shadowabcd的個人專頁

真心嬲到特登寫個食評講有幾臭檔話說 Openrice 寫間舖 16:00 開門搭正四點去到時門口深鎖，問隔離嗚啦一夏，間舖從來無準時開過門，起碼都五點最遲五半開舖附近行下之後 17:00 再去 order, 背心女話「吓啱啱開舖，爐又未熱，料又未備，嗌唔到野食架啦，最早都六點再黎啦」咁再去遠啲行下再特登坐車過番去 19:15 去到，order 時又係背心女發脾氣掟哂野唔想接 order, 想嗌漢堡佢話要「等一個鐘喎，等唔等？」，心諗都黎三次無理由唔嗌，就叫套餐啦！得來回應係「薯餅無啊」，「散嗌嘅麥樂雞無啊」，「你嗌菇呀？你嗌果啲做唔到比你啊，你都睇到幾忙架啦」最串果句係「喂你想食你 whatsapp 落單呀嘛洗乜來嗌姐？」開舖時間唔準都算啦，可能係平台 log 錯，但係背心女係五點時至少有兩三次機會可以講 WhatsApp 落單，乜都唔講淨係好唔想番工好臭檔咁。限定要經 Whatsapp 落單，不如拉埋閘唔好做街客生意，淨係留個鬼鼠位拎外賣啦。樣樣食物都鑲金咩咁多藉口唔整依樣唔整果樣？…查看更多