mschloe.foodiary的個人專頁

想喺尖沙咀搵間高質素嘅西餐廳？JUST'er Bar & Restaurant絕對係你嘅不二之選！位於山林道13號地下A1-A2號舖，呢度環境舒適，裝潢充滿香港特色嘅霓虹燈牌，無論同朋友聚會定情侶約會都啱晒！🍷紅酒燉牛臉肉 $189牛臉肉燉得軟腍入味，配合紅酒醬汁，味道濃郁，肉質鮮嫩，令人一試難忘！🍤醬油風海鮮意大利飯 $138海鮮同醬油風味嘅意大利飯，飯粒煙韌，海鮮鮮味十足，口感豐富！🥑🦀牛油果蟹肉他他 $88新鮮牛油果配上鮮甜蟹肉，口感細膩，味道清新，係一道非常開胃嘅前菜～🍎🍵玉桂花蘋果紅茶 $43/札香濃嘅玉桂同蘋果味道融合，茶香四溢，為你嘅餐後帶嚟完美嘅結束🔍整體感覺：食物質素高，環境舒適，服務貼心，價錢合理，份量充足。無論係家庭聚餐定朋友相聚都好啱！鍾意西式料理嘅朋友一定要mark低呢間餐廳，下次嚟尖沙咀記得試試！建議提前預約座位，以確保有一個愉快嘅用餐體驗。…查看更多

想喺銅鑼灣搵間地道又高質嘅韓國餐廳？「韓雅林」一定係你最好嘅選擇！位於銅鑼灣廣場6樓嘅「韓雅林」，環境光猛簡約，無論同朋友聚餐定同家人享受韓國風味都啱曬！今次就試咗幾款超正推介菜式，必食清單請收好👇👇✨ 醬油蟹+牛油飯 $250(1pc) / $488(2pc)呢道菜簡直係「韓國美食迷」必試！醬油醃製嘅蟹膏香濃肥美，蟹肉仲超級鮮甜！用蟹膏拌飯再加少少紫菜碎，一口送入嘴，滿滿嘅鮮味同醬油香氣，絕對係頂級享受！✨ 半半炸雞（原味&甜辣）$278炸雞控唔可以錯過！原味炸雞外皮香脆，肉質多汁；甜辣炸雞就辣中帶甜，辣度啱啱好，口感超惹味～配埋韓式酸蘿蔔，食多幾件都唔怕膩！啱晒一班朋友邊食邊傾！ ✨藥膳豬手 $428豬手燉得非常入味，皮彈肉嫩，滿滿膠原蛋白嘅口感一試難忘！藥膳湯底帶有微微嘅草藥香氣，完全無油膩感，仲可以幫助去濕氣！✨ 生牛肉拌飯 $258呢款拌飯真係令人回味無窮！牛肉新鮮嫩滑，配搭蛋黃、蔥花、韓式辣醬同飯一齊拌勻，入口每一口都係豐富嘅層次感～酸辣中帶微甜，非常開胃！🔍 整體感覺：「韓雅林」唔單止食物高質，環境舒適企理，服務仲好貼心～價錢合理之餘，份量都非常足夠，無論係家庭聚餐定朋友相聚都好啱！鍾意韓國料理嘅朋友一定要mark低呢間餐廳，下次嚟銅鑼灣記得試試！…查看更多

平時好少去鰂魚涌，今次偶然發現橫街窄巷中嘅隱世小店。餐廳雖然係橫巷入面，但環境好光猛，所以唔難見到，位置唔多，裝修簡約。✨慢煮安格斯封門柳 $140牛肉肉質嫩滑，味道濃郁。配上黑椒牛肝菌醬更惹味，菇菌味香濃。醬油糖心蛋熟度剛剛好，蛋黃香滑流心。日式炒雜菜不過不失，味道正常。另外+$12轉配日本稻庭烏冬，麵條夠哂彈牙。冷泡茉莉花茶，味道正常，唔苦澀。✨Salmon Spark $118擺盤好整齊，配料都好多，有三文魚、溫室青瓜、蛋絲、蟹棒沙律、木魚絲、紫菜絲，面層仲有滿滿蟹子，份量絕對夠食😆 飯量夠大嘅朋友仔仲可以選擇加飯。壽司飯酸酸地帶少少醋味，開胃又清爽，而且粒粒分明有咬口。✨芝士豬扒 $38外皮鬆脆，內層半芝士半豬扒，芝士香濃惹味，仲可以拉絲😍 配蛋黃醬食亦別有風味。🔍整體感覺：店內乾淨企理夠光猛。食物質素及味道都唔錯，而且份量都ok，性格比幾高，想食健康餐嘅朋友仔就最適合喇！…查看更多

