廳一路品嚐住美食，一路欣賞live music既話，City Dancer Grill and Live Music Bar絕對係一間你唔可以錯過既餐廳！餐廳位於30樓，一出𨋢已經比餐廳浪漫既佈置同燈光色調吸引住，一轉灣就見前面一個大螢幕加表演舞台，同中意既人一路食住野一路聽住live music, 實在太正喇！餐包微溫，口感香軟，份量恰到好處！第一次飲蠔湯，好正！冰凍既sake好好飲，帶有少少梅酒味！主菜方面叫左個煎羊架同漢堡包！五成熟既羊架肉質粉嫩，口感細緻，一級正！漢堡包也不錯，可以一試！黎到咁浪漫既餐廳，當然唔可以少得甜品，依個朱古力慕絲蛋糕size的適，份量恰到好處，口感也一流👍👍👍推薦各位中意食野既朋友仔！…查看更多

川菜係一個自己最愛食既美食，今次係openrice搵到依間叫湘蜀人家既川菜餐館，一於去試下！一到門口已被店內既裝橫吸引住，坐入去，猶豫馬上穿梭到古代江南地方，不自覺地覺得自己係一名文學士，講野都文鄒鄒起上黎.叫菜時差啲忍唔住叫起「店小二」，請寫幾個下酒菜！哈哈😆由於友人食唔到辣野，最後叫左兩個炒野加甜食！食川菜，點少得一杯鮮豆漿👍👍👍以下兩道分別係京蔥爆羊肉同溜肥腸，鑊氣好夠，羊肉不羶，京蔥加肉既配搭冇得輸！溜肥腸微辣，一啖後又急不及待再黎一啖，滑不溜口，一級正🤤🤤🤤最後點可以少得啲甜食，豆沙窩餅好正，皮簿得黎夠煙韌. 紅糖糍粑更加唔洗講，兩個字……..好食🤤一間值得推薦比大家去試既川菜館👍👍👍…查看更多

時間過得真係快，今日又黎到happy Friday,當然又係出動去捐窿捐罅搵野食既時候，未到收工時間已上定openrice搵下有咩食. 今次搵到依間係鰂魚涌叫做Villa Villa Burger既漢堡店.食店雖然位於街舖，但整體裝潢比人有一種去左美食車既感覺，叫完野食坐係舖頭出面既小桌子進餐，仲有一種好似去左小旅行既感覺.舖頭主要以漢堡為主食，再自行搭配各種小食.同朋友每人叫左一個漢堡餐，分別係特選美國牛肉漢堡同西檸雞堡，兩個包都好好食，包既口感好煙韌，加上獨特既醬汁，成年事係好夾好好食.小食方面分別叫左一個芝土醬炸薯條同炸蕃薯條，薯條屬於比較淋身既一種，岩晒我食，份量又多，好正呀🤤🤤🤤食薯條漢堡當然唔可以少左汽水，一啖漢堡一啖薯條加配上一大啖汽水真係好爽！！…查看更多

又到左Happy Friday 時間，辛苦工作左一個星期，當然係時候去食餐好既慰勞下自己. 於是係openrice搵到依間居酒屋，咁耐冇去日本，去食個日本菜止下渴都好.餐廳位置容易搵到，黃燈寫住大大隻睿字既四方形招牌就知道已經搵到了餐廳.在門口行入店內前已見庭院既日式裝修風格，唔講真係以為自己身處日本.同侍應討論左一陣之後，決定由佢發板推介野食比我地.第一道小食係燒沙甸魚苗干之後連續三道冷盤分別係冷絹豆腐配芝麻酱、柑橘醋配海蜇和海鯛薄切前菜後就到壽司，分別係吞拿魚三貫、火炙三貫和軍艦三貫食得居酒屋，當然唔可以少得串燒，一定要試下最後黎個冷烏冬做結尾，食飽之餘真係覺得好滿足呀😌😌😌兩個人食左咁多野都係$1300左右，算係唔貴，推薦大家試下！…查看更多

難得閒日放假 身為「為食專家」既我當然唔會放過依個可以捐窿捐罅搵美食既機會. 下午胃口大開，諗都唔洗諗就決定食放題.見觀塘最近開左間極尚大喜屋，一於去試下.一出𨋢就比依個大招牌震攝住，好有氣派.入面飲品齊備，有凍飲有熱飲，任君選擇.按照傳統，一坐低當然就係先叫左啲美味又新鮮既魚生食先，你睇下啲生蝦有幾大隻😎😎😎食完一輪魚生後，當然輪到壽司同串燒. 當中牛舌、羊架係必嗌既，包你食完encore再encore.野食方面最後以一碗暖粒粒既烏冬做結尾！雖然已食到好飽，但甜品係唔可以錯過！依間甜品種類都算比較多，想每樣試下都難，囉有揀一啲自己鐘意食既口味！真係食到好飽！依間野位同位之間比較多空間，而且環境開揚，野食又高質，值得推薦比大家！…查看更多

