samuel.cty的個人專頁

一向都鍾意食上海野, 一行六人本來諗住去X泰豐食嘅, 但條隊長得好恐怖...咁岩係電話個APP見到Groupxx團購網同呢間餐廳做緊限時優惠, 仲可以即買即用, 所以就膽粗粗即刻買左黎試一上到去見到佢掛晒D 獎係門口, 先知原來豐收日係上海係幾有名嘅飲食集團黎我地個餐有九道菜, D菜式都幾名貴, 其中最好食係蔥油蒸膏蟹同埋花雕蒸羔蟹今次真係一個意外收獲, 又認識左一間好嘅食府…查看更多

同女朋友6點幾黎到, 唔洗等位預先已經上網睇定有咩好食, 所以我地好快都已經決定好食咩我叫左藍鰭吞拿魚壽司飯定食,女朋友唔鍾意食魚生飯, 所以叫左盬燒靖魚飯定食我覺得兩個定食嘅味道都好好主菜水準非常高, D配菜都好開胃不過分量就好少..我已經+ 30蚊加大左個定食不過食完都係唔夠飽, 最後要叫多個餃子(不過味道一般過一般, 唔推介)呢樣野係最大敗筆, 同埋D侍應唔識+茶, 要扣分整體黎講我覺得食物味道幾好, 環境幾舒服不過份量同服務都有進步空間…查看更多

為左同女朋友慶祝我地大學畢業決定黎呢一度食buffet其實之前一直都想黎, 不過嫌佢貴但係既然畢業一生人一次咁就豪一次喇講真質素贏到D大酒店都幾多款式, 新鮮, 同埋最重要係每款都唔係D CHEAP野和牛、長腳蟹、生蠔、鵝肝、心太軟呢D一定要食喇生蠔就偏鹹,同埋薄身刺身好新鮮, 最滿意海膽不過每次比得果丁屎咁少, 好快又要再排, 麻煩我一向好鍾意食鵝肝, 所以ENCORE左三舊, 好滿足心太軟一出爐熱辣辣真係好正, 所以同女朋友SHARE左兩舊最尾食到太飽到無試下D雪糕唯一美中不足就係野飲只係包一杯普通餐飲都比得成400蚊一個人,洗唔洗咁姑寒??…查看更多

今日帶埋爸爸媽媽一齊去食日本放題，因為朋友話食過呢間ok，所以就稔住帶埋屋企人黎試下~ 環境好好，有d似高級西餐廳既feel，企企理理而且呢度仲有projector播電視，可以一路食一路睇我老豆食野不嬲好奄尖，黎之前又話驚d魚生唔新鮮，又話驚d野太細份，呢樣o個樣咁好彩最尾佢食得幾津津有味個鍋一到我先知原來清酒煮蜆係咁濃味，我以前食o個d好似變左清水煮蜆咁… 呢個真係酒味好濃，可能要咁樣先食倒蜆既鮮味特登咬一半比大家睇下入面既芝士，佢出面o個層炸脆左，入面係煙韌係白年糕，最入面係有芝士汁流出黎~ 呢個真係超好味八爪魚就同出面食果D無咩分別，前菜我地仲試左蟹籽沙律、豆腐同埋茄子 食到中途叫左個枝豆，成班人一邊剝一邊傾偈飲野，其實兩個半鐘時間都幾充裕，就趁呢d時間試多d唔同既小食，順便食少d肉，健康d大家黎到記住試下炸物，因為每一款水準都唔錯而且大家都見倒佢個炸漿唔會好厚，想食得健康d可以揀蔬菜類天婦羅，反正係任食，唔怕嗌菜蝕底~佢黎到要快d食，如果唔係粒餃子個皮會浸林晒最後食埋三色雪糕，真係滿足晒 爸爸媽媽對呢間餐廳既評語都不錯，特別係讚佢既刺身同埋天婦羅，o係呢度真係要讚下佢既師傅…查看更多

之前每次行過都覺得呢間餐廳嘅裝修好吸引, 今次終於有機會同女朋友入黎享受下佢嘅環境同埋食物! 但好可惜是日無帶相機.. 唯有用文字記錄低我嘅體驗喇入到餐廳先發現原來佢嘅面積係比起係外面睇更加大~但係侍應安排左我地坐比較近門口嘅檯, 希望下次再幫襯嘅時候可以坐入D, 因為入面好似更加寬敞, 更加有空間感睇睇menu, 見到有兩款2人嘅set dinner, 因為第一次幫襯所以無咩特別心水, 而之前係OPENRICE見到最多人推介露斯瑪莉雞, 而其中一set又有呢道菜, 於是就決定叫呢個餐喇成個餐有4個course, 分別係一個salad, 一個pasta, 一個main course, 同埋一個desert其實salad同個pasta都正正常常, 同同類嘅餐廳相比無咩特別, 所以我主要想講下個rosemary chicken 同埋個甜品之前一直睇到人盛讚嘅rosemary chicken.. 我一心諗住佢一定有佢嘅出色之處, 但試完之後我發現其實呢道菜真係好普通, 甚至可以用差黎形容..雖然分量係幾夠多, 不過佢D肉真係太"鞋", 同埋其實佢無咩味, 又無口感, 又無味道.. 令我極為失望至於個甜品方面, 我地揀左朱古力Mousse配鮮果, 講真雖然水果同朱古力Mousse配埋一齊食味道係幾好, 但真係有D 呃秤嘅感覺, 因為成個甜品都好似無咩技巧, 用料又唔係特別貴, 中伏今次呢餐如果10分滿分, 我最多會比6分, 其中環境佔左4分雖然係咁, 但我都仲會想再黎幫襯, 因為我會安慰自己今次只係遇"菜"不淑畢竟食成500蚊一餐, 當然會有番咁上下要求喇! 下次要做多d功課, 唔再叫set, 要試下都係好多人推介嘅意大利飯同埋TIRAMISU, 希望唔再中伏喇!…查看更多