Leocheng020的個人專頁

九龍塘呢間simply life永遠都咁多人排隊原因可能係佢地永遠都唔趕人走，想係個到傾幾耐計都得，所以絕對係同朋友傾計既好地方。今次我同女友等左20分鐘先入到去。至於食物質素方面就普普通通啦 ，我點左呢個牛肉漢堡加薯條，d牛肉係好大塊，但味道冇咩特別，薯條夠哂辣同脆，入口好香，但我嫌分量太少了。…查看更多

韓迷女友帶完我食韓國燒肉，再帶我去食呢間韓式甜品，呢間甜品鋪唔算大，可以容納人數唔算多，餐牌有韓英中，我地點左兩樣野（都係女友點==）一個係烘烤蜂蜜豆蓉糕同成108蚊既蜜瓜冰，女友話係韓國食過好好味，所以一定要食，但試完後佢好失望，因為 佢話韓國d哈蜜瓜真係好甜，佢話呢間一d都唔甜，而且d冰食到底已經溶哂，好似冰水咁。反而個韓式多士都ok，好脆，但個哈蜜瓜冰108蚊真係唔值。…查看更多

意食拉面既我今次黎到係油麻地既橫綱，聽人講呢間野要等好耐，原因係又平又好食，咁我去到已經有心理準備，真係門口排哂隊，我地算早黎加平日本黎，等左15分鐘算好快，我地每人點左呢到最出名魚豚肉拉面，10分鐘左右就有得食，個蛋樂多蛋汁 唔會好漏，湯底加左鰹魚粉，湯底入面有紫菜，木耳同荀味道鮮同好濃，我自已幾鐘意，但朋友都係鐘意豬軟骨，叉燒都好香。72蚊一碗有咁既質素真係好抵！…查看更多

個排咁凍，一大班人食飯緊係最好去打邊爐，朋友就介紹呢間係旺角咁有特色既火鍋店，老闆將間鋪頭裝修到好似一個街市咁，仲可以模擬下去街市檔買野食，真係有活生生既田雞係個到，幾有特色，平時打邊爐都係叫雞湯，呢到就好唔同，有原隻雞花膠湯底，雖然貴多d，但落足料，非常好飲，又好想要黎撈飯食啦，我地點左好多野，d海鮮好新鮮，叫左好多蝦，元貝，鮑魚。亦都點左唔少肥牛，即叫即切，但埋單都真係幾貴，350左右一個人。…查看更多

有時假日下午茶唔知食咩好，我都會去東港城買下小食，其中日船係我最愛，日船冇記錯應該係台灣而唔係日本既，而對比起日本同台灣既章魚燒我鐘意台灣好多，原因係之前係大阪食左幾次街頭章魚燒好冧，一咬落去成舊爛哂之餘仲要痴埋一舊，用牙籤好難吉黎食，個陣食完我仲好掛住香港的日船。一盒六粒小丸子要18蚊，如果套餐就加野飲23-30蚊左右，我今次就點左珍珠奶茶加一盒小丸子做下午茶，小丸子既汁分別係照燒汁，蛋黃沙津牆，芥辣醬等，有哂三種醬都就已經好好味，加上日船小丸子外皮夠脆，咬落去都唔會一舊爛哂，而杯珍珠奶茶我嫌佢過甜了。…查看更多

食糖水我都係鐘意食比較傳統的，今次黎到天后區都算出名晚甜品鋪阿妹糖水，裝修比較簡單同好有懷舊感，有傳統感覺，令人覺得好有親切感，而且入面d sfaff 都好好人同nice，我點左店入面最出名既窩夫，有好多唔同味，我叫左蘋果玉桂窩夫，d人話好甜，但我覺己就覺得ok，蘋果肉冧冧地，個人覺得硬返d會好d，窩夫煮得都好鬆脆，有四塊夠哂食，整體黎講算幾好！…查看更多

同一個好耐冇見既中學同學出黎食飯，佢就提議食壽司，咁連鎖壽司店我諗間間都差唔多，所以我地搵左個中間點去tst，去左峰壽司，我地8點到，等左10分鐘有位，都算快，可能兩個人啦。同其仔連鎖壽司鋪一樣轉哂用平板電腦點餐，都好方便。試左佢個賣相幾特別既峰玉子，但麻麻地，冇咩蛋味，都幾甜同滑，反而魚生都好新鮮，個蝦亦好甜美，其他壽司都唔算有咩特別，都係差唔多，咁既價錢黎講其實都算唔錯！…查看更多

平時只係食burgeking，黎到食漢堡鼎鼎大名既burgeroom，裝修好美國化，環境都幾舒服幾溫暖，一坐底就點左最出名既鵝肝牛肉漢堡，我單要層就夠啦，雙層好似太over了，另外加左個厚切薯條，因為係即點即整，所以等左15分鐘先有得食，d鵝肝煎得好香，未食已經聞到，而且仲滲入牛肉到，但有少少油，不過又好夾，有雙重享受，生菜都好爽口，個薯條就一定要襯熱食，就算唔點茄汁都好好味，好香脆。…查看更多

又去屯門搵朋友了，食完晚餐黎，朋友話揸車帶我地去食元朗好出名既b仔涼粉，嘩，去到好多人排隊，我地3個人，等左20分鐘啦，我地點左最出名雞翼尖同大大兜雜果涼粉，仲有芒果糯米磁同榴蓮班戟。先講個雞翼尖，食落去好軟，唔會好似其他鋪咁硬，而且個汁都幾特別，好想要黎撈飯食，亦都好好咬，真係夠哂辣，對於好鐘意食辣既我黎講非常正。而個芒果糯米磁好甜，但好香，食落口好冰凍，雜果涼粉夠哂大，好足料三個人食岩岩好，生果都好新鮮，但我唔食榴蓮所以唔個個班戟好唔好味，但見朋友都食得幾開心，山長水遠入黎食都值得！…查看更多

