莉莉子's Profile

哩篇野我會將自己食過的所有食物評一下,好食就係好食, 唔好食既都唔會客氣希望可以成為大家落order的參考免費星級海鮮宴1. 辣酒煮東風螺: 唔好食, 無辣味無酒味, 只有唔太新鮮的味2. 大瀛喜鮑魚龍蝦粥: 唔好食, 無海鮮味, 不過有熱野入肚感覺唔錯3. 特式焗扇貝: 一般, 比想像中細隻, 味道普普通通沙律前菜1. 日式枝豆: 唔好食, 一來係凍, 二來雪到無乜豆味2. 泰式酸辣鳳爪: 哩個堅係唔好食, 有陣怪味, 又唔夠凍唔夠辣唔夠酸刺生1. 三文魚: 好味, 有油甘香, 又夠厚切, 又新鮮2. 劍魚腩: 唔好食, 唔夠滑3. 玉子: 一般, 因為唔係新鮮整既, 所以都無乜特別4. 珍寶赤海蝦: 必食, 新鮮, 彈口, 又有蝦頭食, 正!!5. 北寄貝: 好食, 新鮮, 甜美6. 象拔蚌: 唔好食, 有d鯹7. 貝柱: 唔好食, 有d鯹卷物1. 蒜香和牛卷: 一般, 件野整得幾精緻, 可惜塊和牛太簿, 食唔到個味, 反而俾其他材料蓋過左牛肉味手卷1. 海膽手卷: 好味, 幾香甜, 係細件左d壽司1. 黑松露三文魚腩壽司: 一般, 如果鍾意食黑松露的人應該會幾鍾意, 但我厭黑松露個味太濃, 蓋過哂其他食物d味2. 黑松露玻璃蝦壽司: 同上3. 北海道鮮帶子壽司: 一般, 無乜特別4. 醬燒珍寶蟹棒: 好味, 條蟹棒好大條好好肉, 加上沙律醬又有少少燒焦的味, 正!天婦羅1. 有機蕃薯仔天婦羅: 好好味, 細細粒, 又甜又滑炸物1. 吉列炸生蠔: 一般, 炸得幾脆, 又有蠔味, 不過厭粉醬太厚2. 榴槤炸彈: 好好味, 哩個俾到驚喜我, 皮簿又脆又彈口, 入面d榴槤醬係堅有榴槤味, 同埋係會流出來的!燒物1. 香草燒紐西蘭羊鞍: 唔好食, 好老身, 得d香料味2. 和風柚子汁燒牛仔骨:好食, 甜甜地好惹味3. 鹽燒雞軟骨燒: 好味, 夠脆身, 又香口4. 燒有機菠蘿: 強烈推介, 真係好味, 好甜又多汁一品料理1. 翠肉瓜野菌炒雜菜: 一般, 幾香, 不過厭牛油味重左d2. 黑目鯛魚海鮮湯: 唔好味, 似味精湯甜品1. 香芒西米露: 一般, 個芒果色水唔多靚2. 朱古力泡夫: 唔好食, 無乜朱古力同埋件泡夫好粉3. 朱古力雪糕: 好味, 好難唔好味飲品1. 韓國啤酒: 第一次試, 又唔錯wor, 都有d麥香味2. 熱情果橙汁: 好味, 甜甜酸酸總括都係唔錯, 因為咁既價錢食到咁既質素又唔多選擇真係唔錯,同埋侍應做野快又準又勤力, 值得嘉許! …Read More

