kkkid15的個人專頁

之前成日見排隊，尋日經過無乜人就入去試下。先點左花膠雞再可以技烤魚或雞煲再打邊爐。款式選擇多，仲任飲啤酒汽水。個人覺得好抵！不過略嫌湯底唔夠濃，如果再濃味d就perfect!…查看更多

係富利架𨋢見到新開張廣告就試下，叫左碗麻辣魚米線。黎到有少少嚇親，太細碗，兒童餐咁，食到一半先記得影相（牙籤筒比你做對比）。同區同價米線份量起碼大一倍，呢度仲要上樓，如果唔改善下，估計有好多人有同感。不過味道其實唔錯，而且小辣已經好辣。我見其他人通常食雞。…查看更多

好耐無食過龍華，同朋友一齊再試下。可惜不復當年，乳鴿$98但睇相都見到火侯未夠，失敗。其他菜式都係普通到唔普通，得個骨都粥係好少少。去到純粹食裝修情懷，想食味道就唔使考慮，人均$400，cp值低。…查看更多

朋友海外歸來想食buffet，隨便揾左呢間試下。由於好耐無食自助餐，所以去到已經好吸引，中西日法應有盡有。冷盤種類正常，唔算多又唔算少，lobster 正如大家所講，只限一隻，如果任食相信cp值更高，一般人都唔會食到好多隻。意粉即煮，材料醬汁自選。甜品都有好多選擇，所以整體我覺得好唔錯。…查看更多

一班朋友見新開，一齊試下。係大型屋苑兼單車徑旁，非常易揾。乜都叫下，又叫下佢d signature 咁。首推馬刀貝，好大隻加好鮮味。鬼佬雲吞，好食加唔係周圍有。牛扒好好食。其他pizza pasta 都係有水準之作。…查看更多

十一點零見其他舖未開門，見呢間一個丼最平$59，貪得意試下。叫左一個三文魚鯛魚吞拿魚丼加三件單點壽司。明明坐bar頭，整好左都要自己去攞🤷🏻‍♂️見到個set，呆左，細碗到呢，以為叫左兒童餐，幾片魚加一㗳仔飯。細都唔緊要，無味兼難食。千其唔好試，樓上樓下加附近大把選擇，等執算把啦！…查看更多

去開元朗唔知食乜好一於試下聞名已久既勝利牛丸叫左碗牛丸河加色牛丸我覺得幾唔錯，彈牙有牛味但碗湯河我唔知食緊乜色濃而且淡而無味，仲要勁少湯外賣牛丸可以，坐低就三思…查看更多

見新開試下，叫左碗炸豬腩麵。黎到賣相好唔錯。職員無介紹點食，但感覺似沾麵，於是將麵放進湯沾一下。umm,湯唔稀唔傑，未能做到沾麵效果，而且味淡。湯味就係雲吞麵既大地魚味。食起黎感覺好奇怪，又係沾麵又唔係伴麵，日式賣相中式感覺。定位未明，感覺要加加油改下餐牌。祝君好運值得一讚係炸豬肉炸得好香脆～…查看更多

係APM行左陣唔知食乜好，見food court 有一間食拉麵50零蚊，咁不如入舖食。叫左碗沾麵，店員叫我睇熱，仲心諗會好熱，點知只係暖暖地。温度沾麵黎講唔合格。落order前問店員有無熱湯，諗住用黎溝淡番個沾麵食，點知店員唔知係乜。但間舖明明sell沾麵🙃塊肉係幾好，其他真係好普通。…查看更多

平日有88折，不過我星期五食就無。正常叫左壽司，天婦羅，串燒。壽司飯唔錯，上面件刺身就一般。天婦羅同串燒都唔錯。粉厚薄正常，燒牛舌夠厚身。叫左杯生啤，埋單六百蚊兩個人，性價比一般。…查看更多

見呢排咁Hit , 咁岩同個 fd 去試試。6.00點鐘唔使排。叫左肉骨茶，喇沙，串燒咁。肉骨茶正常，不過唔太濃。喇沙完全唔掂，個湯d味有d奇怪，米線好淋。餐飯唔算貴，埋單$300。略嫌名過其實。…查看更多

一行四人求其食，但被安排2樓一角落，估計為做多點生意强加的，因此冷氣不足有點焗。點了幾款小菜，不過不失。A菜有點老，苦味重，生腸和欖角骨不錯。埋單一千左右，性價比一般。…查看更多

大角咀新開邊爐，咁岩一班人試試。特色係個爐度，有個遙控俾你升起個鍋，保証唔會淥完唔見左野。新張期間送碟肥牛，送既所以真係好一般。點左個海鮮湯底$298，材料算豐富，有蝦蟹大蜆沙白貴妃蚌扇貝等。環境就一般，好似係屋企打邊爐咁。…查看更多

尖沙咀食個lunch好難揾位，呢度就幾好，百零蚊但通常有位。叫左個春雞套餐試下，醬汁一流，但略嫌雞皮唔脆。即場register個會員仲送一支craft beer！服務環境食物算唔錯！…查看更多

有朋友搞party book左大張保，咁就俾我可以上船體驗下。船上環境一流，裏裏外外充滿中國風，就連洗手間都睇到花左心思設計。服務一流，我地book buffet, 食物種類唔多但野食算合格！…查看更多