kafkabythesea的個人專頁

香港女性十個有9.5個都好米線其中有5個可以每個星期食一次係，我係其中一個。唔想再成日幫襯大品牌好好彩屋企附近有呢間嘢出現！.地點都有啲隱蔽好彩我地頭蟲識行入村舖頭細細 要等位嘅機會好高不過大家都食完就走唔會ar住個位唔走。所以都係等幾個字咁.湯米線嘅餸、湯底都有得揀我就每次都揀麻辣雞絲撈米線第一次嗌香辣汁覺得有啲油同太辣之後嗌過酸辣汁同自製辣汁都好ok雞嘅份量係好!多!米線都好!多! 配料有脆豆、冇乜肥豬肉嘅肉碎、芫荽等等口感味道都不得之了啊每次我都食到一條不剩仲有食過炸饅頭講真就好食但有啲油。.店面比較細小坐唔到多人甚至會有啲逼想慢慢嘆唔適合但想快食個米線的話我是很推介喔。…查看更多

平日lunchtime一行九人嚟幫襯都明白多人會亂所以有用openrice book枱去到疑似老闆娘人士已經唔多好老脾話叫我哋分開兩張坐，都算落單又亂到七彩落完係咁追問返落過啲乜，都算搭一二落好單，啲食物搭九十先到，都算有幾個朋友嗌三文治，係到我哋搭十二走人都仲未ready要轉takeaway，都算老闆娘仲要西住面話因為做緊新外賣app優惠啲嘢亂哂姐係你cater apps users而忽略登門客啦我先唔批你呢個做法有冇問題但連道歉都完全冇算，我都算竟然返到office發現係少咗份三文治多咗盒沙律菜.....都算打去叫佢送過嚟 同事冷靜講返件事 希望佢負責任老闆娘竟然回應話頭先咪解釋咗今日好亂...叫佢送返嚟 又話要個幾鐘 叫我哋自己去拎Whatttt? 我哋行都係行十分鐘左右 office亦唔係隱閉㗎喎最後同事堅持先傾到响中間點等結果有人三點三先食到個飯。食物方面我同友人share一個Reuben Jumbo同egg benedict係幾好味嘅但另外友人食意粉表示得三成飽同埋頹過自己响屋企煮我哋仲有嗌杯咖啡 得半杯唔再講 個啡豆燶到毫無品味可言想話搵cafe嘆啡的人中上環大把選擇。仲有 見到app俾6折而想試嗰啲人唔好狗衝飲品正價Benedict轉三文魚係加正價連張單加一都係計所有野正價收返同事錢收到傻啊總結其實都係聽聞佢係💛先嚟但結果食到一肚氣老闆娘態度其差真係冇下次 本人用十分鐘鯨吞咗半個三文治加半個benedict…查看更多

因為某啲原故嚟咗呢間嘢搵食去到真係見到鬍鬚仔本尊！有啲似海天堂嗰條友😂鬍鬚仔同其他店員哥哥都好nice先加一分！.本來都對煎炸油膩野有少少卻步但都係想試吓份burger一嚟到，哇！大份到呢....可以話係麥記兩倍但價錢就差唔幾.好 我專業嘅量多唔代表質好都係試返啖先料係非常足嘅咬落去牛肉好香 唔會太肥或太韌同其他配菜都好夾朋友食個熱狗都好好味！條腸大到可以切開整多份😂加錢可以轉餐多個小食同飲品我加咗粗薯條又係大份兼好味！朋友嘅雞軟骨就有啲失色啦普通貨色咁啦.食完今次真心唔明點解要幫襯快餐店😂呢度真係好味好抵食！大推！.我衰仔 唔記得影相 自己去fact check啦！…查看更多

