Poonpoon819的個人專頁

2019最後一日，諗住試下公司附近新餐廳既lunch，點知食到一肚氣返黎。一坐低12:37分就點好野食，頭盤同湯好快就上咗。湯既味道真係不敢恭維，飲左3分1就放棄咗，個下已經有啲心知不妙。一直等左半個鐘，催左2-3次單，一碟主菜都未出現過，直到13:15分左右先見到幾碟意粉上檯。份量細都算，仲要係唔熱既，連微暖都稱唔上，味道更加係淡而無味。而上圖既香煎三文魚柳，足足等左45分鐘先姍姍來遲。一切開個下，我真係第一次食到入面仲係凍同生既煎三文魚柳，腥到無辦法食得落，只係希望今晚倒數唔會肚痛咁過。最後溫馨提示，如果你地有食法國餐既lunch時間，都不妨可以一試既，哈哈。…查看更多

難得好友有空閒黎元朗，當然要帶佢去啲特色小店。呢間小店旮旯，之前既星期六日都只係得甜品供應，但而家竟然有午餐食，當然要試試佢啦！［蝦醬腩肉意粉］朋友揀既蝦醬腩肉意粉，帶有少許蝦醬味，腩肉有咬口無肉腥味但偏淡味，如果咸返少少就更好，意粉好有蒜香又彈牙。［冬陰功意粉］非常特別既一款意粉，有齊冬陰功既酸香辣味，好岩我呢啲食開重口味既人。而且用料幾豐富，淨係蜆肉都十幾粒，食到最後都仲有蜆肉。不過舊豆卜太硬同乾，如果切開再煮，入返啲味就更加好啦。［凍泰式奶茶］真係好彩叫左呢杯泰式奶茶，又夠凍又夠甜，岩岩好解左上面冬陰功意粉既辣。但因為奶茶本身超甜，所以等啲冰融融地個下就岩岩好。［紫薯卷蛋］最後食埋呢間小店招牌甜品之一既卷蛋，流心既紫薯餡夠香，食落仲帶啲紫薯微粒，叉開蛋糕仲可以沾滿啲醬再食。不過蛋糕表面有啲微黃同少少裂開左，打卡就無咁靚啦。最後，侍應妹妹好細心，隨午餐附既葛餅要係食之前先淋上黑糖醬同煉奶，就黎食完主食個陣就已經好細心咁主動幫我地加左，好貼心呀！…查看更多

前兩日，和友人行經尖沙咀，發現這間亞坤，就大膽地決定嘗試嘗試！ ［檸檬薏米水］朋友說，這杯檸檬薏米水帶微酸，非常好飲。從顏色及薏米的軟度來看，的確是經過長時間的真料實料煲煮。［新加坡海鮮叻沙］ 這碗新加坡咖哩叻沙香味十足，但湯頭卻不是那種偏咸偏濃稠，而是帶椰香的淡咖哩湯汁。雖然海鮮配料豐富，但因為香料的關係，沒有太大的腥味。最令人驚喜的是粗米粉，非常爽口，將整碗叻沙的油膩度降到最低。［咖哩雞飯］咖哩的香味仍然十足，少許的椰香，帶上少許辣椒油，微辣而香滑。雞塊煮得十分軟熟，甚至可以說是爛熟，用叉一切就肉骨分離。可惜雞肉沒有用合適的醬汁烹製，空有軟爛的質感而只有咸味。另外，白飯亦過於軟身，淋上咖哩汁後口感全失。 ［咖哩雞麵］與上面咖哩雞飯的醬汁一樣，但配上類似油麵質地的麵，令整碗麵變成頗為油膩，可能轉成粗米粉會更好！ ［咖椰球］坦白說，這個甜品小食令人失望，沒有椰奶和香料的味道，只有蛋味及甜味，口感和味道與一般雞蛋仔差不多。總結來說，咖哩夠香滑，叻沙的粗米粉驚喜十足，或者下次會再來試試特色飲品及吐司。…查看更多

是日晚上由紅磡火車站去尖東食飯，友人一出天橋已經開始不停重複一句「一定要食林昌記魚蛋，好好味！」十分驚訝這位平素很少食街邊小食的朋友，竟然對一串魚蛋念念不忘。走過天橋入門的左手邊，一間只有簡單裝潢，可以說是毫不起眼的小店。門口立起這面海報，直接明確地說明這裡只賣魚蛋，而且是很少見的白魚蛋。 我和友人分別選擇了原味加辣椒油及咖哩味。坦白講，咖哩味不香而且不如其他小食店般香濃，只是薄薄的一層黏貼魚蛋上，如果喜歡食濃味咖哩的朋友未必滿意。可能因為淡味的原因，入口咬多幾下後，魚肉的香味出現，而且有少許香甜。另一款原味加辣椒油，辣椒油香而不辣，配上彈牙的魚蛋會愈咬愈香。可惜，辣椒油略微不夠咸，如果食慣濃味魚蛋的人可以會認為較淡。總結來說，這絕對是值得一試的魚蛋，因為魚蛋本身的爽口和魚香，已經足夠再次光顧！…查看更多