mayjuneyuen的個人專頁

見到呢度咁多食評都話好食, 所以同朋友去試下, 晚上6:00去到, 竟然唔駛等位, 就入座先, 跟住到Cashier買野食, 朋友揀左個鮮露笋芝士煙肉意粉, 一杯焦糖咖啡, 自己就揀左芝士石班焗飯同Cappucino, 比完錢, Cashier比左一個有號碼的牌我, 放在枱頭上, 等侍應送餐來, 我同友人坐在有沙發的餐枱度, 有點家的感覺, 等了大約15分鐘, 餐送到了,鮮露笋芝士煙肉意粉的露笋好像韮菜花的莖咁幼, 唔似露笋, 但食落D意粉軟硬適中, 有不太濃烈的芝士及煙肉味, 至於芝士焗石班焗飯, 鮮甜, 由於厚切, 很有口感, 份旺亦很足, 焦糖咖啡好滑及有焦糖的淡淡香味, Cappucino沒有甚特別, 環境總括來講都很舒適, 老實講, 這個價錢就可以在尖沙咀的中心地帶用晚餐, 抵!…查看更多

行街行到口渴，找個地方飲杯冰，順便坐下。諗住Foodcourt的選擇多，一定是首選。但其實真正飲料較多選擇的就只有滿記。 芒果冰 夠凍而且飲到芒果味清涼，果肉尚好，比班戟的新鮮。 芒果班戟 皮軟腍，忌廉滑滑，芒果肉雖甜，但啎夠新鮮，也不夠凍，所以出來的效果一般。 兩個人、兩杯飲品，加兩件班戟 已over 百元,都幾貴喔!…查看更多

這天老爸帶隊和我們去這間餐廳食, 見老爸很推介, 一入到食市, 見老爸同員工都好像很close, 不過我老爸份人很nice, 常和很多人so close. 雖然現是下午3點到, 都仲有lunch set, 聽店員說這裡lunch 可到6點, 2點半後有埋tea set 間, 老爸說這店pizza一定要食, 因即order即做, 夠新鮮和熱,一流喔! 而我就點了墨魚汁魷魚意粉, 因很小餐廳會放在lunch set內, 妹order了煙鴨胸意大利飯, 最後我們都share 一起食, 因大家都想食大家的東西, 其實這間小店水準ok wow, 因以這個價錢 約58元仲可以有埋湯or 沙律, 加埋杯飲品tim. 至於飲品方便, 妹說朱古力sweet了小小, 而我杯水果茶都ok, 因很清和正氣. 老爸就order了支意大利啤酒飲.…查看更多

聽朋友介紹話滿屋放題啲嘢好好食，所以前幾日就去咗呢間試吓係咪真係咁好食，結果都無令我失望，d野食認真唔錯。我覺得有幾樣野食都幾值得推介一下，首先係熟食，有炒雜菜，招牌香芋丸子同吉列蠔都，個人覺得佢地炸既野除左色澤吾錯外，仲有就係一啲都吾油膩，好好食。至於刺身方面，刺身船擺設師父落足心機，賣相十分吸引。而且刺身尤其三文魚鮮味十足，甜蝦口感吾錯，帶子鮮甜惹味。另外服務都算OK，上菜同換碟嘅速度算係快。比起其他放題黎講，呢間真係好好食，值得再去食嘅一間放題。…查看更多

3人行但未到齊，我倆先入來坐下，侍應隨即放下3杯用普通玻璃杯盛載的熱茶，人未到但茶已上，不怕放涼嗎？要收茶錢不是問題，不過也請列出幾種表面上特別/高級的茶葉讓客人選擇，更差的是那杯茶不香且味淡，與茶餐廳的膠杯茶又有多大分別？！打開餐牌一看，驚覺價錢貴了不少，結果吃了幾款簡單的：雪菜咸肉炒年糕、排骨拉麵、擔擔麵、窩貼及蘿蔔絲酥餅。食物水準其實尚算不錯，尤以蘿蔔絲酥餅最理想，夠鬆化。擔擔麵湯底相當濃，也夠辣，如果麻醬再多些會更好。年糕不過鹹、不太油膩，而且並不「立」口，亦幾好。相對上排骨鞋口不鬆化，窩貼欠肉汁，麻麻。吃得飽，但價錢不便宜，並不抵食。…查看更多