其實唔想寫食評因為好嘢想留返俾自己怕你班人同我爭位！哈哈！已經第二次食我唔係日本控 亦不好可愛風所以一上到去見到成間公仔冇好大好感但感覺係企理舒服日式風嘅。上一次食咗自由配搭沙律覺得抵食但冇乜特別但同枱其他人食啲飯就好正！所以今次揀返飯佢有蛋包飯，焗飯之類我就試咗香蕉咖喱焗雞飯聽落好似好怪但估唔到個味幾夾咖哩味恰到好處又散發淡淡香蕉味偷食同事嘅芥末汁雞飯又係好唔錯！除咗餐包飲品一坐低仲會有細細杯welcome drinks山渣蘋果汁天口咁乾潤一潤喉嚨正呀覺得間嘢創作嘅飯幾有心思會經常上嚟！吖，我今次有早一日打去卜位不過都唔算超full。…查看更多

本身都好鍾意食刀削麵呢間真係啱晒我口味叫左個雞絲刀削麵麵嘅口感彈牙不會太粉麻辣湯底也很香口但又唔會話太濃太咸份量夠哂多麵多餸都多另加個小食鴨腎 都冇失望㗎！食嗰晚外面又槍林彈雨老細都好好人叫大家入去避避先俾水大家飲成個用餐程舒適又放心可惜個地理位置唔算就腳否則會成日嚟！…查看更多

其實之前都到訪數次，著名的紫薯包也吃掉不下五個，不過今次自己的一個人來，感覺有點不一樣。.在這個星期三的早上，要返工的返工，返學的返學，世界彷彿剩下送完仔女上學的主婦們、落街捉棋的伯伯，和這個不用上班的我。大好享受閒情的早上，十一點多到達cafe，趟門背後，只有兩個女客人、咖啡師和女老闆。.點了紫薯包和flat white，在靠着落地玻璃的高凳座位坐下來。剛好這天天氣很好，日光之下一切都如此悏意。flat white不會太酸、不會太苦、也不會太奶，合我口味。雖然之前都食過紫薯包，但依然覺得好好味，烘熱的包香香的，食落軟熟有咬口，紫薯味濃郁，配搭咖啡真的一百分，滿滿的幸福。..之所以獨愛這間cafe，是因為它的環境，首先，它雖然在火車站5分鐘路程，但由於藏身內街，附近人流不算多，閒日客人也不多，感覺很舒服，一坐下來就看着落地玻璃外的街景放空，老闆/店員沒有東西弄時也自己做自己嘢，不會牢牢看着客人，變相坐着發呆也冇乜壓力。.另一點討我喜歡的，是店內的song choice。很多cafe都會選擇輕鬆pop music或純音樂作為背景音樂，當然會讓人覺得放鬆和有格調，但不知是因為冇乜客的緣故，抑或店主真的咁有型，這天店裏播放的竟然是band sound，而且不是rubberband, suppermoment 那一類，竟然是鐵樹蘭! 立即讓我覺得這間cafe好有性格，然後想起有次看到有關cafe的訪問，記者問女老闆，怕不怕麵包賣得太貴(紫薯包$33)，女老闆回答，覺得這些homemade麵包足料足心機，就是值這個價錢。..作為喜歡蒲cafe的人，看過不少追夢開cafe的故事，當中不少做做下會迷失方向，例如明明是cafe但serve到似餐廳，員工睇到顧客實一實，完全失卻cafe那種自在舒適感，有些為了賺多啲，在小小的店內夾硬放多幾張凳，根本坐得唔舒服。dear的好在於，提供舒適的環境，專心做好麵包和咖啡，即使熱食也只是簡單alldaybreakfast,沙律和toast。沒有和老闆聊天，不知道對方是否真的咁諗，但至少這間小店的確是給我這樣的感覺，一種堅持、有個性的感覺。…查看更多