最近試左一間輕omakase既日本料理餐廳，覺得唔錯，食完緊係要同大家happy share! 今次嗌左個omakase既套餐叫晴，係餐廳既主打，有前菜、三款刺身、五款壽司、熱盤、手卷、甜品，款式算多樣化.前菜係水母刺身，加上酸酸地既醬汁，簡直起到開胃既作用.刺身方面分別有鯖魚、紫蘇wasabi拖羅同鰈魚，份量雖少，但口感滿滿.熱盤係鰤魚伴翠玉瓜，加上切到好細幼既蘿蔔絲，食落口感好清新.五款壽司順次序分別係牡丹蝦、池魚、北寄貝、右口魚、海膽. 口感由淡向濃慢慢伸延.食完壽司後接著就係依個三文魚手卷最後黎個唐揚東京灣小池魚送海膽蟹肉炒飯，人生真係好滿足！最後最後配上抹茶奶凍同哈蜜瓜，人生簡值太幸福了！！！…查看更多

今天是星期五，又到左捐窿捐罅搵食既時候. 當然唔少得上openrice度尋寶，睇下有咩吸引人既餐廳.用左一個食lunch既時間，最後同個同事一致決定揀依間位於牛頭角既意大利菜餐廳！依間餐廳離地鐵站比較遠，但位置不算難搵，離遠一見到依個咁sharp既招牌就知道已經搵到.入到店內，見餐廳面積雖不大，但裝橫尚算企理.經過一番掙扎後，我地終於決定叫咩野食！先介紹下叫左咩野飲先. 今次分別叫左杯原味既Margarita 同Peach Margarita. 味道正常，不過不失.至於野食方面分別叫左chicken with Caesar salad同一個細pizza，味道正正常常.兩個人食最後埋單約$400，價錢算係比較貴，但中意食意大利菜既朋友可以一試.…查看更多

星期六係旺角行左成日街，攞住一袋二袋戰利品，加上臨到夜晚，個肚餓到咕咕聲，個腦突然閃過一下係日本行左成日街shopping既畫面. 令到我突然好想食到一碗有日本風味既牛肉飯. 於是係openrice搵到依間元祖級燒牛肉丼飯.因為好肚餓既關係，除左叫個鹽燒牛肉丼同野菜燒牛肉定食之後，仲叫左幾款小食，包括泡菜、味噌湯、溫泉玉子同唐揚炸雞. 定食好食不在講，最有驚喜係個炸雞，推薦大家一定要試下. 埋單兩個人都係食左大約$200左右，價錢算係中等.…查看更多

又到左星期五Happy Friday時間，收工緊係去搵啲有特色既餐廳食飯. 今次係Openrice搵到依間叫九鬼居酒屋既日本餐廳. 餐廳以日本鬼武士做主題，令到餐廳充滿住一種神秘感.野食好吸引，我地用左唔少時間揀食咩，因為樣樣都想試下，最後終於下定決心叫左以下依啲食物.海膽鮭魚籽 蟹味噌黑松露火炙蟹柳磯煮鮑魚練海烤野雞味噌燒羊架係居酒食野，當然唔會少得串燒.我地分別叫左牛舌、花竹蝦、紅薯火炙黑安格斯牛等等. 當中牛舌屬於超厚身個種，食落口感滿滿，如果鍾意食厚身牛舌既朋友就岩晒喇！本人最愛既一道菜，安格斯牛肩肉，推薦大家一定要試下.整體黎講，食物價錢尚算合理，由餐廳既裝橫，服務員既態度到食物既質素都有保證，食完好有滿足感，值得推薦比大家！…查看更多

星期五happy Friday 既時間，收工後緊係搵間正既餐廳同朋友呻下工作同chill番晚.今晚就揀左依間食烤雞頗有名氣既餐廳，實行要食到lam lam脷.餐廳位於銅鑼灣V Point 25樓高層. 餐廳安排左我地坐窗口位，望出街景，可以感受到25樓係有幾咁高！先講野飲先，今次叫左杯shark blood rita, 屬於無酒精飲品，岩晒女仔，叫依杯野完全係因為比佢既外型吸引，打卡一流👍🏻👍🏻👍🏻野食方面，今次就叫左個雙拼，分別係蜜糖味同韓式BBQ味. 推薦大家試下韓式BBQ味，香口得黎帶有少少微不足道的納米辣（比微辣更細既辣），完全岩晒我依個唔食得辣既人，好正！整體黎講，野食地餐廳裝修都屬高質，值得推薦比大家！！！…查看更多

收工唔想煮飯 又想搵個朋友吹下水，講下工作上既不愉快減下壓，於是約左個住係鰂魚涌附近既朋友，佢提議去樓下冰室食，話依間野食物質素唔錯 . 依間冰室以懷舊主題裝修 一見到個門口已經好有以前細細個同屋企人出去食飯既感覺.黎到依啲懷舊冰室 點可以少左凍檸樂同紅豆冰，推驚大家可以點依兩款凍飲，冇得輸.主食方面同朋友點左兩款都係以蕃茄做主題既食物，一個係蕃茄薯仔米線，另一個就係茄汁炒意粉，兩款食物都酸酸甜甜，食落特別開胃.淨係主食點會滿足到我地，叫幾款小食係必須的.今次叫左3款小食，依次序係口水雞，炸雞翼，同沙律. 因為本人食唔到辣，所以專攻另外兩款小食，好好食，推薦大家. 至於口水雞，相信亦都好好食，見朋友食到停唔到口.食晒咁多野真係飽到嘔，不過真係抵食，大家可以一試！…查看更多