Sakura~～*的個人專頁

年頭真係好多節日，新年就梗唔在講，另外就係屋企人同朋友仔都大多係上半年生日，不停食去慶祝都係常事，今夜就係我朋友GIGI生日，食貨是常識吧！而她尤愛中菜，就帶左佢去上等人先去中菜餐廳慶祝去~這餐廳一進入內就是上等的感覺，座位唔多，人客都唔算太多，內裡有不少古董陳設，亦有多幅香港港督禮賓傅的變遷相片，有點像走入了博物館般，但來得這裡就當然唔係睇野喇！食好野先係重點中重點！因為這餐廳的主廚就你以前係港督禮賓傅掌廚，黎得呢度就係想食吓以前港督係係咩好野既！睇左一陣菜牌後我地就叫左幾款正菜生日梗要食豪D，又點少得食返個翅先！我朋友叫既桂花鮑魚炒素翅靚吧！我本人就覺得堅靚仔！未食前已不停影相，細味之下有好清新既桂花香，同時亦夾雜著鮑魚的鮮甜味道，加上魚翅又好爽口，層次感十分豐足，堅係好食而我唔知點算會叫既素千層浸芥菜膽原來亦很精彩！主角不是菜亦不是千層，是是是其的湯汁，超級鮮甜！食得出個湯汁係用雞同瑤柱煲成，爆甜！菜及千層都吸收晒個湯汁，每一口都是充滿湯汁的精華在內，每一口都是超高的享受！再來有五味炸子雞，五味其實就係有5款醬汁俾你點來食，身為醬怪的我就當然喜歡，但重點當然係隻雞吧！隻雞炸得外脆內嫩，肉質嫩滑之餘仲好甜，皮又脆卜卜，而且仲係熱辣辣，根本不用點醬食都已經好好味道！最尾就要食個靚飯飽飽佢先得！ 這個禮賓傅炒飯個樣一睇就知係好食！入面又菜粒又蠟腸又有鴿肉，很是香口又夠晒味，真係食多幾碗都會想繼續食落去，我地2條友就當然KO晒這餐係有少少貴，不過都係可以接收到的水平，加上食物質素真係無得輸，真心係值既！…查看更多

星期日外出食飯已經是習慣，講真有時真係食到唔知食咩好，咁最好梗係尖沙咀旺角咁，食完行吓又得，行完先食又得咁，今日又去左尖沙咀搵食，行經金馬倫道見到這新餐廳係食雞煲咁，對於最愛食雞既我來講，當然要食吓先得！本夜就選定在這開餐~餐廳係1樓，可行樓梯或搭電梯，入內裝修得幾光猛，同好乾淨，我坐低都成8點半左右，人客唔算太多，細看餐牌下有我喜歡食的雞鍋外，仲有魚鍋同許留山湯水，真係超正呀！！因我本人係好鍾意食許留山，平時都成日去食，家陣唔使食完又就圍搵黎食，堅係Good喎！最愛雞的我就點左個招牌"三黃雞燜鍋"，真係無諗過會咁大鍋，侍應送來後仲即席係我面前加入特製的中國宮廷秘方醬汁入鍋內煮製，單看個樣都已好得！加入醬汁後就再蓋上蓋再煮一陣就食得！一打開個蓋香味就已撲鼻而來，雞件切得大小適中，肉質嫩滑又juice，個醬汁仲好鮮味，不是那種死咸味，係鮮甜的微咸味道，好味既！同埋仲滲入晒雞肉之中，令雞肉爆爆爆入味，單食雞都好正！叫埋碗白飯一齊食就更Good！我當然有咁做喇我同BB食完個雞後仲叫左我最愛的許留山超多芒小丸子食先走人今餐唔貴又好食，仲可以食埋許留山真係太開心！…查看更多

