ilikeeatinghahaha的個人專頁

📍鳳園雞煲火鍋📍餐廳環境舒適，平日嚟到都好多人🍲果園脆皮雞配五指毛桃湯湯底鮮甜濃郁，配搭脆皮雞，果然皮脆肉滑，同一般雞肉唔同，呢度雞肉份量精緻，完全冇骨，輕灼30秒就食得！火鍋配料：🥢響鈴🥢皇帝菜🥢精品肥牛- 性價比之選，呢個價錢都食到牛味! 🥢鹹蛋黃蝦丸- 彈牙惹味，入面真係有滿滿鹹蛋黃~🧉榴槤椰子凍滿滿榴槤肉鋪喺面，榴槤控大愛！百香果檸檬水份量十足，解膩一流地址：旺角豉油街36-42號榮高大廈地下至2樓…查看更多

今次同朋友去咗九龍城呢間隱世小店「北斗」，試咗佢哋嘅晚市套餐－北（$980/位）餐廳雖然細細間，但食物質素真心高！串揚尤其出色，即炸香脆唔油膩，仲有職員友善又健談，成餐飯食得好開心！🍅先付：漬物 + 日本水果番茄開胃漬物爽脆清新，日本水果番茄超甜多汁！🫖清湯：地蛤清湯湯頭超鮮甜，地蛤肉同帶子肥嫩，用茶壺上有儀式感～🍢串揚：全部即炸，熱辣辣上枱，炸粉薄脆一啲都唔油！奈良縣茄子：外脆內軟，茄子香甜食落又唔會好油甘鯛立鱗：魚鱗炸到脆卜卜，魚肉依然嫩滑，魚油香濃，大推！北海道活帆立貝配三文魚子：帆立貝鮮甜彈牙，加上三文魚子口感爆棚日本沙椎魚：燒得皮脆肉嫩，魚味突出籽持昆布：口感好特別，咬落啵啵聲，鹹鮮味足日本海膽魷魚卷：創意搭配！魷魚彈牙包住creamy海膽，好新鮮！厚切牛舌：超厚切但軟嫩多汁，燒烤香氣十足，必食！🍚食事：明太子茶漬飯：明太子鹹香十足，茶湯清暖，飯粒吸晒精華海膽龍蝦：龍蝦肉鮮甜彈牙，配上濃郁海膽，豪華又滿足！炙燒和牛：油脂豐富，入口即化！🍈甜品：靜岡蜜瓜清甜多汁，完美解膩，收尾一流！…查看更多

🍽️辣豬肉韓式套餐 $107辣豬肉醃得好入味，而且有啲辣，好好送飯！搭配埋韓式小菜，例如蛋、泡菜、沙律同蓮藕，可以中和返個味道，唔會太油膩。🍽️半份甜辣炸雞 $99半份嘅分量都算多，而且每件都幾大件，炸雞炸得夠脆唔會太硬，鮮嫩多汁，每件雞都有滿滿嘅埋甜辣醬，夠曬惹味又開胃！🍽️海鮮煎餅 $119煎餅岩岩煎起仲好熱，外脆內軟，仲用左唔同嘅材料，例如葱、魷魚同花枝等，口感豐富！地址：尖沙咀金巴利道74-76號地舖…查看更多

今日嚟咗元朗撈得喜火鍋冰室，唔駛$200任食2小時，真係好抵！🍲招牌惹味麻辣雞煲叫咗小麻小辣，麻辣汁夠香又唔會死鹹，雞件嫩滑啖啖肉，2人食都份量十足~🍲加湯打邊爐，配料非常齊全: 2款肥牛比想像中有牛味, 特別推厚切牛, 有口感之餘唔會韌海鮮有齊聖子仔、蠔、蜆等仲有超過30款蔬菜、丸類等🧉飲品推薦足料竹蔗茅根水, 清熱解辣, 唔駛次次都有汽水咁飽肚🍨仲有5款雪糕，有傳統港式芒果味同紅豆，仲有大熱曲奇、 綠茶同朱古力~…查看更多

