維他命小姐的個人專頁

大年初三見呢間冇人排隊，於是同朋友入去試吓，原本想嗌一個慢煮頂級牛肉盛丼同慢煮黑豚盛丼，點知店員話冇晒豚肉，於是轉左嗌海膽牡丹蝦雜錦刺身丼($158)一陣店員又話冇晒油甘魚，將油甘魚轉做吞拿魚得唔得，咁我都ok啦點知個刺身丼係以下咁樣嘅，盛惠158蚊未出之前，仲聽到話冇晒三文魚事實上，大半個Menu嘅嘢都賣曬，小食一兩款可以揀，選擇一啲都唔多，明知大年初三好多舖頭都唔開，理應被更多嘅課準備更多嘅客人嚟幫襯，只能夠話呢個刺身丼一啲都唔值$158，冇下次…查看更多

我同朋友兩個人分別點左頂級美國肥牛船湯金邊粉同雞髀肉冬陰公湯金邊粉，仲有一碟泰式鳳爪同一碟生菜配秘制腐乳醬，一杯泰式蝶豆花特飲同青檸梳打。食物頂級美國肥牛金邊粉個湯底ok，但係啲肥牛質素一般，𡁻極都唔爛。雞髀肉冬陰公湯金邊粉同泰式鳳爪就冇乜特別生菜配秘制腐乳，個人覺得個腐乳稍甜。態度話說點解話職員態度差，係因為我地臨走既時候我地問個女職員想要2個蓋蓋返好2杯野飲(本身係膠杯盛載)，然後另一個男職員就代女職員拎個膠蓋，並只係拎左一個，然後女職員同返佢講係兩個，男職員個樣係非常不滿咁講(下? 2個？)，然後先俾2個我地。起初都不以為意，但原來佢地個膠蓋仲硬過個膠杯，蓋好左杯青檸梳打之後，第二杯想用力蓋好果下，個膠杯側就裂開左一個口，入面既飲料好自然瀉左岀黎，個男職員見到呢個狀況，唔選擇幫手之餘，仲擰頭話”做咩啊？倒瀉野啊？” “你唔洗理架喇我地一陣間會執”然後先私私然俾幾張抹手紙巾俾我(我成對大髀連鞋濕曬)，最後我同朋友抹完一輪都無一個職員關心我地既情況。我此前仲黎食過一次，覺得唔錯先再黎食，估唔到今日我所受既服務態度咁樣，我實在唔推薦呢間野俾大家。…查看更多