見咁多人盛讚, 同老公去試下首先間野下面係寫住noodle and desert,noodle行先, 可惜好多人都話拉麵唔好太,所以我決定食飯,我叫左薑汁燒豚肉飯,最好食唔係薑汁燒豚肉, 因為我厭太咸,反而個飯煮得好好, 本身日本米已經係好食,再加上佢軟硬和水份都控制得好perfect,每粒飯都好清楚分開, 卻又會lum在一起.另外, 側面既菜都好好味, 好味在個汁, 係用平時日本冷麵的酸酸地的汁,我最喜歡哩個酸味.老公叫左炸豬排飯, 賣相已經好靚仔, 吃入口, 夠哂脆, 豬排又唔會un,不過如果豬排再厚一些會更好.套餐配一杯茶, 只可以選蘋果紅茶或芒果紅茶, 我地選左蘋果紅茶, 唔好飯, 蘋果味好香精feel, 又無茶味....甜味叫左沫茶雪芳蛋糕,沫茶味又唔係好出, 而且仲好乾, 麻麻地,後來在間餐廳試食沫茶蛋卷,好味好多lor, 又有沫茶味, 又滑好多.......…Read More

第一次去食晚飯鹵水併盤: 鴨舌有驚喜, 入味又唔人會太咸, 鵝翼都好味黑醋炒豚肉：略厭太酸豉油雞: 幾滑, 又有豉油香味粉絲虎蝦煲：哩個係最好味, 因為粉絲吸收哂所有蝦的香味, 超正!賽螃蟹：有好多海鮮配料, 都係好味之選跟住我地仲叫埋甜品食, 中菜館來講, 都算幾多選擇芒果布甸: 好香芒果同奶香味, 又夠滑紅豆桂花糕: 味道唔錯, 但略厭唔夠滑燉鮮奶: 太甜, 否則都唔錯其實環境服務都幾好, 唔過可能係九龍塘, 所以叫哩D普通野, 但價錢都幾貴唔知係咪咁, 所以比較易有位…Read More

晚上同家人食晚餐叫左3個set原本想叫豬肋骨, 但竟然賣哂....所以叫左1. 黑松露漿帶子意大利飯, 哩個真心好味, 黑松露本身已經好香, 仲加左洋蔥一齊, 真係意想不到咁好味, 帶子煎得唔錯, 7成熟, 剛剛好, 不過哩個飯最好幾個人分, 否則都有點heavy2. 藍青口配麵包, 哩個都好好味, 青口感覺都新鮮, 滑同軟屬, 可惜個汁太濃, 有些掩蓋左青口本身個味道3. 煙肉白汁天使麵, 其實無論味道和麵質都唔錯, 但比較起上面兩個餐, 的確比了下去以上三個餐可以跟餐湯或沙津: 意大利番茄雲吞湯, 個湯夠濃番茄味, 但D雲吞唔知點解係碎哂最正係沙津可以任refill, 個沙津係沙津生菜配黑醋, 菜夠新鮮, 簡簡單單好開胃然後我地加左兩個小食1. 洋蔥圈雞翼, 我想講個雞翼係真係正, 個汁有D黑醋味酸酸地, 好惹味2. pizza, ok, 無乜驚喜餐飲我加左錢要左杯沫茶牛奶, 太甜, 麻麻地但係甜品就Very nice, 叫左個法式薄餅, 當中有cream, 雪糕, 同d生果和漿, 成件事都好夾, 賣相又靚, 不過都係固句, 最好同人share, 否則都係會好heavy.…Read More

話說上星期一同老公去食哩間野的下午茶65拆優惠好快來到的有三文魚子壽司: 魚子的顏色比平常的深色和鮮色, 整年軍艦都有許多魚子, 原本是應該不錯, 但食入口卻比平時我食到的魚子鯹 腐皮蟹子沙津壽司: OK劍魚腩壽司: 刺生很細, 無乜色澤, 肥油亦無乜香味, 而且還有些鯹加州壽司: 味道ok, 可是size細粒到呀.....赤貝: OK跟住等左好耐都未有三文魚壽司, 覺得好怪,突然來左8客前菜, 原來佢落錯單, 八件三文魚壽司變左8客前菜不過好在來到的時候, 都算正常, 魚肉有色澤, 都算新鮮後來再叫多個冷麵,點知等左超過半個鐘都未來...........真係豈有此理!! 我覺得入面個師傅係唔想整俾我地食lor....…Read More

