cola_joy的個人專頁

第一次黎，星期六以為要等位，好彩唔駛。朋友叫咗個All Day, 賣相一般，不過都幾大份。我叫咗個心太軟配雪糕，等咗好耐都未到，然後黎嘅係窩夫雪糕?! 我咪同個男staff講，唔係要呢個! 佢話你落咗呢個。最後話心太軟賣晒。等咁耐，仲要黎錯，唔好意思都冇句。真心唔happy😑 個甜品賣相真係一般，雪糕ok，個窩夫硬到磚頭咁，切都切唔開，最後放棄咗大半舊。真心唔得，未食過咁嘅窩夫😅不推薦呢間，因為有更多選擇。。…查看更多

之前經過科學園未有機會食，今次特登黎食。一入去坐低，只係問幾位，等咗陣先知道手機落單，唔怪得冇餐牌🤣叫咗個鹽燒豬肉飯，有沙律。飯幾大碗，食到一半食唔落去，好飽。慢慢食都差唔多食晒~ 講吓個飯先，豬肉同飯份量好足，味道可以再濃d，因為冇咩汁，所以D飯係冇咩味，最後靠枝韓式辣醬KO埋佢。(p.s. 唔係日本餐廳咩，有韓式辣醬嘅?!)個沙律幾好食，主要有椰菜同粟米，佢有枝沙律汁，配合一齊好好食，酸甜開胃。記得要落呀👍👍如果下次黎可以再試下其他，都幾多款式!…查看更多

呢度超抵食，都多人幫襯。不過只收現金，係一個食的好地方。雖然係食西餐，但個feel似茶記，食物普通，但勝在大份，平!!個收銀一腳踢，收$侍應都係佢，佩服! 😌我個All day大大份，真係食唔晒，所以俾咗d我個fd。少少唔滿意的是2條腸，煎都唔煎下，食落冇味😅好彩分咗一條俾人😆😆好啦，下次記得煎一煎，多謝款待❤…查看更多

成日經過，今次第一次食呢間。6點已經要等位，估唔到都幾多人排。好快有位，但就安排係一家有幾個細路的隔離，睇手機video 開好大聲，又走黎走去。本身想轉枱，但費時俾人話歧視，所以最後就快快食完就走。次次都冇試到佢個甜品，因為飽到食唔落😆下次再去一定要叫，多謝款待❤…查看更多

行完山好肚餓，見到呢間個樣幾好就入去食。服務唔錯，會覆單又有禮貌。環境也好舒服，食物啱口味，尤其個麵，好足料有2隻粉幾特別。原來有其他分店，下次再去食，多謝款待。…查看更多

黎過馬灣好多次，但都未試過近沙灘嘅餐廳。午餐都多選擇，價錢又ok，所以就試吓呢間。估唔到平日都幾多人，但服務員只得2個，真係做死佢地。叫咗pizza，海鮮飯同漢堡薯條。味道一般，沒有驚喜，但環境好正，坐出面有風，又可以接近大自然~ 雖然pizza漏單，要等多陣，但服務員態度好，有講sorry。今次都幾享受，多謝款待🙂…查看更多

細細個就係呢度長大，記得幼稚園一放學就黎食下午茶，呢間真係好有歷史，格局冇咩點變，人情味依然濃~🙂菜式比較簡單，同以前都差唔多。JoyJoy子叫咗個雞翼雙腸飯，D飯幾多，汁都幾多👍比平時個D少油同少鹽，有湯送。整體ok, 多謝款待❤…查看更多

咁耐冇去大澳，今次去好多餐廳都冇開，睇黎真係唔休做😅記得網上有介紹過呢間，臨走前幫襯吓，點知真係好失望!☹一開頭有講外賣加一，正常吖，點知俾$先知係每碗加$1，O咗嘴，好4碗，加$4！食個時打開嚟睇，得咁少嘅，仲要好淡，伏! 真係冇下次😒…查看更多

呢間是家姐介紹的，門面唔大，舖頭感覺有些雜亂。去到員工向我哋簡單介紹，還可以用whatsapp落單，幾方便見到menu, JoyJoy子一於試下佢嘅煙肉漢堡 ($41) + 蕃茄 (+$3) 配茄汁同燒烤醬 第一次幫襯，覺得服務幾好，用料有誠意首先塊煙肉大大塊，仲幾juicy，唔會太薄身同乾。而漢堡講明係用豬肉，亦係大大塊，上面仲有滿滿嘅黑椒粒，食落都幾辣(如果講明漢堡係辣嘅可能好d，始終有d人唔食得辣)，一個漢堡都夠飽，滿足!…查看更多