東大街出名多美食，今次試咗間新日本菜，喺天后古廟旁邊，而且幾近地鐵站出口，位置都算方便。餐廳唔算好大間，但勝在夠清幽，幾個朋友嚟食餐飯傾吓偈都唔錯。👑鱈魚鍋 $228加拿大新鮮空運到港，一鍋二人份量，鱈魚肉質鮮美嫩滑，厚切幾大件，無骨啖啖都係肉🤭 另外仲有蒟蒻、娃娃菜、豆腐、蜆肉、菇等等，材料都幾豐富，天氣涼涼地食熱鍋就啱哂👍🏻✨牛舌芯 $58切件牛舌有啲厚度，咬落爽口彈牙😋✨羊肉 $34肉質嫩滑Juicy，燒完都唔會乾爭爭👍🏻✨露筍牛肉卷 $40牛肉加埋醬汁好香，露筍爽脆，配牛肉一齊食唔會膩。✨鮮冬菇 $28冬菇冇草青味，燒過更香更惹味🤤🔍整體感覺：環境乾淨企理，餐廳門口位置更自設魚缸，保證食到新鮮海鮮🤭 食物味道及質素都唔錯，性價比頗高，適合聚會食好西😆 …查看更多

Happy Friday當然要去happy吓，身為小薯茄嘅小粉絲，同朋友去旺角試吓哩間台式餐廳。✨炸花枝丸 $28 表層香脆，口感彈牙有嚼勁✨鹽酥雞 $32 外皮酥脆雞肉嫩滑juicy👍🏻✨鹽酥菇 $28 味道香濃惹味，鐘意食菇菌嘅朋友必試✨滷金錢肚 $28 夠入味而唔會韌✨滷封門柳 $32 滷水好入味，仲帶點點甜，肉味濃郁唔韌✨蕃茄牛腱烏冬 $62 有多種辣度可以選擇，今次揀咗走辣，蕃茄味濃郁，烏冬彈牙有咬口，牛腱唔會韌。✨醉雞捲烏冬 $62有多種辣度及湯底濃淡度可以選擇，個人揀咗BB辣+濃酒湯底。辣度剛剛好，唔太食得辣都可以試一試，醉湯底好香濃，雞捲肉質滑而不老，加埋彈牙烏冬唔錯👏🏻✨「🍅🥔招牌推薦」芒果茶凍 $48入面有三色芋圓、鮮茶凍、寒天、椰果、仙草，份量好大，夠哂兩個人一齊開心Share😆 食完炸物同鹹點，最後食哩個好清新解膩。✨「薯茄限定」開心蕃埋梨 $38 鳳梨同蕃茄嘅配搭夠哂特別，味道酸酸甜甜好開胃。✨「🍅🥔招牌推薦」粒粒白桃烏龍 $32茶底香濃唔苦澀，烏龍茶飲落口有淡淡的白桃香味，仲有粒粒果肉，味道清新。🔍整體感覺：餐廳座位唔多，但坐得都幾舒服，環境亦乾淨衞生。全日唔需要加一，價錢亦優惠，性價比幾高。原來晏晝仲會有lunch set，下次要再去試吓🤭 餐廳仲有茶包禮盒買，一盒有三隻味，每隻味道仲有10包，已經帶走返屋企慢慢飲🛍…查看更多