今次喺新蒲崗發現呢間小店「品臻」，主打港式小食配手搖飲品，絕對係平民價錢嘅高質享受！🧇招牌榛子醬格仔餅即叫即整，厚身鬆軟，外脆內軟，內裡熱辣辣🍢蒸燒賣粒粒脹卜卜，魚肉彈牙有嚼勁；椒鹽燒賣炸到金黃香脆，灑滿椒鹽粉，鹹香惹味，食到停唔到口飲品驚喜十足，🥭芒芒特濃鮮奶+寒天真係勁濃郁！滿滿芒果肉同寒天，口感豐富，不過甜度稍高，下次記得叫少甜。🍊百香果香橙綠茶就清新解膩，酸甜比例啱啱好，夏天飲超爽！仲有佢哋嘅芋圓甜品系列，睇落好吸引，下次一定要試～小店雖然唔起眼，但食物質素同份量都誠意十足！…查看更多

觀塘工廈隱世糧尾恩物今日同同事誤打誤撞闖入觀塘工廈，全層都係獨立廚房勁神秘，原來呢啲仲有好多唔同餐廳，但全部都不設堂食~ 呢間麵屋新丁$100自選3個飯/烏冬，絕對係糧尾救星! 試咗薑燒豚肉丼同和風牛肉丼，2款賣相差唔多，食落都係甜甜地，不過牛肉丼食落加多咗份牛肉香~ 如果兩者可以再多少少汁就更正! 照燒雞排烏冬，雞肉都幾嫩滑入味，配埋鰹魚昆布湯烏冬，輕盈唔油膩!下次可以介紹埋其他同事嚟，咁多選擇實有排試!…查看更多

呢個$398兩位用套餐性價比超高，整體食物份量偏大！環境係私密包廂，坐得舒服又有格調，完全係商務客同閨蜜嘅秘密基地～🍽️湖舍商務午市套餐 $398/2位用燒椒皮蛋 - 用迷你石鍋上菜，皮蛋同燒椒配秘製醬汁盅爛，微辣惹味砂鍋虎皮豆腐 - 豆腐吸滿濃郁醬汁超惹味，好啱送飯蓮藕老鴨湯 - 夠火候，飲落無味精青椒五花肉炒寒菌 - 加埋香芹爆炒非常香口，雖然配青椒，但食落都唔會辣清炒娃娃菜小米青稞餅 - 好有特色，香港少有，食落淡淡穀物又甜甜地紅棗雪耳蓮子糖水 - 夠滋潤…查看更多

$178任食2小時雞煲放題真係好抵玩！雞煲味道夠晒惹味，不過個人覺得比較乾身，如果醬汁可以再多啲就更加完美啦～好彩加雞係無限任添，啱晒鍾意食雞嘅朋友！火鍋配料選擇都算多，最驚喜係有即叫即炸嘅炸饅頭，記得落單時要講明「多奶」，熱辣辣嘅饅頭浸滿煉奶，外脆內軟真係停唔到口！飲品方面除咗基本汽水，仲有羅漢果杞子菊花茶，打邊爐飲特別解膩下火，呢個配搭好貼心～而家餐廳做緊推廣優惠，只要Follow佢哋IG或者喺Google寫個簡單食評，就會免費送酸辣鳳爪，爽脆開胃，作為前菜一流！…查看更多

旺角分店雖然細細間得10幾個位，但晚市都要排隊! 入到去好似去咗日本小店咁，好有feel～每個定食/丼飯都包埋麵豉湯同水果，價錢合理又飽肚。🍤自選天婦羅定食 $118可以瘋狂自選天婦羅，款式選擇超多，仲可以跟冷烏冬，夏天食啱晒! 帶子 $18 - 大大隻勁肥美, 仲一啲都唔乾!廣島蠔 $18 - 咬落爆汁黑虎蝦 $12 - 大大隻夠晒彈牙帆立貝 $12 紫菜蝦膠 $12 - 市面較少見, 好有特色南瓜 $8 - 非常香甜!杏鮑菇 $8 🍤海老穴子天丼 $108成碗鋪滿炸物，星鰻大大條，一啲都唔腥仲啖啖肉，仲有超鮮甜蟹柳!🧀芝士年糕 $38必叫小食之一，一咬開芝士多到漏出嚟，仲有拉絲效果~…查看更多

