kittywong23的個人專頁

我相信好多人講起沙嗲王一定唔陌生，係好出名嘅連鎖店之一。同埋講起沙嗲王，第一個時間你會諗起啲咩？我會諗起白咖喱香茅豬扒飯，今日一起身就諗起佢，好耐冇食過，好彩附近有一間沙嗲王。同以往嘅味道差唔多，有大量嘅汁俾你與白飯攪勻，食起上來好開胃，對女生應該份量十足，大食男就要加飯了。 味道：3/5賣相 ：3/5環境：2/5服務：4/5★® 價位- $：3/5…查看更多

屯門依間近幾年一直俾人追棒嘅米線舖，其實本人由細食到大，會經常食嘅一間餐廳，覺得佢比之前冇禁好味，現時嘅味道都好飄忽，唔知係咪多食嘅原因。今次叫左魚湯螺旋藻豬頸肉花枝丸米線，魚湯今日好濃郁，鮮甜，米線配上螺旋藻，絕配！可以問職員拎菜脯，暫時都免費，菜脯有少微辣，加後又是另一番風味。味道：3/5賣相 ：3/5環境：3/5服務：4/5★® 價位- $：3/5…查看更多

🐝🐝🐝快樂蜂🐝🐝🐝🐝 平時食得m記同kfc多，都開始嫌，不如得閒試下快樂蜂。快樂蜂顧客比例最多一定係菲傭姐姐，但我食完呢餐都明白點解姐姐們禁喜愛快樂蜂。快樂蜂嘅炸雞，皮脆肉嫩，食嘅時候，啲雞汁會流落隻手度，所以每間快樂蜂，就算冇廁所，都一定有得俾人洗手。今期仲新出左個紫薯批，味道不錯，但個人認為m記芋頭批更出色！價錢便宜，跟餐只需加10蚊，可以trytry。味道：3/5賣相 ：3/5環境：3/5服務：3/5★® 價位- $：4/5…查看更多

今日去深水埗買電話卡，行到攰攰地，想揾間港式口味嘅餐廳，食下嘢同坐下，見到呢間由1968年係舊舖搬去新舖，本土老牌餐廳，就決定trytry佢。港式蛋牛治烘底($24+1) 🥪有啲失望，冇諗過啲牛肉會有啲老，較為乾身，麵包烘底需要加一蚊，但未較脆口。瑞士雞髀($32)🍗瑞士汁雞髀有意外驚喜，雞髀好入味，味道偏甜，容易將肉與骨分離。沒有跟餐飲品🥤味道：3/5賣相 ：3/5環境：3/5服務：4/5★® 價位- $：3/5…查看更多

春嬌係屯門開第三間分店，仲係試業中，餐廳環夠細，但裝修簡樸，一眼就睇得出係一間越南餐廳🇻🇳▪️招牌春嬌火車頭 💰79 牛骨湯底 清甜不膩配料有生牛肉 牛腩 牛丸 仲有一條滑捋捋勁長嘅花膠 清甜但吸唔到牛湯味▪️香茅雞翼撈檬💰62配有青瓜🥒紅蘿蔔絲🥕蔥油🧄炸蒜，加上越南酸甜汁及魚露，好清新，十分適合熱辣辣嘅天氣，十分開胃。香茅雞翼炸到半脆，有三隻。▪️馬拉盞通菜💰60份量十足，十分惹味。晚市有加一服務費，沒有跟餐飲品，但第二杯半價。…查看更多

今日去左元朗覓食，平時見到好多人排隊，唔知係咪因為落雨所以人龍不見了🌧️🌧️，所以諗都冇諗就即刻入左去。沙嗲牛肉雪菜肉絲福面，沙嗲味重，個人覺得味道似沙茶醬，湯底係濃，食到最尾，味道相對重口味。另一碗係沙嗲牛肉雞扒蟹王麵，蟹王面相對福麵較淋，令麵更掛汁。仲叫了火腿奄列，雞蛋🍳煎到好香口，包住大量火腿，味道正常，沒有特別。味道：3/5賣相 ：3/5環境：4/5（店內有廁所提供🚽)服務：4/5★® 價位- $：4/5…查看更多

旺角又開新一間米線舖，米線愛好者，點會唔即刻去試一試？呢間嘢就係叫「春城銅窩米線」。見到好多食評都係銅窩米線，我就試另一個都主打嘅米線。蟲草花椰子雞米線 湯底呈奶白色，入口便有一啖濃濃嘅椰香味，配料有木耳、紅棗、蟲草花和已切件嘅雞。雞肉質鮮嫩，湯底並沒有一支藥材味。還叫了一碟爆漿紅糖糍粑，糍粑炸得內脆外軟，咬起上嚟煙煙韌韌，中間流出黑糖漿超滋味😋😋味道：3/5賣相 ：3/5環境：4/5服務：3/5★® 價位- $：4/5 …查看更多

位於輕鐵何福堂站，有一條食市街，想飲下啤酒啤啤佢，想坐得耐，係香港人一定會識得揀大排檔，今日我揀咗新金榮試試佢。叫咗九肚魚、啫啫雞煲和滷水雜錦，正常嘅味道，只食氣氛。…查看更多

蒙面部麵係其中一間排長龍嘅車仔麵，店內門口放置大量lotso，枱面亦放上老闆受專訪嘅文章，當中就能夠輕易知道此店必食是什麼。 老闆規定每碗車仔麵必須三餸起，我揀了辣味魷魚、韭菜餃、牛腩。 辣味魷魚令人胃口全開，辣度適合大部分人的程分。牛腩夠淋，但冇特別。韭菜餃，多料，不是鹼水皮(加分)，更能夠食到韭菜清甜的味道👅。下道菜是蜜汁叉燒，標榜用梅頭肉，個人覺得太奀，容易痴牙，但味道佳。個人認為菜式新鮮，店家係有心烹調，但覺得少吹捧了，及有少許昂貴。味道：3/5賣相 ：3/5環境：3/5服務：4/5★® 價位- $：3/5…查看更多

