麥芽棠's Profile

同阿媽食飯, "寶光齋"係不2之選, 貪佢夠就腳, 近屋企得黎又係最平買單果間. 2人套餐, 可由1至10號選3樣, 配白飯2豌.脆皮燒鵝講明係食齋, D素乜素乜都梗係假架啦~ 估唔到假到咁, D燒鵝難食死人, 口感似水煮麵根,仲係冇咩味道果種, 底下既時菜係生菜一碟.食呢味脆皮燒鵝, 係窮苦人家既辛酸代表.生炒排骨信佛有緣,我唔信佛都日日食素, 今日同麵根真係特別有緣, 呢味生炒排骨, 查實又係麵根.炸麵根配上甜酸汁同新鮮菠蘿,甜甜酸酸用黎送白飯最好, 麵根炸得好脆,比較硬, 老人家如果戴假牙, 小心食到隻牙都跌出黎. 鮮菠蘿亦太酸, 不過整體上幾好味, 小朋友同我地le d後生都會鍾意食.當我同阿媽都差不多食完咁滯, 先醒起仲有一味"豉汁鰻魚"仲未到.正想問齋舖阿姐幾時有得食, 阿姐就即刻拎出黎. 豉汁鰻魚 外層被紫菜包卷的鮮腐皮,中間有條甘筍扮魚骨, 就係素鰻魚喇. 賣相的確有幾成似.有豉汁撈飯, 飽左都要食多幾啖.o既然咁好食, 呢味豉汁鰻魚要另加$10.2人套餐齋期及假日$98, 星期一至五$88茶水每位$3…Read More

眉豆茶果$5眉豆茶果(鹹) 與 花生茶果(甜)皆是齋期限定食品, 老板娘話平時好少整.外皮由艾草制.中午賣的茶果已經放涼了, 所以我當日只外賣買一個試食.咬落第一口, 嘩~~~~~~ 好味! 值90分. 眉豆餡多到溜晒出黎, 少少鹹, 都幾健康, 軟薄的外皮放涼了卻依然煙韌.當晚再去, 眉豆茶果已售罄, 食唔到, 心有不甘, 見到花生茶果新鮮出爐, 照買, 花生粒太粗, 我個人就唔鍾意喇, 但個皮依然出色.中午時分, 點心只有數件賣剩, 冇選擇之下, 我揀左2條春卷.春卷皮還是很鬆脆, 暖暖的, 標準香艼餡料都幾好食.春卷$4條…Read More

位處MTR尖東站P1出口就係永安廣場, 唔使搵就到. 步入永安廣場, 上一層電梯就見到 Woodlands餐廳.我去到餐廳係6:25PM, 餐廳營業時間係6:30PM,由於早左到, 坐底等左一陣, 點內燈光亮起.初時餐廳加埋我都係得兩台客, 不過大概 到7點左右, 客人一湧而來. 8成坐位轉眼經已坐滿.聽住印度唱片, 眼見四周都係印度人, 再加埋店舖舊式裝修, 感觀上有如置身第三世界. Dosa印刷烤餅 長長o既烤餅卷, 包裹住咖哩雜菜薯仔, 係每台客必食之選. 可以點豆泥或湯一齊食. North Indian Thali北印度套餐 (有炸素包一大個, 4份咖哩, 乳酪, 雜菜炒飯,豆湯同印度煉乳) , 先講個炸素包, 脆卟卟,好油膩,試左一小塊已經食唔落. 雜菜炒飯 色彩繽紛,賣相好靚, 落左香料一齊炒,睇見就想食.4種咖哩都用左大量香料, 同去重慶食o既咖哩完全唔同味. 咖哩開頭食咖哩好易入口, 唔算好辣,但食食下會發覺愈來愈辣. 乳酪 唔係我地平時食果種甜品, 少甜, 酸酸地,加埋d炒飯食, 味道好夾, 係妙絕配搭. 豆湯 甜甜地, 味道比較淡,想信冇味精-我話o既.印度煉乳(kheer) 甜到溜,唔係人人食到. 唔可以唔提係一小份o既辣椒醬, 有一塊果肉, 用黎開胃食o既. 果肉勁酸(同生食檸檬差不多), 辣椒醬o既辛辣程度係紫天椒o既幾倍. 套餐o既份量足夠畀兩個人食, 我一個女仔, 食剩野就少不免. 店員見我食晒d炒飯, 得返d咖哩就問我要唔要添飯. 其實呢個餐o既咖哩同甜品Kheer都可以免費加添. 不過真係食得晒先再添, 有咁o既免費添加服務o既餐廳唔多, 我支持唔好濫用同浪費食物. $60 - Dosa印刷烤餅 $75 - North Indian Thali北印度套餐…Read More

當時8pm 嘩~ 門口逼滿晒買外賣o既客人. 買到今日最後一個Creme Brulee, 心情興奮 睇住店員幫我用噴槍燒面上o既蔗糖, 喔! 出事喇, 噴得太耐, d蔗糖燒焦, 黑晒. 返到屋企, 急不及待品嚐. 味道呢... 面上o既蔗糖脆皮又苦又澀, 燉蛋好滑溜, 少甜好味,但唔算整得特別出色. 第一次幫襯, 就發現個杯大縮水(由白色高身杯換成木色淺身杯), 再加上店員手藝不佳(指將我杯Creme Brulee脆皮燒焦), 種種因素都大打折扣, 唔會想再幫襯.$40 價錢太貴, 味道並冇驚喜. Pizza Hut都有Creme Brulee食(賣$22)…Read More