去過上海食小籠包同生煎包，係冇可能喺香港搵到咁平又咁高質嘅美食，之但係癮起上泥，呢間嘢都不失為一個選擇。佢勝在唔太貴，又唔劣食，雖然環境小小逼狹唔算好坐，但食物快泥，食飽就走都ok la~.星期日夜晚七點零去到，等兩張枱，五分鐘左右，等嘅時候可以劃定嘢食，坐底就可以開餐！.[鴨舌]都幾辣㗎，不過食得辣泥講就覺得正。咬口好好，又唔覺核突。.[生煎包]影左底面，黑黑地的是底，由於係埋口位，皮較厚，但可以接受，覺得煎得幾香口，咬落仲有湯汁，啲肉唔會太肥，幾出色。.[小籠包]小籠包就有啲失望，皮厚左啲，肉feel到好多肥豬肉，食多個生煎包好過。.[炸醬拌麵]另一失望之選，炸醬還炸醬，麵還麵，拌左好耐都拌唔埋一齊，面的太寡太乾，食到底又好多炸醬，整體味道一般之中的一般。.是次消費平均每人六十幾，八成飽，感覺唔太滿足~…查看更多

好日都不會入元朗一次，一旦入來點都會希望吃到馳名的華嫂。話說數個月前已經嘗試過朝聖，但因為周六下午近五點，已經截了派位，只能外賣。外賣是不能點招牌菠蘿包的，這個遺憾一直深藏在心，時不時就會想，一定要再來潮聖，堂堂正正吃個招牌菠蘿包!!!.總於早幾日機會來了，和友人中午12點45就到了，心諗今次仲食你唔到?!但是華嫂從來都不是你想要就有的「她」，原來一點到兩點是落場時間，唯有行過隔離屈機圖書館hea下。大約一點半回來，又是大排長龍的景況，取了籌號，本來說要等到兩點九，結果兩點半就可以入座了。.由於天氣開始涼，等和坐外面枱的過程也不算辛苦，但可以想像若是夏日炎炎，必定流哂大汗。any肥，重點，食物! 我點了個芫茜皮蛋豬潤米，我畀90分! 本身不是特別好芫茜，但見他既然咁有吉士有個主推芫茜的麵食，即管挑戰下，點知又幾好食，湯底清得來很香芫茜味，喝下去清甜無味道，友人形容是屋企煲那種感覺。豬潤不鞋口，鮮牛不會太老，成件事好match! 至於餐蛋麵，相較起來較失色，麵煮得較硬，不過午餐肉煎得剛好，香到不得了。.另外也點了個芝士蛋蕃茄三文治，麵包烘底夠鬆脆，配合芝士蛋味道一流，熱熱地食好正! 當然不少得招牌菠蘿包，它是菠蘿包夾大片牛油、煎蛋和蕃茄。邪惡到不得了的配搭，足料不馬虎，味道是好，不過偶爾一次就好，有點漏。.最讓我念念不忘的，竟然是那杯凍奶茶。點了少甜少冰，味道剛好，也不會太奶或太澀，點好味法我唔曉形容，就是好味吧！.雖然華嫂咁多裙下之臣，但華嫂一點都冇囂屎，姐姐們快手得來態度良好，也沒有趕人走的感覺，為是次進餐再加分!! 後來知道灣仔也開分店了，對於在港島上班的我而言也挺方便，但今次拜訪總店非常值得，一來這樣才深深體會華嫂值得等之處，二來山長水遠要得到的東西，特別讓人珍惜和回味!…查看更多