Today同左表妹仔食午餐，去左銅鑼灣食，因為食完後可行街，所以就當然係搵間輕食餐廳喇！係表妹仔帶領下就去左呢間越式Fusion菜餐廳，可能因為午餐時間，眼見都好多人吓，裝修都好舒服，同夠冷氣，我最鍾意聽表妹講原來呢間餐廳成日都係好多人，好彩我地到時剛有位，唔係就又要等嚕~表妹仔話一定要食手撕雞檬紙卷及海膽手撕雞檬紙卷，咁當然就order來食吓係咪咁堅好食！手撕雞好滑，海膽亦都非常鮮甜，連埋外面個塊檬紙一齊食，佢地嘅味道就更加突出，係好食！果然無介紹錯！！我就點左我平時都好喜歡食既越式蝦餅，呢度既蝦餅炸得啱啱好，加埋上面嘅蒜粒同蔥花，令碟蝦餅更加香口表妹仔見到餐牌有法式蒜蓉包即刻叫左來食，因佢平時都係爆like食~這裡的蒜蓉包烤到變咗做金黃色，個賣相已經非常吸引，蒜香同牛油香令個包更加吸引，食落外脆內軟，很是好味道！我地仲叫埋個三絲撈檬，係有扎肉、手撕雞&豬頸肉，檬粉爽口，扎肉好有肉香，手撕7雞就好清甜，豬頸肉就煎得邊皮帶點微焦，而亦保留左當中的肉汁在內，加埋魚露一齊食真係好消暑又美味其實個餐牌上面仲有有好多選擇，有唔同嘅特飲同小食，下次再黎就食埋其他先…查看更多

人大左都唔會話生長水遠去邊度玩，反而係食飯多，最近我朋友Mary生日，又是食飯好時間，今次就去食佢喜歡食既泰國菜大家既中心點就係旺角，但好多間食過都唔太好，係唔知點下，就係友人提議下去左大角咀個邊食係網上搵左一輪就見到呢間餐廳都好似幾好，那就唔好煩就這間:)天氣真太熱，熱到快暈下，就火速叫左個西施柚沙律同酸辣去骨鳳爪沙律，Mary鍾意食外，我地就貪一定會係涼涼地可以降溫；前者的西施柚沙律有好多西柚，多到好似食緊果盤咁，好足料又好消甜，食左兩啖口中熱氣都消左好多；酸辣去骨鳳爪沙律就係當日既超特價優惠菜式，有幾抵? 係$ 1咋！便宜到喊！梗要叫喇！估佢唔到份量都好多，而且味道都好好，酸中帶點微微辛辣，加上真係無骨，食得好方便又滋味幾鍾意食魷魚既我地，亦order左燒原隻魷魚筒，比想像中細隻左少少，但味道就合乎預期，微微既炭香很是美味，每食一口在口中都會有絲絲炭香的餘韻，很是驚喜身為健康小先鋒的我們也叫了碟蒜蓉炒椰菜苗，炒得青青綠綠，好爽脆，一點老既感覺都無，好快就完全被我們食清！食得泰國菜飲龍眼冰是常識吧！這裡夠晒冰涼，同唔會超甜，是我喜歡的口味在又食又笑及傾傾傾下，就渡過了1個愉快的晚上了…查看更多

宜家嘅生活對於我嚟講可以講喺最好嘅～工作喺我自己鐘意嘅，每個月嘅人工都算滿意，最緊要嘅係想食乜都可以滿足到自己，咁樣嘅生活先係人生！行到北角附近見到呢間餐廳，一時興起想食北方菜，於是就入咗去 可能時間尚早，店入面都唔算太多人睇完啲餐牌，呢度真係可以算得上鋪仔細細，但係五臟六腑全部齊全，菜式一應俱全，多到都唔知揀乜好。睇咗吓個餐牌，唔同嘅鍋就已經有好多種啦，最後揀咗個粉皮魚頭鍋、台式皮蛋豆腐同蒜蓉萵筍魚頭鍋原嚟入邊仲有湯汁，湯嘅味道好濃郁，粉皮同湯浸著食超夠味，再加上魚肉嘅鮮甜，用嚟送飯認真一流！皮蛋豆腐嘅汁好濃，同豆腐一齊食一啲都唔覺得膩，皮蛋味道好濃香，正~~而蒜蓉萵筍就煮得爽口夠火喉蒜蓉濃郁爆香，每口咬落都滋味無窮今餐好滿足…查看更多

鐘意食酸辣粉嘅朋友都食過都話好食，食咗會唔會好傷心？真係可以好食到喊？定係辣到喊？朋友May話要拉我食下午茶，咁我就來睇吓自己食完會唔會喊先店舖環境都不唔錯，服務態度都可以仲有我最鍾意食既酸辣土豆絲，梗要叫嚟食吓！雖然賣相就係普通土豆絲，但係就用醋調得好味，土豆絲夠爽好開胃另酸菜龍利魚唔會好辣，魚肉好多，魚片夠滑夠薄，加埋芝麻真係好香，龍利魚我覺得比皖魚更加好食，因為唔係好辣，所以湯都可以飲埋我朋友May May就叫咗干撈牛肚，夠爽，切得好薄，加芝麻油就系爽唔會老，牛肚都好入味最後我哋仲追加咗黃金芝士豆腐，口感好似食雪糕甘，外脆內嫩，甘香滋味，加埋個醬汁，更加可口，芝士味都好濃下，炸得時間剛剛好總體來講都係唔錯，下次可以食吓粉喇，I WILL BE BACK~7…查看更多

