yuehw_fish的個人專頁

有日式居酒屋風格，牆上好多公仔擺設。容納大概25-30人，需要QR Code自己落單。出左個松葉蟹期間限定，去到6月30就冇了！分數：味道77分，服務75分，環境75分。.🔸松葉蟹湯拉麵($158)⭐️湯底十分濃郁，濃得黎唔太鹹，帶出到鮮香味。麵質剛好，不會太淋，仲好掛湯。另外，湯底熱力十足，叉燒浸至剛熟，非常軟熟。個蟹鉗表面佈滿櫻花蝦，味道更香，咬落更脆。落左好多香蔥點綴，粟米仔有微燒香，絕對唔馬夫。.🔸松葉蟹可樂餅($40)啱啱整好上碟，表面酥脆，裏面熱辣辣，小心燙！蟹肉拼薯仔蓉，口感黏黏的，有少少奶香味。.🔸大叔康普茶($38)⭐️用日本茶葉做基底，同新鮮菠蘿釀製，味道酸酸地微甜，有少少氣泡，發酵20-30日，過程產生益生菌，腸道更健康好多益生菌，但不可飲太多，腸胃唔好會機會屙架~.💈荔枝角長順街15號D2 Place二期3樓314號舖…查看更多

店內雲石色既裝修，簡約光猛，大概容納20人，正常晚餐時間去，等2-3枱，外賣訂單都唔少。人流動性高，每枱離開基本上就有新一枱進入。樓面員工只有一位，處理落單收銀上菜，犀利。分數：味道72分，環境75分，服務75分。.🔸燒菠蘿炸雞堡套餐($86)⭐️新鮮菠蘿燒過，更香甜，帶微酸，夾埋生菜蕃茄，令burger更清新，中和炸雞既油膩感，雞炸得脆，又唔會太油，整體不錯.🔸鵝肝牛肉漢堡套餐($145)鵝肝配牛肉漢堡，肚仔好滿足，咬落去鵝肝油滲出淡淡鵝肝香，唔算十分濃郁。.🔸魷魚蝦枝(+$5)脆脆入面卷有魷魚條同蝦肉條，幾特別。如果有沙律醬，會令佢味道更有層次。.🔸芝士肉醬薯條(+$15)熱辣辣即炸既粗薯條，淋上酸酸地既肉醬，芝士味唔太濃烈，整體唔會有好膩既感覺。.🔸桂花冷泡茶(+$5)🔸白桃冷泡茶(+$5)佢地自家製，健康得黎，又消滯。.💈元朗仁樂坊5號利發大廈地下D號舖…查看更多

店舖面積細，容納8人，唔想等就要早啲黎了。裝修歐陸風格，少許壁畫，吊燈作點綴。員工兩位都係外籍人士，有問題會用心解答。味道：78分，環境：75分，服務：78分。.🔸Wagyu Burger ($119)⭐️和牛漢堡，肉汁多，牛香味重，配上烘過既熱溶溶芝士，香得黎惹味，夾著新鮮既生菜同蕃茄，帶點清新。.🔸Cauldron Burger (Tasting Set) ($77)⭐️⭐️揀tasting個漢堡會比regular細少許，配有薯條，古代漢堡，佢多一個特別既青色醬，微微酸酸地，味道更豐富又開胃，個人較喜歡呢個。.🔸Standard Gelato 1 scoop on Honey Toast ($99)意式雪糕味道選擇左Chocolate Banana，意式雪糕口感都係黏黏地creamy既口感，朱古力味唔算太濃，配淡淡既香蕉味。下面Toast比較乾，要夾埋雪糕一齊食先冇咁乾。表面淋左焦糖醬，令整體有點太甜。.💈銅鑼灣霎東街49號地舖…查看更多