星期五放工同朋友嚟呢度食中菜，餐廳面積唔算大，全場滿座，差唔多夜晚9點先有位，仲有大玻璃對住維港夜景！最近做緊一系列推廣菜式，我哋都揀咗幾款～🍽️潮式香炸蝦棗 $108蝦棗一碟有4件，上菜時新鮮炸起熱辣辣，炸得外皮酥脆，內餡鮮嫩彈牙，蝦肉爽彈，配埋甜酸話梅醬，值得一試！🍽️蒜蓉粉絲蒸九肚魚 $188九肚魚蒸得好嫩滑，魚油十足，食落去入口即化，加埋蒜蓉粉絲，超入味，勁好餸飯！🍽️鯊魚骨瑤柱湯 $168湯底好鮮味濃郁，口感順滑，飲落去完全唔腥，用鯊魚骨煲到滿滿膠質，感覺滋補暖胃！🍽️夏果松子鮮百合西芹炒淮山片 $198鮮百合同淮山片好爽脆，而且煮得好入味，再加埋松子，增加層次感。整體味道好清新，健康得嚟又唔會太油膩。🍽️熊貓慕士 $38熊貓造型嘅慕士好可愛，牛奶味重，感覺有啲似食奶凍，作為飯後甜品一流，唔會太膩~…查看更多

餐廳空間寬敞，座位闊落，適合三五知己聚餐。平日晚市人流都唔錯，氣氛熱鬧但唔嘈雜，店員都係OPPA，主要以英文溝通。餐前附上經典韓式小菜，包括泡菜、辣蘿蔔、黑豆、魚糕、蜜糖蕃薯、麻油薯仔絲🍽️ (新) 一口海鮮韭菜煎餅 $138餐廳新出Mini size，連menu都未有，一碟有7件。煎餅外皮香脆，內餡足料，每啖都食到韭菜香同海鮮，配埋韓式醬油更提鮮。雖然叫一口，但其實每件都唔細，適合2-3人分享。🍽️韓式辣炒章魚 $288辣度較平庸，醬汁甜辣惹味，配搭章魚同魷魚，都幾入味，好啱送酒。餐廳仲會有鎖匙扣俾你寫願望掛係門口位，都幾有儀式感，有少少返咗去韓國嘅感覺!…查看更多

Weekend Brunch同朋友來到呢間BKK, 餐廳環境裝修都好舒服，好闊落～2個人叫咗5個餸，好癲，最後食到要打包！🍽️炭燒和牛串配東北酸辣汁一上枱已經聞到炭燒香，咬落肉汁滿瀉，旁邊嘅酸辣汁好開胃，又帶少少香茅味，同和牛好夾～🍽️冬蔭功配料好多，有雜菇同大蝦，味道偏酸小辣，不過椰奶可以再多啲，層次會更豐富。🍽️泰式和牛炒粿條鑊氣十足，又夠熱辣辣！粿條係闊身個款，唔係度度有！仲可以配佢嘅是拉差醬，和牛厚身唔乾柴，仲帶有牛味添，一啲都唔失禮！🍽️青咖喱雜菜雜菜非常掛汁，醬汁甜得嚟又辣辣地，好惹味！特別鍾意食佢嘅蓮藕同豆卜🍽️芒果椰汁糯米飯芒果超甜，糯米飯軟糯熱辣辣，加埋椰漿好正宗！🍹Berry Refresher酸酸地好啱襯泰國菜，解辣一流🍹Coconut Smoothie 係Coconut嘅清甜，飲落仲有啲椰子肉添，推介！…查看更多