今日去左探搬左入馬鞍山既小H，去完佢間新屋後坐左陣後就去左佢屋企樓下附近搵食，就咁睇原來呢度都好多新的餐廳，但係就網上見評價呢間唔錯就食喇。點咗幾個我自己都沒食過嘅，當試新野了小H好鍾意食魚，所以就叫左個招牌菜--百秒黃花魚，魚新鮮口感鮮嫩，黃花魚做法加湯我覺得都好鮮，唔需要太多配料就只係用薑蔥，一D都唔腥就系甘食先食到魚嘅鮮魚的滑，100秒煮時間就系甘岩岩好~此外亦點左另一招牌菜--九轉小腸，勁入味，第二就係爽口有D淡淡酒味，小腸可以甘做都算系唔錯。之後就都係招牌菜--興化炒米粉，莆田特色興化米粉,條細如絲潔白如銀，質佳味美，瘦肉，香菇，蝦仁，幹貝再加鮮蝦。口感豐富，隻蝦夠大啖啖肉！我就點左蝦苗拌頭水紫菜，呢個冷盤係微酸中好有鮮味，而且仲好清爽，當中的紅尾蝦苗細嫩鮮美，尤是滋味~最後仲點埋呢個一品紫菜煎，賣相就真係麻麻地，但係食落好香口，完全無諗過紫菜都可以咁樣煎黎食，我自己就真係無食過，我覺得自己翻去可以試試，唔知可唔可以都好似呢度一樣煎得咁好味咁鮮呢…查看更多

以前成日同同事去深水埗嘅e間分店食米線嘎，不過嚟葵芳哩邊哩間食都係第一次！以前一啲都唔鐘意食米線，不過e間啲嘢真係好正，所以食過翻尋味吖！不過今日嚟就唔喺食米線咁簡單啦，仲要試下米線以外嘅其他野。餐廳內燈線十足，人都幾多下。一份花雕雞亦，我地兩個人一人share兩隻就已經夠曬啦，雞亦都幾大隻，而且一份先28蚊，唔貴吖！雞亦放咗燒汁去燒，所以食落好香燒汁味，肉質嫩得嚟，又有汁，正！再黎就係米線大雜燴！我要咗一份唔辣嘅，最近喉嚨痛唔敢食辣嘢。米線入面有雞絲、黑木耳、椰交、金菇、溏心蛋….一碗米線一個人根本食唔曬吖，兩個人先搞得掂。咁大一碗56蚊咋！同埋我地仲叫左個好特別嘅“紫檀花雕酒浸糖心蛋”，啲蛋喺用花雕酒浸泡過嘅，所以有好香花香同酒香味，再加上糖心蛋獨特嘅味道，食食下都好似要醉啦哈哈哈哈哈。…查看更多

好姊妹生日的大日子，食飯是慶祝是常識吧！近日又繼續有點寒意，最好當然又係食火鍋吧！為了後跟其他朋友去銅鑼灣唱K，就去了附近的大坑食，最主要原因都係大坑人較少唔使等位等得太耐一直走一直講就見到這火鍋店，裝潢帶點中國風，看了門口餐牌原來是川味火鍋，正合我同我朋友的口味款式種類都頗多，價錢屬正常，未算太貴，可以接受為顧及我倆面上都已生了數粒暗瘡，所以就選擇左味道較清的粟米豬骨濃湯湯底，鍋入面有嚿好大嚿的豬骨，及有數嚿粟米，味道清甜這裡的炸魚皮，每片都好大片，新鮮香脆雖然我倆未太鍾意食蔬菜，但只食肉就真係好悶，之後叫這時蔬什菜拼，有數款蔬菜、蓮藕、蕃茄、粟米，有齊我倆都會食的全部都很新鮮爽甜，不用沾醬油食都甚是好食火鍋主角出場！是我倆都超愛食的安格斯肥牛！因為之後還要食甜品的關係，所以只點了小份，但不要緊，最緊要係有得食肉質好嫩，肥瘦適中，脂肪比例均勻，牛香濃郁原本不是點牛丸的，但原來是我畫錯點菜紙了.....既然已拿來就算吧~牛丸很彈牙，粉不多，食得出係用了較多牛肉打成，牛味香溢而不帶酥味，是好食的…查看更多