🏮大圍小館🏮小館係大圍我一直都想試，但一直都未有依個機會，佢終於係元朗開分店，當然我呢個新界人即刻去試啦。我電話預約唔到，唯有早啲去walk in，大概6點就到，好彩都唔算多人等。見枱與枱之間都闊落。與傳統酒樓一樣，服務員會提供水及飯前小食，飯後亦提供糖水享用。勾魂叉（$188）職員先在叉燒搽上特製菠蘿汁，然後即時用火槍再燒一燒，令到焦味更香。唔好睇佢禁少，每一件都好厚身，再黏埋啲米通一齊食，又另一番風味。薑味蒜香籠仔蒸蟹飯（$368）…查看更多

依間連鎖店有驚喜喔，晚市食飯竟然唔洗加一服務費，坐去又舒服，全部都係卡位，正！ 🐔亞參去骨海南雞飯 配雞香飯及清雞湯＄89招牌菜！份量都算多，肉質滑捋捋，雞香飯，食得出用香濃嘅雞煨煮，好入味！一啖飯一啖雞，不知不覺就食晒成碗飯。🐮馬來咖喱牛腩飯 $79又係開胃飯餸，牛腩煮得好淋，有香茶去除左牛so味，咖哩亦都有小小微辣，汁又夠多，用汁再配上牛腩，送飯一流！小食 $39/2 $49/3心大心細嘅人最適合有呢啲選擇，我最後揀左49蚊拼三種小食，開頭以為每款小食得2-3舊，黎到點知，原來真係跟翻原先嘅份量。🦐鳳尾蝦春卷相對其他小食，較為減分，蝦嘅大細較為細隻，好似食空氣。🍞斑斕咖央多士，切咗四份，牛油喺角落頭，亦未溶化，如果牛油位置喺中間，相對較好。🐽香烤豬肉串，外貌睇落去乾巴巴，但味道異想不到，好似食緊雞腿卷，好Juicy😋…查看更多

THE HIDEOUT 依間需要預約嘅打卡cafe shop, 可以在ig 餐廳連結🔗的網站預約，十分方便。餐廳主打環境，遠離煩囂，所以位置較郊，去之前記得噴蚊怕水！(餐廳有提供)對住湖邊聽住音樂來享受食物，好寫意，好有渡假feel,湖邊位置不設預留，先到先得。我用餐時間正中午，太陽🌞勁曬，室內位置亦滿，對住湖食係chill ，但個人爆汗💦，盡量避開中午前往，較為理心。avocado toast($130)牛油果蓉🥑配上新鮮車厘子🍒，面上亦有生洋蔥🧅，成件事好fresh，酸甜味，整體味道好好，素食者必試😋 味道：3/5賣相 ：3/5環境：4/5服務：3/5★® 價位- $：3/5…查看更多

我期待已久的《盤子工房》終於裝修完畢，由我中學食到依家，價錢合理，分量十分多，係我中學時期已經開始出名，依間餐廳係我嘅回憶殺。今日等唔切我男朋友，我自私去食左先啦，嘻嘻 環境同以往一樣門口及店內都擺滿店主悉心栽種嘅植物🌵🪴🪻以深色木系為主，十分舒服。裝修後，廚房較以往大，顧客亦可望到正在烹調食物嘅職員，聞到香噴噴的煙肉味、咖啡味，令客人增加肚餓感！ 今次自己一個人只可以叫一碟卡邦尼意粉，佢嘅口感同味道好特別，好creamy，成碟都係芝士碎，攪勻後，用意粉嘅熱力，將啲芝士溶化，再篤穿個温泉蛋，先令意粉嘅濕度剛好。意粉內有煙肉🥓蘑菇🍄‍🟫增加左不同嘅口感！正…查看更多

I don’t care cart noodles 係充滿香港情懷的一間車仔面，現又殺入觀塘，係觀塘打工仔嘅朋友，又多一個選擇啦，平時觀lunch hour 每間餐廳門外，都排長龍，車仔面點又少得，車仔面同茶記一樣翻枱速度快。裝修同其他分店一樣都係用摺檯摺凳，充滿着懷舊感，具有特色。今次我叫左河粉，瑞士雞翼，咖哩魷魚。湯底係牛腩汁同古法辣汁，辣度可以自由選擇，雞翼好入味，河粉算偏幼身，但唔係好容易碎。茶記奶茶 正常水準，茶味香濃，口感亦算滑身。…查看更多

成日經過旺角見到一間新開好多人排隊，主打炒飯嘅餐廳，今日終於去試下。裝修好有茶記嘅感覺，有卡位同圓枱，繁忙時段係需要同人搭枱。🔶蝦頭油炒飯 高水準嘅炒飯，飯粒粒分明，份量足夠兩個人亨用，有蝦頭、有好大粒嘅蠔，仲有櫻花蝦，食落好有鑊氣！不愧係必食推介🔶蜜桃鮮茄焗豬扒飯 坊間好多嘅焗豬都選擇用菠蘿，但金飯館用蜜桃🍑，令到酸甜剛好。🔶即炸三寶丸(沙嗲汁)$26 唔知係咪當日太多人叫，只食到兩款丸，第一款係墨魚丸，第二款係牛丸。牛丸相對較為出色，好重牛肉味，配搭秘製沙嗲汁，增加另一種風味。金飯館2.0 性價比高，選擇種類多，下次再光臨想嘗試刈包。…查看更多