熱愛韓國嘅我今次就試哩間由韓國人親自主理嘅燒肉店🥩 老闆雖然係韓國人，但可以英文溝通，間中仲會講少少中文💪🏻 一坐低，老闆就熱情介紹有咩特色食物同優惠👍🏻餐廳喺炮台山同天后之間，兩邊行都唔係好遠。環境好光猛，可以睇清楚啲肉燒得如何😂 而且乾淨企理，員工做野都好快手💨前菜五小碟有泡菜、醃青瓜、大豆芽、薯仔粒、洋蔥，味道正宗，夠哂開胃。👑牛肋條 $99今期減價優惠係牛肋條，睇落好似唔算好大碟，但食食吓發現都唔少🤭 肉質嫩滑唔會韌，味道唔會太淡太鹹，醃得剛剛好，食落牛味香濃，加上醬汁帶點甜甜地，老闆果然好推介👍🏻✨五花肉 $148五花肉肥瘦適中，豬肉同油脂分佈剛好，厚薄都啱啱好。老闆幫手燒肉，同時會教我地點樣燒得靚又好味🤤 食落唔會韌，下層仲有啲焦香，肉質腍軟。而家仲有優惠可以$99任食90分鐘，食肉獸一定唔可以錯過🤣 生菜只需要加$38就同樣可以任食😍 ✨牛舌 $168厚薄適中，咬落爽口彈牙，質感軟嫩可口😋 去食燒肉，我必定會叫牛舌👏🏻🔍整體感覺：餐廳座位有少少逼，但環境同乾淨程度都理想。老闆同員工態度都友善好客。食材同味道都新鮮好味，值得推介同再食，單點價錢都唔係好貴，任食就更加物超所值，性價比極高🤩…查看更多

喺啟德做完野，行行吓去咗新蒲崗，見到窩夫就決定試哩間。店舖唔係好大，位置都唔算太多。裝修帶點懷舊風，有啲冰室feel🤣👑慢煮手撕豬腩窩夫三文治 $116大大份窩夫，擺盤幾靚。熱辣辣窩夫皮脆內軟🧇 面層鋪上滿滿手撕豬腩肉，肉絲咬落腍軟鹹香😋 再加咗一大片芝士🧀更香濃，配埋窩夫微甜，口感同味道都好豐富，鹹窩夫都超正🤩 ✨野菌松露油忌廉扁意粉 $98一上枱已經聞到黑松露嘅香氣，菇菌好足料，意粉煮得夠腍身又彈牙有咬口，份量都唔少👍🏻✨叁重朱古力配朱古力雪糕麻糬窩夫 $84雖然叫咗一個鹹窩夫，但見到哩個又想試😆 結果好彩叫埋哩個，真係有surprise😍 頂層係一大球朱古力雪糕，之後係一塊塊朱古力薄片，最底層係切好一格格嘅麻糬窩夫，窩夫咬落超級煙韌，係我最愛嘅口感🤤 有別於鹹窩夫嘅咬口。加埋雪糕同朱古力片一齊食，一啖滿足多重口感，朱古力超級濃郁，絕對必試！✨芙香蘋果果茶 $46熱飲果茶暖胃又香濃，蘋果果味夠香，香甜又帶點蘋果嘅微酸，飲落清新解膩。✨熱情果手搖冰茶 $46味道濃郁，加上酸酸地，同樣係解膩必飲。🔍整體感覺：地點有點兒偏僻，環境乾淨衞生，員工服務友善，上菜速度都算幾快。餐點擺盤有特色，味道都唔錯，而且價錢合理，性價比好高，就算要行遠少少都一定要再去encore😆 …查看更多

平時好少嚟荔枝角，今次就喺工商區試吓搵食！台菜啱我口味，所以就去試一試▶️👑慢烤雞腿芝士蛋吐司 $56外層吐司脆脆地，慢烤雞腿夠厚，肉質嫩滑仲好juicy😋 流心蛋漿好香濃，配埋濃郁鹹香芝士🧀 味道好豐富，份量十足💪🏻 主打菜式果然名不虛傳！✨紅燒台式牛肉麵 $68湯底牛肉味香夠濃郁，麵條彈牙有咬口，牛肉大大件又軟腍入味。食辣嘅朋友仔可以再加埋蝦米辣椒油同酸菜就更香更惹味。✨甜不辣 $38平時食開嘅甜不辣厚啲細件啲，哩度係超級大塊😂 雖然比平時薄啲，但食落外層脆口啲，入面都一樣軟身有咬口。沾甜酸醬一齊食，酸酸地加上微微辣就更香口。✨花枝丸 $38粒粒都大大粒，而且彈牙有嚼勁，熱辣辣食落外酥內軟，仲有淮鹽更惹味。✨芝士火腿肉鬆蛋餅 $48大大條蛋餅好厚好有誠意，入面嘅芝士同樣係鹹香濃郁，每啖都食到芝士同火腿。面層有甜甜地嘅醬汁，仲有滿滿嘅肉鬆，口感超級豐富😍✨桂花烏龍 $28桂花味清香，烏龍茶底香濃唔苦澀👏🏻✨桂花雪梨羅漢果茶 $32每日鮮製羅漢果茶，加埋桂花雪梨清潤甘甜，仲可以清熱潤肺，無糖夠健康👍🏻🔍整體感覺：餐廳環境都幾乾淨，員工服務友善。有自助吧自行去斟水，冇收取加一服務費，食物價錢都優惠，味道亦唔錯，性價比頗高👌🏻…查看更多