我本人其實都幾鍾意食火鍋，除左係屋企成日食之外，去街食飯都會揀火鍋黎食；係朋友口耳相傳口啤甚好的推介頭三位之中就有呢間餐廳，所以今晚就專登去拜會！一出電梯就見到個大魚缸，內部裝潢時尚中夾著點點中國古式情懷，甚有意思，更有落地大玻璃窗能遠眺維港景色，很有氣氛在細看菜牌時，侍應便送來醬料給我揀選，種類都多，有齊晒辣椒、蔥、XO醬等細看一遍後，我便揀選了揚名四海湯鍋，當中是包含了4種不同湯底，分別有黑松露什菌鍋、濃湯豬骨鍋、四川麻辣鍋及咸酸菜胡椒豬肚鍋，有辣有清又有香，一次過就可滿足晒我想食不同湯底既欲望！火銅中，我就最鍾意食牛，眼見10枱有8枱都叫左掛架頂級安格斯牛頸脊，我當然唔執輸都叫左一小份，肉既雪花分佈好平均，每片都切得厚薄適中，鮮味又有口感這肥媽墨汁腸就是我覺得最特別最好食既！味帶墨魚香之外，當中更有粒粒墨魚粒，有嚼感又很香軟，無論放入辣或清的湯底中都能煥發出墨魚本身的鮮即炸手工嚮鈴卷也是我喜歡的，口感異常鬆脆，不能跟外面的相比，加上點上酸甜汁食，更是開胃，食得我跟朋友都好開心 酷愛食豬既朋友仔仲點了日本黑毛豬腩肉，起初未送來時未有感十分的興趣，送來後真的覺得好吸引，因為完全無諗過其肥瘦相間得頗為均勻，燙熟後新鮮豬肉味完全爆發出來，不用點醬油食都一樣好食平時食來食去都係魚皮餃，所以今晚就叫左個係呢度先有既洋蔥豬肉蝦蛋餃，樣貌有趣，味道都十分特別，好像食緊蛋奄列咁，外軟內香，新穎有意思！食左咁多肉類，又係時間食吓蔬菜，怕煩既我們就叫左個拼盤，入面有齊幾款菜，又粟米又南瓜又番茄咁，份量都多，全部都好鮮，口感爽甜，食得出全部都好新鮮一場來到係飽左9成下，我都仲叫左呢度既六色小籠包食，當中分別係 藥膳、黑松露、沙嗲、墨汁、麻辣、灌湯味，每粒都好食，每粒入面都好多湯汁又好鮮甜，當中我就最鍾意 藥膳和黑松露食左咁多野，就梗要叫返杯野飲！我揀左竹蔗茅根，朋友就揀左紫貝天葵，夠凍之餘又唔太甜，OK ~~這餐雖然價格未算十分相宜，但性價比高，加上環境佳，服務態度都好，所以都好滿意 …查看更多

輕輕鬆鬆又到星期日，咁輕鬆就當然要去街食唔好辛苦自己！阿寶話早排經過新都城有間韓國餐廳新開好想去食，我一講出去食，佢就話要去個間食，順吓佢意就go go go一去到爆多人，都等左好一陣先有位，聰明既我就拎左飛後去行左一陣先返餐廳門口等，咁就唔會覺等得咁耐幾經等待終於坐低~先黎就叫左個醬牛面豉湯，個湯入面堅有牛，味道都好清唔會得個死咸味，亦唔會有好多油，OK呀~一場來到就梗要食炸雞，這裡的炸雞有好多種口味，揀左一大輪後就揀左甜酸炸雞，雞件炸得香脆，肉質鬆嫩，醬汁亦酸酸甜甜，開胃得很，愈食愈美味另外亦order左焗海鮮炒飯，個焗碟係心型幾特別，都幾多，有大蝦、魷魚、青口、蕃茄仔、西蘭花等，當然仲有好多芝士，醬汁足夠，味道香濃，又夠晒熱，呢個配搭好食可能係新開關係，人係比較多，食物種類及口味選擇都好多，店內更不停播放韓國流行音樂，氣氛十足 …查看更多

