Sadnesseatgoodwest的個人專頁

夜晚同朋友嚟到海滂行下吹下海風之後覓食。見到好多唔係西餐廳就係泰國菜。再行行吓見到有一間係飲茶嘅，出於好奇就試吓呢間叫做得閒飲茶嘅舖頭，覺得新奇有趣，裝修唔似一間茶樓，但係呢句說話好親切，係朋友屋企人之間成日都會講。而佢呢度嘅餐牌仲會印有一啲典故去同客人去介紹酒樓，例如打開個茶蓋或者係向斟茶者表示多謝嘅動作。呢度嘅嘢食種類都好多，都有啲眼花撩亂，兩個人就揀咗一啲都幾出名嘅嘢食。首先嗌咗個老火靚湯，係粉葛土茯苓，祛濕一流，亦都好足料有兩大嚿粉葛，每人都可以飲到兩碗，飲得出真係真材實料，味道都幾濃郁。蒸點-鵪鶉蛋松露燒賣/蝦餃/菜苗餃/馬拉糕鵪鶉蛋燒賣唔係好多舖頭有，通常都係一啲比較懷舊嘅茶樓先會有，呢度嘅燒賣做得幾好，啖啖肉，調味適中，加上流心嘅鵪鶉蛋，真係好驚喜，唔會話太淡味都唔會話好鹹。蝦餃菜苗餃，佢個皮唔會話太厚，亦都唔會薄到一夾就爛，蝦好大隻彈牙新鮮。馬拉糕都好軟熟，好香合桃味。炸物-鹹水角/韭菜金錢蟹盒本人好鍾意食韭菜，連埋一啲蟹肉炸成嘅，佢個鮮味好足好多韭菜，食落去啖啖肉之餘又有韭菜嘅香味。鹹水角係屬於懷舊嘅菜式裏面加咗一啲肉粒，食落去鹹香鹹香。唔會太過油膩。豉油王炒麵超級第一碟，兩個人唔係好食得晒，但係食得出好有鑊氣，就好似喺大排檔食咁除此之外，佢仲有好多其他嘅菜式，下次會再嚟試，一邊望住海景，一邊嘆茶，真係好好享受…查看更多

好耐冇同朋友聚一聚，所以決定今日經過開附近，就去搵朋友食飯傾下偈呢間酒店出咗名性價比高，3道菜，前菜，主菜加甜品都係$275，最啱想睇景又想舒服坐下嘅人嚟試下我叫咗奶油蝦長通粉沙律，米飼豬扒同番石榴義式沙冰。有三隻大大隻嘅蝦加上由希腦乳酪，芹菜同細香蔥拌成嘅長通粉，鹹鹹酸酸，開胃。主菜嘅豬扒係嚟自宮崎縣嘅，豬扒好冧好多汁，配上風琴薯仔、田園蔬菜、伊雲士汁，薯仔焗到啱啱好，少少脆，而個汁甜甜地，配豬扒好適合。食到呢度已經飽咗8成，再食埋個番石榴義式沙冰作結，熱辣辣嘅天氣食啲凍嘅甜品，酸甜嘅沙冰，透心涼，配上涼浸浸嘅荔枝果凍，好清爽，十分滿足。友人就叫咗忌廉雞肉粟米湯，炸軟殼蟹漢堡，時令鮮果碟。忌廉雞肉粟米湯又好香濃嘅忌廉粟米味，再加上雞肉，適合去食飯一定要飲湯嘅人，又唔會太飽，又唔會好油膩。作為一餐飯嘅開始好好。朋友嘅主菜叫咗炸軟殼蟹漢堡，有一道大大嚿嘅軟殼蟹，炸得外脆內軟，炸粉唔會好厚，加上洋蔥蕃茄生菜等配料，會食一啖都好清爽唔會好滯，鍾意食軟殼蟹嘅人一定會好喜歡。最後甜品就叫咗時令鮮果碟，有火龍果奇異果等生果，每一款生果都好甜好新鮮，飯後生果作結非常完美…查看更多