cafe食物選擇好多，有飽肚既，有野飲，有甜品。環境好舒服，好多植物，感覺好清新。嗌嘢食係自己用QR code落單，上菜速度唔快。餐廳係素食cafe，可以蛋奶素/五辛素/純素。味道: 78分，環境: 78分，服務: 72分。.🔷伴素晚餐前菜+主菜+小食+甜品，大概二百零蚊。🔸前菜- 南瓜湯幾甜幾濃南瓜味，仲有鮮果沙律，除左沙律菜，配上果肉同nuts，一啲都唔hea。.🔸小食- 忌廉芝士西蘭花西蘭花偏腍，唔算好多芝士，味道都已經好夠。.🔸主菜- Impossible Meat芝士薄餅⭐️($228)餅皮脆而薄，素肉醬酸甜蕃茄味夠開胃，芝士好拉絲。.🔸甜品- 朱古力心太軟配北海道3.6牛奶軟雪糕⭐️(+$18)流心朱古力好濃，唔會太甜，好夠熱。配上牛奶雪糕冰凍又夾住一股心太軟暖流，好味！.🔸四重芝士Impossible Meat肉醬流心蛋扁意粉($128)呢個組合夾埋都冇得輸了，芝士仲可以轉素芝士添。流心蛋令成個意粉更滑，肉醬芝士配埋夠惹味。扁意粉質感剛好，不過可以掛汁啲，入味啲。.🔸清新健康水果茶($68)有唔同既水果，酸酸甜甜，充滿果香。.🔸芒果汁($46)⭐️真係新鮮果汁，唔係調出黎既飲品，好香芒果味！.💈灣仔灣仔道1號地舖…查看更多

原來長沙灣廣場3樓全層都開左啲新餐廳，難得呢區新開左間健康cafe，裝修感覺又幾柔和，坐落幾好坐，冇限時，食物種類都唔少，餐牌寫埋食物成份，想揀幾kcal自己決定!!半自助式，自取餐具，買完需自助到櫃枱取餐。分數：味道80分，環境77分，服務75分。.🔸香煎比目魚伴黑松露椰菜花飯，巴黎牛油汁($128)⭐️十分推薦！聽佢哋講都係招牌菜式，愈食愈想食。比目魚煎得好香，好夠熱，肉質有彈性，椰菜花飯炒得乾身，唔油，適當調味，好開胃。.🔸Build Your Own Bowl ($58up)⭐️沙律bowl，可以另外加不同元素食物，基本base已有紅菜頭，車厘茄，粟米，雜菌，羽衣甘藍，南瓜。自己再另加左 蒟蒻麵($20)，慢煮雞胸($25)，迷你蘆筍($10)，牛油果($15)，香蒜柚子醬。特別想講蜜餞南瓜，好腍，夠甜，又入味。蒟蒻麵佢唔係透明嗰種，白色，咬落有點彈性。慢煮雞胸用無激素雞胸，咬落有質感，未到超腍果種。.🔸咖啡酥粒朱古力芝士蛋糕($60)蛋糕表面，咬落酥脆嘅粒粒，增加左蛋糕既口感，配下面芝士蛋糕，芝士味重得黎，咖啡味都好香。佢地蛋糕都低糖，唔會太甜太膩。.🔸開心果cheesecake($68)cheesecake口感幾滑，甜度剛好，開心果味唔算濃。.🔸抹茶鮮奶咖啡($58)好靚，黎到呈現住綠色白色啡色既漸層，咖啡味香濃得黎，又不失抹茶香味。.🔸鮮奶抹茶($50)拉花好精美細緻，抹茶味濃。…查看更多

呢間新派甜品飲品店，融入雪耳元素，做成新穎款式，味道又不錯既甜品同飲品。位於商場既中間位置，旁邊有少量枱櫈供客人享用。枱櫈都係透明，有種乾淨簡單既感覺。食物76分，環境75分，服務70分。.🔸白雪椰皇滋養雪糕($68)⭐️好有睇頭，椰殼裝住滿瀉既雲呢拿雪糕，食到椰殼，入面仲有好香濃椰汁味既雪耳😍.🔸薑檸滋養梳打($24)⭐️檸檬果種酸酸甜甜，微微薑辣，配梳打，估唔到加埋雪耳，係冇乜違和感，仲幾解渴。…查看更多

