黑超司機的個人專頁

是日佛誕…食過連鎖店早餐，本來只求果腹，味道份量不能有希望，果然，食咗唔肚痛便得。要讚，冇乜嘢好讚，要插，要改善，佢地想聽咪聽囉，唔……食評食咗，美心唔認認真真自己試下自己的出品，只會收檔。好啦，先食蘿蔔糕，只是糕狀的東西，矇眼食肯定食唔出，冇味道，冇熱度，冇香味。跟住食炒蛋，滑溜唔錯，但冇熱度之後食雞扒，一拮一切，肉和皮已分開，水份肉汁盡失，柴皮是最貼切描述，食落，乾，凍，究竟你放响度幾耐呢？之後飲奶茶，好漏，好油，茶味有，滑過龍變得漏。希望下次你們會變好之前食竹園美心都唔係咁的，我估未來一年，我都唔會食美心MX了。…查看更多

是日飲早茶九個點心春卷油炸蝦角油牛仔骨一般叉燒包細馬拉糕細拉腸粉ok小籠包皮厚排骨飯OK雞扎OK最出事係兩個炸點心，油淋淋，炸食物唔油淋淋臨尾大火是常識，春卷叫兩碟共六條出晒事炸黑咗咬落出油，蝦角咬下去漏出油，唉！…查看更多

都係小炒最好味，份量大，可餸兩碗飯，白飯湯任添，遲到湯就冇啦，又係果句，雖然貴少少，但係肯定食得飽，又夠鑊氣，又夠熱，師父炒得好好，地方係窄，但又有電視睇，係唔錯。…查看更多

一間食店，將公司名放在食物上就肯定係招牌貨，不過我好失望新昌焗豬扒飯，今次試過，肯定失望，成個焗飯唔熱，只係暖，心知不妙，還有塊豬扒有一邊硬到以乎乾咗……完全唔新鮮，汁太多偏鹹，食到尾變咗粥。…查看更多

近幾次工作關係到呢度，午餐只有三間可選，亖間之中我評佢最好，特別係小炒，一定無錯，係貴少少，但係肯定飽，又夠熱夠鑊氣，芥蘭嫩綠無渣，牛肉分量足，係淡口少少，同埋用梳打粉多咗啲。…查看更多

這個海南雞飯午飯等了30分鐘，根本係做好了，放在厨房冇人去拎，我呼喚了那打扮較前衛的職員，他入去便拿了出來，沒有說半句對不起。香飯已放涼了，沒有香味了，根本提不起食慾，那雞肉，真是食咁多年海南雞之中最嚡，最不好吃。還有，有個內地小朋友食客因頑皮，觸怒了收銀姐姐，真嚇人。貼錢買難受。…查看更多

上次慶功，十幾人食得好開心，今次同太座和大細B去食。我約五點半，五點三到，五點四入得！開頭叫三文魚和甜蝦，我們已經很滿意，好好味。焗三文魚：大B食了半碟，又要再叫。蝦、蕃薯、南瓜天婦羅：大B食了兩條蝦燒粟米：大B食了三支@_@羊扒係我推介，好美味！四色雪糕更是錦上添花！無漏單無趕我,收碟合當，七點半咩環境呢？我唔知，但早場順利也是事實！至於職員風趣則見人見智！最要整一定係個洗手間，萛係十大倒胃洗手間了。…查看更多

呀女今日打針,十一點左右我都仲未食早餐,見食評話佢幾好,咪同老婆試下點知......嘩!人頭擁擁,冇乜位,又推住bb車,我都想轉身走.....不過呀姐叫住,比個兩人位我(對住坐果隻)bb車放隔離.點得呀?!周圍都係滾水,滾湯!#%$#^!^我立即推車走人,呀姐又再叫住我,先比個好D的位給我們坐我太太食蕃茄湯通粉配魚片,成個湯,一件蕃茄都冇,四小片魚片,火腿煎蛋加熱飲----$22真係好貴....我食排骨飯,呀姐拿給我時,我睇到我呢個飯的料係最少,得三少塊,我指住D飯,同呀姐話要換(個籠果D好多料)呀姐話:落了豉油唔換得!(嘩!成$14個排骨飯,我咁少,人地咁多)我話:咁我唔要呀,一係你加番比我佢話加,加錢啦!我答咁係收我$12啦,一係取消單佢先肯換比我冇下次…查看更多

我會常常經過這餐廳,見她門面是很舊(約80年代)的裝修但野食真係又平又好食果晚我叫個"西芹雞柳飯"$25包熱飲,今時今日,仲可以咁低食,好過食波仔飯啦!話晒即炒熱騰騰!之後我介紹個同事去食,吉烈豬扒飯,$22連凍飲,佢都話低食呀我下次一定要試下佢的早餐…查看更多