好多香港人都鐘意去韓國旅行，其中一個原因係因為太多好嘢食了！其中一樣韓國好出名嘅嘢食就係燉雞，但呢家唔洗去韓國都食到啦，因為好出名嘅鳳雛燉雞開到嚟香港啦！呢一家過江龍本身係韓國就好多分店，大排長龍，難得係旺角見到，當然就要試下啦。呢度嘅老闆同店員都係韓國人，一入門口就感到好親切。裝修係好家庭式，好適合一班人嚟聚會今日就同友人叫咗一個燉雞同一個泡菜煎餅試一試佢鳳雛燉雞（無骨）-$248有得揀辣同唔辣，我就揀咗小辣，但由於韓國人都幾食得辣，所以就算小辣都相當辣，如果唔食得嘅朋友，最好就揀唔辣。嚟到個份量都幾大盤，使用咗正式嘅安東燉雞做法，用安醬油去整，先用醬油醃咗啲雞，再將蘿蔔薯仔青瓜擺埋落去一齊燉，所以啲雞好入味，加上無骨啖啖肉，薯仔青瓜都好腍，佢仲有個一人份嘅冬粉，唔會話煮到淋到斷晒，煙煙韌韌又好入味，兩人都夠食。如果多人嚟食嘅話，都仲可以嗌埋其他嘅topping,比較多人嗌嘅就係飯焦，仲可以加魚蛋同魚糕芝士煙肉泡菜煎餅-$108芝士份量嚇我一跳，鋪滿咗整個煎餅，仲能夠拉絲嘅芝士，味道濃郁，煎餅加埋泡菜同埋煙肉，煎得香口，好好食檸檬梳打-$32百香果梳打-$32味道好清新，如果食雞食到好辣，或者食芝士又少少漏嘅時候飲番杯就非常之解膩個餐牌仲有其他唔同嘅嘢食，例如係豬手或者係醬油蟹等等都好吸引，下次要再同朋友嚟食試埋其他嘢…查看更多

好多人都會揀去蘭桂坊飲嘢今日我放工之後都同朋友去咗中環但係因為蘭桂坊，實在太多人，所以就揀咗喺附近嘅一間埃及酒吧佢嘅裝修好有特色，仲會遇到有人跳舞。佢啲食物都係其他地方見唔到嘅首先嗌咗個餐前小食，椒鹽粟米，配上乳酪醬，酸酸地鹹鹹地，好開胃，餐前小食一流，配埋酒一齊更加開胃另外仲叫咗一個芝士餡餅，佢嘅芝士係流心，加埋啲肉熱辣辣，大大件，一件差唔多飽咗嘢飲有酒精類同非酒精類，朋友就嗌咗杯fruit Punch, 我就叫咗杯Cocktail，酸酸甜甜都幾好飲…查看更多

朋友好鍾意食有鑊氣嘅小炒，佢就介紹咗我嚟呢間度試下呢間叫新肥泉嘅大排檔最近出咗個任食放題小炒，當然就要嚟試下啦$288任食1.5小時，每款嘅份量都係例牌，兩個人食剛剛好，一向好鐘意食小炒，但出面好多嘅都冇咩鑊氣，新肥泉就唔同，每一樣都即叫即炒，炸物類直頭無得輸，下次都要嚟試埋其他未試過嘅有最鐘意嘅黃金四季豆，椒鹽九肚魚，小炒王，超正呀九肚魚炸得啱啱好裏面好嫩，粉唔會話好厚小炒王有魷魚蝦米韭黃，好香口好有鑊氣…查看更多