好多地方都有蝴蝶酥賣，但今次行過朗豪坊見到寫住"香港特色"就即刻去睇吓。哩間係香港製作嘅本土特色新口味，有黑白芝麻味噌、經典糖不甩、金沙櫻花蝦、荔枝紅茶、蕃茄芝士5種口味，見到糖不甩就決定試吓😎除咗新產品外，其他口味都幾吸引，我對柚子味冇咩抵抗能力，所以新舊口味各一🛍✨日本柚子香梨 $59柚子嘅酸酸甜甜配埋清新嘅香梨，味道幾夾，仲唔會太甜😋 ✨經典糖不甩 $59糖不甩味道香甜唔膩，好似食緊脆卜卜好鬆化嘅糖不甩咁🤓 口感配合味道，新奇又好味👍🏻🔍整體感覺：我自己好鐘意日本柚子香梨味，酸酸甜甜咁好清新[色] 蝴蝶酥本身好香脆鬆化，就算原味都幾正[悠闲] 荔枝紅茶都好似幾吸引，下次要試多幾隻味先😆 朗豪坊分店亦好方便，地鐵站口一入商場就見到，地理位置極優👍🏻 每盒禮盒都有9包獨立包裝嘅蝴蝶酥，一次食一包唔怕開咗好快過氣腍哂🤭…查看更多

平時去觀塘行街都係去APM，好少會去裕民坊，今次過去就發現咗哩間小店。餐廳細細間，座位唔算太多，隱藏喺2樓嘅角落，絕對算得上隱世小店🤭👑曲奇忌廉窩夫配朱古力雪糕 $70大驚喜‼️必試‼️激好味‼️食完鹹點後就當然到甜品，即叫即製夠新鮮熱辣辣♨️ 窩夫表皮香脆內層鬆軟🧇 曲奇碎+香滑忌廉，仲有一片片oreo脆餅，口感好豐富😋 朱古力雪糕超濃郁，配埋窩夫一齊食，冷熱交融😍✨水牛城雞翼 $68雞翼炸得幾好，皮層香脆可口唔會太乾，內層肉質依然嫩滑juicy，食落少少辣好惹味👍🏻✨自家製手打雞肉蝦餅 $78好少喺出面見到手打雞肉蝦餅，係Black Coffee自家製出品，味道出奇地幾夾，配埋醬汁食仲有點點泰式感覺。✨龍蝦濃湯意粉配虎蝦 $98意粉軟硬度剛好，龍蝦湯味香濃唔會過鹹，虎蝦大大隻好爽口彈牙🤤 旁邊配埋沙律菜，健康有營養🥗✨日式炸豬排三文治配雜菜沙律 $72大大份三文治，豬排香脆，肉質鬆軟，夾埋蕃茄帶點點酸更解膩，加上爽脆生菜增添口感。旁邊同樣搭配沙律👏🏻✨抹茶鮮奶 $48抹茶味道濃郁，鮮奶香滑，飲落唔苦澀🍵✨熱情果手搖冰茶 $48茶底唔澀，熱情果酸酸甜甜，解膩又清新。🔍整體感覺：餐廳雖小，美食俱全😆 職員服務態度都幾nice。窩夫絕對係必試之選，我下次再去試埋其他味道先😏 …查看更多