呢封信我fax去佢地公司,佢地收到後話會跟進......半年了........冇回音致 富臨集團顧客服務部黃小姐本人是貴集團的支持者,一向喜歡到黃大仙分店用餐,由貴集團在該區成立分店以來便一直惠顧至今天不過在2008年1月26日, 發生了一件不愉快的事件,令本人和家人對貴 集團形象大打折扣.原定數天後在該分店舉行入伙及彌月宴會, 也打消念頭.當日下午二時,本人和母親到貴 集團位於九龍黃大仙龍翔道 120號新光中心3樓的富臨魚港用餐,坐於155號枱.到下午3時許結帳有一位女職員拿着賬單前來,當我收到賬單時,金額是84元,我發覺金額比正常多了,細心覆核時,發覺有一個16元的點心不是我們點的(是答抬155 A顧客點的),我向該位職員提出賬單出見了問題後, 該位職員面上立即出見不悅的面色,拿回我的賬單後, 前後揭了數次,之後她從口袋拿出一張小白紙,就在上面寫了: “67” 二字.她遞回賬單給我, 便對我說:”67蚊啦!”從她的臉上和語氣我感受不到她有任何一絲的歉意.我拿了帳單, 用手提電話的計算機覆核一次, 發覺應該是66元.我向她提出銀碼不符後, 她說是將84元減17元便是67元, 我說該點心連加一後應是17.6元不是17元, 她聽後面色更難看, 一手搶回帳單就向著收銀處走去, 之後又拿回了賬單, 上面又夾上一張寫上66的白紙, 拿到我的面前, 臉上一樣的死灰, 一句說話也不說, 我付了賬後發覺她十分眼熟, 忽然想起, 在多個月前, 也同樣地因為處理被收多點心錢被不禮貌對待的情景, 眼前的職員便是同一人, 我對她說, 她上次收多了一個點心錢又是這樣不禮貌的對待我們,今次又是如此, 我實在不能接受如此的對待.當天的事令我氣憤難平,令我氣憤的並不是入錯單或是加錯數,令我憤怒的是該名女職員處理問題的手法和接待客人的態度, 她如此惡劣和毫無悔意的表見, 就連在旁的食客也為之側目! 我相信這次並不是單一事件, 我希望貴 集團為我這兩次的遭遇作出調查和回應.…查看更多

我係佢既早餐常客......我次次都係食牛腩米線,炸雞脾,凍啡--->$18想點......咁抵食!早餐吃飽d先可以捱埋個下半場,所以我好鐘意呢度,快靚正!食完又開工…查看更多

我食過早餐同埋午飯環境:地方少,坐迫d,人多要得位,無計.味道:我覺得佢地個糖醋排骨同炸魚柳好味之外,其他好似炸豬排.煎牛扒,同埋炸菜肉絲都係好陣苦味,好心老細唔好落野去""佢啦,咁唔好食架!d客唔係傻架......服務:幾個女仔好似好細個.不過都ok,如果可以笑多d仲好.抵食:如果大食的話好以試下佢地果個$20早餐,好抵食,不過你最好預算定多少少時間食,因為好多野都係即整!午餐果個飯好抵,$24---->五,好抵食,好味!乾淨:都ok不過真係希望老細睇到我呢d意見,咁抵食既舖頭,我希望繼續食得到!…查看更多

下午食完楊州炒飯一肚氣後,估唔到呢度又受氣晚上7時到酒家,一坐低我地唔派利是,待應們己經俾面色我地睇,落單後,佢地寫錯了檯號,點知上菜時.....阿姐A對阿姐B講"邊個寫呀?錯檯號喎?!"b:"阿c寫架,成日掛住拿利是"a:"攪錯呀!!"唉,我都唔想聽你地講是非!d好咸1)貴妃雞咸到死2)金華火腿雙蔬,火腿少到一夾就夾完,個菜仲未煮熟,生既?!服務差部長拎條石班,一放抵便擰頭走了,唔幫客開魚!最後見阿姐黎問我地d還要不要?我說不要了,她便拾檯了,我問佢d野齊未呀?佢扮聽唔到,我再問佢,佢好粗聲粗氣話冇啦!欠生果!今晚冇糖水!(嘩!語氣似鬧人咁!)埋單$988唔通新正頭去街食飯便要受氣咩?…查看更多

年初二,我同婆婆拜完年後,和她一起吃下午茶,一入去坐低唔駛五分鐘都派了三封利是了我和她二人衹叫了一碟楊州炒飯,嘩!攪咩呀?!無料既???有蝦(碎晒)合埋大既有兩隻半,有叉燒(碎晒)合埋大既有四塊,真係得咁多料了,蛋都沒炒,成碟炒飯白雪雪,大吉利是咩!!!$48一碟,個師父咁都炒得出黎比客食?!比我一定做唔出!呢間我地平時都有光顧,水準都好好,不過今次真係好失望,其實如果唔係"馬天尼"初四先開我一定唔去呢間'元朗人家'食晏!!兩個人連貼士比了$70....婆婆都話肉痛呀!…查看更多

後記2005年12月24日未試過打邊爐冇牛肉食,只見到d人既枱面有一碟二碟牛肉,但係出面得過吉碟,幾次見到人拎牛肉回程時,到我出到去又係冇,火都黎埋,最後到我走時都見到有牛肉,但一見到真係唔係好開胃,d牛肉肥膏多過肉,點食呀!其他只係有山根,獅子狗,芝士腸,豬肚,炸魚皮,菜.....真係好少野,有出過魚生,煎雞弈,人又多,好似搶咁又要輪,但係我又見到其他人好似好享受咁,可能啤酒汽水任飲,咁佢地覺得抵食掛.我自問唔係好鐘意咁搶法同埋咁輪法.sorry,真係唔啱我不過呢度有個待應非常好,戴眼鏡胖哥哥,佢一見人在非吸煙區食煙立即出聲制止,如果個客唔埋佢真係再行埋去同個客講多一次(頗大聲的),個客都知衰唔食,真多謝佢令我有個咁好的住食環境.…查看更多