cafe以Harry Porter為主題，design左9 3/4月台既情景，真係有手推車俾大家打卡！另外磚牆設計，上面有唔同掛畫同擺設，餐牌設計幾靚，有心思，幫每道菜改啲特別既名。大概容納30人，唔book位 walkin未必有位，坐落又唔會太逼。食物74分，環境72分，服務75分。.🔸紅酒燴羊膝($208) 配農夫包 (+$30) ⭐️分數: (8.2/10)估唔到咁正！羊膝肉質嫩，咬落唔韌唔痴牙。紅酒汁調配適中，唔會太鹹，有羊嘅香味。農夫包外鬆脆，內軟熟，輕易切開，配埋個汁一流。連農夫包頂蓋都鬆脆軟熟，搽咗蒜蓉牛油，更加香口。.🔸英式炸魚薯條($118)分數: (7.5/10)塊炸魚超大，仲大過我手掌，魚味足夠，切開雖有點皮肉分離，粗薯條份量多，不過整體黎講唔錯。.🔸黑松露帶子蘑菇意粉($118)分數: (6/10)一般般，味道唔夠濃郁，黑松露味淡，帶子好大粒，4粒都啖啖肉。…查看更多

味道係真係不錯既，環境都幾relax坐得舒服，不過service唔夠完善，安排唔係咁順利。入到去serve緊我地，後面又有人入到黎，就service後面ignore左我地，帶位又帶我地遊花園。✨味道80分，環境78分，服務68分。.🔸餐前小食嗌完嘢食之後，佢會送餐前小食，係麵包上面，有芝士同埋青椒。.🔸Zeus Salad ($118)主要用左菠菜，味道酸酸地，幾開胃，入面仲有紅菜頭，橄欖，nuts，芝士，車厘茄。.🔸Bikini Truffle & Cheese ($110)⭐️多士烘到金黃色，好香，咬落酥酥脆脆。夾住既係好香松露味既芝士，咬落好拉絲。.🔸Broccolini ($78)唔知大部分主菜都配西蘭花苗，所以另外再嗌左碟，好嫩，另外配左酸酸地既醬。.🔸Suckling Pig ($268)⭐️皮又薄又脆，而肉質都好軟嫩，個汁味道剛好，冇搶左個豬本身既味。.🔸Lobster Vichyssoise ($458)肉質有啲幾爽甜，但有啲肉質唔夠彈，汁底太淡，龍蝦味唔算濃郁，肉量唔多。.🔸Seafood Paella ($398)⭐️幾好，飯質感稔得黎有咬口，味道都香口，有好多料，蝦，蜆，青口，份量整體都幾多。.🔸Tijuana Tipple ($108)酒味都幾重，紅色西瓜色。.🔸Thyme is Always Now ($118)⭐️個人幾鐘意，酸酸地，酒味適中，佢有ginger beer係入面，甜甜地，又辣辣地。…查看更多

朋友生日🎂book左間早午時段既buffet慶祝🎂選擇都多，前菜冷盤，海鮮，肉類，主食，甜品都有。味道唔錯，環境都幾有氣氛，可以一試。✨味道78分，環境78分，服務78分。.🔷海鮮烤肉早午自助餐($558/head).🔸前菜冷盤前菜選擇都好多，每款味道都好好，🥗雜菌/蘆筍/藜麥/茄子/粟米/蕃茄/通粉沙律都有。🧀芝士都好多款，淡味至濃味，甚至黑松露味芝士都有。.🔸海鮮有生蠔/長腳蟹/龍蝦/田螺/海蝦/麵包蟹/中式魚。長腳蟹多肉甜又彈牙，生蠔唔大隻但夠新鮮，供應量充足，唔會有比人拎哂既情況。.🔸肉類燒牛肉，乳豬，烤雞，羊架都有。燒牛肉肉質粉嫩，乳豬皮好脆，半肥瘦，幾邪惡。.🔸主食🍟薯條有即熱溶既芝士淋上🤩不過食落有啲滯。🍝另有意粉/長通粉，汁底可揀蕃茄/白汁。.🔸甜品/水果🍦有榛子/朱古力味雪糕，🍰款式都唔少，不過味道冇咩特別，都係tiramisu/carrot cake/ apple crumble/chocolate cake果啲。水果都係有西瓜/哈密瓜/火龍果/菠蘿。.🔸生日蛋糕🎂生日訂枱，會送件係碟寫字既蛋糕，不過其實都係出面甜品吧既一件切餅。…查看更多