上次喺工廈中發掘到正宗台灣菜，今次再發現一間隱世西餐廳🧐 舖面唔係好大，位置都唔算好多，但星期六嘅早晨人流都唔少，為咗食好野真係唔可以懶瞓🤭 ✨All Day Breakfast $78+ 煙三文魚 $25擺盤好靚，連煙三文魚都砌到好似朵花咁🌸 牛角酥熱辣辣，皮脆內軟；炒蛋好香好滑溜；大啡菇當然正啦😆 綿滑嘅薯蓉入面有粒粒薯仔，增加咗口感，仲有西蘭花粒，味道更豐富👍🏻 煙三文魚唔會過鹹，啱啱好😋 一般煙肉腸仔都係會鹹鹹地，配埋沙律菜食剛剛好中和返💜✨藍青口蒜香白酒忌廉汁意粉 $98一上菜就見到一排青口，粒粒都脹卜卜，鮮甜肥美🤩 再配埋香濃忌廉汁同有咬口嘅意粉🤤✨番茄甘筍湯 +$6蕃茄味道濃郁唔會太酸，仲有粒粒甘筍豐富整體口感，酸酸地好開胃😄✨荔枝冰紅茶 +$12茶底唔苦澀，紅茶飲落有淡淡果香，味道幾清新，仲有兩粒大荔枝，滿足我哩個荔枝迷😍🔍整體感覺：餐廳環境都幾乾淨企理，上菜都幾快手，職員服務幾nice。食物味道同質素都幾好，性價比頗高。不過座位唔多，如果想去食嘅朋友建議可以book定位穩陣啲🤭…查看更多

要食正宗台式風味，當然要搵台灣人主理嘅餐廳！觀塘區咁多工廈，當然有唔少隱世美食😆 哈豆喺觀塘有兩間分店，今次就試吓哩間台灣菜如何！✨蝦小紅燒牛肉湯麵 $78牛肉湯底使用上等牛腱、大骨、藥材、台灣豆瓣醬等熬製8小時，味道濃郁得嚟唔會太咸，帶少少香辣，唔食辣嘅朋友都唔洗驚，絕對食到。牛肉半筋半肉，肉味濃香，質感腍滑，手打蝦丸亦好彈牙。麵條係台灣名產關廟麵，食落軟滑爽口😆✨豆腐拼手工蝦丸蕃茄麵乾拌麵 $66食台式菜通常都係揀牛肉麵，冇試過食乾拌麵，今次試咗真係有驚喜。蕃茄肉碎酸酸地好開胃，食有啲落似肉醬意粉，麵條比意粉軟滑更惹味🤤✨甘梅番薯條 $38份量一啲都唔少，粗條番薯口感更佳，外層炸得幾香脆，內裡番薯軟糯，面層再加埋梅子粉，提升咗番薯嘅甜味😍✨台式滷水拼盤 $58牛肉香腍入味，啖啖肉味道濃厚；雞翼皮滑肉嫩；豬腳爽口香濃；滷蛋入味，蛋黃都有滷水香味，唔會乾爭爭；豆腐軟滑，吸哂滷水汁更香濃😄✨團團圓圓 $98燒仙草、牛奶花生、黑松露薯片份量一啲都唔馬虎，夠兩個人一人一碗。燒仙草包括多款材料，仙草、紅豆、芋圓、珍珠，口感十分豐富😋 花生香軟配濃滑牛奶，加埋雙色芋圓，多重質感。另外仲有一小碟黑松露薯片，一啖甜湯一啖薯片，有不同味覺享受✨✨哈豆鮮果茶 $42茶底剛剛好唔會澀，酸酸甜甜開胃，仲有火龍果、橙、提子、熱情果、蘋果，真材實料💪🏻✨黑糖芋芋鮮奶 $39濃郁黑糖味配香滑鮮奶，底層仲有佔咗3分1杯嘅芋泥，份量十足，材料比例剛剛好👏🏻🔍整體感覺：餐廳環境唔算好大，但都乾淨企理幾衞生。職員講普通話，服務態度亦頗親切。食物味道及質素都高，性價比唔錯👍🏻👍🏻…查看更多