之前拜會過荃灣的BEANS好幾次，對它的食物質素有一定信心，窩夫尤其令人再三會味，可惜荃灣對我這沙田友而言始終不太方便。不過近來BEANS在沙田開了分店，可喜可賀也！雖然距離沙田火車站(sor,我始終叫慣火車站)有一段距離，大約行10-15分鐘，但由於在IKEA隔離，加上BEANS本身的大名，還是吸引不少食客，幾乎每次經過都見到人龍。我大約晚上七點三去到，幸好我只是兩個人，而且肯坐BAR枱，等了約5分鐘便就座了。.沙田分店較荃灣兩店夾埋還要大，有BAR枱和卡位，就算坐BAR枱也不會很逼，只是BAR枱中間的設計天幕，時光時暗有點煩。環境整體都舒適的。.食物方面點了一份和牛漢堡($138)和light english breakfast($78)，和牛漢堡那塊扒牛味出，夠juicy，頗有驚喜。至於breakfast，不過不失，炒蛋有黑松露也算有誠意吧，包是烘得脆脆的竹炭包，上面還有點芝麻，幾香口的。可惜是吃完已經夠哂飽，就沒有叫waffle了。咖啡方面(減肥起見)我點了杯americano，很貼心地沒要求下配上小杯鮮奶，(定還是我個樣似飲唔到齋啡呢?).總的而言，BEANS就是不會令人失望吧！下次會自己一個來嘆下午茶，食個waffle才滿足!…查看更多

店舖距離灣仔地鐵站其實不遠，不過在後街，平時比較難見到。.在朋友在星期一晚上七點半左右去到，位置不多但幸好人都不算太多，被安排兩人坐四人枱。.點了一個至極白湯拉麵，湯底清清地，好像是有雞味，頗鮮甜。叉燒有驚喜，是用雞肉做的，還是第一次見，雞不會太鞋口，而且有三片厚切的。另一看點是炸蓮藕，有點似浸湯炸蒜那種香口和煙韌感，但冇炸蒜食完那種口臭，不錯！.朋友點了魚介白湯拉麵，偷了朋友一啖湯，又不覺得有何分別，最大分別或者在於至極白湯多粒蛋。.整體而言，味道不錯，份量剛好，一人食堂，多人不宜(唔好坐)。…查看更多

多得公司高層請食飯，才有機會一嚐貴價飲茶滋味，不過食物質素有如前局長一樣，唔得掂。.首先每碟基本點心都要五六十元，俾得這個價固然對食物有少少期望，點心一來到，直頭以為自己落左屋企樓下飲茶，賣相沒特別，好！唔睇樣睇內涵，x,一樣冇料到。.公平講，咪一般茶樓中上水準，但價錢唔係吖嘛大哥....食環境呢？ok la,除了枱與枱之間多點空間，設計裝潢和美心等中等酒樓無大分別。客人(因為都是富貴人家)看上去有教養，侍應(因為冇乜幾枱得閒點)serve得幾好。.比較有驚喜的是有蔴蓉包，不過可能隔了一段時間才吃，食落好一般，油和蔴蓉已是分開狀態。.總的而言，味道不是差，但收咁貴個點喺邊？我睇唔透。…查看更多

話說有朋自韓國來，想帶她吃港人至愛火鍋雞煲，但又得趕及八點前去到海旁看幻彩fing香江，機緣巧合就選了這家位處尖沙咀的川婆婆。.之前也有朋友介紹吃九宮格，但九宮格只有麻辣，擔心朋友少吃麻，一下子受不了，於是先叫個bb辣雞煲。.見到有鴛鴦，非一辣一唔辣也，而是雞和田雞湊合成的鴛鴦組合。韓國友人在田雞向日葵(本人是也)游說下，初嚐frog的滋味。可惜bb辣彷佛根本沒有辣，一味得個鹹，鹹到隊了幾大瓶啤酒，鹹蓋過了田雞之鮮味，雞也沒有幾多舊是好肉地。失望。.匆匆吃過雞煲，便(免費)加湯火鍋火鍋。加湯時可以再揀湯底的辣度，於是升一級叫小辣，真正噩夢來了。.自問都算個吃辣之人(譚仔小辣級別)，但這個小辣感覺似中辣，我是能吃的，但韓國友人基本上吃一口便灌一杯啤酒。辣是沒所謂，叫得麻辣就有心理準備，最要命的還是鹹！叫了肥牛(最平那款)、魚滑、蟹柳、皇帝菜、午餐肉等，質素如何已經食不出了，反正最後只感覺吃了很多味精，離開後還隊了兩枝津路...…查看更多