有次經過，入咗間未食過嘅越南小店，意外驚喜，然後就每星期都要食，高峰一星期食3-4次😂小店大概容納最多18人，越南啊姨招呼熱情，14:30-18:00下午茶平十幾蚊，份量差不多，抵食。✨味道80分，環境74分，服務80分。.🔸招牌生熟牛肉湯河($53)⭐️先講個湯底，清甜得黎幾香，食完唔會口渴，河粉夠滑，生熟牛肉都唔韌，牛味都算重。.🔸香茅豬頸肉撈檬($53)⭐️嚟夏天食凍嘅撈檬粉，汁酸酸甜甜，感覺醒胃，豬頸肉每次食都一樣咁彈牙，外皮煎得香，肉嫩，即叫即整，每次上菜都係熱辣辣。.🔸香茅豬扒湯檬粉($45)叫湯河粉，可以轉湯檬粉。第一次食既豬扒熱辣辣咬落都稔，但第二次食就有啲失準，偏韌偏乾。.🔸香茅豬頸肉飯($53)豬頸肉次次都好正， 如果嗌飯，佢有埋煎蛋係上面，仲有酸蘿蔔酸青瓜配菜。.🔸香茅雞翼($30/5pcs)⭐️即叫即整，熱度好足，表面香脆，內裏juicy，雞翼仲好入味。.🔸越式炸蝦餅($45)估唔到佢係咁大塊，佢會切開四件，好厚切，咬落啖啖肉，但係食落有啲滯。.🔸越式法國麵包($41)⭐️法包脆卜卜，餡料我哋選擇雞，亦可以揀豬，整體真係有越南既風味😂雞扒熱，肉質彈牙，夾埋涼涼地嘅酸蘿蔔，蕃茄，沙律醬。.🔸越南滴滴咖啡($25)⭐️佢先放煉奶係底，越南咖啡一滴滴落入杯中，兩者慢慢溶和，入口算滑，味道幾特別。…查看更多

近宋皇臺站，行1-2分鐘就到， 午餐好平，一律$49，仲送特飲， 好抵食。好有善心，有蝦片義賣，又有捐款，逢初一十五會免費派飯盒比有需要人士。✨味道77分，環境75分，服務73分。.🔸青咖喱牛肉配白飯($49)青咖喱勁香，好濃郁，唔會好稀，有椰汁香。牛肉唔韌，不過啲豆就硬左啲，應該再煮稔啲，汁配白飯一流，直情想食多一碗飯。🔸椰汁珍多冰雖然個嘢飲係送，但個椰汁都濃郁，唔會溝水咁，有啲綠色一條條咬下。.🔸泰式炒金邊粉($49)酸酸甜甜，幾開胃，份量都幾多，成盒滿晒，炒得幾好，就算帶到返屋企，都唔會黐埋一餅。🔸洛神花蜜底下真係有洛神花，幾酸，微甜。.🔸泰式飛天通菜($35)喜歡食飛天通菜嘅一定唔可以錯過，午餐只需加$35就有，份量都唔少，又香口，又辣辣地，超級惹味。…查看更多

位於街市一個小檔口，專做宵夜，開到凌晨。當所其他店舖閂晒嘅時候，佢簡直係救星。街坊報料💛小店初初開時，有幫派🍎🗞。✨味道75分，環境65分，服務68分。.🔸日式肥牛丼($42)飯表面有洋蔥肥牛，仲有啲粟米粒，個汁唔錯幾濃郁，又唔會太鹹，幾好送飯。.🔸鐵板肥牛炒烏冬($42)啱啱炒起熱辣辣，烏冬唔會痴埋一餅餅，個汁底甜甜地，烏冬，肥牛都好入味。.🔸燒原塊大雞扒($26)塊雞扒真係超級大，好厚肉，咬落啖啖肉，燒到個皮好脆卜卜，肉質彈牙。.🔸一口紫薯($10)甜甜地，香香既甜薯味。…查看更多

