遊俠的個人專頁

一入門口見幾人企响度，我問可以係邊叫外賣，一個疑似係老細既人粗聲粗氣話叫野就呢度啦，之後叫左5件煎釀三寶一個生菜魚肉，野食講真係可以既，但咁既態度真係唔怪得知香港咁既環境，煎釀三寶仲要比少件得四件，後尾先發現原來後面有得自己劃單，五件野都可以比少件，不如我自己劃單好過啦，又唔係有記性過人…查看更多

工作餘下太多時間,就想抓個地方HEA下要係銅鑼灣搵食,實在太難,難在點樣選擇,忽然想試D比較中價既茶餐廳,又想靜D唔太多人(你要明白,中午4點到處是人,條街又熱既時候,)就想到這裡,叫了個常餐,涷奶茶,很好,夠涷夠濃就夠了反正涷飲唔太高要求,牛肉出前一丁,牛肉應該不是梳打牛,麵對辦的,其他的都可以,其實,食物可以已經夠了,可能我就係貪呢道道比較靜一點,(下層,就只有兩枱連我)食野心情好緊要,服務還算有禮,坐得舒服,慢慢HEA住食,呢道就可以了.…查看更多

今日試完....一入門口見到老闆傾緊電話,再行入d原來一個客都無,可能佢個位真係幾難搵下掛...求其搵個位坐底,叫左個轉轉羊肉+雞肉飯同一個土耳其紅茶,(見圖)個飯係凍的....連薯條同d肉都係凍的,唔知係咪我黎得唔合時.....味道本身都ok,不過太多汁醬混淆左d肉本身既味道,當然,d野唔熱一定要扣分,至於杯茶我飲唔出有咩特別,無奶無檸檬同立頓荼包無咩分別,不過老闆d態度都ok,唔比喊面~…查看更多

o係附近返工,所以有時都會過黎過下野,呢道d野其實都係不過不失,不過d野都算有d貴,一個常餐26,可能係海旁,所以鋪鉏貴掛,不過呢道係分開兩邊的,一間有海景,一間無,個view真係唔錯,不過無影,去左無海景果邊,叫左個三文治,幾好咁啦,難得係佢toast個麵o岩o岩好,有d crispy,入面夠料,不過杯凍奶茶好似無咩味咁...(定我果日味覺有問題,真的)…查看更多

今次黎到新森林,叫左個焗芝士海鮮豬扒鴛鴦飯,有個餐包同湯,我揀左羅宋湯,其實叫之前都估到八九成係罐頭開,不過為左有d酸野醒下胃,都係咁而"mei"左一兩啖...=.=另個蒜蓉包涷的,不過對呢d野都本身都無咩大期望,反而杯涷奶茶幾好咁,夠茶味,夠涷,唔錯~不過個焗飯都等左幾耐下囉...本身都知焗野要等,但就真係耐左少少....等呀等.....等呀等.....個飯黎lu見圖(呢次影得衰....)以為個飯咁細會唔飽,但食完之後係非常之飽的....講返個食,兩邊汁都幾好食,豬扒有d咬口,幾好,另外果邊好似得舊帶子同蝦,都唔記得仲有咩野,不過個帶子炸得幾好食....服務方面只係一般,侍應d多謝太過"行"....返而收銀果個就幾好…查看更多

今日落中午3,4點大雨,行過叫左過熱狗,入面除左條腸同沙拉醬之外,無其他野,不過真係幾好食,好熱,個包有toast過同無toast原來真係差咁遠....咬落去有d脆添,真係唔錯…查看更多

放工又係搵食時候...o係,尖沙咀,大把選擇,就簡左山林道本身諗住去大盛,不過佢地又就落場...so簡左去cafe 178....坐抵見到有午餐諗住叫,不過佢地話而家得下午茶叫(3點幾)....咁門口果d menu咩黎架?邊有可能得下午茶?成間野無其他野...?算,叫左個burger,但就真係好迷你下囉...連french fried 都無....叫埋單d錢係手比手咁比佢,埋單都係就咁遞比我...無下次....…查看更多

一入門口d侍應已經係咁傾,見到人入去可以理都唔理,由個客自己搵位坐,坐低左仲要唔拎menu,要人叫先識拎,自己仲o係道傾緊,當人透明咁,已經有d反感叫左個蜜汁豬頸肉飯.成個飯得四片豬頸肉,佢碟野落枱果時我差d問邊道有豬頸肉?原來比d汁cover左,可想而知個portion幾"大",但其實佢個汁整得幾好的.....食完即走,唔想再留o係d咁既地方,我之前食野都唔會做到咁...但呢間真係好反感....…查看更多

應該係兩星期之前既食評地方幾大,環境都幾靚...如果坐windows set望落去個view都唔錯架,叫左個半隻海南雞加個白飯,好大份,差d食唔哂=.=佢\有兩隻醬跟埋薑蒜溶同一隻唔知咩醬....酸辣味,好醒謂服務一般,不過吹水吹到太大聲,好似無客o係道咁....…查看更多

想找一間橫街的小店....來到這裡,看到門口就已經吸引了我過去了....點了個手羊扒炒飯,可惜炒飯未有,就轉了蕃茄意粉意粉口感幾好的,剛好不太腍,又不太硬,恰到好處,但個蕃茄汁比較淡左少少...羊扒很香,有咬口,但佢地跟羊扒的mint sauce反而無百佳既mint jelly咁好,如果用mint jelly一定更加好,服務方面算係咁,幾有笑容....如果我樓下有一兩間呢d鋪頭都幾好,隨時落去坐都得....…查看更多