shtam80的個人專頁

今日晏晝去咗呢度飲茶，叫咗四個點心加一個甜品，個甜品等咗45分鐘都冇到，我哋態度好好，前後追咗三次，一直心諗，個甜品係凍糕，冇理由咁耐，唔知係咪漏咗單，最後開返落order個Apps睇下等咗幾耐，點知發現個甜品被mark已取消，立即搵個侍應問吓，佢睇住個總數話有寫價錢咪有囉，咁「已取消」三個字係咩玩法？轉頭個經理行過，解釋話個甜品無咗，所以取消。我哋由落order到最終投降走人，足足超過一個鐘，個甜品到底幾時冇咗？全個餐廳冇人知？前枱同廚房無溝通？有咩可能要等個客追超過20分鐘先至突然取消個客個order，個客唔問好似冇事發生咁，我哋問佢點解咁耐冇人通知我哋冇咗個甜品，個經理竟然答：「我而家先知咋喎」。呢啲係乜嘢服務態度？終於明白點解啲人咁鍾意返大陸食嘢。一直覺得呢間餐廳幾好食，由佢開張至今都支持咗好耐，點知越做越差，真係冇下次!…查看更多

今日午餐一早網上預訂咗個鱈魚柳龍蝦汁焗飯加無糖可樂，諗住可以食廣告介紹嘅大大條魚柳，點知等成半個鐘先出餐唔在講，返到公司開盒，大大條魚柳消失於空氣之中。可能大家樂覺得我要減肥，所以唔出魚柳，不過蕃茄焗飯值$56？😡😡😡…查看更多

由於常回味近公司，所以我經常都會幫襯，它的米線及常餐是十分不錯的。今日發現出了新的飯餐，因此立即試試，但竟然發現中學時期的「螢光汁」重現人間。今日叫了洋蔥汁雞排司華力腸飯，雞排煎得算外脆內軟，司華力腸亦不過不失，但最大問題係個汁。唔知係咪真係太少食洋蔥汁飯，點解個汁會係螢光橙色，而且重「杰」過D忌廉湯，實不相瞞，真係唔係好食得落，下次都係食返佢D常餐算啦。…查看更多

由於朋友的生日，所以去了這間之前去還覺得不錯的餐廳，今次再去，印象仍然是不錯。餐廳開早上11:45，我跟朋友約11:20已到達，由於仍未到可進入的時間，侍應很禮貌地請我們在門口的椅子先坐一會，約11:45侍應便有禮地請我們進內。GREEN由11:45至14:30採semi-buffet的形式，前菜、沙律、湯及甜品是自取的。至於主菜則是四選一，我選了煙肉魚卷，而朋友選了牛仔肉。我覺得兩者味道皆不錯，魚卷十分滑，但如味道濃一點會更加好。侍應推介朋友的牛仔肉要五成熟，果然十分好味，而且不會太老，正！不過始終隔離飯香，隔離檯的龍蝦蕃茄長通粉好似更加好味，下次必選。不過無論前菜、沙律、湯及主菜如何好味，最出色的仍然是租品，GREEN的甜品有一半是放在餐檯上任選，每一件皆是一口的大小，方便進食，另外有一半則放在櫃內，必須由專人協助才能取到。餐檯上的甜品首推檸檬花花餅，清甜香脆再加少少酸，如果之前不是食得太飽，相信我可以一次食10支。哈哈。另一回本之作是櫃內的甜品，外賣一件要$58，如果肚子仍有空間，食兩件已回本，而且每件都十分精美，又怎可錯過呢。今次我選了紅桑子千層蛋糕，而朋友選了朱古力蛋糕，兩件都好味，不過最難忘的仍是上次食過的抺荼千層蛋糕，不可不試。當然當然，還有侍應於於每一檯推介的榴槤芝士撻，榴槤迷必食啊。GREEN絕對係必食推介，如果想在舒適的環境內進食優質的食物，亦不介意間中食貴一點點，可以考慮一下。而且理工的學生或畢業生皆有Discount，可以考慮啊，而我是必定會再去的。…查看更多