今日lunch同同事又去威靈頓街搵野食，經過豚王竟然冇人？同朋友即係衝入去食，鐘意食拉面既我只食過一蘭同一風堂，豚王真係未識過，今次終於有機會啦，鋪面唔大，坐起黎都幾逼，應該正係可以坐到1x人，鐘意食辣既我點左赤王，辣度3，太面硬度普通，朋友就點左比較重口味既黑王。赤王先試左個湯底，湯濃唔算真係好辣，最重要係辣冇蓋過濃湯，而且感覺辛多過辣。老實講，我覺得豚王好味過一蘭，可能對岩我口味啦。朋友個黑王超大陣蒜味，佢仲飲哂個墨魚汁湯底，但佢食完之後個口好大陣味呀，哈哈，果然重口味。…查看更多

女友係韓迷，拉左我黎食呢間韓燒烤肉，原因係入面d waiter都係韓仔，比佢激死。入到去間野好大，空間感好寬，同以為要逼埋一齊食既韓燒好唔同。我地點左好多唔同既肉，護心肉，五花腩，豬頸肉，個人覺得招牌護心肉真係超好食，唔會好油又唔un，一塊仲好厚，而倒係爐邊既蛋漿同芝士粟米，要黎配肉食，口感更加正，但可惜只可以refill一次，個人覺得好唔夠。另外我覺己鐘意食飯，所以點左個白飯撈黎食。而令我最滿意係韓國人認真既服務態度，好好笑容，唔會黑面，有時候仲會走過黎幫我地燒埋，咁既服務態度真係可以係香港邊到搵？…查看更多

星期日係family day,好耐冇同屋企人一齊飲茶啦,係樓下屋村間茶樓真係唔太好食,所以我地行遠少少去左東港城中價位既潮人飯堂,星期日好多人,我負責等位,屋企人就去行陣街先,等左差唔多30分鐘,我地四個人,點左好多唔同點心,價錢係比一般茶樓貴d,但最緊要食物質素ok.佢個茶壼都幾特別,蠟燭加滾水,另加一個茶壺,等d水唔會凍,要講一講係個蝦蛟同香煎韮菜角.個蝦蛟非常好味,蝦甜夠彈牙,皮薄而個韮菜角煎得非常香口,仲好脆,值得推介!最唔滿意係個蛋撻凍冰冰唔好味.…查看更多

香港周圍都有唔少cafe,所以要與別不周，每間cafe都要有佢自己既特色,呢間tc2 cafe就係以文藝feel為主調,入面d佈置都係一d畫或者照片.推開桃木色既木門,一眼望過去入面環境唔大,但原來有兩層,不過我同女友兩個人坐門口,有少少逼,因為好多人出出入入,聽女友講呢到個餐牌成日轉（佢成日黎,所以今次佢特登帶我黎試下）,今日個餐牌都有6個set，平均一個set，150-200左右,特覺得可以接受，我點左蘇羊架配意粉，女友點左焗牛仔肉配薯菜，前菜我地都係吞拿魚雜菜沙津,湯就係菠菜忌廉湯.我幾鐘意個沙律,菜好 fresh,好爽口，分量都岩岩好.而湯就好冇咩味.個人唔太鐘意.過左15分鐘先有主菜上,聽女友講因為呢到好似得一個大廚一腳踢,所以比較慢.不過我無咩所謂,個羊架唔太大舊,冇咩羶味,個意粉唔會太硬,係我鐘意既軟度,女友個牛仔肉食落口好似有d硬.但女友點個花茶都幾特別,好香.雖然食物唔算太好味,但場內環境周服務態度都值呢個價錢.…查看更多

Zuma一直知道食日式料理好出名,但價錢真係好貴,所以今次就去飲野算,我同朋友食完飯9點30左右到,本身仲話驚冇位,點知上到去仲好多空位剩,特地就坐左係bar台,先講下要境入面比一般酒吧感覺上高級好多,入面亦好大,幾乎都係外國人.而且仲有注場dj係到,好似係個法國混血兒,都幾高大同型,最重要係佢mix d歌幾好聽,酒既種類亦都好多,本meun分哂類比你睇,難得黎到更係揀d特別d先,我點左個煙燻酒,smoked japanese whiskey sour,160蚊一杯,幾易入口,煙勳味唔會好重,再混合檸檬同whiskey味好特別.最後亦都點多左杯sparkling.埋單每人300蚊左右.個晚因為冇咩人所以1：00左右就close.…查看更多

要係中環搵食,一定係去咸靈頓街,個到有唔同美食,今次就試左呢間芽菜越式料理,一早聽人講過呢間野好多人排隊,我同兩個朋友7點鐘開始排隊,期間朋友留左野要上返公司令,我陪佢上完去再落返黎等多5分鐘左右就有位,都ok快,因為我地一陣諗全去飲野,所以我地一人叫左碗粉同一碟素菜卷,我點左燒雞撈檬,朋友分別點左河內魚撈檬同蕃茄蟹湯檬.我個燒雞檬唔錯,係有少少濃,食落去d雞肉都會好un.d檬粉同平時係越棧食個d唔同,更加爽口,隔離個同事係咁讚個蕃茄湯好飲,d湯好湯味,而個素菜卷冇咩特別,入口有陣陣薄荷味,我地冇叫野飲,最最平均每人埋單80蚊左右,晚市黎講唔貴.…查看更多