今日同朋友嚟開旺角，好想食雞，但又唔想食炸雞，咁就試下燉雞啦呢間叫Bongchu Jjimdak嘅鳳雛燉雞主要賣點係燉雞，有唔同口味，有芝士原味同埋豬手拼，作為芝士控嘅我就同朋友嗌咗個芝士燉雞份量好大份有半隻雞，仲有洋蔥紅蘿蔔薯仔，上面鋪咗好多嘅芝士，兩個人食一份絕對夠晒用芝士包住舊雞，一啖一舊10分滿足貪食嘅我因為好鍾意食雞蛋卷，所以就嗌咗個芝士雞蛋卷，佢個雞蛋唔會話好嚡好乾，入面仲係流心嫩滑加上芝士同埋茄汁味道好夠好好食下次都會嚟試埋其他口味…查看更多

今日去開北角，就嚟試下米線關注組有提及過嘅貴緣小鍋米線啦，呢度有唔同嘅米線同小食，價錢都唔貴，幾抵食雞絲火山呢個係必叫嘅，招牌菜，份量好多，雞絲好細，不過係偏辣嘅，唔食得辣嘅朋友可以食米線加餸的蒜香青瓜爽脆加上蒜蓉，餐前小食一流甜酸齋開胃入味份量多，正酸辣米線平時食開大辣，係度叫中辣都可以接受，豬紅係我鐘意個種，幾好食，墨丸彈牙，仲有滿滿嘅芽菜，正涼皮條煙煙韌韌，同普通食嘅涼皮唔一樣，口感有趣，幾得意蒜泥白肉好正，滿口蒜蓉，又唔係好辣醉雞好入味，好香花雕味，但又唔會去到苦，雞嫩滑…查看更多

今日咁啱出去搵朋友食飯，佢就話同我去一間食雞翼嘅餐廳食飯。呢一間餐廳係閣麟街祥興商業大廈6樓，一出lift就會見到充滿書法嘅牆，好有中國氣息。餐廳裝修都好有特色，例如有霓虹燈同錄音帶牆，好懷舊。佢呢度地方唔大，但平日嘅8點已經係滿滿嘅人流。佢呢度有唔同嘅餐可供客人選擇，例如10款口味任食，或者所有口味加部分小食任食加啤酒任飲。而我哋今次就揀咗24隻雞翼加2款配菜24款雞翼可以揀4種味，我哋就濕食乾食各兩款，分別揀咗加州風情，蒙古燒烤，辣水牛城醬同埋蜂蜜芥末。呢4種味道都好惹味。加州風情係蒜蓉加上芝士，好香口好好食。蒙古燒烤有啲係似孜然粉，食落去有一種香料嘅味道，係辣辣地嘅。辣水牛城醬，啲款係四款味最辣嘅一種，都係最惹味嘅一種，甜甜酸酸辣辣，蜂蜜芥末就唔似我哋食開嘅，佢係蜜糖加上芥辣，呢款我最鍾意，甜得嚟唔係死甜。配菜就叫咗大啡菇同埋黑松露薯條。啡菇有滿滿嘅炸蒜，食落脆脆地。加上龍蒿作點綴，唔係好重味，唔會搶過哂啲味。加上好juicy，咬落去啲汁爆哂出嚟，好正黑松露薯條係即炸，薯條熱辣辣好脆，加上黑松露蛋黃醬，送酒一流嘅小食仲叫咗兩杯飲品，long island tea同埋fresh lemonade,都屬於清新嘅味道，食完雞翼飲就啱哂啦見到有好多人都係食放題，下次等我嚟都叫放題先，食雞翼自由！…查看更多

今日同朋友行airside，就順便睇下有咩好食嘅餐廳，就俾我哋發現咗一間食健康餐嘅餐廳。呢一間係airside 8樓嘅house cafe係正gym room隔離，但係唔一定要做gym先食得嘅呢度主要係賣營養健康嘅食物，仲有新鮮果汁。同朋友就叫咗個煙三文魚三文治同埋三文魚湯飯可持續三文魚湯飯-$68呢度用嘅係可持續三文魚，顧及同尊重環境下捕嘅魚，支持環保保護海洋，食得安心又放心。而且用嘅係十穀飯，有咬口又健康，同埋個湯鹹鹹哋有少少鮮味，配合得好好煙三文魚三文治-$98三文治用嘅係全麥酸麵包，有煙三文魚，蕃茄，生菜同牛油果，每一啖都口感豐富，餡料好足，每一啖都食到料，好有飽腹感食完飯飲返杯咖啡，十分滿足隔離就係做gym嘅地方，食完過去做gym或者做完gym食下輕食都好方便…查看更多