招牌簡單青綠色，入到去感覺好唔同，好多盞鬼裝飾，餐廳都幾大，好多2人/4人卡位。食物款式好多，要選擇都要啲時間，💰價錢偏中上。✨味道74分，環境75分，服務72分。.🔸手撕雞椰汁酸湯檬粉($82)手撕雞的確幾香幾入味🐔，咬落都滑👍🏽湯底個味幾特別，平時好想食呢一個味道配搭。佢有椰汁香🥥，但係配酸酸地既味道，湯底配上檬粉🍜，整體都幾開胃😌。.💈沙田沙田圍路1-7號勵城花園地下1號舖…查看更多

小店裝修用青綠色作主色調，有卡位，有圓枱，容納三十零人，仲有隻銀灰色貓店長坐陣。主要食四川麵食，薯粉大大碗，小食都抵食。✨味道72分，環境70分，服務70分。.🔸酸辣炸醬紅薯寬粉($24)+麻辣豬耳($7)超級大碗，好飽肚，多到差啲食唔晒，湯底夠酸，中辣又夠辣，好多酸菜，肉碎，寬粉好闊好煙韌，口感實在，有飽足感。豬耳切得比較薄，咬落都比較稔。.🔸 秘製醬汁撈紅薯粉條($24)+麻辣腩肉($7)+肥牛($7)份量多，大食嘅男士都覺得夠飽，炸醬麵多，紅薯粉條係幼身波浪形，醬汁吸得更多更入味。腩肉，肥牛外型相似，腩肉相對深色啲，入味啲，佢話本身冇乜味，要撈埋醬汁食就夠味。.🔸尖椒皮蛋($20)皮蛋呈金黃色，晶瑩剔透，原來係用雞蛋做，相比平時食黑褐色嘅皮蛋，味道比較淡。.🔸酸辣雲耳($15)份量都係好多，好爽口，微微酸辣超開胃。.🔸腐乳通菜菜量都唔少，煮完都滿滿一碟，烚得偏稔。…查看更多

一直好想去食，之前生日，朋友就訂左枱慶祝，舖面幾大，擺到好多張大圓枱，裝修有老香港情懷，霓虹燈牌配階磚牆同地。火鍋食材質素好，價錢相比差不多質素火鍋，唔貴。疫情暫時外賣自取仲有八折，午市仲有車仔麵添。✨味道80分，環境78分，服務75分。.一開始要等嘢食同火鍋滾，嗌左兩個熟食小食食住先，當開胃小食，估唔到兩樣都咁正！🔸鴨血($42)⭐️ 微辣，入味，口感有少少煙韌。.🔸瑞士汁大腸($58)⭐️入味之餘，稔得黎有彈性，鹹得黎又甜甜地。.🔷精選四人套餐($348/head)🔸卜卜蜆煲有唔同鍋底選擇，呢個有好多蜆，好鮮甜，冇沙，完全唔使驚有腥味，忍唔住飲咗啲湯好香。🔸大刀手切本地牛頸脊⭐️ 🔸蟹肉蟹粉餃🔸肥美大沙白 🔸十下三寶滑⭐️🔸頂級野生竹笙⭐️ 🔸醬爆瀨尿牛丸⭐️🔸懷舊果皮魚蛋 🔸紫菜響鈴🔸脆炸魚皮 🔸蔬菜拼盤各樣既食材質素都有番咁上下，大部都高質，自己特別用星星mark左特別喜歡既材料。.🔸乾辣椒雞蛋手切牛肉($178)⭐️撈左辣椒，烚完都有d辣椒香，撈咗雞蛋食落滑啲。.🔸花雕醉雞($88)烚完唔係好出，但都有淡淡既酒味，不過不失。…查看更多