出去深水埗買嘢，緊係要試吓出名嘅馬來西亞餐廳。下午茶時段都算多人，好彩唔駛等位。第一次黎JoyJoy子試咗個老鼠粉，成日聽呢個名，原來即係銀針粉，係我細個嘅回憶。餐飲要熱美祿，加多個鮮牛油咖央多(推介)。咖央多一黎到，就見到有隻野飛咗落去，動彈不得，當然叫人換個新今次醒目，一黎就食咗先。多士好脆，size啱啱好，味道幾夾，平時唔太食甜食嘅我都食多幾件而美祿都好好味，夠晒濃。熱切期待嘅老鼠粉，雖然材料唔多，但夠香夠惹味! 佢有落胡椒粉，所以食落有D辣(唔食得辣嘅唔好試)。上面一粒粒個D脆脆幾正，有D似豬油渣。食得多有D膩，所以冇食晒~ 整體食物水平幾好，就係服務態度一般。…查看更多

由中央圖書館後面嘅巴士總站上斜路，呢條山路係正，所以JoyJoy子就一於試吓。一直想睇吓有冇靚景同有咩好食嘅地方，行到上去原來係勵德邨，一個好有建築特色的屋邨。呢度餐廳唔多，見到柏林冰室就入咗去。一入去先量體温，位置間開得幾好，感覺整齊。午餐叫咗個雙拼餐($31)，選了沙嗲牛肉、時菜通粉，配凍檸水(+3)。份量幾足，食吓食吓都幾飽，牛肉唔硬，沙嗲一般，價錢算合理，整體比預期好。…查看更多

由沙田經梅子林行去富安花園，應該有個幾鐘，行完都好肚餓，見到大快活就衝入去! 佢個入口係要上一層樓梯先到。因為第一次去，初時用咗D時間揾路。呢間大快活幾大，又舒服，仲有洗手間，比其他店整齊，乾淨好多。食物方面，叫咗個餐蛋麵配咖喱魚蛋，飲熱檸水。個麵湯底比較咸，所以加咗d水沖啖吓，份量ok，咖哩魚蛋好食! 食飽飽，唞吓，我哋就回程啦~…查看更多

朋友介紹呢間店，咁就陪佢試吓。個日6點幾就去到。可能疫情關係，有包場的感覺。呢間拉麵店用售賣機，Joy Joy子第一次用售賣機點餐，都幾好玩！點咗個小龍蝦蟹子沙律套餐 ($105) 加可樂 ($10) 沙律先來，可配紫菜食。我覺得味道實在太鹹，蝦係幾多的，有點可惜！而拉麵材料都多，就是湯可以多d。幸好湯味道恰好，麵度也適中。值得一讚係店裡提供的配料幾多選擇，辣芽菜幾好食。另外，店的周圍貼咗唔少香港人嘅心聲，好有心思~  香港人加油！…查看更多

Joy Joy子一直好想試呢間，宜度已經係第三間分店。放工行去食，地方幾隱閉，店舖不大，不過勝在環境舒服，設計幾靚，一嚟到打個卡先   第一次嚟德國熱狗，當然要試吓佢d熱狗，選擇幾多，最後點了肉醬熱狗配細薯條($36)，加西柚汽水 ($4) 可能係小店關係，去個時只有一個staff，之後食到一半就多咗幾個。唔知係咪個staff太緊張，問我要咩醬，我話bbq同芥辣，上餐個時隻狗係冇加醬，個時就覺得有d奇怪，咁我咪自己加番。開始食個陣，個staff先醒起，同我講佢唔記得咗！賣相我覺得一般，冇咩驚喜，肉醬唔夠juicy但夠熱，食個時小心燙。我幾鍾意佢個芥辣，幾濃！薯條幾多，唔會太鹹，唔加茄汁都好食。…查看更多

  難得出街食lunch，同事成日去呢間，就帶我哋一齊去食！ 一入去就有張枱，so lucky ~ 之後就越嚟越多人嚟。Joy Joy子叫咗個扎肉魚片河，青檸梳打。原來飲品係送架，唔駛加$。 同事就推介冬陰公河，仲叫咗個酥餅一齊share ~ 餐廳d服務員好好人，好親切，上菜會講小心熱！個場旺都依然好落力 ~ 碗河粉都幾大，料又多，紅蘿蔔好腍好好食。見個酥餅未到就問吓，話要等8分鐘，咁好嘢係要等耐d ~ 不一會就到，食落幾有咬口，熱辣辣好食！同事話加d冬陰公湯食仲正我哋食完就急急腳返去，下次真係要叫多幾樣，慢慢嘆 !…查看更多