machungman的個人專頁

我覺得自己幫襯係好錯，因為阻住個員工坐同傾計！喺Oper Rice 叫咗外賣，無接，call 間店，無人聽，去到見到個女女坐咗喺度，好得閒，後面有個洗緊嘢嘅，兩個傾緊計，已經心諗，咁都漏單，同佢講買咗外賣，佢知自己漏咗，半句唔好意思都無，仲要西住面問我，依家整，仲要唔要？！我心諗都俾咗錢，咪等一陣，ok 嘅，雖然我真心感受到佢有幾唔滿意我阻住佢坐同傾吓，我仲要好心提佢個電話無人聽，真心只係提佢，我自問無西樣，但後面洗緊嘢嘅竟然答我，個電話係無人聽架！佢態度冇問題嘅，但個回應真係好令我要反問一句，咁放個無人聽嘅電話俾客打嚟做咩？！啲嘢好唔好食係一件事，但請到啲咁高質嘅員工，真心祝好運！另外，佢嘅抽風系統亦都明顯有問題，勁大煙，只係企咗大約5-10分鐘，已經成身油煙味。…查看更多