今日去開土瓜灣，就約個frd食下飯打邊爐，佢就帶咗我嚟品記！枱與枱之間都幾闊落，就算人好多都唔會好迫，都坐得幾舒服五指毛桃文昌雞煲$228同朋友叫咗個雞煲，嚟到個湯底好清好香，問店員原來湯底係用五指毛桃海底椰同雞骨煲嘅，湯底清甜香濃，令人未食都想飲返幾啖先，呢個湯底會包埋半隻起骨嘅文昌雞追加半隻文昌雞$128由於我同朋友都係雞控，所以再另外追加咗半隻雞，都係起晒骨，仲有啲芹菜同蔥粒增加口感，好香口。餐廳仲有一個沙薑青檸嘅醬汁配埋，口感清新，出奇哋夾仲另外叫咗碟滑牛，新鮮嘅牛肉，雖然油花唔豐富，但係好有牛肉味，加上雞蛋口感嫩滑，唔錯唔錯下次會再嚟叫下其他菜品…查看更多

今日決定食好啲獎勵自己！Lunch time自己一個，行行下去到銅鑼灣皇冠假日酒店，見到有間型格扒房Carver, 3 course 前菜+主菜+甜品都係$268，好似幾抵食，環境又幾好就試下啦前菜我揀咗田園蔬菜沙律，裏面有八爪魚，薯仔，蕃茄，西蘭花，牛油果，係一個好健康好清新嘅配搭，作為前菜相當開胃。主菜就有唔同肉類選擇，而我呢個好鍾意食碳水嘅人就揀咗肉醬千層麵，肉醬味道適中，唔會話太酸太鹹，千層麵融入了羅勒粉，唔會好漏，個醬汁好豐富，每一條麵都可以吸收到醬料嘅精華，好入味甜品就揀咗意式奶凍，外表已經好精緻，佢有啲雜果同埋蜂蜜，甜度恰到好處，牛奶味濃，嗰個口感好獨特，作為一餐嘅完結非常完美佢除咗有lunch set之外，仲有dinner set ,價錢好實惠，喺酒店入面嚟講算係性價比好高，下次都會再來品嚐！…查看更多

同friend行開佐敦就想搵下有咩餐廳可以傾下計食下飯。就見到有一間叫amuse嘅餐廳，之前見過未有機會試，今日就試下啦環境好有工業風，好有feel，入面環境好寬敞好舒服，傾偈一流同frd叫咗德國咸豬手套餐，一個雞翼同漢堡黎到呢度就當然要試下餐廳招牌菜, 德國咸豬手, 即叫即做所以等待時間較長，但係值得嘅，佢外皮好脆, 啖啖肉但唔會話好鞋, 份量都好多下, 3個人都夠食以為唔夠食, 仲叫左一個迷你漢堡, 有3個同埋薯格,手掌咁迷你, 都唔會話好大負擔, 細細個, share都唔錯再叫左個雞翼, 有大份同細份, 一次過可以食到3款口味, 有水牛城,蜜糖芥末同威士忌燒烤味, 大大隻啖啖肉, 對我黎講, 我覺得水牛城幾好食, 辣辣地好惹味, 威士忌好特別, 口感香脆, 重口味人士一定好鍾意叫咗兩杯嘢飲，醉檸茶, 平時都鍾意飲下cocktail既我, 覺得呢杯都唔錯, 檸茶加少少酒味, 有啲似long island, 但味道就再港式少少, 我覺得都唔錯, 酒味比較少總結呢間餐廳傾偈聚會一流，係深水埗同佐敦都有分店呢家仲做緊promotion, 逢星期日至四 4 - 8PM嚟食，Follow 佢哋社交平台 就有指定食品半價。另外就係豬手，即送兩杯醉檸茶，快啲嚟試下香港特色啦…查看更多