首先，其實間野既賣點係麵, 我有朋友覺得好味, 但我個人覺得個麵太un, 好似未熟咁,因為我去的時候已經好夜, 所以有好多湯底都無, 所以唯有叫左漿油湯底，喊到死亡餸全部都係炸, 而且個樣好衰, 又貴, 好辛苦先揀到天婦羅茄子，但係已經又凍又林....一句講哂: 唔會再去…Read More

好耐無去，一入到去見到個menu，已經覺得比一開始的時候cheap左cheap唔係價錢，而係風格叉燒拉麵，好少分量，又無乜特別豬肉溫泉旦飯，又係好少分量，加無乜特別兩個食物都係味道遍咸，同埋覺得入面煮既人無乜heart，不過價錢又唔係平，已經唔叫餐，但賣單都百幾蚊，一上來先知咁多喊樣，所以我都要俾多個…Read More

食過好多次, 次次都好味, 水準keep得好牛肉麵: 牛肉夠軟又入味, 湯夠香又濃味, 仲可以加酸菜都好好味, 麵質有口感肉燥飯: 大大碗, 夠飽肚, 都係好好味雞排: 炸得好勁, 一舊起兩舊止貢丸：好味, 不過都係熱氣的, 小心鹵味前菜：夠入味醉雞冀：夠大隻另外, 好鍾意入面的裝修, 坐得好舒服，就算有BB車都好闊落。不過星期五晚特別多人, 大家要小心。…Read More

琴晚見好耐無去食拉麵,去完就好後悔.煎餃子可以煎到皮又唔脆, 又穿哂洞,俾我感覺係求其搵個part time唔識都去煎,自己煎都一定好佢好多芝士明太子焗薯角,D薯仔超細粒,咁多汁都無用la!特盛拉麵,成碗野都好咸,D料都唔係真係好好味,天婦羅蝦又唔脆, 又成陣油益味,個福袋又係成陣油益味, 咬左一啖就放棄左兩片叉燒又肥又咸,食左一塊就頂唔住了除左食物, 環境都唔好,我坐的隔離的牆係超污糟,有好多一粒粒黑色不明物體,感到自己同細菌一同進食,仲要有蚊同小蒼蠅飛飛下,真係不知所謂!…Read More

上星期日父親節, 同家人一起去食飯4個人叫左8樣野首先來的是酸辣白雲鳳瓜, 幾好味, 又多, 不過係堅辣, 唔辣我的人唔好叫跟住來的是袖子沙律, 袖子肉好新鮮好好味, 但我唔鍾意個汁, 咸咸地怪怪地咁.接著是熱食,海南雞, 唔錯, 都幾滑同有雞味豬肉牛肉串燒, 哩味係好難煮得差, 所以都幾好, 香口原隻燒茄子, 鍾意清清地的人會感覺幾好,  如果鍾意濃味就唔好叫豆腐粉絲肉碎湯, 好普通, 又細碗, 豆腐仲要係玉子豆腐, 有D失望如果吸引我黎多次的, 都唔係以上種種,反而係佢地既飯同薄餅首先講飯, 好明顯係正宗泰國絲苗, 軟滑又QQ地咁, 無論係白飯定雞油飯都咁好味, 係去廣東酒樓一定食唔到架!另外就係薄餅, 有廚師在門口即叫即整,好多款選擇,我地選左烤薄餅, 個質地好正, 食完想再食.環境也不錯, 我地坐玻璃幕牆隔離, 又有風景睇!…Read More

其實成日都會來食,因為貪佢有街坊feel,好親切,大家唔好expect D阿姐笑面迎人, 又有禮貌,因為我覺得佢重點唔係sale哩D.今日同朋友食左7個點心1. 奶皇包,包其實都好穩陣, 係入面D奶皇既色太黃,黃到有D假, 不過overall味道係ok的2. 牛肉其實做得唔錯ga!, 3. 排骨(食左兩次)好細粒, 配菜仲大粒,都明白既, 食材貴ma4. 鳳爪都係好穩陣的選擇味道ok5. 牛肚D咖哩汁太多, 麻麻地6. 菜苗蝦餃味道都唔錯其實我最鍾意食蝦餃, 因為$11有4隻蝦餃真係無地方做到,可惜佢係我食飽左先出現.另外, 以前係有鵪鶉旦燒賣, 但而家唔做, 又係好可惜.....anyway, 食物的味道係ok的, 兩個人都係$96,係好抵ga la!…Read More