我個人其實係幾鍾意食泰國菜既，所以耐唔耐都會特登去九龍城食泰國菜，今晚我又去左呢間泰國菜個門面同內部裝潢都幾乾淨咁，於是我同屋企人就決定俾個機會佢入座後我地就叫左幾款小菜，當中既辣椒膏炒蜆真係幾好食，無沙之餘，仲幾大隻吓，而且夠晒辣味，好岩一向重口味既我~食吓食吓好快就被我食左大半碟食得泰菜就當然要叫吓串燒，由於我成家人都唔係好鍾意食肉既關係，所以今之只揀了雞肉同牛肉，份量幾多，每串都好夠肉，加上烤得香口外，仲保留到當中既肉汁在內，再點埋香到爆的花生沙嗲醬汁下，直頭就係好食到核爆！就算食完會肥，我都係咁食左幾串~~另一我個人一定要食既就係飛天通菜 ，味道帶有好微既辣，完全將通菜當中既清新味道完全釋放出來，兩者配在一起就係好食，而菜既本質又好嫩，所以確係煮得出色！食完熱辣辣嘅菜後，再細味返杯龍眼冰，感覺真係好爽，潤喉既同時又清熱氣，真好~…查看更多

人生得一知己就是樂事~今晚我又同左嘉嘉去左銅鑼灣行街食飯~都買左幾多野，於是就係銅鑼灣食埋飯先回家~~在網上搵左一輪見到有呢間餐廳，睇相覺得環境同食物都唔錯咁，於是就去左嚕~入到去感覺舒適，好有文青氣派，坐得都舒服~2個女仔雖然唔係好大食，但講真係有d餓，所以都叫左d飽肚野食填飽個肚先！一睇餐牌就被呢個牛肝菌汁雜菌意大利飯吸引住！咁就梗係要叫來食喇~有嚼感之餘，醬汁仲好濃香，而雜菌亦煮得好入味，味道有層次，good！食完個飯後，我地仲叫左個滋味薯粒熱鍋，除左有薯仔外，仲有芝士、雞蛋、火腿咁，上枱時熱辣辣，將全部攪拌埋一齊仲好食，軟香中帶點微咸香，確是幾好食！食到咁上下就叫左個T-骨排布朗尼甜品，外型好似牛扒，加埋一個大大既雪糕球下，個樣真係幾得意，食落係幾甜下，所以加埋雪糕一齊食就會更好食，唔怪得餐廳有咁既配搭之後我仲叫左個Lemon & Ginger飲來淨化下腸胃，喉嚨舒服之餘，個胃都好溫熱，讚喔…查看更多

天寒地凍最好當然係打邊爐喇所以今晚就拉左死佬去邊邊佢~係網上搵左一陣就見到附近有呢間火錮店，於是就入左去開飯嚕呢間火鍋店既裝修好靚好新，仲好乾淨，座位都好寬敞，坐得好舒服吓，之後我地就叫左四川麻辣鍋湯底同其他食物個四川麻辣鍋湯底真係好香又夠辛香，好夠味！隨後就有死佬叫既原裝美國桶蠔 ，大大隻之餘亦好乾淨，係湯底中燙一陣就食得，味道爆鮮甜而芝心醬爆牛丸就係我既最愛，口感好彈牙，食得出牛肉係好新鮮，中心既芝士份量適中，每咬一口都係好好既享受~南翔小籠餃既皮就好薄，入面既餡料亦好夠味，完全食到豬肉本身既鮮甜味道，加埋我叫既麻辣湯底既湯汁下，確係我最愛既味道呀！！另外我地2條友仲叫左出面好少有既黑松露餃~個樣幾都幾大粒外，煮熟後仲正點！輕輕一咬就在口中滲出濃香既黑松露味，中間更夾雜著豬肉同大量既菜，層次豐足，而且個皮又好薄，一個字"正"喔食畢後位位2百多(可能我地叫得較少食物)，加上食物質素又高，環境又好，都算OK呀~ …查看更多

最近都好少去赤柱，畢竟無咩特別嘅事嘅話自己都好懶，郁都唔想郁咁不過今日係假期又係好姊姊C小姐生日，咁就梗係要同佢出去食飯慶祝吓~最後都係去左佢最LIKE既赤柱食飯，行左一陣後見到呢間餐廳個樣好似幾OK咁，於是就揀左呢間！餐牌上都有好多選擇，由於我地都唔餓下，就叫左呢個智利鱈魚一齊食~單睇個樣都唔差！仲有意粉添！而鱈魚肉質就好鮮嫩，仲好鮮甜多汁，另番茄意粉亦好入味仲酸酸地好開胃，做得係幾好食無耐侍應仲送左紅豆沙湯丸糖水斜我地，D紅豆大粒又軟熟，湯丸皮薄餡多，咬一啖入面既芝麻餡就流晒出來，超好味道！呢間餐廳環境舒適又無限時，加上食物又整得幾好，價錢又算合理，有機會都會再幫襯過…查看更多