今日係觀塘放工，就諗住周圍睇下係附近覓食，然後行到去電訊數碼大樓個度見到有一間叫做新齋橋嘅餐廳就諗住試下。呢間佔據咗成個一樓，好大，劃分咗兩部分，一邊燒肉，一邊食壽司定食同涮涮鍋，咁熱嘅天氣，我就揀咗食壽司定食佢呢度嘅定價相當之扺食，午市嘅話50以內都有交易，而今日我就叫咗個吉列大盛定食同埋壽司10件定食上壽司10貫定食-$138呢個價錢都冇咩可以挑剔，份量好足，魚生都幾新鮮，魚類唔腥爽口，飛魚籽滿滿，放入口後，每一粒嘅鮮甜逐粒逐粒爆係口中，感覺好有趣，仲有湯同蛋同沙律，食完好滿足吉列大盛定食-$158有一塊大大嘅豬扒同一件炸蠔同炸蝦，豬扒厚身，食落仲好juicy 唔會話好鞋。炸物都唔厚粉，加埋旁邊嘅菜，好解膩總結呢一間餐廳坐得舒服，嘢食扺食，性價比好高，可以嚟試下…查看更多

今日去開筲箕灣約人食飯，諗緊除咗東大街有咩好食嘅地方，咁啱見到有間叫Dirty skillet嘅餐廳幾靚就入咗去試下。佢嘅裝修好有森林風，偏向大自然，有旋轉木馬同花花草草，打卡一流。原來呢間餐廳唔止lunch同dinner，星期六仲有brunch添。今日同友人就叫咗一個煙三文魚黑松露炒蛋及牛油果醬法包同手切美國板腱牛肉蕃茄米通粉法包有兩件大大塊，好脆口，加上咸香嘅煙三文魚同黑松露炒蛋，每一啖都有好豐富嘅口感同味道，作為brunch唔會太多，份量剛剛好仲叫咗個梳乎釐甜品，唔會話太甜太漏，味道剛好，郁郁下，玩得又食得，個擺盤都好靚，好有儀式感，不錯不錯另一個蕃茄通味道濃郁，米通粉好似米一樣，食落口感特別，牛肉好冧，好易咬得開，好有驚喜…查看更多

之前經過觀塘都會成日見到呢一間餐廳，見到佢啲位都幾靚，食物都好似幾吸引，今日放工就同朋友嚟試吓佢有室外座位同室內嘅座位，室內仲有一啲打卡位，偏向叢林風同朋友就叫咗一個雜錦海鮮沙律，一個小食一個意粉同兩杯嘢飲雜錦海鮮沙律有帆立貝魷魚同埋大蝦，海鮮都好新鮮，唔會有雪藏味，沙律菜，加上橄欖油同埋黑醋，味道好開胃南瓜湯配自製香草麵包香草麵包好軟熟，唔會好似其他地方好硬，好香香茅蒜香泰式炸雞翼呢一個炸物好出色，外脆內嫩，入面仲好多汁，表皮有少少香茅嘅味道，再點埋一個好似蜜糖芥茉嘅醬，好好食香濃蟹膏雙色意大利麵配手拆松葉蟹肉刺身帶子呢個意粉睇落已經好吸引，再加上好濃嘅蟹膏味，每一啖意粉都好香海鮮味，佢係普通嘅意大利麵加上墨魚汁意大利麵，每一啖都好惹味好掛汁嘢飲就嗌咗一杯凍朱古力同埋Ocean Paradise，凍朱古力好濃郁，唔會死甜，另一杯波子味汽水梳打，顏色好靚，好適合打卡總結嚟講，呢一度好舒服好寧靜，如果有朋友想嚟呢度聚會傾吓偈，都係一個唔錯嘅選擇…查看更多