最近見到呢間嘅Semi buffet同晚市任食和牛promotion洗晒版，今日都嚟試下。$98位就有沙律吧任食，加個主菜都唔使$200，仲包餐湯+飲品！🥗頭盤：沙律吧性價比高雖然款式唔係話好多，但基本嘅沙律菜、意粉沙律、炸物、甜品都有，大概有10款左右，refill都好快手，唔會話無得食。特別推介Roasted Mixed Vegetables Salad, 大量嘅甘筍、南瓜、羽衣甘藍，食落好甜；另外可以自己配搭沙律放落個大碗到mix~🍟好多人推介呢度嘅炸雞，估唔到真係好多人等住夾，但我更加鍾意呢度嘅薯條，鹹鹹香香！🍰甜品吧有簡單嘅Mousse Cake 同Canele, 味道都唔錯。餐湯：甘筍薯仔湯🐷主菜：脆皮豬腩伴香草燒菠蘿（+$78）豬腩肉外皮非常脆，腩肉肥瘦均勻，油香十足。伴碟嘅燒菠蘿好甜好juicy，可以中和油膩感！🥩主菜：美國頂級牛板腱配磨菇燒汁（+$158）叫咗五成熟，咬落有嚼勁得嚟唔會好韌。磨菇汁濃到掛得住肉面，伴碟嘅南瓜蓉亦好creamy。☕最後仲包Soft Drink / Tea, 如果咖啡就要另+$18…查看更多

🍽️煙三文魚海藻沙律 $88煙三文魚味道濃郁，搭配脆爽嘅海藻同醋汁，口感層次分明，味道酸酸地但好Fresh，啱晒用嚟做前菜，夠晒開胃！🍽️水牛城雞翼 $98水牛城雞翼外皮酥脆，雞肉鮮嫩，搭配香辣醬汁，味道辣得嚟又帶有酸甜，夠晒嘢惹味！如果唔想咁酸甜，就可以配埋乳酪醬汁，可以中和返個味道。🍽️美國頂級封門柳 $268封門柳份量算多，大約有8-10個左右，我哋叫咗五成熟，有嚼口同軟身，但食落去唔會太韌，肉質鮮嫩多汁，就算唔點醬都夠晒肉味！🍽️榛子朱古力香蕉酥批 $78外皮酥脆，皮面仲搽咗糖漿，甜甜地再加埋濃郁嘅榛子朱古力醬同香蕉，呢個組合完全係Perfect match！食落去仲好飲層次感🍸Apple Sunrise $98蘋果加荔枝調配出嚟嘅紅茶飲品，出奇地match，而且飲得出兩種水果嘅味道唔會太搶其他味🍸Elder Mon $98味道獨特，用左接骨木為基底，帶有淡淡的花香和自然嘅甜味，飲落好清新！…查看更多

今日選擇咗同朋友去Belivista，餐廳裝修幾有歐陸feel，大部分都係outdoor area，環境幾chill~ 平日Dinner都差唔多full house! 🧀 Mozzarella Cheese Sticks $98一上枱就聞到超香芝士味！外皮炸到金黃脆身，趁熱搣開mozzarella拉絲可以拉到好長，芝士控表示大愛！仲配埋甜辣醬酸酸哋幾開胃！🍕 Parma Ham Pizza $175薄批控會鍾意！餅底脆得嚟帶少少煙韌，parma ham鹹香適中，仲有火箭菜同芝士平衡味道，加上份量十足，好抵食！🍗 Chicken Parmigiana $178邪惡之選！厚身炸雞配上芝士同番茄醬，雞肉好嫩滑，略嫌芝士同番茄醬份量唔算多，相對上會乾咗啲，不過送酒一流！Happy hour梗係要飲兩杯！🍺1664 Blanc清爽帶果香，女仔friendly🍹Sangaria水果味爆棚，飲落偏甜容易入口，酒味唔太重，飲完成杯都唔會有感~…查看更多