餐廳已經開咗一段時間，一聽個名就知食台灣菜，我本身都幾喜歡食台式食物，當然要去試吓啦！👑海島蠔滷肉飯 $88面層鋪滿滷肉，米飯粒粒分明，再加上滷肉汁，味道香濃有咬口。蠔仔每粒都脹卜卜好飽滿，味道鮮美😋 ✨台式紅燒半筋半肉麵 $82湯底味道濃厚，麵條粗身有嚼勁，紅蘿蔔唔算腍但都入味，仲有蟲草花感覺更高級🤭 牛肉有少許韌，味道還好。但最可惜係份量比較少。✨滷水大腸麵線 $52豬大腸幾入味，加埋油炸鬼，口感更豐富。麵線腍而不爛，質地剛剛好，但份量都係少咗啲😅✨士林蚵仔煎 配海山醬 $68蚵仔煎以鐵板上菜，能夠保持熱辣辣。蛋味頗香，蠔仔飽滿juicy，但數量唔多，加上海山醬能夠突顯蚵仔鮮味。正宗蚵仔煎餅底會加入木薯粉，令質感更煙韌，但哩個蚵仔煎較軟身，韌度唔太夠😂✨綜合滷味拼盤 $98雞蛋唔會硬，但唔夠入味；豆腐軟滑香濃幾入味；雞翼相對滷得幾好，外皮滑，肉質幾嫩，豬大腸腍身好入味；焢肉肉質有啲韌，但味道香濃。✨愛玉手打檸檬茶 $38手打檸檬茶都算大杯，茶底唔錯，就算少糖都冇飲到茶澀味，但底層愛玉太大塊，飲哂啲茶都仲有好多飲唔到😔🔍整體感覺：餐廳裝修簡約，環境都算乾淨。職員服務就真係有待改善，門口接待員講說話態度差。入到餐廳之後，職員都較為冷淡，而且態度都唔係咁好，搞到好似去快餐店咁，嗱嗱林食完就即走😓 食物味道都可以，但性價比略低，可以一試，但未必會再回頭。…查看更多

哩間過江龍未開已經知有幾出名，終於喺香港都食到😆 見到唔洗排隊梗係要試吓啦！✨清燉三寶(牛五花、牛筋、牛腱) +銷魂麵（走辣）+麻辣滷鴨血 $118牛五花肥瘦適中，剛好一層油花一層肉，肉質結實得嚟帶點油筋，牛味濃厚；牛筋有滿滿膠原蛋白，軟嫩Q彈有嚼勁；牛腱肉味香濃，軟硬韌度適中。銷魂麵本身係微辣，我揀咗走辣，麵條煙韌彈牙，本身就帶點鹹香，手工麵條果然係唔同啲👍🏻 鴨血帶少許藥材香味，質感嫩滑，唔會好辣。✨麻辣牛五花+銷魂麵+ 麻辣滷豆皮 $98(另+HK$28 配麻辣黃金魚蛋及凍冬瓜茶）麻辣湯底唔會太辣，帶點點麻香，仲有濃香牛肉味🥩 預設銷魂麵帶少許辣更香口。麻辣滷豆皮吸哂辣汁好惹味。🔸銷魂麵預設係拌麵，大家可以將湯加落去一齊食，湯唔夠嘅話仲可以再加。兩種唔同風味都一樣好食🤤🔍整體感覺：餐廳裝修簡潔，環境都乾淨。食物味道同質素都好高質，性價比都正常，身位港島區嘅朋友以後又多個飯堂可以去🤭…查看更多

觀塘工商區中搵到間chill有氣氛嘅西餐。6點半左右室外位置已經坐滿人，果然係聚餐熱點，好適合同朋友一齊happy hour 飲兩杯🥂✨蟹肉巴馬臣芝士蕃茄忌廉汁通粉 $158蕃茄忌廉汁味道濃郁，加埋芝士更香，長通粉有咬口，面層係滿滿蟹肉，味道香濃足料👍🏻✨夏威夷薄餅 $178菠蘿火腿當然係超經典配搭，芝士味道香濃，配蕃茄酸酸地開胃唔怕膩。薄餅餅底幾軟熟，唔會太乾太硬👏🏻✨黑松露薯條 $58大大兜薯條，擺盤唔錯，外脆內軟，黑松露香味濃郁，夠哂熱辣辣好味道😋✨是日湯品（雜菜湯） $48雜菜湯味道酸酸地幾開胃，啖啖都有蔬菜。✨凍檸檬茶 $28茶底係清新嘅紅茶，唔係茶餐廳嗰種🤭 味道唔錯，解膩消滯好適合。🔍整體感覺：環境整潔乾淨，上菜速度幾快，服務生態度亦友善。現場仲有live music，聽住歌食西餐特別有情調🎶…查看更多