見openrice咁多哈哈笑,我都試下.星期日去, book位都唔難, 早一日book就ok.去到, 環境清靜開揚,揸車更好, 因為可以望住架車食,慳番停車場費我地一行五人, 叫左兩個2人餐,因為可以試多D款每個二人餐$6881. 露筍軟芝士風乾牛肉卷我無食, 不過賣相不錯2. 番茄芝士好好味, classic的西式頭盤,兩者夾得好好, 芝士有淡淡的味道配蕃茄的甜味3. pizza好似係銀魚味, 個皮夠脆,芝士又多, 加銀魚的咸香, good!4. 忌廉煙肉意粉個汁好rich, 意粉彈口夠質感5. 煎魚扒可能係雪藏的關係, 就算已經煎得好香口,都係有鯹味.6. 紅酒燴牛膝好大件牛膝, 最鍾意個汁,真係有紅酒加牛肉的香味不過牛膝有些部份比例瘦, 就會乾D,有些部分肥, 就會好味D,睇下你食仲咩部位7. 燒春雞我食仲個脾位, 所以覺得好滑好好味8. 羊架哩個係最好味的, 肥瘦適中,肉質彈口, 有羊味,個汁其實都係用番羊汁煮的.而且仲有4大塊, 我個得係4個main dish入面最值得食的.9. 甜品雖然見有些評家不喜歡個cake, 話未熔雪不過我又幾鍾意wor,凍凍地, 仲有好香的酒味同咖啡味,成為完美的句號除此之外, 我覺得服務員都好nice好親切,餐包其實都好好味, 香草味的坐得亦好舒適可以慢慢食, 靜靜地傾下計非常享受這個晚餐~~~~…Read More

買左團購coupon,$20當$40用,幾抵就去試下.平日的中午去,比起晚上多人好多.我叫左一個豬軟骨定食,豬軟骨的味道不錯,但係D配菜有D怪,飯都好好味, 係珍珠米.老公食的是當龜鴨湯麵,真係好香藥材味,賣相同味道都唔錯.不過, 飲品真係令人失望,台灣餐廳的珍珠奶茶應該係要做得最好,可惜就係好無heart, 無茶味, 甜味都無要自己加糖我都係第一次試,叫熱的, 卻來個不冷不熱的.仲要加$8先有, 唉....…Read More

雖然明記今年加左2次價, 由上年的$19到現在$21,不過水準仍然好好,好味過出面好多麵店.牛腩麵又平又好味,肉同肥的比例配搭得好好,佢係清湯味, 完全食到牛肉的鮮味,原汁原味,又滑又夠淋,真係好正.除左牛腩, 其實雲吞都唔錯ga!大大粒, 又多, 好抵食.唯一不足之處係,間野總係有陣怪味,哩種味令我好多朋友都卻步,如何哩個地方可以改善下就更好.不過21蚊雞, 算la! 仲想點wor!…Read More

哩間野開頭唔多起眼,但試左一次之後, 就發現佢唔簡單.我通常都食佢既肉漿意粉加炸雞.意粉質感係好有水準的,絕對唔係一般茶餐廳貨色,係真係有西餐廳的感覺,個肉漿的味道亦好香, 有西餐的香料味, 次次我都可以食哂!炸雞就更不得了, 每次都是新鮮炸出來,又熱又香又大件, 絕對好食過肯XX那些!我的朋友食芝士焗飯,因為係即叫即焗, 所以要等耐少少,不過佢都讚口不絕!…Read More